" ليتني عرفتك بأول العمر بدري "

الجزء الثاني

مرحبا الساع شحالكم طبعا خليتكم تستانسون في اجواء العين الجميله وانا وياكم ومبروك علينا الرحمه والحين يلا نكمل 🤣🤣

البارت الثاني
الأحداث السابقه
اليده : بنات قومن غدن حامزات شلن الفواله برا بنتيلس برا الجو فنان
البنات : انشاءالله
وراحن المطبخ و طلعن الجوله و الاغراض و الشوي و بيسون ها كله برا والبنات سوو ترتيب فنان و اليده عيبها تعبن عليه صدق
سيف و منصور يالسين يسولفون وداقين سوالف
والأمهات بعد و ميروه وروضوه يالسات يسون كرك و هوت جوكليت
منصور : رويض سويلي حوت جوكلت
سيف : وانا بعد روضه
طبعا عايلتهم عادي سوالف ويا الكزنز
روضه : انشاءالله
وميره تسوي الكرك لانه فنان مالها
و ام هزاع و ام سعيد نشن يخبزن خبز رقاق واليده يالسه تشرف عليهم عاد هي البوس لازم تحط لمساتها
البنات و الشباب يالسين شوي بعيد عن الاهل طبعا عيال عمهم يو الثانين بقولكم عن عايلتهم

عايله بو راشد ( بطي) : عمره 48
وحرمته ام راشد ( نوره): عمرها 48
عيالهم :
شيخه : عمرها 18
راشد : 16

