حاولت احبك زود عن باقي الناس وأثري نسيت الناس من زود حبك♥️.

part1

الساعه الواحده ظهراً الاربعاء
قصر الجد فيصل ..
من اطباع الجد فيصل وزوجته ظبيه بكل أجازه لازم بناتها وعيالها وحفادها يكونون متواجدين بالقصر
من جناح البنات
صحت سجى صلاة الصلاوات الي تأخرت عنهم وخلصت وزان الجو لها تزعج ويهام جلست تنط فوق راس ويهام وتضحك سجى بصوت عالي
ويهام :سجى ياحيوانه بنام خليني
سجى :ويهام يلا عاد قومي اول يوم بقصر جدي بنجلس نايمين قومي نسوي جدول
ويهام فزت بسرعه :وش في راسك يانتفه
سجى عطت ويهام نظره :نعم وش قلتي عيدي عيدي
ويهام ماستوعبت لينن سحبت شعرها وجلست تصيح .
سجى هربت وهي ميته ضحك نزلت تحت وتتلفت تدور جدتها  ولقت جدتها جالسه بالجلسات الخارجيه
سجى :مساءالخير ياوجه الخير واخذت امها ظبيه بحضانها
ظبيه :هلا هلا يا امي مساء الورد عساك نمتي زين
سجى :اوووه احد ينام عند جدته وماتجي النوم حلوه الا يا امي نمت نومه زي العسل ابشرك
ظبيه :نوم العافيه ياحبيبتي لا تروحين بجيب لك شي تاكلينه
سجى تتأمل جدته:من عيوني
عند العيال كلهم بسابع نومه ماجو الا الفجريه
غرفة كاسر
صحى كاسر من دق جواله وبصوت مبحوح :هلا والله
سند :ولد وينك تأخرت اخلص عندنا استلام اليوم
كاسر لف جواله يشوف الساعه كم وستوعب انه تأخر وجداً
سند : كاسر تسمعنيي صحصح ياولد
كاسر :يلا يلا الحينن جاي عشر دقايق ياذيب وجايك
سند : يلا استعجل
بعد جهاد بينه وبين نفسه غادر سريره واخذ له شاور سريع وصلى وجلس يتعطر ويستشور شعره ولا كنه متأخر بينما كان يسكر بدلته دق باب جناحه كاسر :ادخل
سجى فتحت الباب بشويش تدخل راسها وتعطي نظره للغرفه وجلس ينظر لها رفع حاجبه ها فيه شي غلط  ولا وضحكت بقوهه ودخلت تتوسد احظانه حظنها بكل قوته
سجى : لا تقول بداوم بزعل منك
كاسر : الله الله
سجى :كاسر يلا عاد جايين ننبسط مع جداني كيف كذا تداوم
كاسر :ماهو بيدي ياصغيره
سجى : لحول وش فيكم علي اليوم دخلت عمر العشرين وهيام تناديني النتفه وانت الصغيره
كاسر : مهما كبرتي اشوفك صغيرتي واخذها كاسر بحظانه وباس راسها وقال بصوت شبه مسموع وش خاطرك فيها اجيبه قبل لا ارجع ؟
سجى :باست خده همهمت بهدوا بينها وبين نفسها وصغرت عيونها تعطيه نظره
كاسر :وش فيك كنك ماسكه علي شي
سجى :اخاف تغدر
كاسر :اخسي اغدر فيك انا راجع بالليل تبين اخطفك ونطلع
سجى : حبت راسه الله لا يحرمني تم ياكاسر تمم والله مارد لك طلب
طلعو من الجناح وجلست سجى تتأمل كاسر وهو ينزل وتضحك بصوت عالي وتنطق كاسر
كاسر :لبيه
سجى : حظ الي بتاخذك ياكلب
كاسر : طيب طيب ارجع وتفاهم معك ياصغيره
سجى :على خشمي يالجارح
وضحكت ترجع لجناحها بتشوف ويهام صحت ولا
دخلت الجناح
سجى :ويهاااميي وينك ياحلوتي
ويهام وهي ترتب شكلها :موجوده تعالي
__________
مجالس الجد فيصل
كان ينتظر اعياله واحفاده
بعد دقايق ومابين فيصل بترشف فنجاله دخل حفيده كاسر
الجد فيصل : هلا ومرحبا بالجارح
كاسر : ضحكت وباس راس جده ويده قال مااسمعها الا من الصغيره
ضحك الجد فيصل : سجى لا تزعلها بس تسميك الي تسميك المهم تكون راضيه
كاسر : لو تطلب عيوني عطيتها
فيصل :الله يخليكم لبعض الا اشوف لابس البدله
كاسر :اي والله ياجد عندي استلام بعد نص ساعه وسلم الساعه ١٠:٣٠
الجد فيصل:الله يحفظك ياولدي
بعد خروج كاسر بدقائق
دخلو المجلس عيال الفيصل وجلسو يسولفون معه ويتقهون
وكان الجد فيصل سعيد جداً
ولتفت الجد فيصل لنايف وين عيالك يانايف وانت يا سعود
نايف :الحين بيجون يابوي
سعود : الحين اشوفهم لك
سلطان :استرح يالحبيب انا ابروح اشوفهم
دخل سلطان القصر وستقبلته مهره بضحكاتها ونزل لها :مهوره اخبارك وانا عمك
مهره :بخير عمي
سلطان :وين اخوانك
مهره :سلوم نايم بس خالد مادري ماشفته
سلطان رفع نظره على عيال نايف : سعيدان
سعد :لبيه
سلطان :وين خالد
سعد :جاي جاي ياعم
سلطان عطاهم ظهره متجه للباب : زين جدكم ينتظركم بالمجلس
عند جده ظبيه وزوجات عيالها وحفيداته
سجى كلعاده متوسده رجول جدتها وجده ظبيه تمسح على راسها
ويهام :جده مالي من الدلع شوي
ضحكت جده ظبيه :ان ما وسعك المكان يوسعك قلبي
واحتظنت جدتها ويهام
سجى : اننن ياغيوره
وهيام :اص اص يانتفه
وجلسو يسولفون ويتقونن وسواليف الحريم مثل ماحنا متعودين
عند الجد فيصل :مسلط وانا ابوك كيف العمل معك
مسلط :ابد يا ابوي مثل ماتحب الوضاع كويسه الحمدالله
الجد فيصل :الحمدالله ياولدي .. وانت ياطلال بشرني كم باقي لك
طلال :اخر سنه ياجدي
جد فيصل :اعجل اعجل بنزوجك وانا ابوك
طلال بضحك :لا حقين خير يا ابوي
ونظر الحد فيصل لحفده الصغار : ياورع انت وياه
التفتو اثنينهم
سعد :سم
الجد فيصل: تعالو انا ابوك ابسولف عليكم
ويجلس يسأل عن الدراسه وكيفهم معها
ونظر الجد فيصل لعياله ابسوي عشاء
نايف: ليه يابوي وش له
الجد: بفرحتي اليوم بشوفت احفادي حولي وبقصري واهم شي قاضي وعياله لازم يجي
وبدو يجهزون كل شي طلبه الجد فيصل .
