فلة متعب بن فيصل عصراً
صحت ويهام تشوف الكل نايم رفعت جوالها تشوف الوقت عقدت حاجبها من شافت الوقت ٣:١٠ تهمس : وش ذا النوم
تسحبت بهدوء تتوضى وتصلي الي فاتها
__________________
قصر الجد فيصل
فيصل : يلا عجلو تأخرتو بالقهوه
خالد : ابشر ابشر ياجد الحين تحظر عندك مابقاء الا هي صح
فيصل : اي خلصني .. لف بنظره يشوف سلطان تو رجع من داومه
فيصل بصوت عالي: سلطان
التفت سلطان بهدوء : لبيه
فيصل : تعال ابيك
تقدم سلطان لفيصل : أمرني يابوي
فيصل : علامك شاين يابوك ؟
سلطان ابتسم وواضح من ضحكته الزعل : لا بس اليوم نكرفت شوي
فيصل دقق فيه سلطان : ماهو صحيح
سلطان : تبي شي ابطلع ابدل
فيصل : اظاهر ياسلطان مانتهاء كلامي !
التزم سلطان الصمت
فيصل : اجلس ابيك تعلمني
سلطان جلس وشبك يديه ببعض منزل راسه يتنهد فيصل ينطق : قل وانا ابوك علي مني لك ان الي تبيه ليحصل
رفع راسه : صدق يبه ؟
فيصل : افا وانت خابرني ارجع بكلمتي يابوك ؟؟
سلطان : لا والله .. اخذ نفس يبدا يتكلم وينطق : يبه انا حبيت لي بنت نسب وحسب وهي معي بنفس دوامي وجاني خبر ان اهلها غصبوها على ولد عمها وااا .. صمت سلطان
فيصل بعصبيه : كمل
سلطان : اتصلت علي امس تبكي ماتبيه وانا حالف ماياخذها احد غيري
ابتسم فيصل : وهي لك يا سلطان متى ملكتها ؟؟
سلطان بحماس : المغرب
فيصل عقد حاجبه : بس انا ذابح وعازم عشان سعد
سلطان : خلاص انا اتصرف .. وقف بطوله يطلع
سحبه فيصل : انتبه تمس ولد العرب والله لتروح فيها تسمعني وان بغيت شي انا موجود
سلطان : زين .. "طبعاً زين ذي وراها علم ثاني نكمل "
ابتعد سلطان يدخل لسوار القصر وتحديداً جناحه وبراسه شي واحد وبينفذه
_______________________
طلعت ويهام تتسحب وتطل براسها لدور الاخير تشوف سجى جالسه لحالها وهاديه جداً نزلت ويهام بهدوء
لفت سجى تبتسم وبعدت نظرها عن ويهام
ويهام : شفيك
سجى : مافيني شي جوعانه انتي ؟
ويهام : ابطلب لنا اكل
سجى : انا ما ابي صحي البنات معك وعليكم بالعافيه .. وقفت بطولها تلبس السلبر ترقى الدرج
ويهام : وين انتي رايحه تعالي
سجى : رايحه ارتاح شوي اذا خلصتو وتجهزتو علميني نطلع
تنهدت ويهام تهمس : استودعتك الله من كل هم وتعب
رقت ويهام تصحي البنات تنطق : يلا ياحلواتي
صلو وانزلو بطلب من مطعم وش ودكم فيه ؟
وهج بصوت مُتعب : على ذوقك اهم شي قهوه بليز
ريوف : شي بارد فكيني من القهوه واي شي عادي
ويهام : تمام تمام تعطي المكان نظره تشوف فجر مو موجوده
تهمس : تو انتبه وين فجر نايمه !!
