رجعوا من المخيم وراحوا على البيت عشان اليرم الي بعده تطلع ام خالد من المستشفى في غرفتها جالسه تبكي دخلت علىيها وجد وحضنتها
وجد : شفيس
وديان : مافيني شي
وجد : اعرفس اخلصي
وديان : بكره في وحده حالفه تطقني يعني اذا طلعنا من المدرسه روحي وانا بتهاوش ثم برجع البيت
وجد: مو بكيفس
نامت بحضن وجد ووجد نامت عند وديان
جا الصباح صحت وجد وماصحت وديان راحت لمشعل ونايف
وجد: بقول شي بس لاتعصبون
مشعل: اخلصي
وجد: في بنات حالفين يتطاققون مع وديان والبنات واجد
نايف: هي سوت شي ؟
وجد: لا بس الي سمعته من المدرسه انو خالد ولد عمي مخرب حياة بنت اسمها ملاذ
انصدموا مشعل ونايف وراحوا لخالد قال نايف: وش تعرف عن ملاذ؟
انصدم خالد وقال: وش عرفكم فيها
مشعل قال : مانعرفها بس اليوم بتطق اختك هي ومجموعة بنات
خالد قال : تخسي تمسك شعره من اختي
وقت الفطور ماحد فطر عند المرايه تزين عبايتها جاها فهد وقال : وجد عادي اكلمس بعد الغدا؟
وجد: ان شاء الله اجي من المدرسه وابشر
ابتسم فهد وراح الدوام
بسيارة مشعل كان موجود جنب مشعل خالد وورا نايف بجنب وديان ووديان بجنب وجد نزلت وجد وديان وهي نازله جت رساله بجوالها نايف:ماتتوبين انتي هاتيه عطته بدون ماتتمشكل
كانوا طول الوقت يراقبون المدرسه ملاذ مسكت يد وديان وطلعتها وتبي تركبها سياره كانوا اربع بنات ماسكينها نزلوا العيال و ووجهوا سلاح عليهم مشعل:اتركوها
ملاذ : ها خالد موافق تشوف اختك بين احضان رجل غريب؟
قرب خالد وخنقها وطيحها بالأرض وسحب وديان بحضنه قالت ملاذ : على فكره بس تراني حامل منك
انصموا كلهم وجات الشرطه مسكون ملاذ والي معها
بوقت الغداء كان هدوء فتح باب الحوش ابو خالد ومعه ام خالد ماسكه نواف كلهم قاموا لهم ماعدا وديان صرخت وقالت بعدوا وبعدوا وقالت : انا بنتهم انا اضمهم اول جا مشعل بياخذ نواف قالت: وخر انا اخته اخذه اول
مشعل قال : انا الي سميته
( فلاش باك )
اول مادروا ان ام خالد حامل بولد قال مشعل : طلبتك ي عم سمه نواف
ام عبد العزيز : عيب مشعل يسمون الي يسمونه هم تبي نواف تزوج وجب نواف
ام خالد : ابشر واسم الي ببطني نواف
باس راسها مشعل وقال : تسلمين ي خاله
ابو خالد : نايف ونواف لايق
وديان : ليه ماتسمونه وادي
وجد: يع وش ذا الذوق
كلهم ضحكوا.
(انتهى الفلاش باك )
نرجع لهم
اعتذر منها ضمته وديان بكل قوتها وقالت : معليه ولا لو انك ناشب لي ببلعومي بس تضل اخوي الكبير الي بجننه وبطلع قرونه
خالد بضحكه خفيفه : جننيني وشوفي وش يجيس
وديان : ماش نفسيه
راحت وجد ورا البيت تنتظر فهد
فهد : وجد
وجد:سم
فهد : وجد انا مدري وشلون اقوله بس انا ما احب الف وادور انا احبس ومو تو من اول
وجد استحت وناظرت الارض وناظرت فهد وقالت: ابوي واخواني موجودين اذا ودك فيني صدق رح لمهم واخطبني
فهد : انتي بتوافقين؟
وجد : بستخير اذا حسيت براحه وافقت واذا لا نصيب وراحت تركت فهد بحيرته
العشاء
فهد كلم ابوه
ابو وليد : يا خوي يا بو عبد العزيز
ابو عبد العزيز : سم ياخوي
ابو وليد : سلمت صراحه ياخوي طالبين القرب منكم
ابو عبد العزيز : بس وليد كبير ياخوي
ابو وليد : مو لوليد ل فهد
ابو عبد العزيز : الشور الاول للبنت
مشعل يهمس لفهد : خير اغار على اختي
فهد بنفس الهمس: اقول دز وقال بصوت عالي: اقول ياعم بكرا اجيب الشيخ؟
ابو عبد العزيز: انتظر البنت تعطيني رايها ثم ناده
