අලු ඇස් | ᴏɴʜᴏʟᴅ

12

" විනාඩි විස්සක් තියෙනවා බං පිටත්වෙන්න.. "

ටිකට් කවුන්ටරේ ගාව ඉදන් එන ගමන් නිකේෂ් කිව්වම මං වෙලාව බැලුවා.. අටයි විස්සයි වෙලාව.. එහෙන් පහට පිටත් වෙද්දි වෙලාව වැඩිවෙලා කොටුවෙ රස්තියාදු වෙන්න වෙයි කියලා හිතුවට එහෙම වුණේ නෑ.. කොටුවෙන් බැහැලා කාලා බීලා එනකොට වෙලාව ගානටම සෙට්.. අපි මාකුඹුරට එනකන් හයිවේ බස් එකක ඇවිත් එතනින් කොටුවට පාරෙ බස් එකේ ආවෙ.. දැන් මේ ඉතුරු ගමනාන්තය කොළඹ - බදුල්ල නයිට්මේල් එකක.. මේ ඔක්කොම මියුරුගෙ ප්ලෑන්ස්.. ඌට පුදුම උවමනාවක් තිබ්බෙ සෙට් එකත් එක්කම නයිට්මේල් එකක පැය හතක් විතර කවර් කරන්න..

" ඒ අතන නවත්තලා තියෙන්නෙ නයිට්මේල් එකලු.. යමන් ඉක්මනට.. "

මියුරු ස්ටේශන් මාස්ටර්ගෙන් අහන් ඇවිත් කියලා ඉස්සර වුණාම අපිත් ඌගෙ පස්සෙන් ගියා.. මහ රෑට කවුද නයිට්මේල් වල ගමන් යන්නෙ කියලා හිතුවට සමහර වෙලාවට නයිට්මේල් වල සීට්ස් ඔක්කොම ෆුල් වෙන්න කට්ටිය ඉන්නවා.. ඔය ගොඩක්ම ඉතින් තරුණ වයසෙ අය තමයි ඉන්නෙ.. හොදම උදාහරණය අපි නැග්ග පෙට්ටියට එහා පෙට්ටිය.. ඒ කෝච්චි පෙට්ටිය දැනටම ෆුල් කොල්ලො සෙට් එකකින්..! අපි කලින් බුක් කරලා තිබ්බ නිසා අවුලක් උනේ නෑ ඉතින්.. නැත්තන් සමහරවිට ඉඩ නැතිවෙන්නත් තිබ්බා..

" හිතුවට වඩා කට්ටිය ඉන්නවනෙ බං.. "

මියුරු එහෙම කියනගමන් හතර වටේට බෙල්ල කරකැව්වා..

" එහාපැත්තෙ පෙට්ටියේ තනිකරම අපේවයසෙ වගේ උන් ඉන්නෙ බං.. මේකෙ පොඩි උන් නෙ වැඩිහරියක්ම ඉන්නෙ.. "

නිකේශ් එහාපැත්තෙ පෙට්ටිය දිහාට එබිලා බලලා කිව්වම මාත් බෙල්ල දාලා බැලුවා.. උන් නම් ගිටාර් , ඩොල්කි පවා අරං ඇවිත්..

" අපරාදේ බන් උබේ ඩොල්කිය ගේන්න තිබ්බෙ.. "

සනුල් කිසල්ට එහෙම කිව්වෙ මූනත් ඇදකරගෙන..

" අඩෝ හිමත්..! හිමීට බලපන්කො එහාපැත්තෙ සීට් එක.. "

එකපාරටම කිසල් මට ඇනලා කිව්වම මං ඌ දිහත් බලලා එහාපැත්තට බෙල්ල හරවන්න හදද්දී මියුරු පැනලා මගේ ඔලුවට ටොක්කක් ඇන්න නිසා බලන්න උනේ නෑ..