" ليتني عرفتك بأول العمر بدري "

الجزء السابع عشر

الجزء السابع عشر :

بعد غيبات رجعت لكم

طبعا الاهل وصلو المطار وخلاص و سعيد و بو سعيد و بو هزاع و هزاع ساروا يخلصون الإجراءات والباقين يالسين يتريون

روضه : امايههه يوعانه
ام سعيد : وشعنه ماكلتي فلبيت
روضه : ماكان في وقت
طبعا حبيب القلب سمعها
سيف : خلاص خالو بوديها ماك
ام سعيد : ودها بس عن تطولون مافينا على حشره ابوها
سيف : أنشاءالله وهم يمشون ، صدقها امج ليش ماكلتي فلبيت
روضه : ما كان عندي وقت هبابي اخلص عمري
سيف : انزين يلا شو تبين
روضه : نقتس و بطاطا
سيف : تممم على ها الخشم
روضه : فديتك وفديت خشمكك
سيف : فداج كلييي
سيف طلبلها وبعدها ردوا عند الاهل وارتاحوا لانه بعدهم ماخلصوا
وميره ندمت انها سافرت وياهم لانه كل شوي تحس بلوعه ومحد يعرف عن حملها غير روضه وسيف و امها وام ريلها
ام هزاع : ميروه امايه إذا  تبين تزوعين لاتمسكينها زوعي لانه مب زين
وميره متوتره ماتبا منصور يعرف : لا امايه عادي
منصور : اتزوع؟!
ميره : لا ماشي ماشي وتحاول تبين حق امها انها تسكت
ومنصور مقهور يبا يعرف السالفه
وطبعا يو وركبوا الطياره
وطبعا الطياره خلاص بدت ترقى وتتحرك وكلهم عطوها وضعيه النوم حرفياً كلهم رقدوا
وبعد ساعتين تقريبا وصلو بولندا مطار كراكوف بيلسون فيها يومين تقريبا وسعيد وسيف الي مرتبين السفره لانه سعيد سايرلها قبل وحجزوا فيها فلا جي مجابل اليبال
المهم الحين وقت النزول وميره مب رايمه تمسك عمرها طلعت الكيسه مالت الزواع وانتو بكرامه وزاعت ومنصور مستغرب لانه مش اول مره تسافر ويوم تسافر ولا مره زاعت
منصور : حبيبي تعبانه تبين بندول
ميره : لا عادي بس لوعه
منصور : انزين كلي بندول
ميره توترت لانه مايستوي تاكل بندول على ما اضن : يوم بنوصل باكل
منصور مستغرب من العناد : براحتج
المهم نزلو من الطياره وكلهم انبهروا من جمال المنظر وطبعا استئجروا فان عشان يكفيهم بس كان اثنين واحد حق الاهل و سعيد وهزاع وواحد حق الشباب منصور وميره و روضه وسيف كلهم يعرفون انهم يحبون الحواطه فا خلوهم فباص بروحهم عشان يوم يبون يطلعون مش لازم يتضاربون على السياره بس طبعا يتضاربون على الاغاني بس سيف شبك وحط

‎مسمعي مدمن على صوتك

‎و اتصالك زيد ادمانه

‎متتعبن صاحبك بسكوتك

‎و انت صوتك ضخ شريانه

‎خذب بشبر و باعك و فوتك

‎و دك الخفاق مستانه
........

والمقصد من الغنيه طبعا روضه هههههه

ميره : الله على ذوقك يا خوي حطلي يارا بصور
سيف : من عيوني
ميره : فديتتت عيونك
منصور : احم احم
ميره : هههههه انزيين اخوي
منصور : حتى لو هههههه
ميره : انزين ههههه
وبعدين وصلو الفلا وكانت كبيرا وجي يعني شرات الكوخ بس كبيره ثلاث طوابق وايد حلوه وطبعا العيال كلهم راحو يربعون يبون يختارون لهم غرفه وكلهم خذوا قيلوله و على الفليل قرروا انهم يتمون في البيت ويشون وحركات وباجر الصبح تبدا رحلتهم  فا نشوا وراحو السبر ماركت وخذوا اغراض وردوا الفلا وبدوا يشون وكلهم مستانسين وميره قالت حق منصور اي وياها تبا تتمشى لين مايخلص العشاء فا سار وياها وحق الي نسوا ترا ميره ومنصور شهر عسلهم كان هني في بولندا فا ميره يلست تتمشى معاه ويسولفون وعقب ميره حست بعوار وابتسمت ومنصور استغرب
منصور : بلاج تتبوسمين
ميره : تعال بقولك شي
منصور : كنت حاس انه فيج انه من يوم نحن ياين
ميره ودته عند البحيره الي كانو يالسين فيها يوم شهر العسل
منصور : تذكرين
ميره : وكيف تباني انسى احلى أيامي الي وياك
منصور مسك ايدها ويلسوا : قولي حبيبي شو كنتي بتقولين
ميره : عندي لك خبر وايد حلو
منصور : شو هو
ميره عطته صندوق
وفج الصندوق وهو بعده مش مستوعب الصندوق كان في فحص الحمل و في قميص مكتوب عليه daddy to be
منصور حط الصندوق على الكرسي ومسك ايد ميره : انتي حامللل؟؟؟؟
ميره : هيه
منصور من الفرحه حضنها : فديتجججج وانا اقول ليش تزوع وليش امها كل شوي تحاتيها ليش ماخبرتيني من زمان
ميره : كنت اباها مفاجأه
منصور : احلى مفاجأه بنت ولا ولد
ميره نقعت ضحك : تستهبل بعده مب الحين
منصور : اوه ههههههه
وردوا عن الاهل ومنصور كل شي يحاتيها ويهزبها مايخليها تشل شي وامها تضحك عليه ماصدق على الله

يتبع ........