معاناة بنت يتيمه.❤️‍🩹

#معاناة بنت يتيمه#
"Part 15"
Written by Reem Sleman♡

وفاء بصدمه: أنتي بتعملي ايه يا منه أنتي اتجننتي ابعدي عنها وسعي كدا أنتي مجنونه
منه بلا مبالاة:ايه يعني خايفه مني ف كنت بخوفها اكتر
وفاء بزعيق:تقومي تضربيها يا منه أنا مش قولتلك متجيش ناحية حنين دلوقتي خالص مبتسمعيش الكلام ليه اتفضلي بقا وريني هنسكتها ازاي اهي هتفضل تعيط بقا وتجبنا صداع وخلاص
منه ببرود: أنا طالعه اتصرفي معاها أنتي بقا مليش دعوه
وفاء بعصبية:هتجلطيني في مره من برودك داا يعني كمان غلطانه وبجحه اقول ايه بس ياربي
منه بإستفزاز وهي تبوس وفاء من خدها: معلش يا حبيبتي هروح اشوف بقا هعمل ايه ما اصل أنا مش فاضيه للست حنين ومشاكلها
بصتلها وفاء بسخرية وقالت:قسما عظما يا منه لو شميت خبر انك جيتي ناحية اوضة حنين تاني أنتي حره عندك الدار كلوا بس حنين لا أنا مش هستني منك تجبيلي مصيبه اتفضلي يلا روحي شوفي شغلك في الدار وابق اسمع بقا انك جيتي هنا تاني
منه بعصبية: حاااضر يا وفاء هااانم تحت امركك
وفاء: خلاص بقا يا بت أنتي مكنتش ضربه يعني هتفضلي تعيطي لحد امتي طيب
رغد:أنا ممكن اقعد معاها يا آبله وفاء
وفاء:اقعدي يختي اما نشوف اخرتها
رغد:حنونهه يا جميله ينفع متعيطيش ويلا بقا عشان نكمل لعب يعني هتفضلي تعيطي كتير كدا ومش هنلعب ورغد هتزعل من حنونه
مسحت حنين دموعها ف ابتسمت رغد وقالت:شطوره يا حنونه كدا رغد مش زعلانه منك يلا نلعب بقا
هزت حنين رأسها إيجابيا وبدأوا يلعبوا سوياا
وفاء وهي تلوي فمها: ماشي يختي العبي اهو تبق ساكته وخلاص بلا هم
رغد بشفقه علي حنين:مكانك هنا غلط مينفعش تكوني موجوده هنا مش عارفه ليه أهلك ممكن يعملوا فيكي كدا أنا حساكي بريئه خالص وكمان هاديه اوي ربنا يسامحهم بجد
حنين:رغد يلا نكمل لعب
رغد بإبتسامة:يلا يا بنوتي
»»»»»»»»»»»»»»»»»»»»»»»»»»»»
في المستشفي:

الدكتوره: البقاء لله ربنا يرحمها هنعمل دلوقتي كل إجراءات الدفن بس هنضطر نبلغ البوليس لانها مقتوله
أماني: ماشي يا بنتي
شهد:ايه يا تيتا مش هترني علي مامي وعمو أحمد ولا ايه
أماني:بينك وبينك مش عايزه اقلقهم بس لازم يعرفوا يعني مين هيدفنها لازم يعرفوا
شهد: ماشي هرن علي مامي
وطلعت فونها ورنت علي هبة استيقظت هبة من نومها مفزوعه ف شهد ظلت ترن كثيراا
هبة:ايوا يا شهوده يا حبيبتي مالك فيكي حاجه أنتي كويسه ؟
شهد: اهدي يا مامي أنا كويسه متقلقيش
هبة:اومااال بترني عليا في الوقت دا ليه ماما أماني كويسه ورامي ؟ أنتوا كويسين ؟
شهد: احنا كلنا كويسين والله بس خالتوا شيرين مش كويسه
هبة بقلق:ليه شيرين مالها!
