" ليتني عرفتك بأول العمر بدري "

الجزء التاسع

الجزء التاسع :
تذكير
منصور : متى عزيمتكم عشان إعرف إذا أقيل ولا
ام سعيد : الساعه خمس
منصور : اوكيه برد من الدوام وبقيل شوي
ام سعيد : أنشاءالله
المهم
وراح منصور فوق يرقد
الساعه اربع و نص تقريبا نش
وزل عند امه
طبعا العزيمه فبيت يدهم والعزيمه عشان تخرج البنات ( روضه و ميره )
منصور : يلا اميه
ووصلهم ورد البيت لانه العزيمه حق حريم بس
سيف : الوو
منصور : الو
سيف : اقولك
منصور : هلا
سيف : اقولك وينك شو تسوي
منصور : يبوي يالس فلبيت ماعندي شغله
سيف : وانا مطرود من البيت عشان عزيمتهم
منصور : هههه حليل حالك اقرب بيتنا عيل
سيف : بخطف عليك وبنسير الرمله
منصور : تمام
وتحركوا
سيف : قوم نيلس فوق العرقوب
ورقوا
منصور : حشى احس اني شيبه عيزت
سيف : هههههه
منصور : اقولك
سيف : قول
منصور : الحين دام البنات خلصن متى بنخطبهن
سيف : أنا اقول عقب مايدخلون الجامعه يعني على الاقل يكملون كم شهر فيها وعقب نخطبهم

ردوا الشباب البيت ويلسوا في الصاله
وردوا الحريم الفليل
ام هزاع : ماشاءالله مارقدتوا
ام سعيد : صدقها
منصور : شقايل تبين نرقد وانتن بعدكن مايتن يعني مانحاتيكن؟
سيف : البنات وين ؟
ام هزاع : فلسياره الحين يايات
ودخلن
روضه : اخيراااااااا ( كانت بتعق شيلتها )
ميروه : ايه يا الخبله واشرت على سيف
روضه : وي نسيت ، المهم تصبحون على خير وراحت ترقد فوق
بعد مرور شهرين دخلن البنات الجامعه وتحولو قوم بو سعيد العين وبيتهم فحوش قوم بو هزاع

الصبح في بيت بو هزاع :
ميره ناشه : الو
روضه : الو
ميره : ها نشيتي ؟
روضه : هيه
ميره : يلا عيل الحين نازله
روضه : يلا
وطلعت وتلاقن في السياره ( ثنتينهم عندهم ليسن)
وراحن الجامعه
في المحاظره دقت ام ميره فا طلعت ترمسها
ميره : الو امايه
ام هزاع : ميروه يوم بتخلصون تعالو بيت يدكم على طول الغدا عندهم
ميره : انشاءالله
وردت داخل
في بيت اليد
ام هزاع : عمي الطباخ يقولك تبا الغدا الحين
اليد : هي فديتج
ام هزاع : أنشاءالله ، سيفوه سير خبره
سيف : أنشاءالله منصور قوم
نشوا
وشوي البنات دخلن
البنات : السلام عليكم
كلهم : وعليكم السلام
اليده : من وين ضاويات
ميره : الجامعه يدوه
اليده : وشو تبنها هاي الجامعه لو معرسات احسن شو تبن الشهاده نبا نشوف عيالكم
ام سعيد : لا يالله برايهن يجابلن دراستهم لاحقين على العيال و حشرتهم
اليده : وابوي على المنكر عيل عرستي انتي مادرستي
ام سعيد : عاد عموه ها في جيلنا الحين الوقت تحول
اليده : وابوي على الجيل هاذا
روضه : غيرو السالفه حشرتونا مانبا نعرس
اليده : هيه جيه عكيفج الشور هو
روضه : ليش أنا بعرس ولا انتي هههههه
اليده : انتي لاكن الشور شور الاهل مب البنت
روضه : يخسي انتو اتنقون عكيفي أنا منو ابا
اليده : تحلمين حبيبتي
اليد : فكنا اسميكن صدعه وينه ها سنه ايب الغدا
سيف ومنصور دخلو
ام هزاع : وين سرتوا ها الكثر
سيف : رحنا نحوط شوي في الحاره
ام هزاع : ماشي شغله قروا في البيت
اليده : وانتو بعد متى ناوين تعرسون ابا اجوف عيالكم
سيف : الله يطول في عمرج انشاءالله بتجوفينهم وبتحظرين عرس عيالهم
اليده : امين يارب
الطباخ : السلام عليكم
كلهم : وعليكم السلام
عند منصور وهو مب طايع يفج عينه عن ميروه وده يكلمها من عيونه واضح عنده رمسه وميروه حست فيه تروعت عليه ورمسته سناب
ميره : بلاك ؟
منصور : ميروهههه
ميره : عيونها
منصور  : فديتهن ياربيه ، ابا ارمسج احس عندي وايد كلام
ميره : ودي اسمع بس كيف وين
منصور : اهخخخخ ليتج حلالي الحين وارمسج على راحتي
ميره : الله كريم
منصور : تعالي صوب المطبخ
ميره : كيف بيشكون ؟
منصور : قولي حق روضه تغطي علينا بس أنا بظهر قبل
ميره : تمام
ميره خبرت روضه في السناب
روضه : عاشت العاشقه سرقتي اخويه ههههه
ميره : لا والله
روضه : المهم لا تطولون مافينا يحسون
ميره : اوكيه
وطلعت
ام هزاع : وين سايره
ميره : بيبلي ماي
ام هزاع : اوكيه
وسارت
منصور : واخيرااااا
ميره : شو تبا بسرعه
منصور : ميروه قلبي الحين انتي خلاص في الجامعه وانا اشتغل والصراحه أنا ماروم اصبر مستعيل ابا اخطبج
ميره : إذا ملزم حياك أنا موافقه
منصور : صدق ؟
ميره : هيه ( وهي مستحيه )
منصور : فديتج ياربيهههه تم باجر برمس الوالده
ميره : يلا بروح
منصور : الله يحفظج
وراحت ومنصور دخل عقبها بخمس دقايق عشان مايشكون
وتغدوا وكل واحد رد بيته وميروه خبرت روضه السالفه
روضه : الحمدالله بتستوين حرمه اخويه حماس
ميره : هيههههه
روضه : فديتججج
ميره : عقبالج
روضه : وين ماظني
ميره : ماعليج ياينج النصيب
روضه : انشاءالله
ورقدن
اليوم الثاني الظهر في بيت بو سعيد
في الصاله :

بو سعيد : ها منصور غريبه ناش اليوم
منصور : لانه الوقت الوحيد الي انته وامي تكونون رواحكم كلهم رقود ابا أرمسكم في موضوع
ام سعيد : عسى خير
منصور : خير وبتفرحون وايد

يتبع........