مفيش حاجة اسمها حب اول وثاني، في حاجه اسمها حب قوي حب حقيقي بيمحي اللي قابله وميخليش بعده .
!! قلبي كالمرآة تنكسر من أصغر حجر يضربها *
&&&&&&&&&&&&&&&&&
بعد مرور ثلاث شهور عادت الأمور كما كانت عليها لم يتغير شئ لكن اهتمام مصطفي ذاد لحور خوفا عليها وهذا الاهتمام يجعل حور كتله من السعاده ولكن كانت دائما ما تري مصطفي شارد لأنه يلوم نفسه عما حدث ومع الوقت اقنعته حور انه لا دخل له
أدهم وساره حياتهم كلها حب وعشق وطبعا في خلافات بسبب ان ساره عاوزه تحط ميكب وادهم مش راضي وطبعا هي مش بتفكر اصلا تحط بس بتحب تشوف غيره أدهم عليها وفعلا أدهم كان بيبقي هينهبل لما يشوفها عاوزه تنزل بيه
ندي وفارس حياتهم عباره عن مناقره عاملين زي القط والفار بس دا بيزيد حبهم لبعض وفي يوم ندي كانت بتعمل كيكه وفارس ايجه من وراها وغرقها دقيق وهي عملت فيه زي ما عمل فيها وطول التلت شهور ليلعبو بالدقيق لبصالصه او المياه
أرين وأكرم قرر أكرم ان يبحث عن عائله أرين بدون علمها كي يقوم بالقبض عليهم ولكنه تراجع حتي لا تحزن أرين منه وارين حاليا حامل في أوائل الشهر الأول ودي كانت فرحه كبيره لأكرم لأنه اخيرا سوف يُكون عائله له
اما أرين فكانت الفرحه لا تسعها ولكنها دائما ماتفكر ماذا ستفعل ان كانت مثل والديها وشعر أكرم بهذا وطمنها انه لا يحدث شئ سئ
ريان وكيان عصافير الحب طبعا دول حبهم فريد يعني شخص كان رافض فكره ان هو يحب والكلام دا وكان عندو ان دى حجات فاضيه وكمان كيان اللى عاشت عمرها كله مش بتتكلم غير مع راجل واحد وهو اخوها بس مع دة كله ريان بيعاملها بحب كبير وزي بنته مش حبيبته
&&&&&&&&&&&&&&&&&&
عوده إلى الوقت الحالى
فله أكرم
أرين : بقا كدا عامل فيها سبع وانت
أكرم بتحذير : ايوه كملي علشان اقطع لسانك
أرين بدموع : واهون عليك
أكرم بهمس : انا اللى غلطان هطلع هروموناتها عليا
أرين : كمان بتبرطم وانا قاعده ...... ودا كله ليه علشان قولت ليك شلني وطلعني فوق انا ذنبي ايه انك مش بتقدر وصحتك على قدها
أكرم بغيظ : استفزيني كمان ..... انا بشيل أثقال في شغلى انتى لو شفتيها تموتي من الصدمه بس انتى اللى عامله زي فرقع لوز وعماله تتحركي وانا شايلك
أرين : خلاص خلاص مش هنطلع منك بحق ولا باطل
كيان : في ايه صوتكوا جايب اخر الفله
أكرم : حتي كيان ايجت من الكليه خايفه من صوتك العالي
أرين ببرائه : حق ي كيان صوتي انا
كيان : لا ي حببتي على صوته هو
أكرم : اخص قال اختي قال
كيان بهمس : انا قاعده معها طول اليوم وبطلع عفريتها عليا استحمل انت
أكرم بضحك : والله انتو الاتنين مجانين ...... يلا انا رايح الشغل كيان تتغدي وأرين كلت بس مش تنسي الادويه بتاعتها وكمان عصير برتقال .... يلا عاوزين حاجه
أرين وكيان : سلامتك ي حبيبي
خرج أكرم وهو يفكر ان لم يتبقى الكثير وتكبر عائلته
أرين : بقا كدا بتقول عليا عفريته
كيان : محصلش مين قال كدا بس
أرين وهي تقلد كيان : انا قاعده معها طول اليوم وبطلع عفريتها عليا
كيان ببرائه : على فكره عيب تسمعي الحديث بتاعنا
أرين : قومي ي بت من وشي ..... ولا اقولك تعالى نعمل كيكه بالمانجا أكرم بيحبها وهيفرح
كيان : وانا جاهزه
قضوا وقتهم في ضحك ومشاغبه منهم
&&&&&&&&&&&&&&&&&&
فارس : وبعدين
مصطفي : لا قبلين عينك مش تشوف غير النور نزلنا انا وريان فيه ضرب
ريان : لا وبعد ما خلصنا قبضنا عليه بتهمه التعدي على ضابط مخابرات
مصطفي : اصلا اول ما عرف ان احنا ضباط كان هيموت من الخوف
أدهم : اهم حاجه انكوا قبضتو عليهم
مصطفي : اصلا هما ساعدونا علشان كانوا سكرانين
ساره بأستمتاع : لا دا كله كوم وكلام ريان كوم ..... بعد الضرب دا كله وبيقول للولد يعتذر منه
