حاولت احبك زود عن باقي الناس وأثري نسيت الناس من زود حبك♥️.

part14

ناصر تقدم لسيارته يتصل "مريم "
مريم : هلا ناصر
ناصر : اطلعي لي ابيك
مريم : ليه فيك شي
ضحك ناصر : ابد مافيني الا العافيه بس ابيك الليله وترا باخذك لقصرك
مريم : بس غذاء ابوي
ناصر : ماعليك فيه الخدم
مريم : تمام طالعه
ناصر : انتظرك
__________
نزلت ويهام لا امها تنطق : بابا ينتظرك برا
لفت هياء : طيب يلا البسي بنطلع له
ويهام : لالا انا بروح مع سجى
هياء رفعت حاجبها: قلتي لابوك ؟
ويهام : قلت لمسلط يعطيه خبر
هياء : لا اطلعي انتي بنفسك وقولي له
ويهام : بس ماما .. قاطعتها هياء
هياء: ويهام ما ابي اعيد كلامي بسرعه
ويهام بقل حيله : ابشر .. رجعت تلبس وتطلع لولدها
هياء: استأذنكم نايف ينتظرني برا وماقصرتي ياعذيه الله يكثر خيرك
عذيه : الله يحفظك يابنتي وهذا والله ماهو حقكم حقكم اكثر من كذا
ظبيه : لالا ياعذيه ماقصرتي في شي
ابتسمت عذيه لظبيه تسمعها تقول : ودعناك الله ياعذيه ولا تنسين غداء بكره
عذيه : ابشري ابشري ياظبيه ودعناك الله الله يحفظكم
طلعت ظبيه لفصيل وولدها سلطان تشوفهم ينتظرونها
____________________
هياء طلعت بعد ماشافت ويهام طلعت قبلها
ويهام تقدمت لبوها نطق نايف : مارحتو للحين
ويهام بحماس : يعني انت موافق ؟؟
نايف : اي من قالك بردك روحي يابوي واذا نقصك شي علميني وانتبهو
ويهام احضنت ابوها : احبك الله يخليك لي
لف لسيارت سجى تنطق : جايتكم جايتكم ورجعت تدخل القصر
____________________
مها طلعت مع عيالها بعد ماودعت الكل وطلعت
مريم بخطوات سريعه ترتدي عباتها وتتقدم لمدار تنطق : ودعتك الله ياحلوه .. ميلة براسها توجه نظرها لعذيه تنطق : خالتي ودعتك الله وترسل لها بوسات بالهواء
ضحكت عذيه ترد لها بوساتها : الله يحفظك
طلعت مريم بخطوات ثابته تشوف وهج وسجى بسياره تقدمت لهم وناصر يشوفها تنطق لهم : على وين
وهج : بنروح مع سجى للخبر
مريم : ايش ماتشوفون الوقت متأخر روحو لقصر فيصل بس
سجى : عميمه تكفين ابقنع ابوي ونروح سوا وبعدين الخبر مو بعيده كلها اربع ساعات ونوصل
مريم اخذت نفس : طيب روحو مع اسامه بيروح للخبر
سجى بربكه : لالالا مايحتاج حنا بنات ونعرف نتصرف
مريم : اوف منك ياعنيده من بيروح طيب
وهج : كلنا
مريم : حتى بنت ناضا ؟
سجى : اي وغصب بتروح
مريم : ادري انك المُدبر ياعبيطه
سجى تغمز : ودك تخاويننا
مريم عطت نظره لسيارت ناصر تشوف ينظر لها تنطق : وراي زوج ولا ما اقول لا
ضحكو سجى ووهج تنطق : خليك مع حبيبك ياحلوه
مريم تستعبط وتنطق : مايقدر ينام بدوني
سجى : عن نفسي مالومه
وهج تضرب سجى تنطق :بنت
مريم : وهذا الصدق ليش تسكتينها المهم انتبهو ولا مشيتو دقو وبعد لا وصلتو وين بتنامون طيب
سجى ترفع مفتاح الفله : افا عليك مخططه على ذا كله ولا نخطط وين ننام
ضحكت مريم : يلا باي ياحلوت
