සකුරා වසන්තය [completed]

🌸 දෙවන කොටස

පොත් කන්දරාවකට මූන තියං මම බලං හිටියේ කිමෝ සං දිහා...මේ මනුස්සයා හෝ ගාලා පොත් අහුරනවා,අද කවුරුත් එනවා කීවද?? ඒකත් මේ රෑ??

කිමෝ සං...ඇත්තටම කවුරුහරි එනවද මෙහෙට අද??

මම දිහා ගල් ගිල්ලා වගේ බලපු කිමෝ සං ඇහැක් හීනි කරලා තොල් උල් කරා...මේ මනුස්සයාටත් තියෙන්නේ එසේ මෙසේ හුරතලයක් නෙවෙයිනේ ඉතින්!!

මේ...අද සතෝ සං එනවා කීවා!!

හහ්..ඇත්තට එහෙනම් ඒකයි මේ හොරේ...මට හැබැයි හිතුනා නිකමට කිමෝ සංගේ අමුතු බැල්මට,මොනා උනත් මේ මනුස්සයා හරි අමුතුයි,ඊස්තටික් මනුස්සයෙක් එයා..

හහ්...හිරෝෂිමාවට සකුරා පිපිපෙන්න වගේ යන්නේ

අප්පේ බලන්නෙපැයි කිමෝ සංගේ ලැජ්ජාශීලී මූන හරිම අගෙයි ඒ පෙනුමනම්!! මේ කෝලං වලට වෙන්නැති හැබැයි සතෝ සං අහුවෙන්නැත්තේ,මොනා උනත් එයා හරි වාසනාවන්තයි...මේ වගේ ඊස්තටික් මනුස්සයෙක් මුණගැහෙන්න!!

ජන්කුක් සං දන්නෑනේ වැඩක්,ගෙන්කි වල තිබුණු නාට්‍ය වලට අර මෝඩ මනුස්සයා වතනබේ පෙත්සමක් ගහලලු!!

දෙයියනේ...ඒ මනුස්සයාට ඇත්තටම ඇයි බැරි ඔහොම කෙනෙහිලිකම් නොකර ඉන්න!!

මගේ අල්ල මූනේ හිටින්නම මම කම්පාවට පත් උනා වගේ පෙන්නුවා,ඒක නම් ඇත්තටම දුක හිතෙන කාරණාවක්..ගෙන්කි වල ආයේ නාට්‍ය බලාගන්න බැරි උනොත් කොහෙං බලන්නද ඉතින්...හරිම දුකයි!!

කිමෝ සං උනත් කියන්නේ ඒක වැරදී කියලා..ඇත්ත නේන්නම්...වතනබේ සංට ඇයි බැරි ඔය දේවල් වලට ඇගිලිගහන්න,එයාගේ ආපනශාලාවට මිනිස්සු අඩු උන එකට ගෙන්කි ශාලාව පලිද??

අනේ මට මොකටද ඒවා ඉතින්!

කිමෝ සං....ඔයා හිතනවද මට ආයෙම ලියමනක් ඒවි කියලා??

කාගෙන්ද??

තකහෂි සංගෙන්??

ම්...මමත් ඒක හරියට දන්නෑ ළමයෝ!!

ලොකූ හුස්මක් මගෙන් පිටවෙන්නැති!! එයා යුද්ධෙට ගිහින් දැන් මාස තුනක්....තාමත් එයාලා එහෙ...අඩුම මගේ ලියමනට මොකුත් එවන්නවත් බැරි තරම් මගේ අකියොට ඇත්තටම මොකක්ද උනේ??