معاناة بنت يتيمه.❤️‍🩹

"Part 9"
Written by Reem Sleman♡

هبة:أحمد أنا قررت اتحجب
أحمد بصدمه وفرحه: بتهزري!
هبة:لا مش بهزر أنا فعلا قررت اتحجب عايزه اقرب من ربنا أكتر ممكن اموت في اي وقت ف أموت بقا وأنا قريبه منو وساتره نفسي ولا اموت وأنا بعيده عن ربنا وكاشفه نفسي للناس كلها
أحمد: اششششش متجبيش سيرة الموت خالص ربنا يخليكي ليا وميحرمنيش منك أبدا يا بنوتي أنتي من النهارده بنتي وأمي وحبيبتي وكل حاجه في حياتي بحبك يا أجمل صدفه في حياتي كلها
ابتسمت هبة بإمتنان وقالت:مش هتطلع بقا ولا ايه!
أحمد بابتسامة:هطلع وهستناكي براا ما أنا مش همشي
هبة بإبتسامة:تنور
أحمد بابتسامة:بنورك يا قمري
»»»»»»»»»»»»»»»»»»»»»»»»»»»»
حسام:هاا عامله ايه دلوقتي!
أحمد بابتسامة:كلوا تحت السيطرة متقلقش
حسام بفرحه:بجد عرفت تتكلم معاها!
أحمد:ايوا وطلعتها من المود وعلي فكرا خدت قرار انها تتحجب أنا مفتحتش الموضوع معاها هي قررت من نفسها ودي أكتر حاجه مفرحاني
حسام بابتسامة:مش عارف اقولك ايه بس بجد شكرا يا أحمد
أحمد بضحك:لا شكر ولا حاجه أنت في مقام أخو مراتي برضوا
حسام بابتسامة:لو عايزني اجوزهالك دلوقتي معنديش مانع
أحمد بابتسامة:لا هستني لحد ما تبق كويسه وهعملها أحلي فرح في الدنيا دا لو موافقين يعني
حسام:أنا عن نفسي موافق هبه بقا الله اعلم بس أنا متأكد انها هتوافق
أحمد: مش وقته بقا لحد ما تبق كويسه هجيب أمي واجي اتقدم رسمي بإذن الله
حسام:بإذن الله
لبست هبة اسدال الصلاه لانها معندهاش غيروا تقدر تلبسوا واسع
هبة بابتسامة:أنا جيت
حسام بدموع:ما شاء الله شكلك جميل اوي بجد ربنا يحفظك يا حبيبتي
أحمد بهمس لهبة:تصدقي شكلك كدا أحلي عشان شعرك الجميل داا محدش يشوفوا غيري لما نتجوز بإذن الله
هبة بمشاكسه:دا بعينك
أحمد بابتسامة:هنشوف
هبة: ماشي
أحمد:احم هستاذن أنا بقا وابق اجي في وقت تاني
هبة:اقعد شوية كمان
أحمد بغمزه:هجيلك في وقت تاني يجميلتي
حسام:احم احم
أحمد بإحراج:طب سلام عليكم بقا
حسام بضحك:وعليكم السلام ورحمه الله وبركاته
مشي أحمد وقعد حسام جمب هبة وخدها في حضنه وبدأ يتكلم معاها
حسام:أحمد شكلوا بيحبك بجد متخسرهوش يا هبة أحمد جدع وحنين وراجل ويُعتمد عليه والأهم من كل داا بيحبك ومستعد يعمل اي حاجه عشانك وفي سبيل سعادتك بصي لقدام أحمد دا عوض ربنا ليكي وصدقيني لسه هيعوضك كمان وكمان اتنهد حسام وقال:اما بالنسبة لماما ف هي راحت للاحسن مني ومنك ادعيلها أحسن
هبة بإبتسامة حزن:ربنا يرحمها يارب
حسام:يارب
»»»»»»»»»»»»»»»»»»»»»»»»»»»
طارق: عندي ليكي خبر وحش
مها:في ايه
طارق:مامت حسام بيه ماتت
مها بخبث:ايه الوحش في كدا دي خطوه في صالحنا اصلاا
طارق:بس الل سمعتوا انها مماتتش موته عاديه
مها بإستغراب:اومااال!
