حبيبتي علي المريخ [ قيد النشر ]

البارت 4 (ج²)

ربنا ينصر اهلنا في فلسـ.ـطين وغـ.ـزة
انا عارف اني غبت فترة طويلة اكتر من سنتين وممكن متكونوش فكريني ولا فكرين الروايه بس غصب عني لان في شخص عزيز عليا مات من فتره فعديت بفتره نفسيتي مكانتش احسن

۔⎯⎯⎯⎯⎯⎯⎯⎯⎯⎯⎯⎯⎯

part_4

ملخص البارات السابق
▪ رانيا بتسامح فارس وبترجع لة وبتخرج معاه
▪ محمد بيتعصب علي جورج بعد ما يشوف فديو الرقص
▪ فارس بيفكر في سهيلة .. وأهلة بيقترحو علية يتجوز

ـــــــــــــــــــــــــــــــــــــــــــــــــــــــــــــــ

البارت ٤
في يوم جديد فارس بيكون جالس هو ووالده علي السفرة ويتناولو وجبت الفطور معاً وبيتحدثو...

رفاعي : تجهز عشان لو جالنا الرد النهاردة .. هنعمل شبكة بعدها بكام يوم

فارس : مش لسة بدري يا حج علي الكلام دة

رفاعي : لا عشان الناس تعرف إنها خلاص إتخطبت

فارس بغمزه : يعني مش عشان حاجة تاني لا عشان الناس تعرف .. يا راجل يا تقٔيل

رفاعي بجديه : هتلغبط في الكلام زي إمبارح هخبطك بالشوكة في زورك وأرتاح منك

فارس : فرفش يا حج كدا إحنا داخلين علي فرح

رفاعي إكتفا بالنظر فقط وأكمل فطورة

فارس : مالك يا عم .. طب مش عايزك تفرفش عايزك تجبلي وحدة تزغرتلي في فرحي

رفاعي : تقصد إية بكلامك دة

فارس نهض من مكانة وبعد مسافة : تجوز يعني .. بس أهم حاجة تكون بتعرف تزغرت

رفاعي : ااااه .. تعالي طيب يا تافه مش هكلمك

فارس : إيه موافقٔ وهتجيب وحده تخدمنا

رفاعي :  لا يا أخويا إخدم نفسك بنفسك .. ولو هتجوز هتجوز وحده تخدمنا يا متخلف

فارس : لية كدا دا انا فرحت وقٔلت ابويا اخيراً هيعيش حياة مستقرة .. ومتخدمكش ليه امال إنت هتتجوز ليه

رفاعي : لا يا اخويا انا مرتاح كدا .. مش عايز اجواز ولا أستقر إرتاح

فارس : اه فهمتك يا تقٔيل عايز تسهر وتبصبص براحتك بدون رقابة

رفاعي بصوت جهوري : فارس إحترم نفسك وانت بتكلمني

فارس : والله بهزر .. انا غلطان إنك عايزك تتجوز وتجيب خدامه.. سلام بس متنساش تفكر في موضوع الجواز...

"فارس كل حياتة غلط في غلط هو والده .. وكلمة خدامة اللي بيقولها دي لا تصح اصلا  للعامله ولا مرات الاب .. الصحيح أنه يقول علي مرات الاب (طنط) او اي لقب لاكن هيا ليست خدامه دي إنسانه و العامله التي تطبخ او تنظف المنازل نقول لها (مساعدة منزل او مديرة منزل) مش خدامه "