البنات : باي
تقدم تركب مع ناصر تنطق : سلام
ناصر : ارحبي وين ودك نروح
مريم : الي تبي بس ترا البنات بيرحون للخبر
ناصر : مع مين
مريم : مع بنت اخوي متعب
ناصر : لايرحون قولي لهم
مريم : امانه حرام كلهم بيرحون مع بعض
ناصر تنهد : وش اقول طيب بش عشانك وقولي لهم ينتبهون
مريم : ابشر ولا تزعل يلا نحرك ؟
ناصر : يلا .... تحرك ناصر من اسوار القصر ينطق لمريم : ماقلتي لي وين تبين
مريم : الصدق تعبانه وابي البيت برتاح شوي
ناصر : من عيوني وبسم الله عليك من التعب
_______________
تحرك سلطان بن فيصل متجه للقصر
فيصل : سلطان عندك دوام بكره
سلطان : اي يابوي
ظبيه : قوم بكره بدري وفطر قبل تطلع ولا بزعل ماحب اشوفك ماتفطر
ضحك سلطان : ولا تزعلين يا امي ابشري وماطلبتي شي بس ها ابيه من يدينك
ظبيه : من عيوني يابوي انتي بس اهم شي تاكل
فيصل : لا تدلعينه فيه خدم وحشم يسوون له
سلطان : افا يـ يبه علامك علي
فيصل عطاء سلطان نظره يسكت تنطق : ظيبه ان مافطرت اصغر عيالي من يفطره اسويله احلا فطور بكره بس بشرط يصحي بدي
سلطان : اصحي غصب عني لعيون الولده تسلمين يا امي
ظبيه اضحكت من نظرات فيصل له تنطق : ابشر يافيصل بافطور المهم لا تقول لسلطان شي واخيراً اقنعته يفطر
ضحك فيصل : ازعل من الدنيا ولا ازعل منك
سلطان : اهاا الحين فهمت النظرات طلعت غيره
ضحكت ظبيه : اص ياولد هذا ابوك
فيصل : قايلك لا تدلعينه
___________________
اسوار قصر قاضي
سجى شافت الكل راح وعمامها تشوف ابوها نزلت بسرعه نتطق وهج : وين
سجى : الوالد بقنعه ومعه خالي
وهج : تمام انتظرك
تقدمت سجى بخطوات ثابته تفك حجابها وتترك الهوا يداعب
شعرها
رفع راسه اسامه ينتبه لها ويبتسم من شافها
سجى تنطق : بابا
متعب لف لها :هلا يابوي
سجى تقدمت تقبل راسه : بطلبك طلب
متعب : عيوني لك قولي
سجى : ابي اروح للخبر
متعب : ابشري بنروح بكره
سجى : لا لافهمتي غلط
متعب : اجل ؟
سجى ببتسامة خوف : انا والبنات الحين نبي نروح لا تردني
متعب سكت لدقايق ينظر لها تنطق : بابا يلا عميمه مريم موافقه وعمي نايف وافق وباقي انت ونظرت لمساعد تنطق وخالي الحلو
متعب : والله اني خايف عليكم
سجى بنظرات زعل : بابا الله يخليك
متعب ضحك : طيب طيب روحو بس ها انتبهو التفت متعب يشوف اسامه بن مساعد موجود همس داخل اشوا ماراح
رجع يمسع بنته تنطق : ها خالي مساعد اكيد ماراح ترد بنت اختك صح
مساعد : وهذا الي ماقدر عليه
سجى بحامس ترسل بوسات لخالها : احبك تدري
ضحك مساعد : انتبهو بس
رجعت سجى لوهج بحماس : دقي عليهم ينزلون
وهج : وافقوو ؟؟؟
سجى : واهم اصلاً يقدرون يقلون لا
وهج : اخخخ الحمدالله يلا بتصل عليهم
______________________
تقدم متعب بسرعه لسيارت اسامه
متعب : اسامه
اسامه : لبيه
متعب : ابي اوصيك واسمع زين
اسامه : ابشر وعيونه .. على ابوه مستغرب !
