جيبوا لكم شاهي او اي مشروب تفضلون واستمتعوا بالروايه
بالديره : يجمتعون الاخوان في بيت واحد ولكن كل واحد عنده بيت وحوشهم واحد
صحت من النوم بكامل نشاطها راحت تصحي اخوانها دخلت غرفتهم وحصلت عبد العزيز صاحي على سجاته راحت عنده
وجد : صباح الخير يا احلى اخو بالدنيا
عبد العزيز : صباح النور ياقلب اخوها
وجد : وين ملابسك الي يحتاجون غسيل
عبد العزيز : شوفيهم بالسله
وصحت اخوانها ونزلت تحت بالحوش وقابلت وديان
وجد :صباح الورد وش يسوي الحلو
وديان: جالسه اكتب الواجب
وجد: وراه ماكتبتيه من الليل
وديان: امس راشد فاتح لايف وجالسه اسمعه
وجد: خليه ينفعس مابتغسلين ملابس
وديان: لا ملابسي نظيفه
وجد: وملابس اخوانس ؟
وديان: هاو انا مكلفه فيهم ؟
جا نايف بلبس الحرس الوطني ورمى على وديان ثوب وشماغ وقال: غسليهم اذا رجعت من الدوام بلبسه
وديان : مكلفه فيك انا تزوج وريحني ياخي
نايف : عيدي وش قلتي ؟
وجد: خلاص نايف انا بغسل ملابس اخواني اغسل ملابسك
نايف: تسلمين ي بنت العم بس ماودي اتعبس معي
وجد: شدعوى ترى حالك من حال اخواني ومابينا
نايف: خلي ذي الرفله حسابها معي بعدين
لبسوا وكلهم تجمعوا بالفطور الوضع هدوء وكسر هدوئهم ابو خالد
عساس انو وقفت اللقمه بحلقه بس كان يمزح مع زوجته عشانها زعلانه منه
فزت وديان وطاحت شيلتها من على راسها من طبايعهم انو مايغطون وجهم عن عيال عمومتهم بس يحطون شيله على راسهم بان شعرها وراحت تعطي ابوها ماي وفزت ام خالد وهي تمسح على ظهره وكل الي بالسفره خايفين عليه ضحك وقال : تخافون علي ؟
ام خالد: والله انك سخيف وماتنعطى وجه وليت اللقمه واقفه بحلقك صدق
ابوخالد: احلفيلي انس ماخفتي
ابو وليد : مالها داعي هالحركه يافيصل
ابو خالد : حبيت امزح مع زوجتي
ابو وليد : شلعت قلوبنا الله يشلع قلبك
وديان : معليش ي عم بس لاتدعي على ابوي ترى ما ارضى عليه
ابو وليد : اقول غطي شعرس لا اصفقس بالصحن الحين
وديان قامت ولبست عبايتها عشان تروح المدرسه
ام عبد العزيز: مسكينه ودياني ماكلت بحط لها بشنطتها فطور
ام خالد : ماحد قال لها ترد على عمها
ام وليد : لا صدق مسكينه ماكلت شي حطي لها يا خدوج
ام عبد العزيز : ابشري ي قلبها
ام خالد : خلوها تتعلم غلطها
طلعوا يعطون وديان الاكل ام خالد وام وليد
وديان:ياحظي ربي رزقني بأربع امهات بدل الام الوحده احبكم باي
ام وليد: اقول حصني نفسس
وديان : ابشري
دخلت وديان الفصل مع وجد
وجد تهمس لوديان : ترى مو كل مره بتسلمين وش عندس مهربه جوالس ولو صار تفتيش ؟
وديان : ماعليس مو صادينه واذا صار تفتيش بدسه
وجد: الله يصلحس والله انس مهبوله
وديان قامت تضحك
بالفسحه طلعت جوالها وتصور هي ووجد دخلت الخاله وتشيل الزبايل شافت وديان وعلمت عليها ودوها الاداره
المديره : طلعي الجوال
وديان:مامعي
المديره :طلعي الجوال
وديان رفعت صوتها : قلت لس مامعي
المديره: الخاله مابتتبلى عليك تبين نفتشك ؟
وديان: فتشي ماهتميت
فتشوها ومالقوا شي بشنطتها ولا بجيوبها
قالوا يفتشون الفصل
فتشوه ولقوا الجوال بشنطة وجد
المديره مستغربه: وجد جايبه جوالك؟؟
وديان: ذاجوالي مو جوال وجد
وجد بكذب : ذا جوالي وقت الخاله دخلت كان بيد وديان اسفه وديان ورتطس
وديان مستغربه قالت : وجد
وجد : اص
وراحت عند الاداره ودقوا على عبد العزيز مارد ودقوا على تركي
تركي: الو السلام عليكم من معي
المديره: معك مديرة مدرسة وجد انت ولي امرها؟
تركي : اي تفضلي
المديره: وجد ووديان جايبين جوال ليت تجون تستلمونه ولا بيتصدر لين نهاية السنه
تركي : ان شاء الله بجي
دق على نايف عشان وديان مايطلعونها معه لازم اخوها