شهد:روحنا النهارده الشقه وطلعنا لقينا خالتوا شيرين مضروبه بالسكينه كذا طعنه وحنين مش موجوده في البيت ولما روحنا المستشفى ماتت
هبة بصدمه وصوت عالي:أنتي بتتكلمي بجد يا شهد ؟
شهد:ايوا والله يا مامي
أحمد:في ايه يا هوبة بتزعقي كدا ليه يا حبيبتي
هبة ببكاء: الحقني يا أحمد شيرين ماتت يا أحمد وحنين اتخطفت يا أحمد
أحمد:ايهه! قومي قومي خلينا نروح هناك نفهم الموضوع داا وأكمل وهو ياخد الفون منها:شهوده مستشفي ايه ؟اسمهاا ايه
شهد: مستشفى المدينة
أحمد: ماشي قومي يا هبة خلينا نروح المستشفى لازم نتابع الموضوع هناك
ظلت هبة تبكي ولم ترد عليه
أحمد:هبة قومي يا حبيبتي لازم نفهم الموضوع دا ونحاول نحله
استجابت هبة لنداء أحمد وقامت لبست وذهبوا إلي المستشفي
أحمد:في ايه يا أمي ايه الل حصل وبالتفصيل
أماني:ولا حاجه روحنا بيت شيرين عشان شهد كانت عايزه حاجات من هناك طلعنا لقينا شيرين سايحه في دمها ودورنا علي حنين في كل حته مش لاقينها
أحمد:وفين رامي ؟
أماني بصدمه: رامي رامي فين أكملت وهي تقول:اااه نزل يدور علي حنين
أحمد:وأنتي ازاي تسبيه يا أمي مهما كان برضوا هو طفل
أماني:مكنش في دماغي حاجه ومكنتش عارفه افكر المهم دلوقتي روح شوفوا هو اكيد مش بعيد عن البيت ورامي كبير
أحمد بسرعه:خلي بالك من هبة وأنا هروح ادور عليه واجيبوا
أماني: حاضر يا ابني
كانت هبة دموعها تنزل بغزارة فهي الآن فقدت عائلة اخوها بأكملها اولا أخوها وثانيها زوجته وصديقتها المقربه وابنة أخيها المددله اما شهد ف كانت تقف سعيده جدا بهذا الوضع بالرغم من انها طفله الا ان الكره متمكن منها تكره حنين وخالتها بسبب الغيره كيف سيكون مستقبلها..؟!
»»»»»»»»»»»»»»»»»»»»»»»»»»»»»»»
رامي: أنتي فين يا حنين فين ؟ يارب هتكون راحت فين أنا مش هقدر اعيش من غيرها أنا بحبها اوي مش قادر اتخيل حياتي من غيرها هتكون عامله ازاي ولا هي دلوقتي هتكون عامله ايه ولا بتعمل ايه ولا هي كويسه ولا لا او عايشه ولا لا ربنا يحفظك يا حنين ويبعد عنك كل شر
أحمد:رامي!
رامي:نعم يا بابا حضرتك عرفت مكاني منين
أحمد:مش مهم المهم دلوقتي أنت ايه الل طلعك من البيت
رامي:كنت بدور علي حنين يمكن تكون طلعت من البيت او حاجه بس طلعت اتخطفت حنين اتخطفت يا بابا
أحمد:اهدي يا حبيبي ربنا أكيد مش هيعمل حاجه وحشه هي بإذن الله تعالى هتكون كويسه وهترجع متقلقش وخلي ثقتك بربنا كبيره وقوم يلا معايا خلينا نروح نبلغ وبعدين ندفن خالتك شيرين
رامي بحزن:مااتت!