متعب : البنات بيتحركون للخبر وابيك معهم بالخط لين يوصلون وابيك تنتبه لهم من بعيد ولا يشوفونك
اسامه : ابشر ماطلبت شي
متعب يوسط يده على كتف اسامه : اعرفك كفو والله يحفظكم
ابتسم اسامه : امين وياك
_____________________
نزلت ريوف ومعها ويهام وفجر
ركبو البنات تنطق فجر : دقيقه ماخذينا اغراضنا
لفت سجى : يابنتي ماعليك نقول لهم يجبونها معهم
وهج : اقول ها نمشي
سجى بضحك : يلا
ويهام : استودعتنا الله يابنوتات
البنات : اللهم امين
طلعت سجى من اسوار القصر وكانت عيونها بعيون اسامه بن مساعد تصد بنظراتها وتكمل تنطق : بنوتات تبون شي قبل نمسك خط ؟
فجر : لازم مفرحات الخط ولا يابنات
ريوف : الا اكيد
سجى : يلا اقرب بقاله بنمرها
تقدمه فجرر تبوس خد سجى : احبك ياشيخه
سجى بضحك : اوخخخ ادوخ انا ادوخخ
ريوف بضحك : لا تكفينن نبي الخبر
وبدا الكل يسولف ويضحك
وهج ماسكه اغاني الخط 
ويهام تسولف عليهم ومعروف عنها تسوي تشويق لسواليفه المعسوله
فجر تتهاوش مع وهج عشان ذوقها ومن جهه ثانيه تتحمس مع ويهام
ريوف اهم ماعليها توثيق اللحظات 
______________
اسامه بن مساعد
يهمس داخله : ان شاءالله ماتحس فيني .. شافها تتوجه لطريق مختلف عقد حواجبه وكان معهم مثل ماقال له متعب
________________
البنات
سجى : يلا خذو كل شي تبونهه مراح نوقف الا بالخبر بإذن الله
نزلو البنات وكل وحده تاخذ الي تبيه
فجر : بنات في ايسكريم من تبي
ريوف : انا جيبي لي
فجر : تمام حبيبي
كان سجى تترنح بهدوء معهم وتاخذ كم شغله تبيها وتحاسب وتطلع وقبل لا تطلع تنطق : انتظركم لا تطولون
طلعت سجى تشوف سياره ماهي غريبه ماهتمه كثير ركبت تشوف البانزين تهمس : اوفف مافيه بانزين
رفعت نظرها تشوف البنات متجهين لها يركبون
تنطق سجى : خلاص بنوتات
الكل : اي
تقدمت سجى تعبي بانزينن وتكمل طريقها .
____________________
اسامه بن مساعد
ينطق : حلو شكلهم مطولين شاف سجى تعطي سيارته نظرات غريبه ..
ضحك ينطق : اعرف النظرات ذي وش اخرتها
وبعد ثواني شافها ركبة والبنات بعده ينطق : اخيراً مابغيتو
تحركة سجى وتبعها اسامه
______________________
مسلط بن نايف
دخل اسوار قصر فيصل كان يوم متعب جداً بنسبه له
نزل يتسحب لباب القصر
يشوف سيارات الكل موجوده وواضح انهم وصلو قبله
يهمس : حلو ان شاءالله الكل نايم .. رجع يعطي نظره بسيارت شاف سيارت خالد بن سعود مو موجوده
ينطق : الاثنين ذولي وينهم بعد
كمل طريقه يدخل ويتوجه لجناحه
"الجناح "
دخل ينزل ساعته وكل مافي جيب ثوبه يرميها على احد طاولات الجناح لمح صوره يعرفها زين ابتسم ينطق: انشهد فتنة الارض وابواب الفرح والسعاده زين خُلق وحسن خلقه وساس معرّب استودعتك الله ياوهج ياخذ الصوره بين اياديه يُقبلها
نزع ثوبه ويتوسط السرير يرتاح وياخذه التفكير بمحبوبته
الين غلبه النوم .