ريان : امال ي بت انا مش اي حد برضو
طارق : كفايه ضحك وكملو اكل
بعد وقت من انهائهم للغداء
طارق بجديه : مصطفي ريان بعد كدا مش عاوز واحد فيكوا يدخل في مهمه مش تخصه
مصطفي بأعتراض : بس ي بابا دي
طارق بمقاطعه : انا قولت اللى عندي ...... انت ي استاذ انت وهو لو واحد فيكوا ضرب رصاصه ويجت في حد كانت هتكون جريمه قتل اقدر افهم انتو مسرح ليكوا بالمهمة دي طبعا لا
ريان: بس ي بابا
طارق : ولا بس ولا مبسش انا قولت اللى عندي واذهب إلى غرفته
ساره : خلاص اسمعوا الكلام
مصطفي بعصبيه : يعني ايه المفروض ان احنا شوفنا ناس بتسلم بعضها مخدرات نسكت
فريده : خلاص ي مصطفي طارق عاوز مصلحتك
ريان : بقولك ي مصطفي تعالى نخرج شويه وغمز له
مصطفي : تمام ...... بعد اذنكم
حور : مصطفي كبر الموضوع صح
أدهم : لا مش كبره حبه لشغله خلاه يعترض على كلام بابا ..... يلا ي ساره اطلعي ارتاحي شويه
ساره : طب وانت هتروح فين ي حبيبي
أدهم. : انا هروح الشركه امضي على ورق وراجع
ساره : ترجع بالسلامة يا قلبي
فارس : استني انا كمان جاي معاك
أدهم. : طب يلا. وذهبوا
ندي : احم احم مش ملاحظين حاجه غريبه انهارده
حور وساره : متكلمتيش انهارده
ندي بضحك : صح صح وياتري ليه بقا
ساره : ليه
ندي : انا وفارس عاملين تحدي لو اتكلمت انهارده وهو موجود مش هيخرجني لو مش اتكلمت هنخرج سوا
حور : اه ي عم
ساره : ياعم ايه انتى عارفه ندي مش بتقدر تقعد ساعه من غير كلام ..... واكيد فارس عارف انها هتخسر
ندي : فصيله زي اخوها
حور بحب : بس عندهم اخ عسل وقمر وبحبه وهو كل حاجه بالنسبه ليا
ندي : يامحنه ايه ي بت القرف دا
حور : بس ي زفته انتى
ندي : الحقيني ي اخت جوزي سلفتي أصغر منى وبتشتمني
ساره : لا ملكيش حق
حور : انا مش فايقه ليكوا هطلع اذاكر شويه
ساره وندي : تمام
&&&&&&&&&&&&&&&&&
على البحر
مصطفي : عاوز ايه
ريان : انت مفكر أن انا مش فاهمك
مصطفي : بلاش الغاز وادخل في الموضوع على طول
ريان: انت شايف ان الشباب دول ممكن في يوم يوصلوا لحور ويأذوها ...... انت بقيت شايف ان الكل عاوز ياخد حور منك
مصطفي : ودا مش حقيقي ..... سهام ولمار عاوزين يجوزها وتسافر وانا بقا اموت بحصرتي ولا التاني إلى عاوز يسفرها ويشغلها في الدعا*ره وانا عارف حور مش هترضي وفي الاخر تنتحر هو انت هتعرفني على حور ...... سيبك مني انت طلعت ليه من البيت
ريان بضحك : لا ولا حاجه بس عاوز اقولك انت مش ناسي حاجه
مصطفي بحب : اول مره حور اتكلمت كان بتاريخ بعد بكرا فاكر بس ليه
ريان : اصلك بتعزمنا كلنا على الغدا قبلها بأسبوع
مصطفي : لا السنادي غير ..... انا هعمل حفله
ريان بتفاجأ : مش حاسس إن المناسبه يعني
مصطفي : مش ليا دخل في الناس ومالها المناسبه هو في احلى من كدا اول مره اسمع صوت طفلتي وكان كان اسمي عاوز ايه اكتر من كدا
ريان : طب بص بقا احنا نحط خطه جامده وعلشان انا قررت أتقدم لكيان رسمى ونلبس الدبل بقا
مصطفي : حاضر ي درش وانا كمان هعمل ذيك وتمون حفله خطوبه مع اللى احنا هنعمله
ريان : تمام اوي كدا
مصطفي : يلا نرجع بقا
ريان : يلا ي ياصاحبي
البارت قصير عارفه بس كمان انا كنت كاتبه الروايه في دفتر عندي وللأسف الدفتر ضاع فأنا لسه بفكر في الروايه من الاول ودا عاوز وقت
وياريت التفاعل والمتابعه
أنت تقرأ
المنطق والعشق
Tiểu Thuyết Chungشاب له في الاحترام ما لا يوصف يحب عائلته حبا كبير أثر هذا الاحترام المبالغ فيه علي حياته بشكل سئ حيث انه كان يحب ابنه عمه ولكن احترامه الذائد جعله يرى انه هكذا علي خطأ وظل في مخيلته كيف له ان ينظر إلى ابنه عمه نظره انه يريدها حبيبه او زوجه هي ابنه ع...
