المنطق والعشق

البارت الثاني والثلاثون

مفيش ألطف من ان حد يختارك ڪل يوم، يبقى قدامه اڪتر من مليون بني ادم يوميًا ومع ذلك يقع فـِ حبك ڪل اول يوم ويختارك انت دونًا عن الناس يكلمك ويتطمن عليك ويشيل همك ودايمًا يدور عليك، حد يڪون ڪامل بيك مش لانه ناقص بس لان وجودك بيخلي روحه تحس بأمان وسلام
&&&&&&&&&&&&&&&
-

بعد مرور شهرين
فارس سافر ورجع بعدها بشهر وندي اتخانقت معاه علشان اتأخر وساره حامل في اول الشهر الرابع وهي وادهم رافضين يعرفوا نوع الجنين وسايبنها مفاجئة
حور : انا مش حاسه الفستان عليا
مصطفي  : انتي هبله يابت جايه تحسيه بعد ما اخترناه بأسبوع لا وكمان الفرح بعد بكره
حور : خلاص ايه مسوره وانفجرت
مصطفي  : طب اسكتي بقا علشان المسوره دي مش ترميكي من العربيه
حور : واهون عليك ي قلبي
مصطفي  : المشكله انك مش تهوني عليا
حور : بحبك ...... قولي ريان وكيان فين
مصطفي  : زمانهم دلوقتي وصلوا المطعم
حور : طب يلا سوق بسرعه
وصل مصطفي وحور إلى المطعم الذي به ريان وكيان
ريان : ايه التأخير دا كله
مصطفي  : قول لأختك عماله تقول سوق بهدؤ
حور : انا ..... مصطفي انت بقيت بتكذب معقول
ريان : خلاص ي قلبي انا صدقتك
كيان : طب انا جعانه موووت
مصطفي  : وانتي امتي شبعتي ي كيان
كيان بغيظ : احترم نفسك ي مصطفي
ريان : بس ياض مش ليك صالح بمراتي
مصطفي  : تصدق انا نسيت ان احنا كتبنا الكتاب
حور : يعني ايه بقا ي استاذ
مصطفي  : مش يعني يلا نطلب الاكل انا جعان
&&&&&&&&&&&&&&&&&
شقه أدهم
أدهم. : ي قلبي على مهلك مش كدا
ساره : هو انا عملت ايه بس انا قاعده طول اليوم
أدهم. : معلش بس خففي الحركه شويه مش كدا
ساره : هجهز الاكل بس
أدهم. : انا هجهز بس اقعدي كدا واتفرجي على جوزك
ساره : طب يلا ابهرني
بعد وقت
أدهم  : هاتي الملح كدا
ساره وهي تعطيه الملح فلتت يديها ووقع البرطمان بالكامل في الاكل
أدهم بصدمه : الاكل ...... ساره ي حببتي قولي ان إلى حصل دا تخيل ومش حقيقه
ساره : ايه ي أدهم فدايا
أدهم. : هو كل حاجه في الدنيا فداكي بس مش توصل انك تخربي الاكل إلى بقالي ساعه بعمله دا حرام
ساره : خلاص خلاص محصلش حاجه
أدهم. : تعالي انا هوريكي ايه إلى محصلش حاجه
ساره : بص ي حبيبي انا غلطانه تعالي نطلب اكل
أدهم  : تعالي ي آخره صبري ...... اعمل ايه بحبك وحبيبك يبلعلك الظلط
ساره : والله انا إلى بحبك وبموت فيك
أدهم. : طب يلا نطلب اكل علشان جعان بشكل
&&&&&&&&&&&&&&&
فله أكرم
أرين بتعب : خلاص بقا ي روحي
أكرم بضحك : طفله بتنيم طفل ...... هاتي ياسو وانا هنيمه وانتي روحي نامي
أرين بفرحه : والله انا بحبك موووت
أكرم بسخريه : اخر مره سمعتها كانت قبل ما الاستاذ دا يشرفنا 
أرين بتعب : لا بجد ابنك متعب ايه دا الأطفال صعبين
أكرم بدون وعي : اكيد مامتك كانت بتقول كدا
أرين بحزن : ماما هي فين ماما
أكرم : والله انا اسف مش قصدي ...... وبعدين ي قلبي احنا مش قولنا هننسي الموضوع دا
أرين : ايوه انا المفروض انسي( وأكملت بطفوليه ) علشان بقا اربي ابني واخليه راجل ويكون شبهك كدة ..... اصلا هو كلو شبهك يشبهني في عيوني بس
أكرم : ودي احلا حاجه حد يطول عيون لونها عسلي كدة
أرين : شوفت ابنك مام معاك واحنا بنتكلم ازاي
أكرم : طب كويس ان هو نام علشان انا كمان تعبان وعاوز أنام ...... وكمان عندي شغل بكرا عاوز اخلص كل حاجه قبل فرح كيان
أرين : اه صحيح انا وكيان هننزل بكرا علشان هي عاوزه تشتري حاجات ليها
أكرم : تمام وانا هوصلكم ونتغدى بره
أرين: اوكي ي قلبي
&&&&&&&&&&&&&&&&&
شقه فارس
ندي بدموع : بس بقا ي جودي حرام عليكي جواد نام وانتي لسه
كانت جود تزداد في البكاء
ندي : طب ي قلبي حاسه بأيه
فارس بصدمه : ايه دا ي حببتي انتي بتكلمي البنت ....... وهي هتعرف تقولك ايه إلى بيوجعها
ندي بدموع : انا تعبت هي تنام جواد يصحى جواد ينام هي تصحى عملين دوريه عليا
فارس : انا اسف المفروض اساعدك بس انتى عارفه الشغل وكدا
ندي : عارفه ي قلبي ...... تعالي احضرلك العشا
فارس : لا روحي انتي نامي وانا هقعد مع جودي واعمل اكل لنفسي
ندي : انا هجهزلك بسرعه اكيد جاي تعبان من الشغل
فارس وهو يأخذ جود منها : هاتي بس حبيبه بابا دي ...... وانتي اسمعي الكلام وروحي نامي
ندي : تمام لو مش عرفت تعمل اكل صحيني
فارس : انا عشت في باريس لوحدي واكيد اكلي كله مش من بره ..... كنت بعمل لنفسي
ندي : طب تصبح على خير
فارس : تصبحي على جنه ....... حبيبه بابا تاعبه ماما معها ليه
رفعت جود يدها الي وجه فارس وصارت تحركها علي فمه وتضحك
فارس : بقالك ساعه بتعيطي وجايه دلوقتي تلعبي في وشي ...... مفتريه انتي اوي ..... يلا تعالي نعمل اكل علشان بابا جعان جدا
&&&&&&&&&&&&&&&&&

بارت قصير جدا انا عارفه اسفه علي كدا
كمان مافيش تفاعل ابدا ودي حاجه مخلياني مش عارفه اكتب بصراحه