عند وجد ونايف صحت تسويله الفطور وجا وراها وحضنها
وجد:صباح الخير يا احلى زوج وحبيب بالدنيا
نايف: صباح النور يالي مافي مثلس بديل
وجد: شلونك يروحي وكيف نومتك عسى ماتعبت؟
نايف: بخير انا ماتعبت بس انتي يمكن تعبني من فستانس الثقيل
وجد: دامني معك ماتعب انا
نايف باسها: يروحي وش اساعدس فيه
وجد: ارتاح خلصت انا
نايف : يلا انتظرس
عند خالد وام خالد :
خالد: يمه اخطبيلي
ام خالد: من بخاطرك
خالد : خاطري في النجلاء بنت خالتي امل
ام خالد : اكلم خالتك واشوف
دقت على اختها :
ام خالد: هلا وغلا بأختي ام مشاري شلونس شخبارس
ام مشاري : هلابس ياوخيتي انا تمام انتي شلونس وشلون وديان مع بزرها وشلون نايف مع زوجته عساه مرتاح؟ وشلون خالد القلب
ام خالد: خالد القلب بخير بس وده يطلب النجلاء منس
ام مشاري زغرطت : ها ي النجلاء شرايس؟
النجلاء: موافقه يمه انا احبه موافقه
ام خالد سمعت : هاو شكلهم يحبون بعض من ورانا
ام مشاري : اي والله وانتي الصادقه
بالدوام: جاته مهمه خطره وان يمسك واحد مايهمه احد واي واحد يقابله يذبحه
المدير : الي راح يتكلف بهذي المهمه انت وفريقك
مشعل: واهلي؟
المدير: مشعل اهلك ودهم للرياض
مشعل بضيق: ان شاء الله
دق على عبد العزيز بس مشغول مع خطيبته
"عبد العزيز خطب اخت صديقه اسمها الماس عمرها 26 مدرسه بعدين راح نتعرف على شخصيتها"
دق على تركي :
مشعل: الو
تركي : هلا فيك وش فيه صوتك ضايق؟
مشعل : ماحد يحس فيني غيرك
تركي: وش فيك
مشعل: انا بروح مهمه خطره ويمكن يصير في شي خطر
تركي :كمل
مشعل: في مجرم اسمه حمد هذا مايعرف من قدامه لو ايش اي واحد يقرب منه يقتله انا بجيب عيالي للرياض وبرجع بس استحلفك بالله لو ربي اخذ عمري هناك مابي ولا احد منكم يبكي او تنزل دمعته و وديان بعد موتي لاتزوجونها الا لك او لوليد
تركي : اقول عن هالكلام لك طولة العمر وصدقني ماحد بيمسكه الا انت
مشعل: استودعتك الله
راح للبيت وجهزت اغراضها وديان ويوم وصلوا قال كل شي قاله لتركي للعايله ماعادا اذا مت زوجوا وديان لتركي او وليد ماقالها
ابو خالد: اترك هالكلام كلنا واثقين فيك
مشعل: تسلم ياعم وديان صبي لي شاهي
وديان هزت راسها بطيب وراحت تصب له بس كانت تصب الشاهي على يدها وهو حار ماكانت تحس بالحراره تناظره والدموع بعيونها فز من مكانه ويشيل البريق من يدها وسحبها للمطبخ وحط على يدها ماي باررد وثلج
مشعل: كيف ماكنتي تحسين بالحراره؟
وديان بكت: كيف ماكنت تحس بحرارة قلبي؟
مشعل بلع ريقه : تعورتي!
وديان: لا ماتعورت
حضنها مشعل بكل قوته كانت تسمع دقاته وتزيد بالصياح
مشعل: امسحي دموعس خبري بحرم مشعل ماتبكي
مسحت دموعها وضمد يدها وراحت جلست وكانت تبي تروح الغرفه مسك يدها وهمس : وين؟
وديان: بروح اريح وبخلي فهود عندهم
مشعل: اجلسي شوي لين اروح ابي اشبع منس
وديان قامت: تروح بالسلامه استودعتك الله
راحت لغرفتها وهو يناظرها من نافذتها الي كانت عاكسه بالليل
قام بيروح وقال بصوت عالي : مع السلامه دعواتكم لي فزت من مكانها على النافذه وناظر دموعها وناظر الارض وطلع
مر اسبوع ومود وديان مو مره
جت وجد عند امها وخالاتها
العنود: وشلونس ي وجدي
وجد: تمام وشلونس انتي
العنود :بخير
وجد: وديان ؟
لفوا عليها وكان وجها شاهب من التعب وماسكه بطنها بألم
قامت امها ودتها المستشفى
الدكتوره : انتي متزوجه؟
وديان: ايه
الدكتوره : انتي اجهضتي
ام خالد: من متى انتي حامل
وديان: بعد عرس وجد حللت
ام خالد : مشعل يدري ؟
وديان بصياح هزت راسها بالنفي