طارق:ماتت مقتوله
مها بصدمه:ايههه! مين هيكون ليه صالح بقتلها! او يقتلها ليه اصلا!
طارق:معرفش أنا لما عرفت انها ماتت فكرت ان أنتي بس أنتي مقولتيش انك هتقتليها
مها:ايوا فعلا مش أنا أنا اصلا مكنتش ناويه اقتلها أنا بس عايزه اعرف مين ممكن يكون قتلها
طارق:معرفش والله!
مها:عايزاك تحقق في الموضوع وتعرف مين الل قتلها أنا عايزه اعرف مين ممكن يقتلها الل اعرفوا انها ملهاش عداوه مع حد هي كانت غلبانه اصلا
طارق:ايوا دا الل عرفتوا برضوا وكمان ست كبيره وتعبانه وفي آخر ايامها اكيد مش هتعمل حاجه وحشه لحد وكمان دي كانت طيبه جداا ربنا يرحمها
مها:ما دا الل مجنني أنا عايزاك تدور في الموضوع كويس اوي لحد ما تعرف مين القاتل
طارق:تحت امرك يا هانم
مها:تمام
طارق: هي خطوه في صالحنا ازاي!
مها:بعدين بعدين
طارق: تمام مع السلامه
مها:استني هقولك الخطوه الجايه
طارق:ايه هي
مها:الدور علي........
طارق بخبث:تمام التنفيذ امتي
مها: بعد شهر اكون فكرت كويس
طارق:تمام مع السلامه
مها:مع السلامه
»»»»»»»»»»»»»»»»»»»»»»»»»»
هالة:الو
شيرين: ايوا يا ماما عامله ايه
هالة: الحمدلله بخير أنتي عامله ايه
شيرين: ف زحام من النعم الحمدلله
هالة:يارب دايما يا حبيبتي هبة عامله ايه!
شيرين:أحسن بكتير
هالة:طب الحمد لله
شيرين: ماما أنا حاسه اني مش مطمنه قلبي مش مطمن حاسه في حاجه وحشه هتحصل
هالة بضحك:هموت ولا ايه
شيرين بخضه:بعيد الشر عنك يا ماما ربنا يبعد عنك كل حاجه وحشه
هالة:الأعمار بيد الله يا شيري والل ربنا كاتبه هيكون يا حبيبتي وربنا عمروا ما يعمل حاجه وحشه الل بيحصلنا دا قضاء وقدر وخليكي فاكره يا شيري ربنا بيأخد حاجه مننا عشان يدينا حاجه تانيه بيقطع من ناحية ويوصل من ناحية تانية يعني زي ما بياخد حاجه بيدي حاجه تانيه
شيرين:بس أنا مش هستحمل تبعدي عني
هالة:مش هبعد عنك طول ما أنا عايشه ولو ربنا كتب اني اموت هموت مفيش حد بيتآخر علي أجلوا يا بنتي بصي يا حبيبتي خلي دي في دماغك علي طول ربنا بيقول «لكل أجل كتاب» يعني كل حاجه بتحصل ربنا بيكون كاتبها ونصيحه مني لآخر الزمن اوعي اوعي تعترضي علي قضاء ربنا فاهمه
شيرين: فاهمه
هالة: روحي بقا اقعدي مع شيرين وأنا هقوم احضر الأكل
شيرين:ماشي يا ماما ربنا معاكي
هالة:ربنا معانا كلنا
»»»»»»»»»»»»»»»»»»»»»»»»»»»»»