__________________
البنات
وهج:  بنات ابي ارجع ورا من تجي قدام
فجر: انا انا
ضحك وهج : تعالي ابي ارجع بعدين انتي
سجى : خلوني اوقف وتبادلو
وهج : مايحتاج ياقلبي انتي .. ارجعت وهج وويهام ميته ضحك من شكلها
وفجر راحت قدام تنطق ريوف : فجر شغلي لنا شي
فجر : عيون فجر ابشري
ريوف : عمري
وهج توسط راسها على كتف ويهام تسمح لنوم ياخذها .
سجى كانت هاديه جداً وتراقب سياره وراهم تماماً ولاكن ماتكلمت مكتفيه تراقبها لثواني معدوده سحبت جوال فجر تنطق : عطيني بخاطري شي ابي اسمعه
فجر تغمز لها وتنطق : سمعيني الي بخاطرك
نظرت لها سجى تبتسم من حركات فجر وتكتب : دخليك مابقى بعدك لثواني اشتغلت
ويهام : بتجيب لنا النوم
سجى بضحك : طيب وهذا الي ابيه
ريوف تضحك وتنظق: هاذي هاديه المسيقه لحالها تكفي
فجر : اص خلاص ابي اسمع
سكت الكل يسمع ويتعمقون بالمعاني .
سجى حست تعرف السياره الي تتبعهم تنطق : ريوف
ريوف : عيونها
ابتسمت سجى : دقي على اسامه
ريوف بستغراب : وليه ؟
سجى : سوي الي قلته لك وحاولي تفتحين موضوع معه
الكل كان مركز مع سجى ومستغرب
ريوف : تمام .. رفعت جوالها تتصل بـ اسامه
اسامه : هلا
ريوف : مداوم بكره
اسامه : ليه فيك شي
ريوف : لا بس اسألك
سجى تهدي من سرعتها تشغل اشاره الايمين وتنزل عن الخط وتنطق بصوت عالي : يمهه بناتتت  الكفر فيه شي
اسامه : سكر الخط بينه وبين ريوف
فجر : من جدك ؟
ضحك سجى : لا امزح يابنات بس ابي اتأكد من شي
الكل : الحمدالله
ويهام : اخخ خفتت
وهج ولا داريه عن الناس نايمه
ريوف : سكر الخط
سجى : لا احد ينزل .. نزلت سجى تسند ظهرها على سيارتها تتكتف وتنظر بسياره تتوجه لها
تنطق بهمس : والحين عرفتك
نزل اسامه بسرعه متجه لها يشوفها تتقدم له ينطق لها : اي كفر ابي اشوفه
ضحكت سجى : كانت لعبه مني
عقد حواجبه : كيف
سجى : احساس مرني وحبيت اتأكد والحين تقدر تكمل طريقك واتمنا ماتلحقنا
ضحك اسامه يفتل شاربه : حلوه حلوه وكنت عارف ماراح تمشي عليك
رفعت حاجبها تنطق : من قايل لك تراقبني ؟
اسامه : متعب
سجى : ابوي ؟
اسامه : خايف عليكم
سجى : اتوقع انهم معي وليه يخافون توكل على الله ولا اشوفك ..
