معاناة بنت يتيمه.❤️‍🩹

#معاناة بنت يتيمه#
"Part 16"
Written by Reem Sleman♡

مجهول:انضفلكواا هدومكوا معاكوا؟
رغد بصدمه وتوتر:آبله وفاء
وفاء بعصبية:رايحين فين ؟
رغد بتوتر:م م مش رايحين في حته
وفاء بزعيق:اتفضلي قدامي أنتي وهي هتتحبسوا يومين كاملين من غير أكل
لم تتحرك رغد ولا حنين
وفاء بزعيق جعلتها يرتعشون:اتفضلواااااا قدامي
رغد بتوتر:ح حاضر
وفاء:ادخلواا يا هواانم هتقعدوا هنا من غير أكل ولا شرب ما اشوف هعمل معاكوا ايه بقا ووجهت كلامها لكل الواقفين:ممنوع يطلعوا برا الاوضة دي وممنوع يدخلهم أكل ولا شرب فاهمين ؟
كلهم بصوت عالي:فاهمين
وفاء:يلااا كل واحده علي شغلها وانتوا بقا هربيكوا من اول وجديد لحد ما تقولوا حقي برقبتي
منه بضحك:مش قادره ابطل ضحك والله يعني وفاء الل كانت بتقول يدخلهم تلات وجبات دلوقتي بتقول ميدخلهمش أكل خالص
بصتلها وفاء بقرف من فوق لتحت وسابتها ومشيت
منه بإحراج:احم احم مفيش حاجه أنا أنا ماشيه
رغد ببكاء:يارب أنا مش قد العيشه دي أنا تعبت خلاص مبقتش حمل كل دا كل حاجه بتمشي عكس ما أنا عايزه تعبت من كل الدنيا حياتي عباره عن ذل في ذل ذلوني يارب أهلي وحشوني اوي مش عارفه ليه عملوا فيا كدا أنا حبيتهم وهما محبونش لاني بنت ؟ ودوني دار أيتام أعيش طول حياتي مذلوله عشان أنا بنت! ااااه يارب أنا شايله كتير اوي ريح قلبي يارب عشان أنا خلاص تعبت ومبقتش قادره استحمل ذل أكتر من كدا والله أنا استحملت فوق طاقتي وعشت حاجات فوق سني كتير اوي
طبطبت حنين عليها فهي لم تعي شئ مما تقولوا ولكنها وجدتها تبكي طبطبت عليها
ابتسمت رغد ونامت واخدت حنين في حضنها
ظلوا محبوسين في هذه الاوضه دون أكل او شرب وكانت حياتهم عباره عن ذل واهانه لا أكتر ولا أقل لحد ما فرجوا عنهم بعد مرور اسبوع كامل
»»»»»»»»»»»»»»»»»»»»»»»»»»»»
رامي: النهارده عدا خمس سنين علي بعدها عني بقا عندي 17 ملامحها لسه محفوره في دماغي عمري ما نستها لسه بدعي ربنا في كل صلاه اني اقدر اشوفها وحشتني اوي رغم اني معشتش معاها غير سنتين بس كانوا أجمل سنتين في حياتي عمتو هبة وبابا أحمد خلفوا بنوته زي القمر سموها حور وهي فعلا حور جميله جدا ما شاء الله عمتو هبة خلفتها بعد جوازها ب سنه واحده يعني عندها دلوقتي 4 سنين او لسه هتمهم النهارده اصل عمتو هبة ولدت حور في نفس اليوم الل ماتت فيه خالتوا شيرين وحنونه لسه فاكر التاريخ دا وعمري ما نسيته وعمتو هبة وبابا أحمد متجوزين بقالهم 5 سنين يشهد ربنا انو عمروا ما زعلها وكان عوضها في الدنيا كان بيخفف عنها دايما وتيتا أماني بتعاملنا بكل حب أنا وشهد قررنا نقعد معاها بدل ما هي قاعدة لوحدها اما شهد أختي دي غير خالص شبه مها هانم بالظبط بتحقد علي الناس كلها ياماا اتكلمت معاها وفهمتها بس هي مبتسمعش الكلام خالص حاولنا معاها أنا وتيتا أماني بس برضوا مبتسمعش الكلام وراكبه دماغها مها هانم مختفيه خالص واختفاءها دا قالقني بس مش حاطط في دماغي هتعمل ايه اكتر من كدا انتقمت لتيتا كريمة اصل أنا برضوا عرفت الل حصل زمان لتيتا كريمة عمتو هبة قالتلي كل حاجه وحقيقي أنا مش مصدق كل دا أصل مستحيل تيتا ليلي وخالتوا شيرين يعملوا كدا أكيد في حد وراه الموضوع دا والل عرفتوا ان تيتا كريمه مكنتش كويسه بس ربنا يرحمها ربنا يرحمها اما أنا بقا ف حياتي ماشيه عادي عندي صحاب بس كلهم ولاد مجربتش اصاحب بنات خالص ولا هجرب لاني مقتنع ان كل دا غلط وحرام كمان اما بالنسبة بقا لدراستي ف أنا مهتم بدراستي جدا يمكن عشان دي الحاجه الوحيده الل بتنقذني من التفكير عشان كل ما ابق قاعد فاضي بفضل افكر في الماضي حياتي مضلمه وحشاني اوي الخمس السنين الل عدوا دول كانوا اوحش خمس سنين في حياتي هي دلوقتي عندها 7 سنين يعني ف اولي ابتدائي اكيد مش فاكراني بس أنا فاكرها جدا والله اتمني من ربنا انها تكون عايشه واقدر اشوفها تاني لأنها وحشتني اوي
أماني:يلاا يا رامي هنتآخر
رامي وهو بيمسح دموعه:أنا جاي اهو يا تيتا
نزل رامي
رامي:أنا جاهز اهو يا تيتا يلا بينا
أماني:اطلع لشهد مش راضيه تنزل فضلت ازن عليها كتير مش راضيه قال ايه مبتحبش حور ومش هتروح عيد ميلادها
رامي بزهق:اووف بقا وهي من امتي شهد كانت بتحب حد عشان تحب حور
أماني: والله يبني أنا ما عارفه هي عامله كدا ليه نفسي تتغير نفسي تحس بنفسها شوية
رامي:عليه العوض ومنه العوض أنا طالعلها اما اشوف ايه الموضوع المره دي
اماني:حاول متتآخرش يا حبيبي
رامي: حاضر يا تيتا هشوفها واجي
أماني:حاول برضوا تجيبها معاك
رامي: حاضر يا تيتا هحاول والله
طلع رامي اوضة شهد وكانت قاعده ماسكه الفون وبتآكل ببرود
رامي:ها يا شهوده مش هتيجي معانا ولا ايه دا النهارده عيد ميلاد بنت عمتك ولا ايه
شهد بعصبية:متقولش بنت عمتك مامي هبة مش عمتي هي مامي
رامي:اقولك ايه يعني بنت مامي!