شيرين:حنونهه يا حنونهه أنا عارفة انك مش هتعرفي تردي عليا بس عارفه برضوا انك حاسه بيا عايزه اقولك ان النهارده مر ٣ ايام علي موت جدتك ليلي تيتا ليلي كانت بتحبك اوي علي فكرا وكانت فرحانه اوي يوم ما جيتي بس فرحتها مكملتش بابا صلاح مات ومات وسابنا لوحدنا في الدنيا دي عارفه قبل ما تتولدي بساعات كان بابا بيتكلم معايا علي قد ايه هو بيحبك من قبل ما يشوفك عشان أنتي حته منو وحته مني أنا كمان بحبك من قبل ما اشوفك وحبيتك اكتر لما شوفتك تعرفي انك شبه بابا اوي ودي أحلي حاجه لما بشوفك وابص لملامحك بفتكر صلاح أبوكي كان طيب اوي وغلبان اوي بس للاسف اتقتل مها قتلته ربنا يسامحها مش عارفه ليه ممكن تعمل حاجه زي كدا لمجرد وهم في دماغها أنا عارفه انك اتولدت من غير أب وهتعيشي حياتك وتكبري برضوا من غير أب ودا صعب عليكي اوي بس دا قضاء ربنا ولازم ترضي بيه ربنا دايما بيبتلي العبد الل بيحبه عشان يشوفوا هيصبر قد ايهه ولو صبر بيلاقي نتيجة صبره ف أنتي لو صبرتي ورضيتي بالل ربنا كتبه ربنا هيعوضك خير عن الصبر داا مهما حصلك في حياتك من صعوبات خليكي فاكره انك ربنا عمروا ما هيحطك في مكان غير وهو عارف انك هتقدري تصبري ربنا عمروا ما بيحمل حد فوق طاقته فاهماني يا عمري وعايزه اقولك حاجه كمان اوعي تكرهي نفسك او شكلك عشان حد متنمر قالك كداا حبي ملامحك وحبي شكلك وحبي شخصيتك الجمال عمروا ما كان جمال اللبس الجمال جمال الروح بس مش عايزه بقا تكوني بتعملي حاجات وحشه وفي الآخر تقولي أنا بحب نفسي لا خلي ربنا دايما راضي عنك أنا عارفه انك مبتعرفيش تقرأي لسه بس هخلي النوته دي موجوده في الدولاب وقت ما تبق كبيره وواعيه اقراي الكلام دا وافهميه كويس اوي هكتبلك كل يوم ماسدج احكيلك ايه الل بيحصل اقولك حاجه كمان انا وبابا صلاح كنا بنحب بعض اوي كان بينا حب كبير عيشنا خمس سنين مع بعض من غير ما نخلف بس ربنا عوضني بيكي اي نعم صلاح مات بس الحمدلله ربنا يرحمه ويغفر له ربنا بقا عوضني بيكي جابك الدنيا ليا عشان اخلي عندي أمل في ربنا أكتر وعارفه انو مهما زاد الابتلاء وزاد الصبر زاد العوض بحبك اوي يا أول ما عيني رأت واول ما قلبي حب وأول فرحه في حياتي بحبك يا حنونهه عايزه اقولك لو بتقراي الماسدج دي وأنا مش معاكي اعرفي اني بحبك اوي وكان نفسي اكمل معاكي بس الحمدلله
ماما شيري
»»»»»»»»»»»»»»»»»»»»»»»»»»
شهد: لامي [رامي]
رامي:نعم يا شهوده
شهد:تيتا ليلي وحشتني اوي عايزه اشوفها
رامي:تيتا ليلي راحت لربنا يا حبيبتي
شهد:وهي هترجع من عند ربنا امتي
رامي بدموع:مش هترجع من عند ربنا يا حبيبتي الل بيروح عند ربنا مبيرجعش
شهد:بس هي وحشتني اوي كنت بحبها اوي يا لامي [رامي]
رامي:ادعيلها بالرحمه هي دلوقتي حاسه بيكي وسامعاكي اتكلمي معاها وهي هتسمعك وهتشوفك كمان
شهد:اشمعنا هي تشوفني وأنا لا أنا عايزه اروح لها
رامي:بعيد الشر عنك يا شهوده ربنا يخليكي لينا
بكت شهد وقالت:أنا عايزه تيتا مليش دعوه
رامي:بصي يا شهد يا حبيبتي........
حسام بمقاطعة: معلش يا رامي سبني اقعد مع شهوده حبيبة بابي شوية
رامي: حاضر يا بابا بعد إذنك
حسام:عايزه ايه بقا يا شهوده
شهد:عايزه اشوف تيتا وحشتني اوي
حسام:بصي يا حبيبتي تيتا ليلي راحت عند الل أحسن مني ومنك راحت عند ربنا وعشان هي معملتش حاجه وحشه لحد وعاشت طول عمرها في حالها ربنا خلاها تروحلوا عشان متعملش حاجه وحشه وتدخل الجنهه ولا أنتي كنتي عايزه تيتا بقا تفضل قاعده معانا وتعمل حاجه وحشه ف ربنا يدخلها النار يرضيكي كداا اكيد لا وربنا يا حبيبتي ليه حكمه في كدا وعموما مفيش حاجه ربنا بيعملها غير لو ليه حكمه فيها ف احنا لازم نرضي بقضاء ربنا ومنعترضش خالص
هبة:وتيتا برضوا حاسه بيكي وسامعاكي الل كنتي هتقوليه وهي موجوده وفي وسطنا تقدري تقولي دلوقتي برضوا هي حاسه بيكي وشايفاكي كمان بس احنا الل منقدرش نشوفها ف كل ما تيتا توحشك اقرأيلها الفاتحه اكيد حافظها وادعيلها ربنا يرحمها ويغفر لها ويسكنها الفردوس الاعلى والفردوس الاعلي داا أعلي مكانه في الجنه ربنا يكتبه لينا كلنا ماشي يا حبيبة مامي
قامت شهد احتضنت حسام وهبة وقالت:أنا بحبكواا اوي
حسام وشهد: واحنا كمان بنحبك يا أجمل بنوته في الدنيا
شهد:أنا جعانه
حسام: احم طب أنا هروح اشوف رامي فين بقاا ياا رامي وجري من الاوضة
هبة:اااه يا واطي بتهرب مني احم عايزه ايه يا حبيبة مامي
شهد بضحك:جعانه
هبة:تعالي يا حبيبة قلبي ااكلكك
شهد:علي فكرا شكلك حلو اوي في الاسدال يا مامي
هبة: حبيبتي حبيبتي والله بحبك يا قلب مامي
شهد:وأنا كمان يا مامي هوبه
هبة بضحك: ايه مامي هوبه دي
شهد بزعل:الكل بيقول كداا اشمعنا أنا
هبة ولاحظت زعل شهد: أنا آسفه يا شهوده حقك علي عيني ينور متزعليش مني عشان خاطري
شهد بضحك:اعمليلي مكرونه وبانيه
هبة بضحك: حاضر من عيوني
شهد:تسلملي عيونك يا مامي
هبة:يخرابيي مامي بتطلع منك زي السكر بجد
ابتسمت شهد لحب هبة ليها الل بيبان ليها دايما
»»»»»»»»»»»»»»»»»»»»»»»»»»»»»
علي الناحية الآخري:
بيخبط رامي علي باب شقة شيرين
شيرين:اهلا يا رامي ازيك يا حبيبي
رامي: الحمدلله بخير يا طنط حضرتك عامله ايه
شيرين: الحمدلله يا حبيبي تعال ادخل
رامي: حاضر
دخل رامي الاوضة ودخلت شيرين معاه وقالت:طب يا حبيبي البيت بيتك أنا نازله عند عمتك وجايه علي طول خلي بالك من حنين
رامي بابتسامة: حاضر
شيرين: يحضرلك الخير يا حبيبي
ابتسم رامي ونظر لحنين
رامي بابتسامة:ازيك يا حنونهه تعرفي انك عامله شبه الملايكه وأنتي نايمه بجد قمر اوي اللهم ما بارك تعرفي يا حنين وتحولت فرحته لحزن:كان نفسي اعيش حياه هاديه مع عيلتي من غير مشاكل لما اتولدت كانت ماما بتهتم بيا اوي وكانت بتحبني اوي وفجاه اتغيرت خالص وبقت تكرهني أنا وشهد بس عارفه أنا متأكد أن اكيد ربنا هيعوضني أنا عارف انك مش فاهمه كلامي بس مش هقدر اتكلم مع حد غيرك لان مبحبش حد يشفق عليا مبحبش اشوف نظره الشفقه في عيون الناس الل حوليا انما أنتي كدا كدا مش فهماني ف هتكلم براحتي بقاا
استيقظت حنين وبدأت تعيط
شالها رامي وقال:اششش اهدي متعيطيش وبدأ يغنيلها:مامااا زماانها جايه جايهه بعد شوية جايبه لعاب وحاجات هيهيهي