أحمد: راحت عند الل أحسن مني ومنك
رامي بقوه مزيفه:ربنا يرحمها يارب
أحمد:يارب
»»»»»»»»»»»»»»»»»»»»»»»»»»»»»»»
راحوا عملوا محضر بقتل شيرين وخطف حنين وكانت حالتهم لا يحسدوا عليها ف هذه العيله لم تعيش يوم واحد فقط سعيده وإن حدث ذالك ف يأتي من يفارقها كل شخص يذهب وراه شخص آخر إلس حين انتهت هذه العيله وانطفت من الداخل كل شئ يحدث لهم عكس ما يريدونه هذه الدنيا جات عليهم كثيرا ولكن هل هم يستاهلون كل ما يحدث لهم ؟ يستاهلون أن يظلوا تعساء لهذه الدرجة ولكن هل القدر سيعوضهم اما مذا ؟
»»»»»»»»»»»»»»»»»»»»»»»»»»»»»»»»
أحمد:يلا هبة نرجع شقتنا
هزت هبة رأسها إيجابيا وقالت:يلا
شهد:مامي احنا مش هنيجي معاكي
أماني: حبيبتي زي ما اتفقنا في بداية الجواز هتكونوا معايا ولا أنتي مش مبسوطه هنا ؟
شهد: خالص والله بالعكس أنا مبسوطه هنا جدا أنا بسأل بس
أماني: ماشي يا حبيبتي اطلعي اوضتك بقا عشان ترتاحي اليوم كان متعب جدا وأنت يا رامي اطلع ريح في اوضتك شكلك تعبان اوي
فاق رامي من شروده:أنا طالع اوضتي اهو
أماني: ربنا يسترها معاكوا يا ولاد ويريح قلبكوا خد مراتك وامشي يا أحمد بس خليك جمبها الل بتمر بيه كل شوية مش سهل اي حد يستحملوا خالص والله
أحمد: مش هتوصيني علي بنتي يا ماما
ابتسمت أماني ومشي أحمد مع هبة متجهين إلي منزلهم
دخلت هبة غرفتها هي وأحمد ودخلت التويليت أخدت شاور ولبست بيجامه جديده وطلعت برا
هبة بإبتسامة مطفيه:حضرتلك الحمام ادخل خد شاور وجهزتلك برضوا بيجامه نضيفه أنا عارفة ان اليوم كان طويل بالنسبالك وأنا آسفه يا أحمد عشان كل شوية بتحصل حاجه وأنت بتتعب معايا كتير وروحت عزا بالرغم من ان فرحنا كان كبير حقيقي يا أحمد أنا مش هلاقي زيك أنا بحبك اوي والله
احتضنها أحمد وقال:مش عايزك تشكريني أبدا أنتي مراتي وبنتي وحبيبتي وكل حاجه ليا أنا مش عايز اي حاجه من الدنيا غير سعادتك سعادتك أنتي وبس صدقيني لما بتكوني مبسوطه بحس اني مالك الدنيا في ايدي والله العظيم كل الل بيحصل دا قضاء وقدر واكيد ربنا ليه حكمه في كدا مش شرط نعرفها دلوقتي بس هنعرفها بعدين ارضي بقضاء ربنا وصلي ركعتين لله علي ما اخد شاور ونتعشي سوا اتفقنا
ابتسمت هبة وقالت:اتفقنا
دخل أحمد اخد شاور وجهزت هبة الأكل وقعدت تستني أحمد علي ما يجي
أحمد:الله ريحة الأكل تجنن بجد ايه الجمال دا
ابتسمت هبة وقعد أحمد بجانبها وبدأ يطعمها
هبة بإبتسامة:وقفتك معايا مش هنساها طول عمري
أحمد:ووجدك كمان دا عندي ب عمري كلوا
ابتسمت هبة وطبطب عليها أحمد بحنيه
»»»»»»»»»»»»»»»»»»»»»»»»»»»
طارق:ايوا يا زفت عايز ايه
مجهول:مدام شيرين ماتت يا بيه
طارق بصدمه:ايه ماتت! ازاي