وهج : فجر وينها وسجى بعد ؟
ويهام : سجى راحت ترتاح بغرفة امها فجر مادري وينها
ريوف بخمول فتحت عين وعين مسكرتها: وينها يعني شوفي غرفة كاسر اكيد انها فيه
ضحكت ويهام : اي صح مافكرت فيها ... ابتعدت ويهام
تتوجه لغرفة كاسر تدق الباب وتنطق : حرم كاسر صاحيه ؟
فجر غرقانه بنومها : اهمم
ويهام بضحك : وش افهم منها صاحيه ولا نايمه ؟
فجر ابتسمت ترفع راسها: يلا بصحي
ويهام : تمام بطلب تبين شي بخاطرك شي
فجر : لا
ويهام وهي نازله تنطق بصوت عالي : انتظركم تحت لا تطولون .. نزلت ويهام تاخذ جوالها تطلب وهي ميته جوع لو بيدها طلب كل شي انتهت طلعت تتسحب حول المسبح
تنزل السلبر وتنزل رجولها بلمسبح تنطق : اخخ المويه دافيه تجنن .. بدت تقلب بجوالها وتنتظر الأكل
_____________________
جناح سلطان
جلس على احد كراسي الجناح بعد مابدل سحب جواله يتصل
نوف بصوت هادي جداً: هلا
سلطان : اخبارك ؟
نوف : ماني بخير
سلطان : تطمني ورتاحي الملكه ماهي حاصله
لاكن ابسألك
نوف : يارب الله يسمع منك اسأل
سلطان : وش تعرفين عن ياسر
نوف تفكر: امم ماهو مو متوظف لاكن معه فلوس كثير على كلام ابوي ودايم الكل يسأل عن الفلوس وكيف يجيبها ؟
ماحد من عماني او اخواني قال فيه كلام عنه الكل يمدحه وانا مارتحت له واحس وراه شي او بالخص اشيااااااااء وبس
سلطان ابتسم : حلو يانوف حلو عطيني اسمه كامل الحين
نوف : ياسر بن فارس ال .......
ابتسم سلطان : عطيني ساعه وحده ورجع اتصل عليك
نوف : تمام
انتهاء من الاتصال واتصل على كاسر
كاسر : هلا والله بعمي
سلطان : عمك يبي منك طلب انت فاضي
كاسر : افا عليك افضي عشانك امرني بس
سلطان : تقدر تطلع لي معلومات احد
كاسر : اي اكيد وهذا شي سهل بنسبه للعسكر
سلطان : حلو طلع لي وش ورا ابن الكلب ذا اسمه (ياسر بن فارس ال.....)
كاسر : الحين لاكن ابي اعرف وش سالفته
سلطان : سالفه طويله بس ذا يجيب فلوس ولا هو بموظف ويعتبر تاجر واحس وراه علم
كاسر : ابشر نص ساعه ودق عليك وابي السالفه الطويله
سلطان : كل شي في وقته حلو وانا عمك
كاسر: زين
انتهاء الاتصال وجلس سلطان على اعصابه
__________________
القاعده
كاسر : ذيب كم باقي وينتهي التدريب ؟
ذيب : نص ساعه
كاسر : زين نص ساعه وراجع عندي شغله مهمه
ذيب بستغراب : وش عندك
كاسر يبتعد عنه : بعدين اقولك
سند : شعنده ذا
ذيب : علمي علمك ياسند
(نرجع لكاسر )
متوجه لمكاتب الكادر النسائي
دخل كاسر بكامل هيبته وقف الكل بطوله يؤدي التحيه
ابتسم كاسر : استريحو وين مياس
مياس : هنا ياحظرت الضابط
ابتسم كاسر : انتظرك في مكتبي
مياس : الحين ؟
كاسر : اي نعم حالاً
مياس : ابشر
طلع كاسر توجه لمكتبه يدخله ويفتح الكميوتر ويقلب فيه
دق الباب ينطق كاسر: ادخلي يا مياس
دخلت مياس تستعد لتحيه كاسر بحماس: تعالي مايحتاج التحيه
مياس تنهدت من خوفها تتقدم له
فز كاسر يترك لها المكتب ينطق : اجلسي
اجلست مياس بستغراب : والحين ؟
كاسر : والحين ابيك تطلعين لي معلومات عن واحد اسمه (ياسر بن فارس ال .........)