نرجع للواقع
ميره : شو رايكم نلعب لعبه ؟
كلهم : يالله
منصور : شو العبه
ميره : ماعرف شو تبون
روضه : جراءه و سؤال
ميره : كلكم تبونها ؟
كلهم : عادي يالله
طلع ميره تسئل راشد
ميره : راشد جراءه ولا سؤال
راشد : سؤال مافيني أقوم
ميره : اوكيه في مره حبيت فحياتك
راشد توتر: لا
ميره : جذاب طع ويهك
راشد: ياربيه هي حبيت ولين الحين
ميره : اوف بعد يعترف
راشد : تراج قلتي سؤال وانا جاوبت في كل صدق
ميره : كفو عليك
وبعدين طلع سيف يسئل روضه
سيف : سؤال ولإ جراءه
روضه : سؤال
سيف: لا ياخي نبا جراءه كلكم اسئله
روضه : خلاص اوكيه جراءه
سيف : اباج تدقين على كنتاكي وتقولين لهم عندكم chicken wings واذا قالو هيه قولي عيل ماطرت
روضه : ههههه تبا تمشكلني انته
سيف : نبا نضحك يلا دقي
روضه : اوكيه ، اوه صح اممم منصورررر ( وهي تتدلع )
منصور: من المنصوررر ( يقلدها وهي تتدلع) عرفت انه ماعندج رصيد فشلتينا امس ابوي محوللج اندوج تليفوني دقي
روضه : يا فاهمني المهم يلا , ودقت روضه
الحرمه : اتفضلي يا فندم كيف ممكن أساعدك
روضه : لو سمحتي عندكم chicken wings
الحرمه : ايوا البافلو معا عضام ولا بدون
روضه : أنا طلبت منكم بس ماطرت
الحرمه : ايه سوري يا فندم مش فهماك
وسكرت روضه ونقعووووو ضحك عليها
ميره انسدحت وهي تضحك ميته ضحك : اهخخخخخ بصيححح اونا مش فهماك
شيخه : بطنيييي اهخخخخ
منصور : خيبه طع كيف يضحكن
سيف : مستخفات
هدن البنات
ميره : يلا نكمل
منصور : لا والله حلفي عقب ماشبعتن ضحك تبن تكملن
البنات تذكرن وردن يضحكن
راشد : خص الله عدوك الحين شو بيسكتهن
سيف : علني محلمك يا منصور بلشتنا الحين مابيسكتن
منصور وهو يضحك : هههههه نسيت
يت اليده
اليده : وابوي بلاج منبطحه جذا وتتكركرين ( تضحكين)
ميره : يدو يضحك
اليده : قومن مسودات الويه مخلات امهاتكن يلقطن وانتن هنا تتكركرن
روضه : يلا ياين امايه
اليده : يلا دهديه
ونشن البنات يلقطن ويا امهاتهن الاكل وينضفون البقعه عشان يسون العشه ويتعشون
وطبعا الشباب و الريايل هم الي عليهم الشوي
ميره: والله يا سيفوه ان حرقت الاكل بحرقك يوعانه الف
سيف : شعرفج أنا شيف
ميره : واضح
سيف : trust the process
ميره : يالله خف علينا
روضه : ميروه وشواخ قومن الحديقه لين مايخلصون
شيخه و ميره : فوقه
وراحن
وهن يتمريحن
شيخه : ياخي صدق من زمان عنكم يبالنه جي يمعه في رمضان دام قرب نسوي غبقه ونعزم مريوم ( مريم هاي بنت يرانهم يحبونها وايد يعتبرونها بنت عمهم وحتى اهلها يعرفونها و يموتون عليها )
روضه : هيه والله من زمان عن مريوم
ميره: خلاص عيل تم
شيخه : بناتتتتت ( بنبره حزينه)
البنات : بلاج
شيخه : ابا اجرب شي
البنات : شو
شيخه : الحب
روضه : طع هاي عبالي عندج سالفه
ميره : وشو تبين بالحب و عوار الراس
شيخه : والله صدق احس جي احتاج شخص فحياتي يداريني و يهتم فيني ويرمسني دوم
ميره : واخرتها يخونج ويا ربيعتج ويسحب عليج وعليها وياخذ بنت عمه
البنات : هههههههه
روضه : عيوز ههههه بس وانتي صادقه
شيخه : صادقه ههههههه
ميره : بنات بسير الحمام ( وانتو بكرامه)
رن فون ميره و طلع سيف
شيخه : روضه ردي أنا استحي
روضه : وانا اكثرررر تعرفيني استحي
شيخه : ردي
روضه : زين
سيف : الو يا الدبه
روضه ضحكت
روضه : ميره دخلت الحمام
سيف ( وهو مفتشل) : حماره هاي
روضه : ليش حماره سايره الحمام
سيف : انزين بالله عليج روضه قوليلها يوم بترد تدقلي
روضه : انشاءالله
سكر
روضه نقعت ضحكككك وخبرت شيخه و شيخه نهارت ضحك
ميره يت
روضه : هلا والله بالدبه
ميره : ياليل اخلص من سيفوه تي هاي ( للمعلومه ميره مب دبه بس سيف يحب يزقرها جي )
روضه : حليلي أنا ماعرف الكلمه إلى منى
ميره : متى سمعتيه
روضه : صح دقلج
ميره دقت له
ميره : ها الزرافه
روضه ضحكت على ميره و سخافتها بس ميره دوم جي تقوله لانه طويل
سيف : هههههه قالولج
