كنت اقول مستحيل احبك والي صار عشقتك

Part 5 🌿🤎

صحت من النوم دخلت دورة المياه ( وانتوا بكرامة) صلت ولبست شيلتها وراحت للمطبخ
دخلت المطبخ وحضنت امها
ام عبد العزيز : والله ان اشتقت لوديان مسويه لنا جو بالبيت
وجد: ماله داعي تذكروني كل شوي
نواف جا يبوس وجد عشان بتروح للمدرسه
نواف: احبس
وجد: اموت فيك
طلعت وطاحت وجا بيمسكها فهد وصرخت عليه قالت : اقدر اقوم
فهد عصب عليها : واذا تعرفين ابي افهم وجد انتي تحبيني ولا ليه معاملتس تبن كذا اذا ودس نفسخ الخطوبه قولي وانا موافق وبتخطى بسرعه
وجد حزنت وقالت : فهد انا احبك والله العظيم بس ماحب خوفك الزايد انا اقدر اقوم

عند وديان الي نايمه ومشعل تركها بالغرفه وراح المطبخ
جات وديان بدون خطوات : بوو
مشعل : مو انتي نايمه ؟
وديان : الا بس حسبتك سويت فطور وجيت اكل والله جوعانه
مشعل : اجل دامس جيتي مشتهي من يدين زوجتي الي اعشقها
وديان استحت ومابينت : بس تساعدني الحين
مشعل : وانتي ساعديني بالليل
وديان : طلع البيض والتوست والزيتونات والاجبان
مشعل: قولي اطبخ بدون هالسالفه الطويله
وديان : اخلص بس
سوو مع بعض كانوا يخلطون البيض وهم ماسكين يدين بعض
وكلوا وخلصوا

مر ثلاث شهور بدون احداث مهمه: حددوا عرس وجد وفهد وكان يوم الجمعه
احداث يوم الثلاثاء : وديان نايمه يوم كامل وخاف عليها مشعل انها ماتاكل ولا شي
مشعل: وديان قلبي قومي ترى مو زين كل هالنوم
وديان : ابي انام
مشعل: قومي فهد ولد عمي جاي يتغدا عندي
وديان: اطلب له بخاري
مشعل : عشاني وديان
قامت طبخت وهي تعبانه اغمى عليها بالمطبخ وركض مشعل وشالها للمستشفى
الدكتوره : مبروك هي حامل وان شاء الله انا الدكتوره الي بشرف على حالتها وبتصير تراجع عندي
ابتسم مشعل وقال : اي شهر هي الحين
الدكتوره : بدري عليها توها الثاني
دخل عليها ولقاها مبتسمه وحضنها وقال : مبروك يا احلى ام بالدنيا
وديان : مبروك يا احلى بابي بالدنيه
ضحك مشعل وقال: بابي !!

رجعوا البيت 
بالخط كان يفكر بوجد وهو متحمس لعرسهم الي بعد يومين ومانتبه للناقه الي صقها وانقلبت فيه السياره
قدروا يفتحون جواله وشافوا اخر متصل مشعل ودقوا عليه وفهموه وراح المستشفى معه
في الانتظار :
طلع الدكتور
مشعل: وش يادكتور ؟
الدكتور: انت اخو فهد سعود؟
مشعل: ايه اخوه
الدكتور : القباء لله عظم الله اجرك بأخوك
بكى مشعل وراح لوديان وقال لها وبكت
دق على خالد وقال له ودق على وليد الي انهار صياح وكلهم ناظروه وينتظرونه يجاوبهم قال : اخوي فهد توفىى توفى وهو ماتهنى بشبابه توفى وهو يبي عرسه
صرخت وجد بدون شعور وهي تبكي وتقول: ليت انا الي مت مو هو
مرت ثلاث ايام ثقيله على العايله
مرت اسابيع ووديان عندهم وفيها خوف ان مشعل يروح الشمال ويصير فيه مثل فهد
مشعل: وديان حنا بنمسك الخط الصباح مو بالليل
ابو خالد : روحي يابوس واتركي الخوف فهد هذا يومه واذا مامات هناك بيموت بمكان ثاني
وديان : اقول لك شي؟
ابو خالد: وش
وديان : مستعد تكون احلى جد بالعالم ؟
ضمها ابوها وضمت امها واخوانها
ام خالد: اي شهر الحين انتي؟
وديان : توني دخلت الخامس
العنود: ياربي على البنات الي كبروا
وديان تبي تعصب صقر : عاد اذا جبت ولد بخليه عند صقير يغير له البامبرز ويسوي له رضعه
صقر : هذا شغل بنات يعني شغلس
وجد  بدت تتناسى لان لو بيدها ترجعه لكن مو بيدها
مرت الشهور وجا موعد الولاده: كان يسمع صراخها وهو يبكي وخايف عليها
ومرت ساعه واخفتى صوت صراخها وصار يسمع صوت بكاء طفل
طلعت الدكتوره وهي حاطه بيبي في سرير وابتسمت لمشعل
مشعل: وش جابت
الدكتوره : جابت ولد
مشعل بدموع : ابيه
الدكتوره : ان شاء الله بس اروشه والبسه
مشعل دخل على وديان وهي تتألم بشويش
مشعل: عادي يروحي فتره وتعدي
وديان: جبت ولد
ابتسم مشعل : ادري بسميه فهد
وديان: احس كذا بتتضايق وجد
مشعل: ماعليك نسيت ادق على الاهل
وديان : دق طيب
دق على ابوه
مشعل: ارحب يبه شلونك شخبارك وشخبار الاهل
ابو عبد العزيز : الحمد الله طيبين انت اخبارك اعلومك لك فقده ي مجنون
ضحك مشعل: عندي لك خبر
ابو عبد العزيز: وانا بعد عندي لك خبر
مشعل: وش
ابو عبد العزيز : وجد بتتزوج
فرح مشعل : مين الي بيتزوجها من سعيد الحظ
ابو عبد العزيز: نايف ولد عمك فيصل
مشعل: زين ماختارت
ابو عبد العزيز: وش موضوعك
مشعل: صار اسمي بو فهد
ابو عبد العزيز بصراخ: مبرووووك
ام عبد العزيز ووجد والعنود قربوا عند بو عبد العزيز
بو عبد العزيز: وديان ولدت جابت ولد سموه فهد
وجد : يبه ودني لمهم
نايف : انا ماشي ي عم للشمال تبون حاجه
وجد : اي
نايف: امري
وجد : تعال ورا البيت
راحوا ورا البيت
حضنت نايف : لاتروح هالوقت وافقدك صدقني قدرت اتخطى فهد بس ماراح اتخطاك
نايف: تبين تجين معي ؟
وجد: طيب انتظرني
نايف باسها: انتظرك
خالد مسك الخط على الشمال ومعه امه وابوه ونواف
وليد كان متضايق لان للحين يحب وديان
عند الابطال :
مشعل يستفز وديان: نسحب على امك نطردها من الغرفه وننام انا وانت
وديان: انت الي بتنطرد ي السلوقي
مشعل : يبيلنا بنت بعدين ولد بعدين بنت بعدين خلاص
وديان: ماهي حلاوه
دق الباب
مشعل :تفضل
دخل خالد وامه وابوه ونواف الي زعلان :
خالد باس راس وديان: الحمد الله على سلامتك ي النتفه الملسونه
وديان: الله يبارك فيك ي سلوقي
مشعل: توك تعرفين الكلمه؟
خالد بضحك : تعبك مشعل؟
وديان وهي تحط قطرات ماي بعينها : ايواه
مشعل: تستاهل
ام خالد وبو خالد مو حولهم عند الحفيد
وديان: انا بنتكم شهور ماشفتوني
بو خالد : ما اغلى من البنت الا ولد البنت
ام خالد : حبيبي غلط يقولون ما اغلى من الولد الا ولد الولد
بو خالد : عيدي
ام خالد : يقولون ما اغلى من الولد الا ولد الولد
بو خالد : الكلمه الي قبل
ام خالد بحيا : احبك
وديان: عيب عليكم صروت جدان وتقولون احبك
بو خالد : اقول امالي
ام خالد : عيونها
بو خالد : يبدوا ان هناك اشخاص يغارون مننا
مشعل : وديان احبس
وديان: اموت فيك
بالطريق وجد ونايف ماسكين يدين بعض
نايف: وجد احبس
وجد: اموت فيك
نايف: صراحه كنت احبس قبل لايخطبس فهد الله يرحمه
وجد: ليه مابادرت ؟
نايف: كنت انتظرس تخلصين ثانوي
وجد: هذانت الحين خطبتني ومابعد خلصت
نايف: الوضع تغير ياجود قلبي
وصلوا ونزلوا لوديان وجلسوا معها الين انتهت الزياره
طبعاً مشعل يرافق مع وديان وقت رضاعة فهد :
وديان: مشعل اطلع برا
مشعل: ليه؟
وديان: ماسمعت النيرس تو تقول ارضع فهودي
مشعل: عادي رضعيه
وديان: لا استحي قدامك
مشعل: بعدين لاتقعدين تدلعينه فهودي طول العمر حده للروضه بعدين خلاص سميه فهد
وديان : والله عاد ماما حتى خالد اخوي للحين تسميه خلود
مشعل عقد حواجبه وقال : كبرتي يابنت ولدس بحضنس وتقولين ماما ثانياً مالي شغل بأمس

مرت الشهور وجا عرس وجد ونايف وديان نايمه ببيت اهلها من يوم طلعت من المستشفى وظلت 7 شهور عند اهلها

يوم العرس:
وديان كانت كاشخه ومكشخه فهودي ملبسته ثوب وشماغ وعطته ابوها
ابو خالد: حصني نفسس وولدس يابوس
وديان: حصنت نفسي وحصنت فهود باقي انت
ابو خالد: انا ماطلعت من غرفتنا الا وامس توصي فيني وتحصن فيني
ضحكت وديان: يازينها ماما الا بابا بسأل
ابو خالد: امري
وديان: انت تزوجت ماما عن حب ولا تقليدي ؟
ابو خالد بضحك خذ فهد وهرب : مالس دخل
ضحكت وديان من قلبها وسوت التسريحه وسوت الميكب ولبست فستانها الي مو ساتر من فوق كانت ايه بالجمال
بتطلع من الغرفه وصقعت بمشعل
مشعل: ليه طلعتي بوجهي ؟
وديان بتوتر: انت الي جيت
مشعل: كيف صايره حلوه وكيف بتخطى جمالس
وديان: مشعل وخر تكفى
مشعل: بس الساعه 2 ما اشوفس هنا يصير تفاهم ثاني

راحت العرس ورقصت مع وجد واستانسوا وعدت الليله على خير
جات الساعه 3 حصلت ملابسها مو موجوده بالدولاب ولا ملابس فهد
نزلت تسأل امها ماشافتها قالت يمكن برا
طلعت وشافت مشعل: مشعل شفت امي ؟
مشعل: ايه
وديان: وينها
مشعل:بالسياره
وديان صدقت وركبت السياره
ركب وقفل ابواب السياره ومشى
وديان: وين بتوديني ؟
مشعل: البيت
وديان: مابي ابي ماما
مشعل: قلت لس منتي بزر تقولين ماما وبعدين ترى انتي الي طلعتي بوجهي وماجيتي الساعه 2
وديان: شغل راشد
مشعل حط محمد عبده و وديان نامت
صحت عشان تسوي لفهد رضعه
لان كان يبكي بقوووه حاولت تسكته مو ساكت قامت ضربته بس مو بقوه مرره يعني وسط بس عشان يسكت
مشعل: وجع وراه تضربينه ترضين الحين اضربس ؟
وديان: امسك سكت ولدك اجل حلوه ذي اضربس يقول
مشعل: والله لو انس مو بنت علمتس عاد مو عشاني ساكت لس يعني خلاص تسوين الي تبين
وكان مع صراخهم يزيد صياح فهد قامت وديان نقزت ورا وحطت فهد بال Car seats  "كرسي الاطفال" وخلته يسكت بنفسه
وصلوا نزلت وديان وماشالت معها ولا شي حتى فهد خلته وصقعت باب السياره بقوه ودخلت البيت ودخلت الغرفه قفلت على نفسها فسخت فستانها واخذت شاور وطلعت جففت شعرها عن المويه وحطت عنايتها الليليه ولبست بجامه حرير فتحت الباب بدون صوت لانها تخاف من القفل   ونامت
مشعل يطق الباب عشان تاخذ فهد تنومه يحسبه مقفول بس فتح الباب
حط فهد جنبها  واغراضه واغراضها بالغرفه حق الملابس واخذ بطانيه ومخدته الصاله  ينام
نامت ونومت فهد الي كل شوي يبكي
صحت وسوت فطور يعني رضاوه لمشعل
حطت الفطور وراحت لغفرتها
دخل عليها مشعل : قومي مايحلى فطوري ولا صباحي الا فيك
مغطيه باللحاف  وجها وهي مبتسمه :مابي
مشعل سكت وشال اللحاف وشالها
وديان:يامجنون
مشعل: انتي خليتيني مجنون ولا انا عاقل
وديان : نزلني باخذ فهودي
باسها مشعل ونزلها :انتظرس ها
وديان مع فهد:ابوك مو صاحي ترى

انتهى البارت 🥺💗💗💗