" ليتني عرفتك بأول العمر بدري "

الجزء الثامن عشر

الجزء الثامن عشر :

الصبح في مدينه ( كراكوف ) تسمعون أصوات العصافير واليبال و الخضار ومن تدخلون فلا بيضاء تسمعون حشره اليده هههههه
اليده : ام سعيد ام سعيد 
ام سعيد  وهي تربع : هلا هلا عموه
اليده : وينج انبح صوتي وانا اباغم
ام سعيد : السموحه منج عموه يالسه أزهب الريوق
اليده : هيه انزين زقري منصور ولا حد من العيال يودينيه الجبره باخذ اغراض
ام سعيد : ههههه عموه مافي جبره هنيه أصلا بو سعيد  سار امس ياخذ الاغراض لا تحاتين
اليده : عنبوه شعنه ماعندهم جبره و هاذا شعنه سار و ما خبرنيه
ام سعيد : عموه جان عندج حايه بنوديج
اليده : لا خلاص بس كانت فيني دوده ابا اجوف سوقهم
ام سعيد : ههههه اسميج يا عموه سوالف بسير أنا اجوف الريوق
اليده : برايج سيري
ويلست اليده على تليفونها متطوره ههههه
شوي منصور نزل
منصور : صباح الخيرررر يدوه
اليده : صباح الورد ، وين حرمتك عيل
منصور : الحين بتنزل
اليده : وين بتهومون اليوم
منصور : انتي وين تبين حاضرين
اليده : وانا شعرفنيه في بلادهم انتو ودوني
منصور : تأمرين امر
سيف : عن شو ترمسوننن
اليده : عوذ بالله الناس يسلمون قبل
سيف : صباح الخير يدووووه
اليده : صباح الورد
منصور : بو هناد يدتك تبا تهوم
سيف : علني ماخلا من راعيه الهوامه تمممم
اليده : فديت منطوقك
منصور : هيه سيفوه بتدلعينه
اليده : وانت شو تبا حارنك
منصور : هيه
اليده : سر خل حرمتك تدلعك
ميره وهي نازله : بلاها حرمته بعد
اليده : مافيها شي شوي شوي انتي بس الله يخليج
ميره : لا والله
اليده : جب يلسي
ميره : افا يدوه شعنه ترمسينيه جذا
منصور : يدوه لو سمحتي مارضى على حرمتيه
اليده : انقلع انته وحرمتك ، إلى ميره بتخبرج شيخه الحسن وين ماحدرت
ميره : ماندلها أحيدها راقده
اليده : وشعنه راقده لين الحين يبالها مراغ بالعصاه
سيف : وحليلها شو سوتبج عسبت تمرغينها
اليده : هي دافع انته ع حبيبه القلب
سيف : فديتهااا
منصور : نعم ؟؟
ام سعيد : بلاكم مناقر من الصبح
ميره : هاي يدو تدور مشاكل
ام هزاع : ههههه جب ميروه عيب
منصور : وهي صادقه من ينا وهي تدور حد تتضارب وياه حيث انه محد يدي تتضارب وياه
اليده : صح ذكرتنيا مادقليه اليوم كميرا
منصور : ولهانه 🤣🤣
اليده : انف عليك مسود الويه
شوي ويدخلون بو هزاع و بو سعيد : السلام عليكم
كلهم : وعليكم السلام
اليده : عنبوه ماتقولون امنا حليها بروحها بنحوطها ويانا
سيف : بدينا
اليده : جب انته
روضه نازله : بلاكم صريخ من الصبح
اليده : تعالي انتي الثانيه بعد ليش توج تنشين جان رقدتي للمغرب بعد
روضه : ليش يدوه زعيقج يخلي الواحد يرقد
كلهم : ههههههههه
اليده : ماعليه يالي ماتستحين
ام سعيد : الله يهديكم ياين نغير جو هب نتضارب يلا تعالو تريقوا
وكلهم يلسوا تريقوا
بو سعيد : الحين سعود ولديه يقترح لكم انه نروح الحين النهر و السنتر الي فلمدينه ومرا وحده بنتغدا فيها لانه السنتر كبيرا ويبالنا وقت لين نستكشفها تبون ؟
منصور : والله راي من رأيك
بو هزاع : خلاص بو سعيد بنسير
سعيد : عيل يلا حرمات سيرن خلصن اموركن لانه محد بيئخرنا غيركن
نشن
روضه : سعود شو لون السنتر
سعيد : تستهبلين شو ها السؤال
روضه : يا غبي يعني ملون ولا كيف
سعيد : هيه اصفر و ازرق و الوان
روضه : اوكيهههه
وراحت تعرفون ليش سئلت ها السؤال عشان تنسق لبسها مع المكان
فا قررت تطلع بودي ابيض و جنز ابيض ولبست فوق البودي قميص للن ازرق قالت دام في ازرق بتلبسه وعليها شيله بيضا وعقبها بدت تتمكيج حطت ميكب خفيف واكتشفت انه الايلاينر مالها مخلص وماتروم تعيش بدونه راحت عند ميره
ميروه : يا حقيره ماقلتيلي بتنسقين على لون المكان
روضه : عشان اكون مميزه
ميره : بميز براسج شو تبين الحين
روضه : ابا ايلاينر ماليه عبر
ميره : تبين مال رير ولا بنفت ؟
روضه : تستهبلين اكيد رير
ميره : شليه ولاتردينه لانه ماستخدمه
روضه : وفرتي علي
ميره : جب وطلعي
طلعت وصادفت سيف جدامها
سيف : الله الله وانا اقول ليس تسئل عن لون الستي
روضه دارت : شو رأيك
سيف : فنانهههه
روضه : سيفوه بطلبك
سيف : تمم
روضه : عنبوه اسمع انزين
سيف : مايحتاي كل شي لعيونج يصير
روضه : اباك تلبس للن ابيض
سيف : تبيني اتطقم وياج
روضه : يس في مانع ؟
سيف : يخسي المانع بلبس لعيونج
روضه : فديتتتت
سيف : المهم يلا روحي عسب مايجوفونه مافيني على ابويه
وراحت روضه
وكلهم اجتمعوا تحت يتريون السياره
سعيد : طع طيور الحب متطقمين
اليده : هيه والله توني اجوف مسودين الويه انتو بعدكم ماعرستوا وجذا
سيف : بالصدفه
ام هزاع : مب علينا ها الكلام
منصور : خلوهم ، المهم السياره وصلت
وركبوا والضرابه المعتاده بين ميره و روضه منو يشبك
ام هزاع : فكنه عيب عليكن كل وحده اطول عن الثانيه وتتضاربن على اغاني
منصور : لا انتي ولا هي أنا بشبك
انقهرت ميره لانه مادافع عنها سكتت وردت كرسيها معنه روضه كانت محتشره منصور شبك ويلس عدال ميره وكان حاس انه فيها شي بس ما بغى يرمسها جدامهم

يتبع .......