معاناة بنت يتيمه.❤️‍🩹

"Part 7"
Written by Reem Sleman♡

هبة بشك:رامي أنت قولتلي اسمك رامي حسام محمد العدلي
رامي:ايواا
هبة بصدمه:أنت ابن حسام
رامي:ايواا
هبة بعدم استيعاب:لا لا مش معقول!
رامي:في ايه يا ماما
هبة بضحك وبكاء وهي تحضن رامي:أنت ابن اخويا! لا مش معقول بجد أنت ابن حسام!
رامي باستغراب:أخوكي!
هبة:أحمدد
أحمد:نعم يا هبة
هبة:خلي الولاد معاك وروحهم البيت المفتاح اهو وأنا هروح مشوار وهرجع
أحمد:هتروحي فين!
هبة:مش مهم
احمد:رامي هي قالتلك حاجه
رامي:لا
أحمد:خلاص تعالوا اروحكوا البيت
رامي:ماشي
..................................................................
في المستشفي:
هبة:لو سمحتي يا منه
منه:اتفضلي يا هبة عايزه حاجه وبعدين يا بنتي أنتي مش في اجازه ؟
هبة:اااه بس عايزه اسألك علي حاجه مهمه
منه: اتفضلي
هبة: مدام شيرين الل جت ولدت وشالت الرحم دي عارفها ؟
منه:ايوا مالها
هبة:جوزها بقا الل عمل حادثه واكملت بحزن:وتوفي
منه:مالهم بقا
هبة:عايزه اعرف كل حاجه عنهم عنوانهم اي حاجه بس اهم حاجه العنوان
منه:طب قوليلي ليه بس
هبة:مش مهم يا منه هاتي عنوانهم بس الاول
منه: ثواني
هبة:براحتك
بعد مرور بعض الوقت:
منه:اهو دا عنوانهم
هبة:شكراا يا منه
منه:العفو يا هوبة
...............................................................
وصلت هبة العنوان الل كان مكتوب في الورقه
هبة:ياااااه مكنتش متخيله ارجع البيت داا تاني ونزلت دمعه منها غصب عنها:وحشتوني اوي مكنتش متخيله ان بعد الوقت دا كلوا ارجع هنا تاني
ورنت الجرس
فوق في شقة شيرين:
ليلي:حسام في حد بيرن الجرس تحت انزل افتح
حسام: حاضر يا ماما
ليلي:يحضرلك الخير يا حبيبي
حسام بصدمه:آنسة هبة! ايه الل جابك هنا وعرفتي عنوان البيت منين
احتضنته هبة وقالت ببكاء:وحشتني اوي يا حسام وحشتني يا اخويا كدا اهون عليكوا تسلموني لعمتو وتقولولها ترميني في مدرسة داخلي
حسام بصدمه وعدم استيعاب:مش معقول بجد! أنتي هبة!
هبة ببكاء:ايواا هبة الل حرمتوها منكوا هبة الل عاشت حياتها كلها في مدرسة داخلي
حسام بدموع الفرح: يعني أنتي متقتلتيش!
هبة:لا أنا عايشه اهو أنت مش مصدقني!
حسام:كنت حاسس ان أنتي كنت حاسس والله يا هبة كلهم قاطعوني عشانك اتهموني بقتلك
هبة: قتل ايه أنا مش فاهمه حاجه
حسام:تعالي ادخلي وأنا افهمك براحه وأنتي تفهميني ايه الل حصل
هبة بتآثر وهي تنظر إلي البيت: مفيش حاجه اتغيرت في البيت! لسه زي ما هو بس احنا الل اتغيرنا!
حسام بدموع:كل حاجه ضاعت بعدك يا هبة كنا عايشين من غير الروح أنتي الل كنت عامله في البيت بهجه من بعدك كل حاجه باظت! صلاح مات يا هبة وبابا برضوا مات من زعله عليكي ومن صدمته فياا
هبة بصدمه:ايييه! بابا مات!
حسام:ايوا مات يا هبة مات!
