الحياة مظلمه كالليل وانا قمرها

البارت الرابع والخمسون

بقلمي انا: رُســل آل تميم

اللهم صلي على محمد وال محمد

لا تنسون التصويت والتعليق بين الفقرات

_ror.7m حساب الانستا
.......

شاهين: تريد تزوج يابه تريد تزوج

هز راسه شاهين وطلع وركع الباب كعد ابو شاهين وايده ع راسه

رحت جبت اله حبايه مال وجع راس وانطيته جاي ولميت الكزاز ونظفت المكان وعقلي مشغول

صار الليل وشاهين ماكو
وبديت اقلق علي

نزلت جوه البيت هدوء مابي صوت

ابو شاهين طالع ما موجود وشاهين هم رحت الغرفه زهراء وشاهين محذرني ما ادخل يمها ابد

لكيتها كاعده ولامه رجليها الصدرها وتهز بروحها

زهراء: شتردين

روز: لأن محد هنا وضوجه اجيت عليج حتى نكعد بلحديقه

زهراء: واذا اجه شاهين

روز: لا ميجي

هزت راسها وطلعت وياي تمشي وتباوع ع بيت وعيونها تلمع بلدموع

كعدنه بلحديقه اثنينه ساكتين ماعدنه موضوع كسرت الهدوء من كلت

روز: اكلج زهراء انتي شفتي الولد خطيبج عجبج لولا

هزت راسها وسكتت وتمددت وراسها ع سمه تباوع ع نجوم ودموعها تنزل

روز: كافي تبجين الحمدلله عرفتي الناس وتعلمتي من الغلط

هزت راسها ومسحت دموعها ونفتح باب الشارع دخل شاهين ومن شافنه كعد حواجبه ويخوزر بيه تقرب بسرعه للحديقه وحجه
وهوه يباوع عليه

شاهين: شكايل انا

توترت بلكوه احجي

روز: مو شوف لأن شسمه لأن ضوجه محد بلبيت كلت..

بعدني ما مكمله عاط بيه وهوه يخزرني

شاهين: ااااشششششش ادمرنه ادمر بيتنه بسببههااااا امشيييي اصعدييي فوككك اذا نزلتي رجلج اكسرها بعدين احسابي وياج

صعدت فوك بسرعه ودموعي تنزل وامسح بيهن

اني اصعد ع درج شفت زهراء رجعت للغرفه تمشي بدون روح دخلت وسدت الباب

كملت طريقي صعدت فوك وركعت الباب

لزمت بطني صار عندي ألم غلست ورحت ع جربايه تمددت وبقيت ابجي

نفتح الباب وركع بصوت عالي

شاهين: عود انتي تعانديني

روز: لا والله بس ضوجه محد بلبيت

حجيتها وبجيت

شاهين: ع شنو تبجين فهميني

عطت بي