" ليتني عرفتك بأول العمر بدري "

الجزء الثالث عشر

الجزء الثالث عشر :
بعد سبوع تقريبا ردوا معاريسنا من شهر العسل
في بيت بو سعيد
روضه : امايه ميروه مانشت
ام سعيد : حليلها البنت راده من السفر خليها ترتاح لاحقه عليها بتجوفينها وايد
روضه : ههههههه اشتقتلها والله
وشوي منصور نازل
منصور : صباحو
ام سعيد : هلا والله بالغالي
روضه : ايه مسود الويه حرمتك وين
منصور : راقده
روضه : وعها اباها
منصور : خليها فديتها تشبع رقاد
روضه : يااي
منصور : امايه أنا بروح ويا سيفوه الكوفي واذا نشت ميروه قولولها
ام سعيد : أنشاءالله الله يحفظكم
وطلع
في السياره
سيف : حيه المعرس
منصور : يحيك
سيف : شردت عن ختيه مسود الويه
منصور : اختك راقده
سيف : فديتها اكيد ما شبعت رقاد أحيدها ماترقد في الطياره
منصور : هيه
سيف : المهم وين بها
منصور : في كوفي يديد نسير له
سيف : شو اسمه
منصور : Como lounge
سيف : هيه جفته ها بس ماسرتله
ونرد البيت ميره نشت طبعا كشخت لبست كندوره مغربيه ورديه تجنن وعليها سلبر هرمز الوردي
نزلت وياها اكياس شفايه
ميره : السلام عليكم
كلهم : وعليكم السلام
روضه : ميروهههههههههه ونشت تحضنها
ميره : ههههه بلاج
ام سعيد : هاي حالتها من الصبح حشرتنا إلى وتترياج
روضه : يعني حرام اشتاقلج
ميره : والله أنا الي شتقت لج واييد
ام سعيد : ها ميره كيف السفره
ميره : والله حلوه استانسنا
ام سعيد : يارب دوم أشوفكم فرحانين
ميره : امين وياج
روضه : شو يبتيلي
ام سعيد : عيب عليج
ميره : هههه خليها عموه يبتلها ويبتلكم شفايه
ام سعيد : فديتج ماتقصرين
ميره : افا عليج ها واجب
ام سعيد : أصيله يابنت اختي أصيله
ميره ابتسمت وطلعت شفايه روضه عشان ماتاكلها ههههههه
روضه : فديتج ماقصرتي علني ماخلا منج
ميره : فداش الغناه
وعطت عمتها مالها بعد
ام سعيد : مشكوره يا بنتي
ميره : العفو حبيبتي ، يلا عموه أنا أترخص عنكم بسير اجوف أمي عن تأكلني وتنقمني بتقول والله عرست ونستنا
ام سعيد : ههههه اختي وأعرفها هي نعم روحي
وطلعت ودقت على منصور ورد عليها سيف
ميره : حي ها الصوت فديت خويه لك وحشه
سيفوه : حي عينج خيتو ها علوم
ميره : والله يسرك الحال وين ريلي لو سمحت
سيفوه : اح الحين اكلمج ولهان عليج تقولين وين ريلي
ميره : هههههه حتى أنا ولهانه بس بقوله انيه فبيت امايه وانتا تعال يلا بشوفك وبعطيك شفاياك
سيفوه : ريلج يغازل فالكوفيات من جي مارد عليج يالس يدور غراشيب
ميره : بغرشب براسه أنا خله يجرب وبعدين اعرف انك يالس تغايضني المهم يوم بي قوله وردوا البيت يلا بسكم
سيفوه : انشاءالله مدام
ميره : هههههه سخيف
وبندت
وراحت صوب امها
ام هزاع : حي الله مرمر
ميره في داخلها ( لا شكلها راضيه علي الحمدالله )
ميره : مرحبا الساع
ام هزاع : مرحبتين فديتج ها علوم السفر و ريلج
ميره : طيبه وانتو علومكم شو سويتوا
ام هزاع : طيبين ماشي يالسين هني ورويض حاشره الدنيا إلى تتخبر عنج
ميره : ههههه فديتها
وشوي دخلوا سيفوه ومنصور
ميره ربعت وحضنت سيف
منصور : احم نحن هنا
ميره : خير اخوي شو تبا
سيفوه : فديتهااااا خلها شو تبا اختي
منصور : حشى كلتوني
سيفوه : احسن ها مرمر علومج
ميره : طيبه انتو علومكم
سيفوه : كنا نشكي فراقج والحين طيبين
