☁️رحيق الأمل ☁️في غياهب اليأس وجدتني ✨

part 5 🎀

الجزء الخامس
وماجيت نخرج غير على واحد طولة هزيت راسي وهنا كانت صدمة كان طليق ديالي لي تغير بزاااف على كيف خليتو لباسو الإبتسامة الوقفى ديالو تبدل بزااف شفت فيه سولتو شنو جابك لهنا واش كتراقبني ولا شنو قالي سمحليا ولكن انا لخصني نسولك هاد سؤال حيت نتي دفعتي واقيلا باش تخدمي دفعت لريسطو ماشي ليك اوا ريسطو راه ديالي اانسة تلقيت أكبر صدمة فحياتي كلها طلع فيا ونزل ومشا وخلاني وعاد فهمت علاش تقبلت بسهولة فهاد ريسطو وعلاش انا من دون الناس أكيد إنتقام أكيد الغد ليه جيت فنفس الوقت لخدمة دزت الكوزينة غسلت الماعن حتا قلت ساليت هاهيا لي مكلفة بنا بغاتني ندي للقهوة لسي الإكس والشخص لي معاه علاش انا بالضبط معرفتش طلعت و الأسئلة كدورو فراسي والخوف متملكني طلعت عندو البيرو دقيت دخلت ونا نلقا معاه واحد البنت لي زوينة بزاااف طولة والجمال بحال شي عارضة أزياء انا بقيت حالة فمي ونا حالتي بديك الطبلية وريحة مواد التنظيف قالي سلمى نسيتي معطيتي القهوة لخطيبتي شفت فيه ونا مصدومة ااا اه سمحلي السي يوسف حطيتها ليها وخرجت كنجري ودموعي تحجرو فعيني تفكرت كاع لدوزت معاه وشنو ضيعت ودبا دغيا دار وحدة كفاش قدر نسا ولكن من حقو يستاهل انا مكنتش معاه بنت الناس سولت دري لي فلاكيس عليه قالي بلي خطيبتو لباس عليها وهيا لعاوناتو حتا وصل لهدشي...🥲😅