الحياة مظلمه كالليل وانا قمرها

البارت السادس والعشرون

ما حبيت بس بعدين مليت ..
ولا دنيت الأعرف راح أبعدة ،

هذا أنة أذا حبيت ، حبيت
عكس ذاك العمر حنيتة مدة !
...........................

-بقلمي انا: رُسل آل تميم

روز: فزيت ع صوت الجدوره وهوسه كمت بملل

جانو كلهم كاعدين غسلت وطلعت يمهم

روز: السلام عليكم

الكل: وعليكم السلام اهلاََ واسهلاََ

ابو احمد: هلا بويه شلونج

روز: هلا عمو شلونك اخبارك

ابو احمد: نعمه الحمدلله اسأل عنج

روز: الحمدلله

سعاد: تعاي يمه حدري

رحت كعدت يم عمتي

احمد: شني انتي بطلتي؟

روز: لا ليش

احمد: عبالي بطلتي لأن مداومين صارلج هوايه

روز: مادري مالي خلك والله حتى الدوام ما رايدته وابطل احسلي

سعاد: احسلج يمه

روز: عمه لا تشجعيني واني حالياً مالي خلك حتى نفسي وابطل ههههه

كرار: بكيفج انتي تردين تبطلين لولا

روز: حجيت بجديه. ايي ابطل

ابو احمد: بيها الخير

بقيت اتعشه كملت وكمت غسلت ورجعت كعدت ع كرويته واكلب بلتلفون

بعدين رحت رحت للغرفه اخذت ملابس وفتت للحمام شويه بلكي جسمي يرتاح احس وجع بجسمي وبكلبي

سبحت وبدلت كعدت امشط بشعري واتذكر اهلي شلون امي جانت تمشطلي شعري

نزلت دمعه مني حاره كلشش مسحتها وكمت توضيت وصليت بقيت ع سجاده مثل ما علمتني قمر ابقه كاعده ادعي من كل كلبي وبخشوع واتوسل الرب العالمين

ان يقدملي كل الي بي الخير وهوا الي يختارلي الطريق الي امشي بي

ختمتها. اللهم ارحم واغفر اهلي وتغفر كل خطاياهم بحق محمد وآل محمد

لميت السجاده وابوس التربه تمددت ع فراش وبقيت صافنه بلسكف

أتذكر كلام شاهين اتذكر اهلي لو بيت عمي ومعاملتهم لو قمر الي كلشي مادري عنها

قاطع تفكيري من اندز مسج

" حضري روحج باجر جايين نخطب

شاهدتها وما جاوبت

وكلبي احسه يريد يطلع كد ما دك كلبي وبطني ورجفه اخذتني حرفياََ تبهذلت

الرساله هاي هزت كياني كُله

كاافيي روززز شبييجججج

اخذت نفس وزفرته اريد ارتاح وكلبي موتني ما كاعد يستقر