" ليتني عرفتك بأول العمر بدري "

الجزء العاشر

مبارك عليكم الشهر 🌙
الجزء العاشر ؛
منصور : امايه قررت اعرس
ام سعيد : وايه فديتك مابغيت احلى خبر سمعته فرحتني واخيرا
منصور : فديت فرحتج دوم ياربيه
ام سعيد : عاد تباني أنا اختارلك ولا موجوده
منصور : موجوده والبنت تعرفونها زين
ام سعيد : يحافظ منو
منصور : ميره بنت عمي
ام سعيد يببببت : كللللللوش احسن ما نقيت يا ولديه والله انها تستاهل كل خير جمال وسنع وادب ويسد انه امها اختي
منصور : الحمدالله ، عاد امايه استعيلي أنا من زمان اباها بس أترياها تخلص مدرسه تراني مستعيل
ام سعيد : شو وراك انشاءالله المغرب بدق على خالتك
منصور : على خير
وراح فوق يرقد
والمغرب دقت ام سعيد لام هزاع
ام هزاع : مرحبا اختي
ام سعيد : مرحبتين الغاليه علومج
ام هزاع : يسرج الحال و من صوبج
ام سعيد : بخير مانشكي باس
ام هزاع : دوم يا ربيه
ام سعيد : عاد اختيه أنا داقه عسبت ارمسج في موضوع مابطول عليج
ام هزاع : عسى خير
ام سعيد : خير انشاءالله فديتج نبا القرب منكم
ام هزاع : والله أبركها من ساعه يا خيتي
ام سعيد : منصور ولديه يبا يخطب ميره بنتكم و ياخذها على سنه الله وتعالي
ام هزاع : ابرك الساعات يا إختي أنشاءالله بشاور البنت و ابوها ومنصور ريال مابنلقى احسن منه انشاءالله باجر بعطيج ردها
ام سعيد : على خير
بندت
في بيت بو هزاع :
ام هزاع تزاعج: ميرهههههه يا ميرهههههه
ميره من فوق : هاااا اميهههههه
ام هزاع : تعالي تحت بسرعه اباج
ميره نزلت على طول
ميره : خير اميه
ام هزاع : خير انشاءالله، بنتي تعرفين الحين انتي خلاص يعني كبرتي وصرتي حرمه وتفهمين و خلاص انشاءالله قريب وبتكونين حرمه بيت وام
ميره : بعدني مافهمت ليش زاقرتني
ام هزاع : منصور ولد خالتج تقدملج ويبون الرد منج وابوج موافق باقي موافقتج ما بخليج تستعيلين روحي صلي استخاره و باجر ردي علي
و ميره من المستحى راحت فوق على طول
ودقت على روضه
ميره : رويضضضضضضض
روضه : بلاج
ميره : يعني اونج ماتعرفين
روضه : لا شو مستوي
ميره : امج كلمت امي وخطبوني حق منصور
روضه : هااااا تمزحيننننن اخيرا اااا الف الف مبروككككك
ميره : بس بعدني ماوافقت
روضه : لا والله
ميره : شفيج لازم ما أبين اني خفيفه باجر بقوللهم
روضه : هههههه
ميره : عقبالج
روضه : عطاري عقبالج تخيلي واحد من صوب امي امه كلمت امي وخطبتني وانا ماعرف إذا أوافق او لا بعدني ماعرفه زين
ميره : ماعرف والله احس فكري زين
روضه : ها الي بيستوي
وسكرت
ودق تليفون ميره
منصور : الو
ميره : هلا
منصور : اهلين ، ها شو رايج
ميره : بفكر وباجر بعطيكم ردي
منصور : لا والله
ميره : بعد شو عرس ها مش لعبه
منصور : تمام حبي براحتج اهم شي لا تجرحيني
ميره سكوت
منصور : يلا قلبي ببند الله يحفظج
ميره : مع السلامه
وبندت
ميره : ياربيهههه احبههه
ورقدت على طول
اليوم الثاني
الصبح في بيت بو سعيد
منصور : يلا امايه أنا رايح الدوام
ام سعيد : الله يحفظك
وراح
روضه نزلت
روضه : حتى أنا بروح
ام سعيد : الله يحفظكم ويا منو بتروحين
روضه : العروس
ام سعيد : العروس ليش ردت ؟
روضه : لا بس جي ههههه
ام سعيد : سوالف فديتج روحي احسلج
وراحت السياره
وشوي ميره نازله من بيتهم
ميره : صباح الخير امايه
ام هزاع : صباح النور حبيبتي
ميره : أمايه أنا رايحه الجامعه ويا رويض توصيني بشي
ام هزاع : لا امايه الله يحفظج ، صح ميروه موافقه
ميره : أنا موافقه والي انتو تشوفونه بيصير
ام هزاع : كللللللوش الف الف مبروك حبيبتي الله يسعدج
ميره : امين
وطلعت ركبت السياره
روضه تسوق
روضه : هلا والله في حرمه اخوي
ميره : اقول جب
روضه : بعد تستحي ههههه
ميره دق فونها
منصور : هلا والله بحرمتيه
ميره : حشرتوني انته واختك
منصور : ههههه ليش بلاها رويض
ميره : ركبت السياره اونا هلا والله في حرمه اخوي
منصور : ليش مب عايبنج
ميره سكتت لانه مستحيه
منصور : المهم عقب ماترجعين من الجامعه دقيلي
ميره : أنشاءالله
وسكرت
روضه : ياربيه الحين بدينا فحركات المعرسات
ميره : اقول سكتي تراج حشره
روضه : المهم شو تبين اغنيه ولا احط أنا
ميره : حطي الي تبينا
وحطت ووصلو الجامعه
ونرد البيت
عند بيت بو سعيد
بو سعيد : ام سعيد بتخبرج روضه ردت عليج عشان العرب
ام سعيد : كل ما اكلمها تيلس تأجل وتقول بفكر
بو سعيد : مب زين جي اكيه ميره ماشاءالله عليها الحين بتعرس و هي شو عيبها
ام سعيد : أنا مايخصني اليوم يوم بترد من الجامعه رمسها

يتبع ........