معاناة بنت يتيمه.❤️‍🩹

#معاناة بنت يتيمه#

"Part 14"
Written by Reem Sleman♡

في شقة شيرين:
شيرين:يااااه أنا تعبانه اوي يا حنونه
حنين: وأنا كمان يا ماما
شيرين:تعالي نغير هدومنا الأول وبعدين ننام ونرتاح
حنين: ماشي يا ماما بس أكلم رامي الأول
مجهول:مش جه الوقت بقا الل نرتاح منك فيه
شيرين بصدمه:مها!
مها:ايوا مها كنت مفكره انك مش هتشوفيني تاني
حنين:ماما مين دي!
مها:دي بقا حنين ازيك يا حبيبتي
حنين: الحمدلله
شيرين:حنين ادخلي جوا
حنين:ليه يا ماما عايزه اقعد مع طنط
مها:اقعدي يا حبيبتي
شيرين:جايه وعايزه ايه يا مها
مها:عايزه روحك
شيرين: يعني ايه ؟
مها: يعني هموتك زي ما موتي أمي وقدام بنتك شوفتي بشاعة موت أكتر من كدا عشان لما جيتي تقتلي أمي كان لازم تفكري اني مش هسيب حقها
شيرين: برضوا هتقوليلي قتلتها قسما بالله ما قتلتلها وبعدين أنا كنت لسه صغيره اصلا هقتل! كل دا وهم في دماغك مخليكي مش شايفه غير اني قتلت طنط كريمه! وقتلتي أمي برضوا عشان مفكره انها قتلت طنط كريمه وكذالك صلاح عشان تحرقي قلبي عليه ودا لو مكنتيش قتلتي حسام كمان أنتي ايه يا شيخه القتل عندك عادي كدا مش خايفه من ربنا حسبنا الله ونعم الوكيل فيكي طبعا هتسألي مفكرتش ليه انتقم منك بعد كل دا لاني مش شبهك يا مها ولا عمري هكون شبهك بالرغم كل الل عملتيه داا أنا سايبه حقي عند ربنا ومتأكده انو مش هيخذلني ربنا ينتقم منك بجد يا مها كان عندي أمل انك تتغيري بس خلاص بقاا مفيش أمل خالص انك تتغيري فاكره زمان كنتي ازاي! كنتي بتخافي تقتلي فرخه دلوقتي بقيتي تقتلي وبدم بارد اتغيرتي اوي يا مها اتغيرتي اوي مبقتيش أختي الل أنا اعرفها بقيتي واحده غريبه عني ربنا يسامحها طنط كريمة كانت طول عمرها تكرهك فيا وهي عايشه ولا ماتت متعظتش خليتك بالشكل الل نتي فيه دا عيالك كرهوكي وهربوا منك وعايشين حياتهم في رهبة انك ترجعلهم وجوزك سابك ومات بسببك ومش منك بس لا كمان الزفت طارق الل نتي متفقه معاه ضد أختك عقلك كان فين وأنتي بتتفقي مع شخص زي داا طلعي الحقد دا من قلبك وأنا مسامحاكي ونرجع أخوات زي ما كنا وهطلب من ربنا انو يسامحك واهو تكوني فوقتي من كل دا قبل فاوت الاوان جربي اسمعي كلامي ولو لمره واحده يا مها أنا مبكرهكيش بل بالعكس والله أنا بحبك ولسه بحبك لحد دلوقتي والله رغم كل داا ورغم دعوتي عليكي مقدرتش اكرهك لانك أختي وحتة مني
مها:شاااابووو ليكي بجد عاجبني كلامك اوي فكرك بقا ان كلامك دا هيآثر فيا وهيخليني ارجع عن قراري نوو يا حبيبتي أنا هقتلك وقدام بنتك زي ما قولتلك وهنتقم لأمي برضوا أنا عارفه انك بتقولي كدا عشان ارجع في قراري نوو قراري مش هرجع فيه وهقتلك وطلعت السكينه
حنين بخوف:ماما هي طنط هتعمل ايه
شيرين:اهدي كدا يا مها أنا أختك هتلبسي مصيبه جديده وبنتي لسه صغيره عايزه الل يربيها ويعلمها
مها بشر:لا ما أنا عندي ضمير هوديها دار أيتام عارفه دار الأيتام الل بيخلوا العيال تكنس وتمسح ايوا هو الل جه ف دماغك داا هوديها فيها هنتقم منك بس أنتي خلاص هتموتي ف هكمل دا في بنتك بقا هخلي حياتها كلها عذاب مش هخليها تتهني أبداا هخليها طول حياتها تتمني الموت ومتلاقيهوش بس أنا عشان حنينه هموتها بس مش دلوقتي لا هخليها تتمني الموت الأول وبعدين اموتها
