අලු ඇස් | ᴏɴʜᴏʟᴅ

06

" අයියෙ මේක මට දෙන්න බැරිද..? "

" බෑ..! "

මං කිව්වෙ මගේ මේස උඩ තියෙන ක්‍රිස්ටල් බෝල් ලෑම්ප් එක දිහා බලාගෙන..

" ඕනෙත් නෑ..! හහ්..! "

නංගි ගස්සගෙන ගියාම මං ඒ ලෑම්ප් ස්ටෑන්ඩ් එක උඩ තිබ්බ ක්‍රිස්ටල් බෝලෙ අතට ගත්තා.. ශ්වේත්ගෙන් හම්බුන මුල්ම ගිෆ්ට් එක.. උදේ කූරියර් එකෙන් ඇවිත් දීලා ගිය පාර්සල් එක කැඩුවම මං සෑහෙන්න පුදුම උනා.. මට සුභ පතලා ලියපු පොඩි කාඩ් එකක් එක්ක එයා පොඩි ගිෆ්ට් එකකුත් එවලා තිබ්බා.. ඒ කියන්නෙ එයාගෙ හිතේ මං ගැන මටත් වඩා විශ්වාසයක් තිබිලා.. මම මගේ රිසාල්ට්ස් එයාට කියලා ලියපු ලියුමවත් තාම පෝස්ට් කරේ නෑ.. ඒ විශ්වාසය නිසාම වෙන්න ඇති එයා මට සෙනසුරු ග්‍රහලෝකය තියෙන ක්‍රිස්ටල් බෝල් ලෑම්ප් එකක් එව්වෙ..

සෞග්‍රහ මණ්ඩලයට අයිති ශක්තිමත්ම පදනමක් තියෙන ග්‍රහලෝකය කියලා හදුන්වන්නෙ සෙනසුරු.. ඉතින් සෙනසුරු ග්‍රහලෝකය සම්බන්ධ මොකක් හරි දෙයක් හුවමාරු කරගන්න එකේ ලොකු ගැඹුරු තේරුමක් තියෙනවා.. මට මතක විදියට විශ්වාසය පදනම් කරගෙනත් සෙනසුරු ග්‍රහලෝකය තියෙන යම් යම් දේවල් හුවමාරු කරගන්නවා..

ඉතින් එයා මාව විශ්වාස කරන තරමටම මටත් එයාව විශ්වාසයි..! මං දන්නෙ නෑ කිසි දවසක දැකලවත් නැති කෙනෙක්ව මට මේතරම් විශ්වාස ඇයි කියලා..

" ලොකූ.. නංගි අර මොකක්ද බෝලයක් ගැන කිව්වෙ..? ආ ඒ මේකද..? "

එකපාරටම අම්මා ඇවිත් ඇහුවාම මං ගැස්සුනා.. වෙන කල්පනාවකනෙ හිටියේ..

" ඔව්.. ක්‍රිස්ටල් බෝල් ලෑම්ප් එකක්.. "

මං අතේ තිබ්බ ක්‍රිස්ටල් බෝලෙ ලෑම්ප් ස්ටෑන්ඩ් එක උඩින් තියන ගමන් කිව්වෙ..

" ඒක ලස්සනයිනේ.. කොහෙන්ද..? "

" අද උදේ කූරියර් එකෙන් ආවනෙ.. බලද්දී යාලුවෙක් මේක එවලා.. "

" ආ ඒක තමයි නංගි නාහෙන් අඩන්නෙ එයාට නෑ කියලා.. පල්ලෙහාට එන්න පුතේ.. තාත්තත් එයි දැන්.. "

අම්මා හිනාවීගෙනම එහෙම කියන ගමන් කාමරෙන් ගියාම මාත් අම්මත් එක්කම පල්ලෙහාට ගියා..