الحياة مظلمه كالليل وانا قمرها

البارت الثاني وثلاثون

فَرق بين الـ يحطلي
على الدرب عَثرات
وفَرق بين الـ عثر
وياي من أعثر

...........

بقلمي انا: رُسل آل تميم
......................

قمر: نزلنه اجه شاهين علينه تحاضنوا هوا وفهد واني واكفه

شاهين: شلونج خويه

قمر: هلا بيك الحمدلله انته شلونك

شاهين: الله يسلمج الحمدلله

دخلنه جوه واني ماريد افوت قبل فتره اتعاركت ويا ام شاهين وهسه جايه وحدي نوب حتى عمتي ماكو

دخل فهد للاستقبال واني للصاله

قمر: السلام عليكم

ام شاهين: وعليكم السلام هلا بيج يمه دخلي البيت بيتج

قمر: تفاجأت من تصرفها شعجب. تسلمين حبيبتي

ام شاهين: تعاي يمه زهراء

كعدت يمها واجتي زهراء

زهراء: السلام عليكم

قمر: كمت الها حتى اسلم عليها. وعليكم السلام

ام شاهين: سوي جاي اجه ابن عمج علينه

زهراء: فهددد؟

ام شاهين: ايي يمه

ابتسمت وراحت

ورا شويه جابت جاي وكالت

زهراء: راح اروح يم فهد اكعد اعذروني

ام شاهين: ابن عمج هوا مابيها شي

راحت واحس متت بقيت بس اباوع ع باب الاستقبال وصوت ضحكها وين واصل احسني فررتتت

ام شاهين: شعجب ما صار عدكم شي

قمر: بيد الله هلشي

ام شاهين: ونعم بالله بس غير تراجعون شي جا هيج يجي كوم يا عبدي واعينك واكعد واهينك

قمر: استغفر الله شنو اهينك. مسلميها بيد الله هذا الشي

شاهين: يمهه وينجججج

راحت الشاهين وبقيت وحدي كاعده اصفن

اسمع صوت شاهين يحجي بهمس وامه هم تحجي بهمس

بعدين راحت ام شاهين للاستقبال صاحت زهراء

زهراء: شبيج يمهه غير ابن عمي

ام شاهين: شاهين بقه يحجي يكول خلتطلع فضحتنه بصوت ضحكها

زهراء: اهووو اجه المعقد

ام شاهين: سدي حلكج لا يسمعج

اجني كعدن وزهراء رافعه حاجبها عليه ما عاجبها دقتني

زهراء: داومتي

قمر: ايي داومت نوب فهد كال خاف يصير عندج حمل وتعبين ف من هسه تركتها