شيرين بزعيق:أنتي ايه يا شيخه مبتحسيش أنتي قلبك حجر اوماال لو مكنتيش عندك بنت ومجرب شعور الأمومه عارفه يا مها أنا مش خايفه من الموت أنا مبسوطه اني هموت شهيده أما بنتي ف أنا متأكده ان ربنا معاها ومش هيسبها ومهما عملتي فيها ربنا معاها وهيعوضها ربنا عمروا ما بينصر الظالم والمفتري وأنتي ربنا ما هينصرك اتمتعي في الدنيا زي ما أنتي عايزه واقتلي واعملي كل الل أنتي عايزاه بس ربنا بقا مش هيسيب واحده زيك تفضل تعمل كل دا ونهايتك هتكون ابشع من نهايتي وهتندمي علي كل داا وبكرا تفتكري كلامي وتقولي ياريتني سمعت كلامك يا شيرين وقت ما تكوني واقفه وتلاقي نهايتك قدامك حسبنا الله ونعم الوكيل فيكي ربنا ينتقم منك أنا وكلت ربنا هو الل يجيب حقي وواثقه فيه وأكملت بهدوء:وأنتي يا حنونه خليكي عارفه ان مهما زادت معاناتك هتلاقي ربنا بيعوضك عن كل الل هتعيشيه
حنين:ماما أنتي هتسيبي حنونه ؟
شيرين بإبتسامة هاديه: عمري ما هسيبك هفضل جواكي حتي لو مبقتش موجوده في الدنيا الظاهر يا حنونه إن نهايتي جت يا حبيبتي
مها بضحكة شر:متتصوريش أنا مبسوطه ازاي وأنا شايفاكي بتودعي بنتك بتفكريني يوم ما قتلتي أمي مفكرتيش ان هيجي يوم زي داا وتكوني بتودعي بنتك برضوا
شيرين :مش هجادل معاكي ولا هبرر بكرا تعرفي أنتي الحقيقة لوحدك وتعرفي انك غلط يلا اقتليني اقتليني
مها بضحكة شر:يلا يا حنونه قولي لماما باي سلاام يا شيرين ياااه علي كمية الراحه وأنا موتلك كل الل بتحبيهم ودلوقتي هموتك أنتي ههههه ومسكت السكينه وطعنتها فيها ١٠ طعنات وهي كل مره تقول واحد اتنين تلاته.......
شيرين:ااااه أشهد أن لا إله إلا الله وأشهد أن محمد رسول الله هتوحشيني يا حنونه خلي بالك من نفسك يا حبيبة ماما وماتت شيرين وخلصت حكايتها ونهايتها كانت أبشع النهايات وإلي هنا تنتهي قصة أهل حنين وهتبدأ حكايتنا مع حنين
حنين بدموع:ماما! دم! طنط ماما دم ؟
مها بضحك:ايوا أنا الل جبت الدم دا يا حبيبتي ودلوقتي تعالي معايا
حنين ببكاء:لا أنا عايزه ماما مش عايزه اجي معاكي عايزه افضل مع ماما وأكملت وهي تنادي علي شيرين: ماما حنونه شافت دم طالع منك
مها بعصبية: يلااا يا بت هي ناقصه قرف وعد مني من النهارده هعيشك أسوء أيام حياتك وشدت حنين من أيديها وطلعت من الشقه بلا من البيت بأكمله
حنين ببكاء:عايزه ماما ياا مامااا
مها بزعيق:اشششش اسكتي مسمعش صوتك خالص أنتي فاهمه
حنين ببكاء أكثر: عايزه ماما مش عايزاكي
مها بعصبية وهي تضرب حنين: أنا مش قولتلك مسمعش صوتك اتفضل اركبي الزفت العربيه يااما وقسما بالله ما حد هينجدك من ايدي النهارده فاهمه ؟
صمتت حنين ولم تتحدث بعد
»»»»»»»»»»»»»»»»»»»»»»»»»»»»»»
في شقة أماني:
رامي:ايوا يا دكتوره
الدكتوره:ازيك يا رامي يا حبيبي عامل ايه
رامي: الحمدلله بخير كنت عايز اقول لحضرتك علي حاجه
الدكتوره:قول يا حبيبي
رامي: حاسس أن حنين فيها حاجه مش كويسه او هي مش كويسه مش عارف حاسس قلبي مقبوض كدا كأن حصلها حاجه او اني مش هشوفها تاني
الدكتوره:ليه بتقول كدا ؟
رامي: النهارده واحنا بنودعها قبل ما نمشي وكدا كانت بتقولي أنا مش هشوفك تاني قولت دي أكيد بتقول اي كلام وخلاص بس دلوقتي حاسس فعلا إني مش هشوفها تاني
الدكتوره:كلامك دا لو حقيقه يبق أنت كدا بتحس ب حنين إذا كانت كويسه او لا
رامي:مش عارفه يا دكتوره إيمان
إيمان: والله يا رامي مش عارفه اقولك ايه بس جرب كدا ترن علي مامتها مثلا ممكن تكون دي تخيلات في دماغك فاهمني ؟
رامي:جربت والفون بيرن ومحدش بيرد
إيمان:ممكن يكونوا نايمين مثلاا يعني أنتوا راجعين من فرح وأكيد تعبانين ممكن يكونوا ناموا
