الحياة مظلمه كالليل وانا قمرها

البارت الواحد والأربعون

نفس كل يوم
احضر واهس لملكاك
وتتأخر واكول
يرتب بروحه. ؟

بقلمي انا: رُسل آل تميم

_ror.7m
حساب الانستا
....................

الدكتور: الحمدلله وضعه صار احسن بس نريد هدوء

حجه ابو فهد بفرح

ابو فهد: الحمدلله الف الحمدلله والشكر الحمد لله

ام فهد: يمهه وليدييي يمه فدوه اروحلك
يمههه الحمدلله والشكر نحمدك ونشكرك يا ابو غيمه الزركه

احس رجع الفرح الكلبي ورجعت روحي اخذت نفس براحه وكلت بداخلي

الحمدلله

نخبصو واحد يحضن الثاني وفرحانين الكل سكت لأن الدكتور طلب هلشي

قمر: اللهي دعيتك لا تفشلني وترجعني خايبه حلفتك بلحسين تكعد فهد وتشافي

بقيت ادعي انو يكعد ويرجع ويانه وكلساع احمد الله واشكره اخذت السبحه من عمتي وبقيت اردد

الحمدلله

الفجر رجعونه الولد لأن وضعه تمام

رجعنه للبيت الكل جان كاعد كلهه اجتي علينه يسألون ع فهد

سعاد: يمه الحمدلله الحمدلله صحته زينه الف الحمد لله والشكر

كلهه فرحت وفقو يستفسرون

عفتهم وصعدت فوك وامشي وجهي مبلل بلدموع

رحت غسلت فرشت السجاده وصليت الفجر وصليت صلاه شكر الرب العالمين

بقيت كاعده واحمد ربي واشكره

الحمدلله ياربي الشكر للـ الله

بقيت اسبح واعيد السبحه بذكر

الحـمــد الله

بست التربه

ورفعت ايدي ودعيت فهد يطلع عن قريب

جبت كتاب بي دعاء الكميل وبقيت كاعده واقرأ

كملت ونزلت جوه

بعدهم نفس الشي طلع الصبح والكل كاعد كالو فهد الضهر يطلع وتمام صحته

كاعده واردد

الحمدلله والشكر ياربي

كالو انو حسين راح الكربلاء لأن داعي الأمام العباس والحسين ( عليهم السلام)

سوينه ريوك للعالم تريكو وبدت العالم تكثر وكلهه اجتي

جنت كاعده يم عمتي وبيدي جاي وراسي ع كتف روز

حجت اخت فهد الجبيره

جميله: اكلج يمه فهد من يكعد بسلامه متزوجينه شني يبقه طول عمره هيج اتلوع سوده عليه

ام فهد: الله كريم يمه

كلبي رجف وايدي وكع الجاي عليه

سعاد: الله الله يمه ع كيفج