لم تصمت حنين بل زادت في البكاء
رامي:ياربي اعمل ايه دلوقتي اااه أكيد جعانهه طب هجيب أكل منين
لمح رامي ببرونهه فيها لبن علي التربيزه في الل في الأوضة
رامي بإبتسامة نصر:لقيتهاا يلاا تعالي يا حنونهه عشان تأكلي أكلها رامي وحنين مازات بتعيط
رامي:طب اعمل ايهه دلوقتي أكل وأكلت غنا وغنيت عايزهه ايه بقا
بتزيد حنين في بكائها
رامي:ما أنا مش عارف اعمل ايه والله طب عايزه ماما ثواني كدا هي ممكن تكون عايزه تغير ؟؟
وأكمل وهو ينظر لحنين: عايزه تغيريي طب أنا مالي أنا بالحاجات ديي مش عايز اشوفك بتعيطي تعالييي اغيرلك هعمل ايي
وراح فتح دولاب حنين وبدأ يختار لبس ليها
ملحوظه «حنين عندها ١٠ أيام»
رامي:البيجامه دي حلوه عليها اسمك هلبسهالك
دخل رامي الحمام وبالأخص الركن بتاع حنين الل فيه البانيو بتاعها والحاجات الل تخصها
رامي:يلااا يا حنونه يا جميله هنستحميي والميهه حلوهه
«رامي بيحب الميه»
خدت حنين شاور ولبسها رامي هدومها برفق وحرفه لانو كان دايما بيهتم بشهد
رامي بنفس راضيه:ياااه الحمدلله الحمدلله سكتت ونامت شوفتي شكلك قمر ازاي ما شاء الله اللهم ما بارك قمرايا والله
شيرين:اتآخرت عليك
رامي بابتسامة:لا
شيرين باستغراب: مين الل غير لحنين وهي نايمه!
رامي:ما هو بصراحه لقيتها صحيت تعيط أكلتها برضوا عيطت ف دخلت اديها شاور ولبستلها البيجامه دي فضلت افكر كتير ملقتش حل غير داا
شيرين بابتسامة:شكرا يا رامي تعبتك معايا
رامي:العفو يا طنط+لا تعب ولا حاجه أنا كنت بهتم بشهد وهي صغيره وعارف شوية في الحاجات دي
شيرين بضحك:علي كدا بقا انام وارتاح واخليك تهتم أنت بيه
رامي بفرحه:بجد! ينفع!
شيرين:ايه دا أنا قولت هتزعل فرحان كدا ليه!
رامي:بحب اهتم بالأطفال الصغيرين اوي
شيرين: خلاص ايه رأيك عندنا هنا في شقتنا خمس أوض اوضه ليك واوضه لشهد واوضه لهبة واوضتي أنا وحنونهه واوضة الصالون
رامي:هقول لبابا واشوف
شيرين:إن شاء الله مش هيمنع أنا عايزه نتجمع كلنا في شقتي أنا وصلاح
رامي:إن شاء الله
»»»»»»»»»»»»»»»»»»»»»»»»»»»»»»
أحمد بابتسامة:قررت تتحجب يا أمي
أماني:ربنا يثبتها يا ابني قولي بقا هي عامله ايه دلوقتي كويسه ؟
أحمد:ايوا الحمدلله أحسن بكتير اتكلمت معاها واقتنعت بكلامي وفي أقرب وقت هتقدملها واتجوزها
أماني:ربنا يجمعكواا في الحلال يارب
أحمد بابتسامة:يارب يا أمي
أماني:مش هتأكل!
أحمد:لا أنا طالع اوضتي عايز اقعد لوحدي شويه
أماني:مالك زعلان من حاجه!
أحمد:أنا مفيش حد مبسوط زيي النهارده والله
أماني باستغراب: اومااال عايز تقعد لوحدك ليه ؟
أحمد:كدا محتاج اقعد لوحدي
أماني بابتسامة:ماشي اطلع
أحمد:حاسس اني بحلم حلم جميل اوي يا أمي
أماني:للدرجه دي بتحبها
أحمد:جدااا يا أمي أنا حاسس اني بملك الدنيا وما فيها عشان كنت السبب في سعادتها
أماني بابتسامة: عمري ما كنت اتخيل انك ممكن تحب حد في حياتك كدا
أحمد:ولا أنا والله عمري ما تخيلت أن ممكن تيجي واحده تشقلب كل حياتي كدا
أماني:أنا عايزه اشوفها بجد
أحمد: حاضر هخليكي تشوفيها بس مش دلوقتي
أماني: واحنا رايحين نتقدم صح
أحمد بضحك:صح
»»»»»»»»»»»»»»»»»»»»»»»»»»»»»
في شقة شيرين: