معاناة بنت يتيمه.❤️‍🩹

"Part 2"

*Written by Reem Sleman🤎✨*

*بعد مرور أكثر من ٣ساعات:*
*الدكتوره: للاسف احنا هنضطر نشيل الرحم  لان الحمل أصلا كان غلط عليها وبفضل ربنا قدرنا ننقذ الطفله  
صلاح بصدمه:ايي! هتشيلوا الرحم!
الدكتوره:للاسف دا الحل الوحيد عشان تقدرر تكمل حياتها! لو موافق هتمضي علي الورقه دي عشان نقدر نعمل العمليه وإن شاء الله خير
صلاح:طب وبنتي حصلها حاجه ؟!
الدكتوره: بنتك الحمدلله تمام بس هتروح الحضانه لانها اتولدت قبل معدها بس دا اللي حصل ودا اللي قدرنا نعملوا الباقي علي ربنا ودلوقتي هي هتفضل في العنايه ال ٢٤ ساعه ولو حالتها استقرت هننقلها غرفة عادية
صلاح:اقدر ادخلها ؟
الدكتوره: للاسف مينفعش
صلاح:مش هطول هخرح علطول
الدكتوره:تمام بس ياريت مطولش
صلاح:شكرا يا دكتوره
الدكتوره:تحت أمرك
٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭٭
في غرفة العناية:
صلاح:متسبنيش يا شيرين أنتِ عارفه أنا بحبك قد اي وعارفه إني مقدرش اعيش من غيرك فوقي يا شيرين خلينا نربي بنتنا سوا هي محتاجالنا يا شيرين محتاجه اننا نكون جمبها ونربيها فوقي يا شيرين خلي عيلتنا تكمل يارب متورنيش فيها حاجه وحشه يارب ثم أكمل ببتسامه عارفه يا شيرين لسه مشوفتش حنين لحد دلوقتي بس متأكد انها هتطلع شبهك واتمني انها تطلع شبهك
الممرضه:لو سمحت مش هينفع كداا اتفضل اخرج
صلاح:أنا هطلع دلوقتي يا شيرين بس مش همشي هفضل جمبك لحد ما تفوقي مش هسيبك لوحدك يا شيري
ثم خرج من غرفة العناية
٭٭٭٭٭٭٭٭٭٭٭٭٭٭٭٭٭٭٭٭٭٭٭٭
بعد خروح صلاح من غرفة العناية:
صلاح:ياربي يعني دا وقت ترني فيه يا حماتيي طب هقولها اي دلوقتي هقولها بنتك بتموت يارب
هالة:في اي يا صلاح برن علي شيرين مش بترد ليي
صلاح:شيرين في العناية يا طنط
هالة بصدمه: ايي!
صلاح: متقلقيش يا طنط هي بس ولدت قبل معادها وكمان الحمل كان غلط عليها
هالة ببكاء:يا حبيبتي يا بنتي مستشفي ايي يا صلاح بسرعه
صلاح:مستشفي*********
هالة: ماشي أنا جايه حالا
ثم اتجهت هالة لترتدي ملابسهاا لكي تذهب إلي ابنتها
٭٭٭٭٭٭٭٭٭٭٭٭٭٭٭٭٭٭٭٭٭٭٭
هالة ببكاء:يارب احمي بنتي يارب أنا مليش غيرها بعدك يارب يارب أنا مش هستحمل تبعد عني يارب يارب شيرين دي كل حياتي يارب
مجهول بخبث:هيحميهاا متقلقيش
هالة بصدمه:أنتِ أنتِ بتعملي اي هنا ؟
مجهول:كل خير وجايه اطمنك علي بنتك متقلقيش
هالة:حرام عليكي يا مها متعمليش حاجه فيها  دي أختك يا بنتي
مها: متقوليش بنتي أنا مش بنتك أنا بكرهك يا هالة بكرهك
هالة:بتكرهيني! الله يسامحك يا مها الله يسامحك امشي وابعدي عننا يا مها احنا مش شبهك ولا أنتِ شبهنا ابعدي عننا
مها:أنا همشي دلوقتي بس هرجع تاني يلا Good Luck
هالة:ربنا يهديكي يا بنتي ربنا يهديكي يا مها ويشفيكي يا شيرين يا بنتي ويبعدك عن شر أختك مهاا ربنا يسترها معاكي يا شيرين يا بنتي يارب
٭٭٭٭٭٭٭٭٭٭٭٭٭٭٭٭٭٭٭٭٭٭
صلاح:الو يا أمي
ليلي:أنت فين يا صلاح أنت وشيرين طلعت اشوفكوا في شقتكوا فضلت اخبط محدش بيرد
صلاح:احنا في المستشفى يا أمي
ليلي بصدمه:مستشفي! مالك يا ابني أنت ومراتك في حاجه حد تعبان وابنك! ابنك حصلوا حاجه
صلاح:اهدي يا أمي
ليلي:بتقولي أنك في مستشفى وعايزاني اهدي
صلاح:ااه اهدي كل الموضوع ان أنا وشيرين كنا خرجنا بالليل شويه وتعبت خدتها المستشفي قالوا تولد علطول وفضلت في العنايه حوالي 3 ساعات وشوية ولسه مفقتش عشان الحمل اصلا كان غلط عليها وكمان ولدت بدري عن معادها
ليلي:وبنتك حصلها حاجه!
صلاح:لا يا أمي حنين زي الفل هي بس في الحضانه عشان اتولدت بدري عن معادها وكداا 
ليلي:يا حبيبي يا ابني كل داا حصلك طب مرنتش علياا ليي
صلاح: مكنتش عايز اقلقك بس يا أمي
ليلي: قلق ايي بس قولي أنت في مستشفى اي وأنا هجيلك علطول
صلاح: مفيش داعي يا امي متتعبيش نفسك
ليلي:وأنا لو متعبتش علشانك أنت وولادك هتعب عشان مين ريح قلبي يا ابني وقولي انت في انهي مستشفي
صلاح: حاضر يا أمي مستشفي******
ليلي: ماشي لما اوصل هرن عليك تنزل تقابلني
صلاح: ماشي يا أمي
٭٭٭٭٭٭٭٭٭٭٭٭٭٭٭٭٭٭٭٭٭
هالة: بنتي فين يا صلاح
صلاح:في الاوضة دي بس الدكتورة مانعه أن حد يدخلها
هالة:أنا عايزه اطمن
صلاح: الدكتوره عندها جواا لما يطلع هيطمنا
وقبل انتهاء حديثهم كانت الطبيبة خرجت من غرفة العناية فور إتمام وانتهاء العملية
هالة:طمني يا دكتور بنتي عامله اي
الدكتورة: مكدبش عليكوا الحالة مش مستقرة تماماا كان المفروض تأخدوا بالكواا من خطر الحمل بس إن شاء الله خير
صلاح:وهنقدر نشوفها ؟
الدكتوره:لا بكرا الصبح بإذن الله تقدرواا تشوفوها علي الأقل تكون فاقت والحالة اتحسنت بعد اذنكوا
صلاح وهو يوجه كلامه إلي حماته التي تبكي علي حال ابنتها: القاعده هنا ملهاش فايده يا طنط إن شاء الله شيرين هتبق كويسه وزي الفل وأنا هنا جمبها ومش هسبها لحظه
هالة:لا أنا مش هسيب شيرين لوحدها مش هرتاح طول ما هي تعبانه ومش بخير وكمان بعيده عني لا أنا هخليني جمبها
صلاح:يا طنط مش هينفع أنا هنا جمبها ممكن تمشي أنتِ وتيجي الصبح وإن شاء الله هتكون فاقت
هالة: حاضر بس خلي بالك منها
صلاح: متقلقيش والله أنا هفضل جنبها
هالة:ربنا يكرمك يا ابني يآرب
صلاح:يارب يا طنط ادعيلها بس وإن شاء الله هتبقي زي الفل
هالة:بدعيلها علطول والله
٭٭٭٭٭٭٭٭٭٭٭٭٭٭٭٭٭٭٭٭٭٭
في غرفة الدكتورة:
صلاح:السلام عليكم
الدكتوره:وعليكم السلام خير في حاجه
صلاح:خير إن شاء الله أنا زوج شيرين ثم أكمل بحزن:اللي حضرتك قولتيلي انها هتشيل الرحم وكدا
الدكتوره: اه مالها في حاجه
صلاح:كنت عايز اطمن عليها بس
الدكتوره:متقلقش كلوا تمام بإذن الله هتكون كويسه وكمان العملية نجحت ومفيش خطر علي حياتها
صلاح: الحمدلله بشكرك يا دكتوره
الدكتوره:الشكرر لله وحده أنا بعمل واجبي
صلاح: معلش يا دكتوره بلاش تقولي قدام مامتها أنها شالت الرحم وكدا حضرتك فاهمه
الدكتوره بتفهم:تمام متقلقش
صلاح:شكرا مره تانيه
الدكتوره:الشكرر لله
صلاح: بعد إذنك
الدكتوره:تمام
٭٭٭٭٭٭٭٭٭٭٭٭٭٭٭٭٭٭٭٭٭٭٭٭
ليلي:الو
صلاح:ايوا يا أمي
ليلي:أنا تحت يا صلاح انزلي
صلاح: حاضر يا أمي ثواني وهكون عندك
ليلي: ماشي يا حبيبي