ومع نايف مشعل وجاوا المدرسه واستلم نايف الجوال وطلعوهم من المدرسه واستلموهم تهزيئ
بنوقف شوي ونروح بالبيت
الحريم موزعين الشغل عليهم
وبعد ماخلصوا جلسوا يتقهون
العنود : تسلم يدينس ي نوفي
ام وليد : بالعافيه عليس ي حبي
ام عبد العزيز بغيره: وخدوج مالها نصيب من مدحس ي عنودي
العنود : الله لايحرمني منكم ي دنيتي انتوا امالي تعالي
جت ام خالد وبيدها صينية حلى : ي عيون امالس انتي
العنود غطت عيونها بحياء : استحيييت
ضحكوا الامهات
نرجع للبنات بالسياره:
تركي : ليش جايبه جوالس
وجد بخوف من تركي : ماجبته بس ماحبيت وديان يهاوشونها لحالها
نايف : وانتي ليه جالبه جوالس
وديان تبرد اظافرها وترد ببرود : مالك دخل اطفش بالحصص شغل راشد وانت ساكت
مشعل يهمس لنايف وسمعته وديان : ودي اصفق اختك وادبها عطني اياها اسبوع ارجعها منزله عيونها بالأرض
وديان : اذا انت رجال وانت مشعل بن محمد ال عبد العزيز سوها
مشعل ناظرها بحده وقال: ان مديت يدي مهي بزينه لس يالملسونه
وديان سكتت وقام يضحك قالت: الشاطر يضحك بالأخر
وصلوا البيت مشعل ساحب يد وجد ونايف ماسك يد وديان
دخلوا وارتعبوا الحريم من صوت صراخ مشعل
وجد بخوف: مشعل تكفى قصر صوتك والله اسفه تكفى ابوي لايدري
وديان : جودي من جدس تترجينه تخيلوا اترجى اخوي
نايف ماكان يقدر على لسان اخته وصفقها كف وكان من قوته صوته قوي
وديان ناظرته وفيها دموع بس مانزلتها قالت : كسر يكسر يدك
وراحت غرفتها تبكي بتدخل امها الغرفه بس مقفله وتطق عليها ماترد
وقت الغداء كانوا كلهم موجودين ماعادا وجد ووديان
جا عبد العزيز وقال لها: وش مزعلس ي عيون اخوس
وجد خافت من عبد العزيز وقالت بكذب: حليت واجبي امس ونمت متأخر اخر شي المعلمه تقول الجواب غلط
عبد العزيز: عادي يروحي ماصار شي انزلي كلي
نزلت وتناظر في تركي ومشعل وخايفه انهم يقولون شي
ابو وليد: كنكم ناقصين؟ وين وديان
نايف: يبه وديان لسانها طويل وتراها مهربه جوالها وانا مديت يدي عليها
ابو خالد : انا ابوها بعدني عايش ي نايف انا مامت عشان تمد يدك على بنتي
نايف: عمرك طويل ي الغالي بس وديان قليلة ادب
ابو وليد: دواها عندي
ابو خالد عصب وقال: انا ابوها انا اتحكم فيها تكفون لاحد يتدخل وقام من الغدا
تركي كان يناظر في وجد بعصبيه ووجد تناظره بخوف حس بنظراتهم عبد العزيز همس لتركي وقال: وش فيها
تركي : مع وديان بالسالفه
عبد العزيز ناظرها بعصبيه وخافت وقامت من الغداء ولحقها عبد العزيز وهاوشها وقال انه بيسحب الجوال منها
البنات زعلانات
العنود : جماني مامي روحي طقي الباب على وديان
جمان: تضربني توها صرخت علي
مر يوم كامل وهي بالغرفه
ابو خالد طق عليها الباب وماكانت ترد وهنا زاد خوفه ونادا اخوانه وعيال اخوه وعياله
كسروا الباب وكانت نايمه
هزوها ماتتحرك كانت فاقده الوعي
كبوا عليها مويه وصحصحت واكلت تهزيئ من ابو وليد
اليوم الي بعده كان مدرسه راحوا وجد ناظرت فيها وقالت : اسفه
وديان : وش دخلس تعتذرين انا الي اعتذر لان اخوانس السملق صرخوا عليس
ضحكت وجد وقالت: ما ارضى على اخواني
كشت عليها وديان وقالت: مالت عليس وعلى اخوانس المهم جبت جوالي
شهقت وجد وقالت ماتتوبين انتي ؟
وديان بضحك : لا
وجد: واذا مسكوس
وديان :مايهموني
جات المعلمه ووديان انحاشت ودقت على نايف تقول له انو ماتخاف
نايف لمشعل: ذا البنت بتجنني موديه جوالها اليوم معها
مشعل: ماتعرفون تأدبونها ولا هذا وجد مأدبيها ولا تقدر تنطق شي
نايف : اختك وجد مامثلها احد تجنن هالبنت
مشعل: اغار على اختي
ضحك نايف وقال: ماعاد نمدحها
انتهى البارت الاول ادري انه خفيف بس ان شاء الله ازيد بالبارتات