تبتعد عنه وترجع للبنات تحرك وتمشي
البنات : وش فيك ومن ذا
سجى بعصبيه : بعدين اعلمكم الحين ممكن تسكتون شوي
اسامه ابتسم من عرف انها معصبه ركب سيارته ينطق : اعرف كيف اخليك تروقين يابنت متعب
سجى كانت تمشي بسرعه عشان تبعد عن انظاره
ولاكن كان اسامه مركز معها
فجر : سجى وش فيك هدي هدي يا امي
سجى : فجر الله يخليك عطيني دقايق بس
ابتسمت سجى من شافتهه اختفاء ورجعت تمشي طبيعي
ويهام : الله باقي ١٠ كيلو عن الخبر
ريوف : جد اخبراً
فجر : اي والله ابي انام ما اشوف
ضحكت سجى : ماعليكم هانت هانت .. لفت نظرها على سياره تمشي جنبها ونفس مستوى سرعتها
ضحكت سجى بقوه : يعني تبيها انت
فجر : من تكلمين انتي يابنت
ريوف : دقيقه دقيقه ذي السياره اعرفها
ويهام : مين ؟
ريوف : تشبه سيارت اسامه ؟
فجر تنظر لسجى : لا يكون هو ياسجى
سجى : اجل مين من طلعنا من الرياض وهو ورانا وكنت حاسه لين تأكدت
ويهام : يعني الي وقف عندنا اولا هو
سجى : ايه
فجر : وش يبي طيب
سجى : مادري .. ماكانت سجى تبي تعلمهم
فجرتصفق تنطق :واخيراً الخبر
بدا الكل يصفق : اخيراً
صحت وهج لا ارادياً تصفق معهم وتضحك
ضحك الكل منها
ريوف : بسم الله عليك
وهج : وش فيكم
فجر : وصلنا يا امي وصلنا
وهج تتلفت بالهفه للخبر وتنطق : اشتفت لك يالخبر
فتحت ريوف جوالها توثق وتنطق : الحمدالله وصلنا للخبر والحين متجهين لفلة عمه مدار
سجى : الله يخليك ارسليها عليهم كلهم عشان يعرفون
ريوف : وهذا الي بيصير
دخلو البنات اسوار الفله والكل بدا ينزل بتعب
سجى : ريفه خوذي المفتاح
ريوف تقدمة : تمام
سجى تقدمة للبوابه الفله وعيونها على فلة خالها مساعد تشوف سيارته تتوسط اسوار الفله لفت على صوت ينطق : مرحبا ياطويلة العمر
سجى ابتسمت : مرحبا بك ياعم محمود
محمود يكون مسأول عن فلل ال فيصل وال قاضي ينطق : تو منور المكان اذا بغيتي شي اتصلي علي 
سجى : النور نور لا بس ابي منك ماتسمح لا اي احد تعرفه ولا ماتعرف يدخل للفله
محمود : ابشري ماطلبتي شي اوامر ثانيه
سجى : لا يعطيك العافيه
محمود : استأذنك ابي اتطمن على اسامه بن مساعد
سجى : خذ راحتك رجعت سجى تدخل الفله
محمود سكر البوابه متجه لفلة مساعد بن قاضي
_____________
اسوار فلة مساعد
نزل اسامه وزقارته متوسطه مبسمه ياخذ شنطته لف نظره ينطق : هلا عم محمود كيف حالك
محمود : اهلاً اسامه بخير ياولد كيف امورك
اسامه يزفر دخانه : بخير ابشرك
محمود : وين العم مساعد
اسامه : عندهم غذاء عند الجد فيصل بكره بيجون كلهم
محمود : يعني اجهز الفلل كلها بكره
اسامه : اي ماعليك امر وابيك تنتبه للبنات في فلة متعب وتعرف وين بيرحون وين يجون وتعطيني خبر
محمود : ان شاءالله
اسامه : استأذنك ياعم محمود تعبان وابي ارتاح
ابتسم محمود : الله معك ياولدي
______________
سعد وخالد
