" ليتني عرفتك بأول العمر بدري "

الجزء الاول

الجزء الاول :
في صباح مدينه العين  في بيت بو سعيد
ام سعيد في الصاله تتريق :
روضه نازله : صباح الخير الغاليه
ام سعيد : صباح النور يا قلبي
روضه : امايه وين حمود
ام سعيد : فحجرته يشرب حليبه بدلي له فديتج رواضي بسرعه عسب لا تتأخرين على المدرسه
روضه : انشاءالله من عيوني كم شواخ عندي أنا
ام سعيد : فديت منطوقج
روضه وهي سايره سوتلها فلاي كس
حمد : رورو ( يدلها رورو ) تئالي شلي ننا ( تعالي شلي ننا)
روضه : وايه فديت ويهك من عيوني
وشلت الحليب وبدلت له وطلعت معاه الصاله
روضه : صباح الخير ابويه
بو سعيد : صباحج نور رواضي
تريقوا وراحت روضه المدرسه ويا الدريول
شوي نزل سعيد
سعيد : صباح الخير
كلهم : صباح النور
سعيد : رواضي راحت
ام سعيد : هيه فديتها الله يحفظها
سعيد : امين
بو سعيد : اخوك الكسلان وين
سعيد : تراك قلتها كسلان راقد
ام سعيد : يا ربيه من هل ولد كلا راقد لا شغل ولا مشغلى
بو سعيد : ماعليه ان ما أدبته يباله ينضرب بعصاه يده
سعيد ضحك
بو سعيد : تضحك تبا تنمرغ انته بعد
سعيد : لا خلاص اسف ، يالله أنا بروح الدوام
ام سعيد : حافظنك الله
سعيد : فديتج
وطلع

نروح صوب هل بوظبي :
في بيت بو هزاع
كلهم في طاوله الطعام
بو هزاع : عيال ترا يوم الجمعة بنسير صوب العين بنشل يدكم ويدتكم ويانا بنسير صوب عمكم من زمان عنه عيب القطاعه نحن من زمان قاطعين مايصير

ميره : واخيراً بجوف رواضي فديتها
هزاع : أبويه أنا ماقدر عندي دوام
بو هزاع : برايك عيل
سيف : مافيني
بو هزاع : مب عكيفك نحن كل مانروح ماتسيرون انته واخوك مب زين يسئلون عنكم
سيف : خلاص انشاءالله
ميره : أمايه أنا بروح مع السلامه
ام هزاع : حافظنج الله امي
وراحت ميره ويا الدريول
ام هزاع : مريوم فديتج ولدج خيس عمره
مريم : ياربيه من ها الولد طفربي
هزاع : ماعليه حصل خير
مريم : عيل قوم غسله
هزاع : حشى علي رايح الدوام بتأخر
مريم : كالعاده أنا ابتلش تراه ولدك بعد
هزاع : انزين ولديه بتأخر
مريم : روح الله يحفظك
وشلته وغسلته وهي تتحرطم عليه وهو المسكين مب فاهم شي
مريم : عموه بروح عند امي اليوم وبشل علوه
ام هزاع : مرخوصه فديتج متى عاد بتروحين
مريم : قبل الغدا مسوين عزيمه اهليه
ام هزاع : هيه برايج بنتي ، عطيني حفيدي
علي: يدوه ابا حواوه ( يدو ابا حلاوه)
ام هزاع : وايه لا خليت من منطوقك من عيوني حبيبي انته
وعطته ومر الأسبوع ويا يوم الجمعه في بيت بو هزاع
ام هزاع تزاقر: ميروه يا ميروه
ميره : ها امايههههه
ام هزاع  : يالله خلصي كلنا زاهبين تعالي السياره
روضه : انشاءالله
خلوني أخبركم شو لابسين

ميره : مخوره ورديه وعليها ورود تيفاني صغار تجنن ولبست شيله ورديه و لبست فلات Hermes لونه بيبي بينك وحطت ميكب خفيف و لبست طقمها مال messika

سيف : كندوره صوف سوده و غتره شال بيضه ولبس قلم كارتير الذهبي و نعال بعد من المندوس وكان طالع جميل لون الكندوره وايد حلوه عليه