مياس : اوفف بس كذا الحين نطلع سيرت حياته كلها
كاسر : هذا المطلوب
بدت مياس بتنفيذ طلب كاسر
كاسر من حماسه رايح جاي قدام مياس
مياس : كاسر يرحم امك اجلس
كاسر : تمونين تمونينن ابجلس بس خلصيني ماصارت
مياس : ماقلنا بسم الله وش فيك
كاسر : مياس لا تختبرين صبري عجلي وانتي ساكته معك نص ساعه بس
مياس حست انها قلة ادبها : احم ابشر
لثواني معدوده مياس بحماس : يسسسسسسسسسس
فز كاسر يشوف معها : طلع
مياس بحماس : ايييي .. رفعت يدينها له بمعنى يضرب كفه بكفوفها
كاسر كان بيضرب كفها استوعب وتنحنح : اححم اقري لي معلوماته ... ورجع جلس يستمع لها
مياس بصدمه وهي تقرا: ياحظرت الضابط ذا للحين ليه مانمسك اصلاً ؟
كاسر : اتحفيني
مياس : الاسم ياسر يعمل من عمر ١٩ بالمخدرات يبيع على تجار المخدرات الكبار والصغار وبدا بتوسع وبدا بخمر من بعد المخدرات وله شبكات كثير داخل السعوديه بلمختصر موزع شبكات العمل بسعوديه كلها وعليه امر قبض من الدوله ولاكن ماقدرو يحصلونه وعليه بلاغ ان له هويه مزوره وجواز مزور وللحين يتم البحث عنه
كاسر : عشان كذا الكلب ما انمسك للحين
مياس : اي نعم
كاسر : كويس يعطيك العافيه .. طلع كاسر خارج المكاتب
يتصل على سلطان
_____________________
جناح سلطان
رفع جواله يشوف كاسر يتصل ينطق : ها بشرني
كاسر بضحك : طلع ماهو بسيط وعليه امر قبض من الدوله ومخدرات وخمر ومن ذا الكلام وتزوير
سلطان : الحمدالله يارب
كاسر : علامك ؟
سلطان بحماس : بوديه ورا الشمس وعينه تشوف ولد الحرام
كاسر عقد حاجبه : عم اذا تعرف وين مكانه لازم تبلغ عليه
سلطان : انتظر الاخبار الحلوه الي بتجيك
ابتسم كاسر : انتظر ليش لا يلا بحفظ ربي
سلطان : امين ويحفظكم وماقصرت ياكاسر
كاسر : افا عليك ولو تبي انا اقدم البلاغ علمني
سلطان : لا خل الباقي علي
كاسر : خلاص الي ودك
قطع الاتصال سلطان وهو مبسوط ابتسم من شاف اسم نوف اتصل عليها ينطق : يادنيتي
نوف ابتسمت : هلا
سلطان : المغرب خليك جاهز
نوف عقدت حاجبها : وش بتسوي
سلطان : باخذك مثل ماقال مساعد الرشيد رحمة الله عليه :
خذيتك من عيون اللي يبونك مرجله وعناد
مثل ماياخذ البحار من جوف البحر دره
ضحكت نوف : انتظرك يابوي انت
سلطان : ودعتك الله انتبهي لنفسك لين اجي
نوف : وياك ابشر .. قطعت الاتصال بحماس تترنح في اسوار غرفتها تهمس : واخيراً ابي افتك منهم
____________________
جناح سعد بن نايف
مستلقي بسريره بتعب يقلب بجواله لثواني يشوف رقم غريب يتصل عليه عقد حاجبه ينطق بصوت مبحوح: الو
أبتسام ابتسمت: السلام عليكم سعد بن نايف
سعد فز يعدل جلسته ابتسم : هلا والله اي نعم سعد امري
أبتسام : لايكون نسيت موعد إزالة الجبس ؟
سعد : هاا !!
أبتسام : ننتظرك موعدك ٥:٣٠
سعد : بس انا اليوم مشغول
أبتسام : طيب استاذ سعد اطلع لك فرقه للقصر ؟
سعد بدون تفكير : اذا انتي منهم موافق
أبتسام ضحكت تحاول تستغبي : افهم من كلامك استاذ سعد انك موافق ؟
سعد : اي اي نعم بس
أبتسام :اي امرني
سعد : انتي معهم ؟
أبتسام ابتسمت: لا .. ( طبعاً ماحد مسؤول عن سعد غيرها وهي بتجي بنفسها و مساعدتها )
سعد ضاق صدره : طيب انتظرهم
أبتسام : استودعناك الله نتمنا لك السلامه يارب .