ميره حزنت : فديتكم
منصور : انته ايه تبا تصيح حرمتيه
سيف : انته خير شو تبا نشبه
منصور : مارضى على حرمتيه شو تبا
سيف : ياليل
ميره : فكونا تراكم حشره ، امايه هاي صوغتج
ام هزاع : يعلني ماخلا فديتج الغاليه ماتقصرين
سيف : حلفي وانا وين
ميره : مانسيتك لاتخاف انته اول واحد خذتله
سيف : فديتج ماتقصرين
ميره : أندوك
سيف : يسلام
ميره : انزين عيل أنا أترخص بروح عند رويض تترياني
ام هزاع : مرخوصة فديتج
طلعت هي ومنصور وهم يمشون
منصور : ولا تدافعين عن سيفوه
ميره : هيه اخويه ليش مادافع عنه
منصور : انزين ماقلت شي
وصلو البيت منصور سار يرقد وميره راحت حجره روضه
روضه : حي الله من الصبح اترياج
ميره : سرت تسبحت
روضه : هيه
ميره : ها شو الي تبين تقولينه
روضه : تخيلي انه أنا و سعيد انفصلنا
ميره : كيف ؟
روضه : ودرته أنا
ميره : تستهبلين ليش
روضه : حبيبتي طلع راعي سوالف ويرمس بنات
ميره : لقعه زين انج ماوافقتي
روضه : بس المفاجاه الكبرى الحين يايه زاهبه ؟
ميره : شو
روضه : عقب ما الكل عرف اني ودرته سيفوه اخوج خطبني
ميره : شوههههه وانا آخر من يعلم
روضه : لا حبيبتي انتي اول من يعلم لانه هو بعده ماخبر امج ولا ابوج بس أنا
ميره : اتحرى بعد و انتي شو ردج
روضه : موافقه
ميره : صدققققق واخيرااااااااااااا
روضه : هيه
ميره : والله اني فرحت وايد المهم يلا بروح ارقد أنا تعبانه
روضه : روحي
وراحت رقدت
اليوم الثاني
نشت روضه
عشان تسير الجامعه طبعا ميره مابتسير
نزلت عند امها
ام سعيد : ويييييي
روضه : بلاج
ام سعيد : أنا طرشت الدريول ايب اغراض بسيارتج لانه سياره البيت منتهيه
روضه : الحين كيف اروح الجامعه
ام سعيد : منصور بعد راقد تبين اجوف ولد خالتج
روضه : لا فشله
ام سعيد : مب فشله صبري بدق على خالتج
ام هزاع : صباح الخير خيتي
ام سعيد : صباح النور حبيبتي مابطول عليج بس سيف ولدج ناش ؟
ام هزاع : هيه فديتج يتريق تبين منه شي ؟
ام سعيد : هيه جان يقدر يوصل روضه بنتي
ام هزاع : افا عليج جان مايروم الدريول موجود
ام سعيد : يزاج الله خير
وبندت
ام هزاع : سيفوه بتودي روضه بنت عمك الجامعه ؟
سيف : هيه عادي
ام هزاع : اوكيه
ودقت على اختها وطلعت روضه حق سيف
روضه : صباح الخير
سيف : صباح النور يا قلبي
روضه استحت الف : سيفوه عن المصاخه
سيف : هههههه احبج ياخي
روضه : تريقت
سيف : هيه فديتج وانتي
روضه : لا
سيف : على ها الخشم شو تبين
روضه : مابقول لا ودني راشد علي
سيف : تم
وروضه حطت اغاني
سيف : ها شو تبين
روضه : جلي فرانسسكو
سيف : وتبين عصير منقا
روضه : هيههههه
سيف : عوذ بالله مفجوعه زين
روضه : هههههه جب
وطلب لها
طبعا درب الجامعه بعيد فا سيف يلس يسولف عليها ويسئلها اسئله وروضه كان ودها تشرد من السياره هههههه
سيف : روضه قولي الصدق كنتي تحبيني قبل لا توافقين على هاذاك ماعرف شو اسمه
روضه : لا وانا أصلا وافقت عليه لانه اهليه حشروني
سيف : بعدج ماجاوبتي على سؤالي
روضه : هيه
سيف : يعني كنتي تحبيني عيل ليش وافقتي عليه
روضه : كنت ابا أجوف إذا تقدر تصبر بدوني او تحبني صدق
سيف : لا والله
روضه: خلاص الي فات مات
سيف : انزين احبج
روضه : ياربيه خلاص
سيف : هههههه

يتبع ......

انجوي 🤍🤍🤍🤍