سعد يولعه زقارته وينطق : تأخرت ولا اخذت اعلاجاتي وحتى جروحي ماعقمتها
خالد : اعقمها لك لا تشيل هم
سعد : لالا ارتاح ويهام تعقمها
خالد : زين اجل
دخلو اسوار قصر فيصل
ونزل سعد يزفر دخانه يشد على معكازه ويمشي متوجه للقصر
خالد : اساعدك يابوي
سعد : لا ماعليك
دخلو مع بعض للقصر
خالد مسك يد سعد يساعده بركوب درج القصر متجهين لجناح سعد
خالد : تصبح على خير يابونايف
سعد ببتسامه : وانت من اهلهم يابو سعود
دخل الكل فيهم لجناحه يرتاحون لان ينتظرهم يوم طويل ومتعب
سعد بعد مابدل بصعوبه وجداً استرخاء يتصل على ويهام
ويهام بتعب : هلا سعودي
سعد : تعالي تكفين ابيك تعقمين جروحي
ويهام : ياحبيبي انت انا بالخبر
سعد بصدمه : ها وش تقولين انتي
ويهام : رحت مع البنات وحنا بفلة عمي متعب
سعد : بالله اجل الله يحفظك يلا ماعليش على الازعاج
ويهام : لا ابد مامن ازعاج قول لا امي تعقمها
سعد : اخاف نايمه
ويهام : دق عليها اذا ردت اكيد تنتظرك واذا ماردت شوف احد من اخواني
سعد : تمام
انقطع الاتصال .
تنهد سعد وعيونه على رقم امه خايف يدق ويصحيها نطق: مافيه الا خويلد
ارسل لخالد : ولد صاحي ؟
خالد :اي ليه فيك شي
سعد : اي بالله تعال شوي
فز خالد يطلع متوجه لجناح سعد فتح باب الجناح بسرعه ينطق : فيك شي ؟
ضحك سعد : لا عقم لي جروحي
خالد : ياحيوان روعتني احسب فيك شي .. سحب خالد القطن يعقم جروح سعد
خالد : جعلها بالعدو يابونايف
ضحك سعد : لا تكفى الي صارلي ما اتمنا حتى يصير لعدوي
ضحك خالد : انشهد في ذاك اليوم الي شفته ما اتمنا احد يشوفه في احد يغليه
سعد : مكتوب وحصل ياخوك
خالد : ادري لاكن ابعد عن ذا الطريق تكفى
ابتسم سعد : ابشر
انتهى خالد ينطق : خلصت ياذيب باقي شي
سعد : يعطيك العافيه اتعبتك معي
خالد : لا ابد لا تعب ولا شي يلا استإذنك طلع خالد متجه لجناحه
سعد يتسحب لعلاجه ياخذه رجع يستلقي على ظهره
اخذته افكاره لحد ما مره طيفها ابتسم ينطق : الواحد يتمنا مايطلع من المستشفى عشان يصبح عليك كل يوم المهم شفتك اليوم .
_______________________
فلة متعب بن فيصل تحديداً البنات
فجر بصوت عالي : سجى وين غرفة كاسر
ضحكت سجى : لا ياشيخه شف شف تبي تنام لحالها
وهج : لا نبي ننمام سوا
فجر : وجع ابي اشوفها بس
ضحكت سجى تشر على احد البواب: هاذي هي
فجر ركضت بسرعهه تفتحها وتنبهر بالمكان تنطق : الله كل شهاداته ودروعه هنا
ضحكت سجى : عاد اكثر غرفه ساحب عليها من توظف
بدت فجر تترنح برجاء غرفته وتكتشف فتحت احد الادراج
تشوف بين ساعات كاسر كتاب مكتوب عليها بخط يد
" اكتب قوافي شعري من اوجاعي"
اخر الكتاب موقع باسمه كاسر بن متعب الفيصل
سجى : فجر رايحه للبنات لا تتأخرين
فجر وبيدها الكتاب : تمام .. جلست فجر بحماس على قنفهه بوسط الغرفه تفتح احد الصفحات وتقراء :