هبة ببكاء: أنا قولت لما ارجع هلاقيكوا كلكوا حوليا بس الظاهر اني كنت غلطانه العيلة خلصت يا حسام
حسام: أنا عايز افهم واعرف كل الل حصلك
هبة: حاضر بعد ما روحت مع عمتو كريمة
فلااااش باااك
كريمة:البت اهي يا عمران
هبة:مين دا يا عمتو
كريمة:عمك
هبة بصدمه:عمي! عمي ازاي بابا معندوش اخوات غيرك!
عمران:لا يا حبيبة عمك ليه أخوات أنا وكريمة المهم بقا هما زهقوا منك واتخنقوا منك ف عشان كدا أنتي مش هترجعي البيت تاني
هبة ببكاء:لا ماما وبابا عمرهم ما يقولوا كدا ماما وبابا بيحبوني سبوني انا مش عايزه اروح في حته
كريمة بتمثيل البكاء:معلش يا بنتي مش بايدي حاجه بس انا مش عايزه اقولك
عمران:لا قولي يا كريمة لازم تعرف الحقيقة
كريمة:بصي يا هبة يا حبيبتي أخويا محمد ومراته ليلي قالولي احنا تعبنا من هبة كل شوية طلبات طلبات واحنا زهقنا منها ومبقناش قد طلباتها دي كل شويه تبقى عايزه حاجه واحنا تعبنا خلاص واتخنقنا منها وقالي أنا وعمران نأخد نوديكي مدرسة داخلي يا حبيبتي تعيشي فيها عشان هما خلاص مبقوش قد المصاريف أنا فضلت اقولهم لا مش هعمل كدا في هبة وقولتلهم كتير يا بنتي والله بس هما كانوا مصممين
هبة: أنتي كدابة ماما متعملش كدا ابداا أنتي مفكره اني هصدق الكلام داا تبقوا مجانين بابا وماما عمروهم ما يعملوا فيا كدا أبدا
كريمة بتمثيل البكاء:اخس عليكي يا هبة بتكدبي عمتك وكمان بتقولي عليها مجنونه مكنش العشم يا بنت أخويا
هبة ولانها بتحب عمتها:يا عمتو والله مقصدش بس بابا وماما مستحيل يعملوا كدا معايا أنا بحبك يا عمتو وعارفه انك مش كدابة بس أنا مش مستوعبه الموضوع والله
كريمة:هي دي الحقيقه يا بنتي والله
هبة بدموع:وأنا هروح فين دلوقتي
كريمة بخبث: قالولي نوديكي مدرسة داخلي تقعد فيها
هبة بإستسلام: ماشي
كريمة:هتروحي مع عمك عمران يوديكي المدرسه
هبة:ماشي
عمران:يلا بينا يا بنت أخويا
»»»»»»»»»»»»»»»»»»»»»»»»»»»
في المدرسة:
عمران:البنت الل قدمنالها اهي خدوها
إيمان:ازيك يا جميلة
هبة: الحمدلله بخير
إيمان:أنا مس إيمان المديره هناا اسمك ايه بقا يا قمر
هبة بابتسامة:هبة
إيمان:اسمك جميل يا هبة تعالي اوريكي اوضتك
هبة:ماشي
إيمان:تمام كداا هتستلم اوضتها هتقعد فيها ف الاجازه والدراسه برضوا كذالك
عمران بإرتياح:تمام
إيمان:دي اوضتك بقا لو في حاجه مش عجباكي قوليلي واحنا هنحاول نصلحها كلوا لأجل عيونك يا قمر
هبة بابتسامة:شكرا
إيمان:ارتاحي بقا علي ما يجهزوا الغداا وااه اهلك جابولك هدوم حطينها كلها ف الدولاب تقدري تشوفيها
هبة:ماشي
إيمان:همشي أنا بقا
هبة:مع السلامه
إيمان:الله يسلمك يا قمر
هبة:مش عارفه هعمل ايه في الحياه المجهوله دي بس هحاول استمتع بالمغامره الجديده ولا أن ماما هتوحشني اوي وهيوحشني حسام وصلاح وبابا مش عارفه هعيش ازاي من غيرهم وحياتي هتكمل ازاي من غيرهم بس لازم اتعود علي كدا مقداميش حل غير كداا يلا الحمدلله الحمدلله
»»»»»»»»»»»»»»»»»»»»»»»»»»»»»»»
كريمة بإرتياح:ياااه أخيرا خلصنا من الل اسمها هبة دي
عمران:اااه المهم بقا هنعمل ايه مع حسام ولا هنقولوا ايه
كريمة:هنقول انها ماتت ونلبسوا فيها
عمران:تفكيرك بدأ يعجبني
كريمة بتكبر:تفكير طول عمرواا بيعجبك متنكرش
عمران:وأنا اقدر انكر برضوا
»»»»»»»»»»»»»»»»»»»»»»»»»»»»»»
بااااك
هبة:بس دا الل حصل يوميها
حسام: وبعدين حصلك ايه تاني
هبة:...........