______________
قصر قاضي
طاولة الطعام جلس الجد قاضي ينتظر عذيه تجي ويبدا بالغدا
غذيه : مساء الخير
قاضي :مساء الورد ياحلا البيت اخبارك يالغاليه
عذيه :ماني بخير وحفادي بديره وانا بديره
قاضي : صمت لوهنه ابشري ولا يحصل الا الي ودك
اتصل قاضي على مساعد
مساعد:هلا وغلا يابوي
قاضي : اسمعني تمشي اليوم من الخبر انت واخوك محمد وتجوني برياض فيصل عازمنا على عشاء ولازم نلبي دعوته
مساعد :بس يابوي مشاور ولا جهزنا وانت تعرف اعيالي
قاضي :انا وش قلت لك الي قلته لك تنفذه فاهم يلا اخلص
__________
الخبر تحديداً بيت مساعد
مساعد اتصل على محمد : محمد ياولد اسمع الجديد
محمد بكل برود :وشو جديدك
مساعد : ابوي يبي نجي لرياض الليله فيصل عازمنا
محمد :كلنا كلنا
مساعد :ايي وبعد اكيد امي تبي احفادها من زمان عنها
محمد : طيب بشوف حجز طيران واعلمك واذا مالقيت بنمسك خط
مساعد : طيب طيب
جات ناضا بكشختها وعبايتها بيدها انا طالعها يامساعد تبي شي ؟
مساعد :لا ماهو وقت تطلعين ارجعي جهزي شناطك وشنطتي وعيالك بنمشي لرياض حالياً بسرعه بسرعهه
ناضا: اسفه بس صاحبتي تنتظرني وانا ماني رايحه
مساعد :ناضا لا تستفزينن اخلصي علي
التفتو على فتحت الباب
ريوف دخلت تركض تحتضن ابوها : ابوي بدا الوكند عندي وين ودك نسافر ؟
مساعد وهو يحتظنها وعيونه تطالع ناضا بعصبيه :مشاءالله يا امي وعشان كذا جاي اعلمك بنروح لرياض لجدك قاضي وفيصل عازمنا
ريوف : والله يلا ابروح اتهجز ورتب كل شي بس متى نطلع
مساعد: بعد ساعه وقولي لخوانك بسرعه
ناضا: مساعد انا ماني رايحه
مساعد : ناضا اذلفي اذلفي جهزي الشنطه ولا والله ليصير شي مايعجبك
ناضا حست بقهر : طيب
راحت ترتب شناطها وشناط عيالها الي مداوم ولا نايم
_______________
فلة محمد ال قاضي
محمد : ملاك جهزي الشناط بعد ساعه بنطلع لرياض
ملاك واهي جالسه تتقهوا وتتفرج بمسلسلها وجهت نظرها لمحمد :ليه
محمد : ابوي يبينا
ملاك : تمام .. تنطق بصوت عالي اسيه 
اسيه : ايوه مدام
ملاك : جهزي شنطه لكل واحد فينا بسرعه بعد ساعه بطلع
اسيه ممداها تسمع زين طارت تجهز لان مابقاء وقت 
الماء : اسيه وش تسوي
اسيه :بتروحون لرياض
الماء : الله بنروح لقصر جدي قاضي اشتقت لهم صراحه
______
غرفة تركي بن مساعد
طلع من الشاورر ولاف المنشفه على خصره وجالس يتمشى بغرفتهه ويخلخل اصابع يده بشعرهه طق الباب
تركي :مين
ملاك : انا
تركي :ادخلي يالوالده ادخلي
ملاك : تركي جهز شنطتك طالعين لرياض
تركي : الحين وين مامعنا وقت يبيلها اربع ساعات خلاص انتم روحو مع ابوي وانا بلحقكم
ملاك :بس فيه عزيمه عند فيصل ولازم تحظر مع ابوك
تركي :على اساعه كم
ملاك: اتوقع بعد العشاء
تركي :لا ماعليك ابتواجد فيها لا تخافين
ملاك :الله يحفظك
___________