☁️رحيق الأمل ☁️في غياهب اليأس وجدتني ✨

part 2🎀

الجزء الثاني :
❤️ قلت ليها جابك الله حتى أنا باغا نمشي نقلب على راسي فديك المدينة الكبيرة وهذا لي كان فقل من سيمانة كنا فالمدينة وكي حطيت رجلي فيها تفكرت راجلي ولا نقول طليقي لي دوزت معاه شهور فهاد المدينة وياما خرجني وطهلا فيا وياما شد فيدي وتمشينا فزناقي وشوارع وبلايص وقنات هاد المدينة... حسيت بالضيم طاح عليا وقلبي كايضرب غا بوحدو
بديت كنقلب على خدمة فالمطاعم و الفنادق وماخليت فين قلبت وفينما مشيت كنسمع ديك الجملة ديال سيري حتى نعيطو ليك.....
واحد النهار تاني بحال ديما خارجة نسول دزت على الباتيسريات على المخبزات على القهاوي على الريسطوريات الكبار والصغار الفنادق كلشي دزت عليه ياربي غا نلقى أي حاجة كيما كانت وخا فام دميناج نغسل الماعن ونسيق غا منبقاش بلاش وتابعني الكرا حتى هو والفلوس لي كانو عندي كملو غا فالطاكسيات والسيڤيات لي طبعتهم و زيد وزيد ....
ذخلت الواحد الريسطو كبيير لتحت والفوق وفيه المغاربة والگور كلشي مخلط جا فبلاصة استراتيجية ومستقطب للسياح والكليان ، مشيت ذخلت عند البنت لي كاينة فلاكيس دفعت ليها السيڤي ديالي بحال ديما وحطاتو فوق واحد العرام ديال السيڤيات وقالت ليا سيري حتى نعيطو ليك فقدت الأمل بحال ديما عوتاني ونا خارجة سمعتها قالت للدري لي معاها طلع هاد السيڤيات لميسيو (***) فلان.... فاش سمعت الكنية قلبي ضرب بالجهد