فلااااش باااك
أميره:بخ
هبة بابتسامة:عوو
أميره:اسمك ايه أنا أميره
هبة:اسمي هبة
أميره:تشرفنا يا هوبة
هبة بابتسامة: مرسي
أميره:أنتي جديده هنا
هبة:ايوا لسه جايه النهارده
أميره:وأنا اقول برضوا المدرسة نورت كدا ليه
هبة بابتسامة: شكرا شكرا
أميره:ايه رأيك نكون صحاب
هبة:ياريت أنا معنديش صحاب خالص
أميره:اشطاا نكون صحاب أنا داخله اولي اعدادي وأنتي
هبة:داخله اولي برضوا
أميره بابتسامه:تعالي نجيب آيس كريم ونقعد ف الحوش
هبة:يلااااا بينااا
أميره:عايزه آيس كريم بالشوكولاته ولا ايه
هبة:شوكولاته
أميره:خدي تعالى نقعد في الحوش بقا
هبة: اشطاا
أميره:جيتي هنا ليه
هبة:نعم! سؤالك غريب شوية
أميره:سؤالي مش غريب يا هوبة الل بيجي هنا بيكون ف سبب جه عشانوا محدش عمروا جه كدا من غير سبب ما هو مستحيل اهل يسيبوا ابنهم او بنتهم بعيد عنهم طول العمر
هبة بدموع: اهلي جابوني هنا عشان مش عايزني
أميره بابتسامه سخر: عارفه أنا جيت ليه
هبة:ليه
أميره:أهلي رموني هنا عشان بيقولي أنتي غلطه ومش عايزينك في حياتنا كنت عايشه معاهم ولا كأني عايشه معهم معاملتهم معايا مش زي اي عيله وبنتهم لا دول كانوا بيعاملوني زي الخدامه دا حتي الخدامه كانت بتتعامل أحسن مني
هبة بصدمه:معقوله في أهل كدا!
أميره باستغراب:امااال أهلك كانوا بيعاملوكي ازاي!
هبة بابتسامة ودموع:أهلي كانوا بيعاملوني أحسن معامله كانوا بيستنوا اطلب اي حاجه عشان يجيبوها
أميره:اماااال جابوكي هنا ليه!
هبة: معرفش انا نفسي معرفش مبقتش فاهمه اي حاجه خالص وأكملت بسرحان:ليه جابوني هنا وليه كانوا بيعاملوني حلو طالما هيسبوني لوحدي ويمشوا ليه باعوني بالسهولة دي! ليه بجد!
أميره بتغير الموضوع:حلو الآيس كريم
هبة بابتسامة:تحفهه
أميره:بقولك ايه
هبة:قولي
أميره:تعالي نلعب بما اننا فاضيين ومش لاقين حاجه نعملها
هبة بابتسامه: ماشي
»»»»»»»»»»»»»»»»»»»»»»»»»»»»»»
بعد مرور شهرين:
أميره:أنا عايزة اعيط والله الدراسة هتبدأ بكرا خلاص ملحقتش اشبع بالآجازه والله
هبة بضحك:هموت يا أميره شكلك يموت من الضحك بجد
أميره بدموع:اضحكي يختي اضحكيي
هبة:بطلي اڤوره بقا
أميره بضحك: حاسه اني اوڤر
هبة: حاسه! أميرتي أنتي اوڤر اوي اوي يعني
أميره: اصيل يا ابو رحاب
هبة بابتسامة: عارفه يا أميرتي
أميره:لا مش عارفه يا هوبتي
هبة: أنا بجد ممتنه لوجودك ف حياتي بقالي شهرين عايشه من غير أهل بس أنتي عوضتيني عن كل داا أنا بحبك اوي بجد وبشكر الصدفه الل جمعتني بيكي أنتي انضف انسانه عرفتها بجد وقلبك أبيض وحبتيني وخرجتيني من المود وحولتي حياتي من حزن لفراق أهلي لفرحه بوجودك في حياتي ياريتني عرفتك من زمان ياريت أهلي كانوا جابوني هنا من زمان أميرتي أنا بحبك يا أجمل حاجه في حياتي
أميره بدموع:وأنا كمان بحبك يا نور عيني ومبسوطه اني شوفتك واتعرفت عليكي حقيقي أنا الل ممتنه لوجودك في حياتي يا هوبتي وعمري ما هبطل احبك ولا ابعد عنك طول حياتي حرفيا انتي نورتي حياتي بوجودك ربنا يديمنا لبعض يا هوبتي
هبة:عععع يارب يا أميرتي
أميره:يلااا بقا نلحق نعيش آخر يوم اجازه مع بعض ععععع هعيط
هبة: بطلي نكد بقا خلينا نفرح
أميره بابتسامة: حاضر عيوني
هبة: تسلملي عيونك يا أميرتي
إيمان:هوبة
هبة:نعم يا مس
إيمان:تعالي معايا عايزاكي ثواني
هبة: حاضر استنيني هنا يا أميرتي هجيلك بسرعه
أميره:اشطا يا قلبي
هبة:نعم يا مس
إيمان:هوبة أنا مش عارفه اقولك ازاي بس أهلك مبقوش يدفعوا المصاريف ووجدك هنا مبقاش ينفع
هبة بدموع: يعني ايه
إيمان: متقلقيش يا هبة هتطلعي من المدرسة بس مش هتترمي في الشارع زي ما تخيلتي لا هاخد تعيشي معايا أنا مبخلفش وجوزي ميت هعتبرك زي بنتي وهتعيشي معايا زي بنتك
هبة:تمام
إيمان:اطلعي لمي حاجتك وتعالي عشان اوديكي البيت
هبة: حاضر
أميره:ف ايه يا هبة مالك
حضنتها هبة وعيطت وقالت:هتوحشيني اوي يا أميرتي هتوحشني أيامي معاكي بالرغم من اني قعدت معاكي شهرين بس حبيتك اوي أكتر من ناس اعرفها من سنين
أميره بخضه:بتقولي كدا ليه
هبة:أميره أنا همشي من هنا ومش هرجع تاني
أميره بدموع:ليه
هبة:أهلي مبيدفعوش المصاريف ومينفعش افضل موجوده هنا مس إيمان قالتلي انها هتاخدني اعيش معاها
أميره:هتوحشيني اوي يا هوبتي
واحتضنتها أميره بشده
هبة ببكاء:وأنتي كمان يا أميرتي
لمت هبة كل حاجه تخصها في شنطه وساعدتها أميره في كل حاجه وكان قلبها بيتقطع لفراقها
أميره ببكاء:هتوحشيني اوي يا هوبتي
هبة: وأنتي كمان يا أميرتي كنت عايزه افضل معاكي وقت طويل بس للاسف همشي وممكن معرفش اشوفك تاني هتوحشيني يا اجمل حاجه دخلت في حياتي هتوحشيني اوي يا أميرتي
أميره ببكاء:مش مستوعبه الموضوع دا والله ومش قادره اصدق كل داا هتوحشيني اوي يا هوبتي يمكن معرفش اشوفك تاني بس صدقيني هفضل فكراكي ومش هنساكي خالص طول ما أنا عايشه
إيمان:يلا يا هوبة
هبة ببكاء: سلاام يا أميرتي اشوف وشك بخير
أميره: سلام يا هوبتي