مجهول:بيقولوا انهم لاقوها مضروبه بالسكينه في بطنها كذا طعنه وخطفوا بنتها
طارق في نفسه:اااه يا مها الكلب والله ما هسيبك وأكمل بصوت عالي: روح أنت ولو في اخبار جديده عرفني
مجهول:تمام
طارق: زينب أنتي يا زفته يا الل اسمك زينب
زينب بتوتر:نعم يا بيه تؤمرني ب حاجه
طارق:حضريلي فنجان قهوه
زينب: حاضر يا بيه من عنيا
وذهبت زينب مسرعة ف وجود هذا الشخص يجعلها تتوتر وبشده
حضرت زينب لطارق القهوه وذهبت لتوديها له ولكنها كانت متوتره وبشده وكانت ايديها بتترعش
طارق:ايه مالك متوتره كدا ليه أنا جيت ناحيتك
زينب بتوتر:لا لا مش متوتره ولا حاجه اتفضل القهوه وجت لتقدم القهوه وقعت كلها علي هدومه
طارق بعصبية:أنتي هبله يا بت قد الل أنتي عملتيه دا
زينب بخوف: والله يا بيه ما اقصد أنا آسفه والله هنضفها حاضر والله أنا آسفه اول وآخر مره والله
طارق:خدي الزفت التيشرت دا اغسليه واعملي فنجان قهوه تاني
زينب: حاضر يا بيه والله ثواني وهيكون عندك
طارق: ماشي والمره الجايه بقا متتوتريش كدا مش هأكلك يعني طول ما أنتي ماشيه مظبوط ومبتغلطيش يبق مش هاجي ناحيتك عملتي حاجه كدا ولا كدا مش هرحمك وبلاش تقعي تحت أيدي أنا عشان بجد مش هحلك وهخليكي تندمي علي اليوم الل اتولدتي فيه أنا هسامحك علي الحركه دي عشان اول مره انما لو اتكررت تاني قسما بالله ما هسيبك
زينب: حاضر يا بيه تحت أمرك
طارق:اتفضلي بقا اعملي فنجان القهوه
زينب:ثواني وهيكون عند حضرتك
مسك طارق الفون ورن علي مها
مها بخبث: اهلا وسهلا يا طارق بيه ليك وحشه والله العظيم
طارق:بترديهالي يا مها بترديهالي وتقتلي شيرين
مها:سبق وقولتلك عايزه اخد حق أمي وأنت الل بدأت وقتلت حسام ف أنا كمان قتلت شيرين واحده قصاد واحده بقا محدش فينا احسن من التاني
طارق: شعورك هيبق ايه لو روحت بلغت البوليس عن عمايلك دي
مها:مش هتعرف لانك مش معاك دليل ولو فكرت تلعب بديلك احب افكرك ان معايا حاجات كتير توديك في ستين داهيه فاهمه يا طارق ولا افهمك اكتر من كدا لو عايز معنديش مشكله انا عنيا ليك يا طارق احنا برضوا كان بينا عيش وملح واكملت بشر:كنا بنقتل سوا وندمر حياتهم سوا كل حاجه سواا ف يعني يا نعيش عيشه فل يا نموت احنا الكل
طارق:اعتبر دا تهديد
مها: والله اعتبره زي ما تعتبره بس اقولك اعتبره تهديد لان أنا فعلا بهددك ايه هخاف منك واقولك لا مش بهددك لا بهددك يا حبيبي
طارق: المفروض اخاف بقا صح ؟
مها:لا يا حبيبي المفروض تلم نفسك وترجع لعقلك من تاني وتبطل شغل العيال دا وترجع طارق الل بأمره وهو ينفذ دراعي اليمين الل كان معايا في كل حاجه
وقفلت مها في وشه بخبث واتعصب طارق من هذه الطريقة التي تعامله بيها وكأنه عبد عندها
»»»»»»»»»»»»»»»»»»»»»»»»»»»»»»
في الدار: