عند واحد من زمان مارحنا عنده : "عبد العزيز " وزوجته الي قلت لكم بنتعرف عليها
الماس عمرها 26 هي مع عبد العزيز كويسه بس تكره وديان وتكره علاقتها وبوجد وتحب تخرب بينهم
بالمكالمه:
الماس: حبيبي
عبد العزيز : سمي
الماس: زوجة اخوك شكلها مو مريح يعني احس مارتحت لها وترى خايفه على اختك منها
عبد العزيز: قبل ماتكون زوجة اخوي هي بنت عمي وبعدين البنت تهبل والله انتي عاشريها والله البنت ونيسه وتنحط على الجرح يبرى
الماس: وليه ماتزوجتها دامها عاجبتك
عبد العزيز بضحك : تغارين؟
الماس: لا شدعوىى
عبد العزيز: انتي الماسة قلبي مالس بديل المهم عندي حصه الحين تبين شي؟
الماس: سلامتك
قفلت
في غرفة المدرسات :
الماس : قاهرتني قاهرتني
منار: من قاهرك
الماس: بنت عم زوجي تصير بنفس الوقت زوجة اخوه قاهرتني وعلاقتها مع اخته سمن على عسل
منار: وانتي وش عليك مو تقولين اهم ماعندي عبد العزيز
الماس : انا لازم اخرب بيتها واخرب علاقتها بوجد
منار: لاتسوين شي ينقلب ضدك
الماس بتشميق : ماعليس
منار: صرنا نقول عليس يعني تقلدينه
ضحكوا ورنت الحصه
بالبيت تعبانه نفسيتها من الحمل وناظرت نفسها بالمرايه وقررت تعيد حركة شعرها بس بستأذان طلعت لمشعل الي جالس يلعب مع نواف
مشعل: وش ذا الابتسامه عساها خير
وديان: خير يروحي بس ابي اقص شعري
مشعل: لوين
وديان :لين نهاية اذني
مشعل: شوفي لو تسوينها اقص اذنس تفهمين؟
وديان بزعل: ماحبك
مشعل: طالعه من قلبس؟
وديان ناظرته وطلعت الغرفه وكملوا يلعبون مشعل ونواف
نواف: مشعل
مشعل: عيونه
نواف: امي وينها؟
مشعل والدموع بعيونه بس ماسكها: عند الله
نواف: متى تجي
مشعل: قول الله يرحمها
نواف:الله يرحمها
عند الماس مع عبد المجيد : اخوها عمره 22 كريه مثل اخته وهو بيكون سبب خراب علاقه احد الابطال
الماس: مجيد ابيك تخرب حياتها
مجيد:ماعليك دام اخوك موجود
الماس: كفو عليك
مجيد :كفوك الطيب
بغرفتها قصت شعرها الين رقبتها تروشت وطلعت لمشعل عشان يشوف
مشعل: سويتي الي براسس وديان؟
وديان: شرايك
مشعل: مالي شغل فيس
وديان: ما اهتم ترى
مشعل مسكها وكان بيتكلم الا ودق جواله من شخص مجهول
مشعل: نعم
الشخص: ابي وديان
مشعل:خير وش فيك
الشخص : تزوجتها وكنت انا ابيها بس علي بالحرام يا انت يا وديان
مشعل : وش ناوي تسوي وبعدين من انت يارخمه جالس تهددني
الشخص: مجيد اخو الماس زوجة عبد العزيز انا احب وديان من فتره وهي برضوا كانت تحبني وتقابلنا وياكثر مانامت بحضني "كل كلامه كذب"
قفل مشعل معصبيه وناظر وديان الي تلعب مع فهد ونواف ومسكها من يدها وراح معها الغرفه
وديان: ممكن افهم ليه معصب
مشعل: وش علاقتس بمجيد
وديان : من ذا
مشعل عطاها كف قوي ودفها على الارض وكان قصده على السرير قال : لاتكذبين علي
ناظرها وناظر بالدم الي ينزف منها وداها للمستشفى
الدكتوره: الله يعوضكم الجنين مات
مشعل تضايق وماوده يترك وديان بس انه مكابر
تنومت بالمستشفى ورجع للبيت
كانت وديان طول الوقت تبكي ومشعل متضايق وماجاه نوم بس نام بعد معاناه
ظلت بالمستشفى16 يوم وطلعت
بالسياره
مشعل: جهزي اغراضس وروحي لبيت اهلس
وديان تمسح دموعها: طيب
مشعل وداها للبيت تجهز اغراضها واغراض اخوها وولدها
ركبت بالسياره وخلت نواف قدام وهي وفهد ورا
مشعل: ماني سواق تركبين ورا
وديان: بتطلقني يعني بتطلقني انا خلاص ما ابيك
مشعل: وقلبي ؟
وديان: واللعنه وشدخلني انا
دخلت لبيتهم حضنت ابوها وعمامها وخالاتها وجلست معهم تسولف وكان مشعل يناظرها وكيف تخفي حزنها وماقالت لهم عن الي صار بينها وبين مشعل راحت غرفتها لان حست جتها ضيقه وانكتمت ووجها بدا يتغير
لحقها مشعل ودخل عليها الغرفه ولقاها منهاره تبكي بدون صوت ومسكره اذانها بيدينها ومنزله راسها قالت بصوت باكي وهي ماتدري عن مشعل انه موجود: دامك مو قد كلمه احبك ليه اخذتني ليه
مشعل رد عليها : اخذتس وانا احبس بس انتي الي كنتي تحبين غيري
وديان : خله يجي ويقول كل شي قدامي وقدامك
مشعل : تبين شي قبل اروح ؟
وديان : ابي اتطلق
مشعل مشى ولحقته وهي تبكي والكل استغرب قالت : زوجة اخوك تكرهني وماخلت اخوها يكلمك ويقول ان انا وهو على علاقه الا انها تبي تخرب
الماس: مشعل مو ضروري تكملون طلقها وعندي اخت تجنن تزوجها وارتاح
وديان : الله ياخذس انتي واخوس واختس دمرتيني دمرتي حياتي
الماس بغرور : وديان ترى اختي كانت تحب مشعل حتى هو يحبها وياكثر ماتقابلوا وناموا بأحضان بعض
وديان بعصبيه ناظرت مشعل : مشعل طلقني
عبد العزيز قام عطى الماس كف : انتي طالق
الماس بقهر ناظرت وديان ودفتها
عبد العزيز: هي كذا تكذب وتدخل نفسها بمشاكل اسف
مشعل حضن وديان وماكانت ترد الحضن وراحت الغرفه وراح معها
وقال :احضنيني
وديان: مابي اكرهك
حضنها بدون رضاها بس كانت نتفه بالنسبه له وقال: اسف والله اسف انا احبس
وديان: حتى انا احبك بس انت شكاك
مشعل: ماشكيت انا غرت
وديان: والطلاق؟
مشعل: انسيه اسبوع وبجي اخذس من هنا
راح مشعل الشمال وصحت وديان بكامل نشاطها وتركت فهد عند نايف ووجد
راحت للماجد
ضمته شوقاً له
وقالت : اه يافقدي لك يالماجد لو تدري بشوقي لك كان جيت معي
دخل عليها الاسطبل مجيد
وديان: خير
مجيد: انا احبك ياوديان
وديان: حبتك القراده انت والمناحيس خواتك
مجيد ضربها ضرب بدون رحمه شق راسها واغمى عليها وماحد حولها ومجيد هرب
دخل العامل لجل يأكل الماجد وشاف البنت الطايحه ودق على الاسعاف وشالوها وخيطوا راسها ورجعت البيت
وجد صرخت من شافت راسها بس وديان سكتتها وعلمتها الي صار فيها بس قالت ماتقول حق احد عشان لو دروا اهلها بيذبحون مجيد
نزلت وشافت نايف ووليد يسولفون مع عمامها وابوها
نايف: وش في راسس
وديان: طحت
وجد بصراخ :كذابه
الكل انصدم ووقفوا
وجد : اي كذابه مجيد اخو الماس ضرب راسها اكذبي وقولي ماطقس
وديان سكتت وراحت غرفتها زعلانه وقفلت الباب وخذت فهد ونواف معها
نواف: من سوى راسس
وديان: طحت
نواف: اذا احد طقس مشعل يذبحه حتى هو قال
وديان بفرحه: وش قال
نواف: قال اي احد يضرب وديان علمني واذبحه وادفنه كل شي يهون الا وديان قلبي ماتهون
وديان استحت وقالت : بدق عليه وابيك تقول له اشتقت لك ابي اروح الشمال
نواف : طيب
دقت
مشعل: لبيه
نواف: ابي اروح الشمال انا اشتقت لك
مشعل: من قال هالكلام
نواف: وديان
مشعل ضحك : قفطتس يالنتفه
وديان: نواف وش تسوي بجوالي من تكلم
مشعل كان يضحك بصمت
وديان: اسفه مادريت ان نواف بيدق
نواف: انتي قلتي دق على مشعل
مشعل: المشتاق نواف ولا وديان
وديان: اء لا وش له اشتاق
مشعل: ودس بشي ي قلب مشعل
وديان : اي
مشعل تضايق لانه عارف انها تبي الطلاق : سمي يقلبه
وديان: ودي فيك ودي ماتبعد عني وتحط ببالك اني لك مو لغيرك وتشيل الشكوك من بالك وتحبني بكثر ما انا احبك
مشعل وهو يحس بيطير من الفرحه : وعد
وديان : اذا ربي رزقنا ببنت نسميها وعد
مشعل : اقول روحي نامي الله يصلحس انا اوعد وهي تطلع اسامي
صرخت وجد من الم راسها
مشعل: شفيس
وديان : ولا شي بس طحت وخيطوا راسي
مشعل عض شفايفه : بعمري ولا فيس
وديان: بسم الله عليك
مشعل: تخافين علي؟
ضحكت وديان وكان في شخص يسمع ومتضايق على ضحكتها الي مع غيره مو معه
عند نايف ووجد
نايف: ماكان له داعي تروح بدونا
وجد وهي تحاول تسكت العنود : اختك مابتعقل الا اذا صار لها شي قوي وتعقل بعدها ولا وش له هالحركات تزوجت وعندها بزر وللحين عقلها عقل بزر
نايف: وشفيس على اختي حرام عليس ترى حركاتها طفوليه
وجد: حركه سلق والله
ضحكوا وقف ضحك من سمع جوال وجد يدق
نايف:مين
وجد: مشعل
وجد: هلا قلبي
مشعل: وجدي روحي دقيت اقولس لاتكثرين صابون بالدرج لان وديان طاحت وانا اشك من الصابون لان كثير صارت لي
وجد: وديان مو طايحه
مشعل: كييف؟
وجد: مجيد اخو الماس طقها
مشعل : وكسر يكسر يده والله لا ارجع الرياض اكسره
وجد: ماعليك نايف وعمي بكرا بيروحون له
مشعل : لا انا الي بروح اعلمه
وجد: خلاص بكيفك
طلعت وديان من غرفتها وتنادي ونست ان امها توفت
وديان: يمه
ام عبد العزيز والعنود وام وليد بصوت واحد: سمي
وديان نزلت دموعها: صدق ربي اخذ امي بس انتوا العوض والله العوض
ضموها وقالت ام وليد: ليه ابو خالد مايتزوج توه شباب
وديان: كلموا خالتي امل خلوها تتزوجه هي مطلقه وهو ارمل
ام وليد : يماما مايصير يعني هي اي وقت يبيها زوجها بترجع نبي ارمله له
وديان : دوروا له انا بقوم اعلم نواف الحروف
العنود: معليش وديان نواف بيكون عندي لان انا بفرغ نفسي له
وديان : الي تشوفينه ي حبي
وليد: يمه تعالي ابيس
ام وليد: تعال مافي احد غريب
وليد وهو يناظر في وديان الي سرحانه: يمه ابيس تخطبين لي
فرحت ام وليد : في وحده في بالك؟
وليد تنهد بضيق: الي في بالي تزوجت وجاها ولد
اختفت ابتسامة ام وليد من نظرات وليد ووديان لبعض : مو ذنب البنت اذا ماصار بينك وبينها نصيب
وليد : اذا عرفتيها اخطبيلي نفس مواصفاتها
وقام وترك وديان وامه الي مو قادرين يحطون عيونهم بعيون بعض
وديان: خالتي اسفه بس وليد كبير علي
ام وليد: مير ابرك يومس ماخذيتيه اصلاً تناسبين مشعل اكثر
باستها وديان وراحت عند فهد
تتحاور معه وهو مو فاهمها
وديان: تدري انك شي حلو بحياتي ؟ كنت اكره البزران وكنت ماحبك اول ماولدتك بس الحين انا مقدر اعيش من دونك انت جزء مني اذا مو كلي احبك واحب ابوك بس عاد ياويلك تحب ابوك كثري اذبحك انت وهو انتوا اجمل ثنين بحياتي
دق مشعل
وديان: عفواً ان الرقم المطلوب لايمكنه الاتصال به الان طوطوط
مشعل انفجر ضحك: مافي فرق بين صوتس وصوته
وديان: عشان تعرف مهارات وديان
مشعل : المهم اسبوع الجاي رمضان وبتكونين عندي بالشمال
وديان: من عيوني فطور وسحور اندومي
مشعل : مو بكيفس نايف يقول انس تعرفين تطبخين طبخات حلوه
وديان تنهدت : كم مشعل عندي
مشعل نزل جواله من شاف مجيد بالمقهى وراح ونسى يقفل وسمعت وديان كل شي صار بينهم
مشعل: انت كفو تمد يدك على حرمتي؟
مجيد: ماحد قال لك اخذها مني ولا كنا نحب بعض
مشعل: هي مادرت عن هواء دارك
مجيد: وش بتسوي انت الحين
مشعل: اوريك
لكمه لكمه قويه وطاح بالأرض وسحب مجيد ومسح فيه ارض المقهى بكبره
وقال: المره ذي مسحت ارض المقهى المره الجايه لو تفكر تجي لودياني امسح فيك ارض الشمال والرياض
انتهى البارت 🥺💗