رامي: الفكره ان حنين مبتعرفش تنام غير لما بتكلمني حتي لو أنا بعيد يعني لما كنت باجي عند بابا أحمد وتيتا أماني ومش بكون بايت معاها بترن عليا تكلمني وبعدين تنام
إيمان:بص يا حبيبي ممكن تكون مثلا تعبانه المره دي جامد
رامي: ممكن بس أنا برضوا قلقان عليها
إيمان: خلاص نام وارتاح وبكرا رن عليها ولو مردتش روح وخلاص
رامي: ماشي شكرا يا دكتوره
إيمان:العفو يا حبيبي تصبح علي خير
رامي:وأنتي من أهل الخير سلام
إيمان: سلام هستني مكالماتك
رامي: تمام
»»»»»»»»»»»»»»»»»»»»»»»»»»»»»»
أحمد:هبة
هبة:امم نعم
أحمد:الدبابيس مش راضيه تخلص يا هبة أنا تعبت والله كمية دبابيس مش طبيعيه ايه دي
هبة:ما هو بص يا أحمد يا حبيبي هما حاطين الدبابيس دي كلها عشان الطرحه متقعش هتبق مبسوط يعني وأنت شايف الناس بتتفرج علي شعر مراتك
أحمد:أكيد لا بس الدبابيس مش شايفها اصلا صغيره اوي ولونها نفس لون الطرحه
هبة:ما برضوا عشان الدبابيس متبانش وتبوظ شكلي يعني يرضيك يعني شكلي يبق وحش وبايظ كدا
أحمد:لا يا حبيبتي ميرضنيش بس أنا تعبت والله أنا واقف بقالي اكتر من ساعه بفك الدبابيس وحضرتك قاعده عماله تصوري تيك توك
هبة:يا حبيبي للذكره يعني يرضيك يعني مصورش تيك توك للذكره ولا اتصور حتي يرضيك مفتكرش اليوم دا بالصور
أحمد:أكيد لا يا هوبة بس احنا اتصورنا وعملنا سيشن جميل وكنا مبسوطين لازمتها ايه الصور دي بقاا
هبة:يا حبيبي يعني هما الل صوروا حلال ليهم وحرام ليا يعني اشمعنا هما وبعدين دا فرحي وأهم يوم في حياتي ومش هيجي كل يوم ف لازم بقا اخلي يوم مميز
أحمد: يعني يومك يبق مميز وتيجي علي دماغ الل جبوني اقعد اصور تيك توك واصور حضرتك واوريكي الشقه وبعدين اقف بقالي اكتر من ساعه بفك الدبابيس
هبة: يعني يرضيك يا حبيبي.......
أحمد بمقاطعة:يرضيني ااه
هبة بضحك:بس انت لسه مسمعتش أنا قولت ايه
أحمد:هو كدا يااااه الطرحه اتفكت اهي الحمدلله يارب الحمدلله
هبة:يا خساره مكنتش عايزه تتفك عايزه ارخم عليك أكتر
أحمد:خشي يا هبة غيري الفستان وخدي شاور عشان نرتاح اليوم كان متعب
هبة: حاضر يا حبيبي من عيوني
أحمد بإبتسامة:تسلملي عيونك يا قمريي
»»»»»»»»»»»»»»»»»»»»»»»»»»»»»»
في دار الأيتام:
مجهول:تمام يا مها هانم زي ما أمرتي بالظبط
مها : البت دي مش عايزها ترتاح تعمل كل حاجه تنضف وتعمل كل حاجه واي حاجه
مجهول:تمام يا مها هانم تحت أمرك
حنين:مش عايزه اقعد هنا أنا عايزه ماما
مجهول:يلا يا بت قدامي مش ناقصه قرف
مها:همشي أنا بقا مش عايزها تموت تفضل عايشه فاهمهه
مجهول: فاهمه طبعا اي حاجه تطلبيها أوامر يا هانم
مها: ماشي أنا ماشيه
مجهول:مع السلامه يا هانم وأكملت وهي تنظر لحنين:يلا يا بت قدامي
وفاء:ف ايه يا منه بتزعقي للبت كدا ليه تعالي يا حبيبتي وخدت حنين
منه:سيبي البت يا وفاء دي أوامر ولازم تتنفذ
وفاء: البت يتيمه معندهاش حد هنيجي احنا كمان عليها خلي عندك دم ترضيها علي بنت من بناتك تعالي يا قمر
راحت حنين معاها واخدت غرفة أقل ما يقال عليها مكان للحيوانات
وفاء: معلش بقا يا بنتي هنعمل ايهه اقعدي هنا لحد ما اجبلك جبنة وعيش تتعشي
مشيت وفاء وقعدت حنين علي الأرض وهي تقول:ماما ماماا ماماا
وفاء: خلاص يختي أمك مش هتيجي تاني اما أمهات معندهاش دم بصحيح ناس تتمني ضفر عيل وناس ترمي ضانها عجااايب خدي يا بت جبنه اهي كلي
كلت حنين ونامت ولم تتذكر أمها ف هي طفله لم تفهم اي شئ لديها سنتين عام فقط
»»»»»»»»»»»»»»»»»»»»»»»»»»»»»
في الصباح: