معاناة بنت يتيمه.❤️‍🩹

"Part 6"
Written by Reem Sleman♡
..............................................
مها بقلق:ايوا يا حسام وصلت لحاجه
حسام بعصبية:بدور عليهم من امبارح مش لاقي جديد ما هو لو الهانم كانت جت علي نفسها شوية واهتمت بيهم مكنش حصل كل دا
مها: خلاص بق يا حسام هتفضل كل شويه تقولي كدا ما أنا طول اليوم بسيبهم عادي ومبيحصلش كداا
حسام:أكيد في حاجه مستحيل يكونوا سابوا البيت لوحدهم كداا
مها: بس ايه هيكون السبب الموضوع دا غريب جدا مهما كان هما لسه صغيرين هيكونوا باتوا فين ولا عملوا ايه دا لو هما الل هربوا اما لو اتخطفوا ثواني كدا مين ممكن يكون ليه يد في اختفاءهم
حسام بعصبية: معرفش يا مها هعرف منين
مها: الله متتعصبش يا حسام نفكر براحه ممكن مثلا دادا صباح بما انها بتقعد معاهم كتير ممكن تكون تعرف حاجه
حسام:ممكن هي بتيجي امتي
مها:قدامها حوالي ٥ دقايق كدا
حسام:امممم ماشي أنا قريب من البيت
مها:اتكلم معاها علي ما تيجي
حسام:لا استني علي ما اجي
مها: ماشي
وصل حسام البيت وكانت صباح وصلت وبتحضر الفطار لرامي وشهد
مها بابتسامة:حمد لله على السلامه يا حبيبي
حسام بعصبية:وقت رومانسيه هو! حبك برص يا شيخه انتي مبتحسيش عيالك مش لاقينهم وتقوليلي حمد لله على السلامه يا حبيبي ومبسوطه اوي أنا بدأت اشك انك عملتي فيهم حاجه أبو برودك
مها:رد السلام وخلاص اي كل دا
حسام ببرود:الله يسلمك دادا صباح جت ؟
مها:اااه موجوده في المطبخ
حسام: ماشي
دخل حسام المطبخ:
حسام: صباح الخير يا دادا
صباح: صباح النور يا بيه احضرلك الفطار
حسام:لا أنا عايز أسألك كام سؤال
صباح:اتفضل يا بيه
حسام: امبارح ملاحظتين اي حاجه غريبه في رامي
صباح: غريبة الل هو ازاي
حسام:يعني طريقة كلامه
صباح بتذكر:امبارح رامي سألني علي حاجه غريبه اوي
حسام بأمل:ايه
صباح:كان بيسألني علي باب الخدامين الل هو الباب الخلفي الل بخرج منوا وقالي اذا كان فيه حراسة وكدا
حسام:بس ؟
صباح:لا وسألني أنا بمشي امتي وكدا
حسام:طب وهما مكنوش بيقولوا حاجه عني أنا ومها وكدا
صباح:شهد دايما كانت بتقول انها مش بتحب مها هانم وبتكرها عشان مش بتلعب معاها وكدا
مها بندم وحزن:هي قالتلك كدا
صباح:ايوا ولما جت تقولك انها عايزه انك تلعبي معاها وأنتي مرضتيش وشدتيها من شعرها وضربتيها فضلت تعيط كتير ورامي اتكلم معاها لحد ما هديت
حسام بتوعد: متعرفيش قالها ايه
صباح:لا يا بيه بس هو ليه كل الأسئلة دي
حسام: رامي وشهد هربوا
صباح:يا مصيبتي ليه
حسام وهو ينظر لمها: معرفش يا دادا
صباح: ربنا يرجعهم بالسلامه
حسام:يارب تقدري تتفضلي علي شغلك
صباح:بعد إذنكوا
حسام:اتفضلي وأكمل وهو ينظر لمها:اسبقيني علي فوق
مها بتوتر:ليه
حسام بعصبية وصوت عالي:اسبقينيي علي فوق قولتلك
مها:حاضر
صعدت مها لأعلي وكانت متوتره جداا بسبب الل قالته صباح قدام حسام عن الل عملتوا في بنتها شهد ولحقها حسام
مها بتوتر: حسام افهمني بس أنا أنا والله ما كنت اقصد
حسام بعصبية: اومال كنتي تقصدي ايه كل حاجه مكنتش اقصد يا حسام مكنتش اعرف انو صلاح يا حسام أنتي ايهه مبتحسيش بنتك مكملتش ال ٥ سنين واقصي طموحها أنها تلعب معاكي وأنتي عملتي ايه بتضربيها وتشديها من شعرها
مها بندم: أنا عارفة اني غلطت لما عملت كداا بس محدش حاسس بيا أنا تعبت
حسام:نعم! تعبتي من ايه من شرك! ولا من القتل! ولا من الغل الل جواكي! ولا تعبتي ن
مني!
مها:لا والله يا حسام أنا بحبك اوي وعمري ما تعبت منك
حسام: اومال عملتيي كداا في عيالي ليييي خلتيني اتحرم منهم لييي خلتيهم يبعدوا عني ليي لي يا مها اتغيرتي اوي مبقتيش مها الل أنا حبيتها من قلبي
مها: حسام افهمني بس أنا كنت بأخد حق ماما والله
حسام:بتأخدي حق عمتو من مين!
مها:من شيرين وأمها
حسام: برضوا هتقوليلي شيرين وأمها أنتي مستوعبه شيرين دي أختك أختك
مها: أنا معنديش أخوات ماما الل قالتلي ان طنط هالة وشيرين الل عملوا فيها كدا
حسام:وهي بقا قالتلك كدا في الحلم
مها: حسام أنت مش مصدقني!
حسام:لا طبعاا أكيد مصدقكك هي شيرين الوحشه الل قتلت عمتو كريمة شيرين الوحشه الل قتلت أخويا صلاح وجوزها شيرين الوحشه الل خلت عيالي يسيبوا البيت ويمشواا شيرين الوحشهه
مها: أنت بتتريق عليا يا حسام!
حسام:مها أنا بكرهك بكرهك مبكرهش قدك أنتي ازبل انسانه عرفتها في حياتي ياريتني ما كنت اتنيلت حبيتك ياريتني ما كنت اتجوزتك ياريتني ما كنت خلفت منك هما الل اتآذوا أنا ندمان أني حبيتك ندمان بجد
مها بحزن:ندمان!
حسام:ااه ندمان ولو يرجع بيا الزمن مكنتش حبيتك ولا اتجوزتك
مها:تمام يا حسام أنا هدور علي عيالي وهلاقيهم ومش هسيب برضوا حق أمي
حسام: براحتك يا مها هانم
مها: براحتي طبعا
حسام: سلام يا مها هانم
مها:سلام يا حسام
..........................................................
في شقة شيرين:
استيقظت هالة وادت فرضها وجهزت الفطار ودخلت تصحي شيرين
هالة:ايه دا أنتي صاحية
شيرين:ايوا حنونه مش مهنياني علي شوية النوم
هالة بهزار: استحملي شوية أنتي فاكره الأمومه سهله
ضحكت شيرين وقالت:ربنا يخليها ليا واشوفها أحسن حاجه في الدنيا
هالة:يارب أنا جهزت الفطار كلي يلا
شيرين: حاضر
هالة:يحضرلك الخير يا حبيبتي وخرجت من الأوضة
شيرين بابتسامة: عارفه يا حنون نفسي تبقي شبه بابا هو كان بيحبك اوي بالرغم من ان في ناس بتفضل الولاد عن البنات بس بابا صلاح مكنش كدا خالص هو كان راضي ونفسه يكون أب وبقا أب لأجمل بنوته في الدنيا يا كتكوتي أنتي ضحكت حنين
شيرين: يخلاثييي علي ضحكة بنوتي الجميله يلا بقا عشان تأكلي وتنامي
...............................................................
شهد: ماما هبة ماما هبة اصحي بقا أنتي نومك تقيل اوي
هبة بنوم:عايزه ايه يا شهوده
شهد:اصحي بقا
هبة:شهوده يا حبيبتي النهارده آجازه وأنا عايزه انااام نامي يا روحي عشان افسحك النهارده فوسيحه حلوه
شهد:طب أنا جعانه وعايزه ألعب
هبة:طب وأنا عايزه انام
شهد:مامييي
هبة:يخربيت مامي والل جاب مامي يا حبيبتي
شهد بضحك:طب يلا يا مامييي عشان نصحيي رااامي ونأكل
هبة وهي بتشيلها:يلاا يا قلب مامييي
ودخلوا اوضة رامي
هبة:راميي قوم يا حبيبي
شهد:ماميي
هبة:امممم نعم
شهد:مش بيصحي كدا
هبة:اومال ازاي
شهد:عندك مية ساقعهه
هبة:بتفكري في الل بفكر فيه
شهد بضحك:ااااه
هبة وهي شايله شهد وبتجري علي المطبخ:يلااااا بينااااا
وأحضروا المية ودخلوا اوضة رامي
شهد:اشششششش
هبة:اشششششش وهوباااااا
ضحكت كل من شهد وهبة واستيقظ رامي
شهد:علي فكرا مامي هي الل عملت كدا وأنا قولتلها كتير لا يا مامي رامي مبيصحاش كداا بيصحي بلراحه«بالراحه»
هبة:مش عيب عليكي لما تكوني كدابة طبعا رامي حبيب مامي مش مصدق الكلام دا
رامي:طبعا طبعااا
هبة: حبيبي يا رامي والله
رامي:أنا بس هقوم اقتل مامي والل مع مامييي
هبة وهي شايله شهد وبتجري:الله وأنا مالي
شهد: اجري وأنتي ساكته يا ماميي
هبة: اسكتي بقا أنا مبكلمكيش اصلا بتكدبي وتدبسيني
رامي:اقفوا خلاص مش هعمل حاجه تعبتوني
هبة:ولااد
رامي وشهد:نعم يا مامييي
هبة:يلاااا نغير هدومناااا عشان اليوم كلواا هيبقي براااا
رامي:هنخرج! يعني نتفسح في مكان عام وكدا
هبة:اومال هفسحكوا في الترب اجري يلاااا
رامي بضحك:هدخل اغير يلااا
هبة:اشطاا وأنا هغير لشهوده
شهد:يلااا يا ماميي
...................................................................................
ليلي:الو يا حسام
حسام:ايوا يا ماما
ليلي:مال صوتك يا حبيبي
حسام:رامي وشهد هربوا يا ماما وبدور عليهم من امبارح مش لاقيهم
ليلي:هربوا! ليه
حسام:كلوا بسبب مها
ليلي:ربنا ينتقم منها يا ابني أنت فين دلوقتي
حسام:بدور عليهم في القاهره دورت في كل حته ومش لاقيهم
ليلي:ربنا يعينك يا ابني ويرجعهم ليك بالسلامه
حسام:يارب يا ماما
...............................................................................
رامي وهو ينظر لصورة والده:أنا آسف يا بابا عارف انك أكيد بتدور عليا دلوقتي بس أنا مستحيل ارجع أنا وشهد نعيش في البيت دا تاني بيت مشوفتش فيه غير الشر والإهانة وحتي لو لاقيتنا أنا مش هرجع معاك تاني...
أنا آسف بس كدا أحسن......
هبة:رامي..
رامي: نعم يا ماما
هبة:بص يا حبيبي الموضوع مش هيبق سهل علي باباك أنو يتقبل ان ولادوا فجاه هربوا منوا فاهمني! يعني اصلا مكنش ينفع تعمل كدا مهما كانت الأسباب....ولولا أن ربنا وقف معاكوا وقعدتوا معايا...كان ممكن يحصلكوا حاجه وحشه ومكنتوش هتعرفوا تتصرفوا... لان في الأول والآخر ونظر الناس أنتوا أطفال.....
رامي:أنا كنت خايف علي أختي... وكنت عارف أن أكيد هيقابلني مشاكل كتير بس أكيد كنت هلاقي حل....مكنتش مستحمل اشوف اختي بتتهان قدام عيني...مكنتش استحمل اشوفها بتبعد عني...أنا بحس شهد بنتي مش أختي أنا بحبها اوي...
هبة:برضوا بالعقل كدا مفيش أب وأم ممكن يأذوا ولادهم فاهمني ؟
رامي بصوت عالي:لا في أم ممكن تأذي ولادها عادي في أم ممكن تضرب بنتها عشان قالت أنها عايزه تلعب معاها في أم ممكن تقتل طفله لسه مولوده وتبعدها عن أهلها....أنا مشوفتش من البيت داا غير كل شر وإهانة ملاقتش اي إهتمام من أمي الل المفروض تكون هي أقرب حد ليا...قراري كان صح اني اختار البعد أنا عارف أن الموضوع مش هيبق سهل علي بابا بس مع الوقت هيتعود اننا مبقيناش موجودين
حضنته هبة وقالت:بص يا رامي يا حبيبي محدش فينا كامل....محدش فينا مليان عيوب ومحدش فينا مليان مميزات...كل شخص وليه حاجه بتميزه... كل شخص وليه عيب....وممكن يكون ربنا عمل كدا عشان تعيشوا معايا بدل ما أنا عايشه لوحدي...وأكيد ربنا هيعوضكوا...ربنا جميل اوي وبيعوض متقلقش يا حبيبي طول ما أنا معاكوا ووعد مني أنا عمري ما هسيبكوا غير لما اموت.........
رامي:بعيد الشر عنك يا ماما ربنا يخليكي لينا وتفضلي في حياتنا علي طول وميرحمناش منك ابدا...
هبة:ولا يحرمني منكوا يا حبيبي...
................................................................
أماني:في ايه يا أحمد قاعد لوحدك كدا ليه
أحمد: عادي يا ماما
أماني: مالك يا حبيبي اتكلم معايا
أحمد:هبة يا ماما
أماني: هبة مين
أحمد:بنوته بتشتغل ممرضة معايا في المستشفي بس انا بحبها اوي ونفسي اتجوزها ونكمل حياتنا مع بعض أنا بحبها اوي يا أمي
أماني:وايه المانع انك تتجوزها يا احمد
أحمد:المانع أنها معندهاش أهل
أماني: يعني ايه
احمد:أهلها دخلوها مدرسه داخلي في الاعدادي ونسيوها خالص والمديره هي الل ربتها بس للاسف ماتت وهبة دلوقتي عايشه لوحدها ومالهاش حد لما فاتحتها في الموضوع قالتلي أنها معندهاش حد اطلبها منواا ولا حد يقف قصادي لما نتخانق
أماني:يااه يا أحمد بصراحه البنت دي عندها حق لازم تفكر كداا تقدر تقولي لو أنت طلعت مش قد المسؤولية هتعمل ايه ساعتها..هتحس ب ايه...هتتكسر يا أحمد قلبها هيتكسر...والل زي دي قلبها لو اتكسر...مش هتقدر تعيش مرتاحه تاني..استحملت كتير في حياتها أكيد هتبق محتاجه حد يطبطب عليها ويحبها بجد...
أحمد:أنا بحبها والله يا ماما بحبها اوي وإن شاء الله اطلع قد المسؤولية
أماني: خلاص طالما بتحبها عافر عشانها ومتيأسش خالص أنها تحبك حسسها بِحبك
أحمد : حاضر يا ماما
................................................................
شهد:ماميي
هبة:قلب ماميي وروح مامييي وحياة مامييي
شهد:كنتي فين
هبة:كنت عند رامي
شهد:امممم ماميي هو أنا ممكن اسألك سؤال
هبة:طبعا يشهوده اتفضلي
شهد:أنتي هتسبيني
هبة:وهي في أم بتقدر تعيش بعيد عن ولادها
شهد:اااه مامي كانت عايشه معانا بس بعيد عننا
هبة:شهوده يقلب ماميي انسي كل حاجه حصلتلك وابدأي من جديد ومتقلقيش بقا مامي هبة عمرها ما هتسيبك لانها بتحبك جدا
شهد:وأنا بحب ماميي هبة كتير
هبة:يا روحي يلااا بقا يقلب ماميي نلبس عشان نخرج ونروح الملاهي
شهد:بجد
هبة:بجد يلااا بقا
جهزت هبة وشهد ورامي واستعدواا للخروج
رامي:هنروح فين
هبة:اي رأيكواا نروح نفطر قدام البحر
شهد: ماشي
رامي بابتسامة:ماشي
...................................................................
"لا سلطه لنا علي قلوبنا هي تنبض لمن أردت....!"💗✨