ميره : مايضحك ويا ويهك
سيف : المهم امايه تقول تعالو العشاء زاهب
ميره : تمام
سكر
ميره : بنات يالا العشاء زهب
نشن وسارن
اليده : يالله تعشن
حطن البنات عشاء حق يدهن و يدتهن و تعشن
نشت اليده : الحمدالله كثر خيركم وأغناكم
روضه : عافيه يدو
اليده : يعافي قلبج
اليد : نحن هنا
كلهم نقعو ظحك
وخلصوا عزيمتهم وكل حد سار بيته إلى عائله بو هزاع
وروضه تمت ويا ميره باتت عندها
الصبح في بيت اليد :
روضه نازله : صباح الخير يدو ويدي
اليد و اليده : صباح النور
روضه : شاصبحتوا
اليد : بخير وسهاله وانتي علومج
روضه : بخير يديه دامك بخير ، عيل وين عمي و عمو ( ام هزاع و بو هزاع )
اليده : سرحوا الصبح بوظبي لانه حرمت هزاع ربت
روضه : ماشاءالله الحمدالله على سلامتها و مبروك ماياكم
اليد : يبارك بحياتج
شوي نازل سيف : صباح الخير
كلهم : صباح النور
سيف : روضه وين ميروه ؟
روضه وهي مستحيه : بعدها راقده
سيف : تستهبل هاي
روضه سكتت
سيف : امايه بتون وياي صح ؟
اليده : هيه أنا و ميره بس يدك مايروم
سيف : تمام
روضه : تباني اوعيها؟
سيف : هيه دخيلج
روضه : انشاءالله وسارت ، ميروه ميروه
ميره : رواضي خليني ارقد
روضه : ماشي قومي بتسيرون بوظبي
ميره نشت : بوظبي!؟
روضه : هيه حرمه هزاع ربت
ميره صحصحت : حلفيييي
فجت فونها وطلع صدق وكلهم حاطين ستوري وحطت ولبست كندوره و عباه وسوت شنطتها ونزلت تحت
ميره : صباح الخير
كلهم : صباح النور
سيف : ها جاهزه
ميره : هيه
سيف : زين عيل يلا يدو
اليده : هيه بس صبر بسير اجوف يدك وبيكم
وراحت داخل
سيف : رواضي تبيني اوصلج بيتكم
روضه وهي مصدومه من كلمه رواضي : عادي بدق على منصور
سيف : حق شوه مرا وحده
روضه : خلاص اوكيه
يت اليده و تحركوا
فلسياره روضه تكتب حق ميره فسناب :
روضه : ميروه
ميروه : كنت حاسه انه فيج رمسه هههههه
روضه : صدمني
ميروه : أنا بروحي نصدمت من الجراءه ههههه رواضي عيل
روضه : جب جب
ميره : احس عادي نحن مكبرين الموضوع على الفاضي ترا ولد عمج
روضه : بعد صح 🤔
اليده : شو ها كل وحده ماسكه تليفونها سولفن رمسن
ميره : يدو ماعندنا سوالف سواف حط اغاني
اليده : ماشي اغاني يلا
ميره : ليش
اليده : بس
وصلو بيت روضه
روضه : يلا المايه فمان الله
اليده : حافظنج الله امايه
روضه : باييي ميروه
ميره : بايييي قلبي I will miss youuu
روضه : moreee
اليده : وابوي شو ترطنن شو الي سيسيو
كلهم فطسوا ضحك حتى سيف : هههههههههههههههه
روضه : امايه يعني بشتاقلج
اليده : ماعندكن مونه
روضه : يالله معًا السلامه ومشكور سيف على التوصيله
سيف : ليش دريول ، مابينا
روضه : ااا اسفه وراحت على طول من الفشله
ميره ضحكت خفيف عشان اليده ماتسمع
ومسكوا الخط
وميره رقدت و اليده يالسه تجوف سنابات خالد الخالدي وتتقحطن على سيفوه عشان مايسرع وهو خلاص بيموت من الضحك
وصلو على السلامه
دخلو عندهم المستشفى وباركولهم
ام هزاع : الحمدالله على السلامه عموه
اليده : صدق انه الحمدالله على سلامتنا من سواقت ولدج العاثره
كلهم : هههه
اليده : الحمدالله على السلامه بنتي ومبروك عليكم الحاسر
مريم : الله يسلمج ويبارك فيج يدوه
ميره : وايهههه فديتها شبهت عمتها ( وترا فعلا فيها شبه من ميره )
بو هزاع : عيل دام شبهت ميروه عرفو من الحين بتكون نحسه
ميره : يحظها أصلا
كلهم : هههههههه
سموها ميثه
وردوا البيت بعد عناء طويل وسيف رد العين عسبت يرد يدته
ميره تدق على سيف
ميره : الو
سيف : هلا
ميره : سيفاني وصلت يدو
سيف : هيه ليش ؟
ميره : طلبتك قبل لا ترد نسيت سماعتي عند روضوه دخيلك هاتها
سيف : أنشاءالله
وراح صوب بيت عمه ودق على منصور
منصور : حيه ولد العم
سيف : يحيك ويبقيك
منصور : امرني
سيف : اقولك ميروه اختيه نست سماعتها عند روضه اختك وانا برا بيتكم بشلها قبل لا سير
منصور : يالله الحين بضهرها لك
سيف : تمام
وشل السماعه وراح بوظبي

يتبع ............