شهد: متقولش يا رامي واتفضل بقا بقا اطلع برا عايزه اكمل المسلسل
رامي:شهد متعصبنيش اتفضلي قومي وبعدين أنتي مش راحه عشاني
شهد:هروح عشان مين يعني روحوا أنتوا وأنا هقعد هنا وخلاص اتفضل عايز حاجه تاني
رامي:شهد لما اكلمك تتكلمي عدل طريقتك مش عاجباني وقولتلك كدا كذا مره مبتسمعيش الكلام
شهد: والله أنا حره اتكلم زي ما اتكلم بقا
رامي:لا مش حره أنا أخوكي الكبير ومجبره تسمعي كلامي وأنا قولتلك يلا عشان نروح عيد ميلاد حور يبق يلا عشان نروح عيد ميلاد حور شهد انا بحبك متخلنيش ازعلك مني أنتي أختي الصغيرة وبنتي وكل حاجه ليا خلينا نعيش مبسوطين بقا
شهد ببرود: والله أنا مبسوطه انبسط أنت كمان بقا
رامي بهدوء:طب يلا يا حبيبتي نروح عيد ميلاد حور عشان خاطر مامي هبة متزعلش منك يلا يا جميلتي ربنا يهدينا ويهديكي
شهد:اووف أنا زهقت من الزن دا أنا قايمه البس اتفضل اطلع برا بقا عشان البس ولا هتقف وأنا بلبس كمان يعني
رامي بزهق:شهد مره تانيه وهحاسبك علي كلامك دا أنا نزل تحت خمس دقايق وتكوني موجوده
شهد بتجاهل كلامه: لازم البس احسن حاجه عندي عشان اكون حلوه واحلي من اي بت هناك
بصلها رامي ومشي
جهزت شهد ونزلت في طريقهم إلي بيت هبة وأحمد
»»»»»»»»»»»»»»»»»»»»»»»»»»»»»»
في الدار:
حنين:بتعملي ايه يا رغد
رغد:بذاكر يختي أنا ف تالته اعدادي ولازم اذاكر كويس
حنين: ماشي ربنا معاكي
رغد:اتكلمي يا حنونه سامعاكي استني كدا
شالت رغد الكتب وفضت المكان وقالت لحنين: تعالي في حضني واتكلمي وأنا سامعاكي
دخلت رغد في حضنها وبدأت حنين تعيط طبطبت رغد عليها وسابتها تعيط لحد ما تهدأ وتطلع كل الل جواها ودا الل كانت محتاجاه حنين
رغد: خلاص اهدي اهدي كدا هتتعبي مفيش حاجه مستهله كل دا والله احكيلي براحه في ايه
حنين:هو أنا ليه معنديش أهل ؟ ليه اقعد في المكان دا وكل شوية ضرب وإهانة ومقدرش اطلع برا المكان دا عشان مش هعرف اروح فين ولا اروح لمين اصلا أنا تعبت اوي يا رغد أنتي مصيرك يجي يوم وتطلعي برا المكان دا بس أنا لسه بدري مش هقدر اطلع برا الدار خالص بحس ان حد مسلطهم عليا والله بحس ان حد قايلهم حنبن متفرحش خالص حنين تموت من الضرب أنا جسمي مفيهوش حته سلميه أنا متكسره حرفيا ومش بإيدي حاجه اعملها ليه معنديش أم تحتويني وتحبني ليه معنديش اب يسندني ليه معنديش أخ يحبني ليه معنديش أخت تشاركني كل حاجه ليه ليهه طيب ايه الل جابني المكان دا او مين الل جابني طب أنا عيلتي عايشه ولا ميته طيب انا مين ولا بنت مين ولا ف حد من عيلتي عايش ولا لا أنا معرفش حاجه عني غير اني اسمي "حنين صلاح محمد العدلي"