سعد قطع الاتصال بعصبيه يهمس : حتى بشوفتها مالي حظ
____________________
فلة متعب بن فيصل
فزت ويهام تسمع دق باب الفله ويهام : ميين ؟
محمود : انا محمود طالبين شي يابنتي ؟
ويهام : اي
محمود : ابحطهم عند الباب بالعافيه يابنتي
ويهام تسحبت بهدو تنتظر محمود يروح فتحت باب الفله بشويش تسحب الأكل بسرعه وتسكر الباب خذت الأكل تركض من الفرحه تنطق بصوت عالي وعيونها لدور الثاني وينكم يلا وصل الأكل
نزلو وهج وريوف بحماس تنطق ريوف : اخخ اخيراً
وهج : فجر خلصيني يابنتي تعالي
فجر وهي تطل عليهم من فوق : ابدو قبلي ثواني واجي
ويهام و وهج وريوف بدو يطلعون الأكل يرتبونه ويجلسون يكلون
تحسبت فجر من شافت سجى مو مع البنات تدق الباب
سجى بتعب غرقانه بنومها : ادخل
دخلت فجر تشوف سجى غرقانه بنومها تقدمت تجلس قدامها تنطق : سجى
سجى : همم
ابتسمت فجر : قومي البنات تحت الكل صاحي باقي انتي
سجى : تمام شوي وانزل
فجر : شفيك امس كنتي احسن من اليوم
سجى : مادري
فجر : طيب قومي غسلي وجهك يمكن تصحصحين
سجى : فجر ممكن تخليني شوي
فجر : تمام تبين شي
سجى : لا ياروحي
فزت فجر بطولها لثواني اتصل هاتف سجى عطته نظره سريعه تشوف سجى تسحب جوالها تصمته وترجع تنام
فجر تهمس داخلها : حرام عليك تسكرين بوجه كاسر
طلعت فجر تنزل للبنات تشاركهم بالأكل
___________________
قصر الفيصل
بدا يمتلئ بالمعازيم واصواتهم وريحة القهوه بكل المكان يدل على ان قصر فيصل فيه عزيمه بدا فيصل يرحب ويهلي
وحوله احفاده يساعدونه
ابتسم فيصل يهمس لطلال : سعد وينه ؟
طلال : الحين اروح اناديه
فيصل : زين
طلع طلال مستعجل للقصر
ظبيه : طلال شفيك ؟
طلال : وين سعد
ظبيه : بجناحه اكيد
طلال : تمام
طلع طلال بسرعه للجناح يدق الباب : سعد ياولد
سعد : ادخل
طلال : للحين ماجهزت ؟؟
سعد بهدوء: بيجي فريق طبي يفكون عني الجبس انتظرهم بس والبس ونزل
طلال : بالله الساعه كم بيجون
سعد تنهد : عشر دقايق ويجون
طلال : زين ابنزل انتظرهم لين يجون ودخلهم عليك
سعد : طيب
نزل طلال برزانه يشوف امه وجدته يتقهوون
هياء : طلال
طلال : حلو بدينا جلسة تحقيق
هياء : اقول تعال
ظبيه : خليه يروح لجده بس عمانه مداومين
طلال : صح كلام جدتي عندي شغل
هياء تنهدت : زين بمشيها لك
طلال ابتسم يتقدم : افا لا تزعلين عندي شغله بس وان بغيتيني بجيك باس راس امه استودعتكم الله
ابتسمت هياء تشوف يغادر القصر
___________________
مسلط شاف الاسعاف دخلت اسوار القصر انهبل وطلع لها
بسرعه يشوف طلال قدامه ينطق : طلال ليه الاسعاف هينا ؟
طلال : فريق طبي جاي عشان سعد بيفك الجبس
عقد حاجبه مسلط : زين زين روح لجدي وانا بدخلهم لسعد
نزلت ابتسام من شافت عدد الرجال في مجالس فيصل نزلت ومعها مساعدتها تنطق بسرعه خلينا ندخل .. لفت تنطق لسواق الاسعاف اطلع من اسوار القصر ساعه او نص ساعه وجايين .. ابعدت عنه تتوجه لباب القصر
مسلط : لو سمحتي
أبتسام تهمس : لا مو وقتك
مسلط تقدم بسرعه : تعالي معي
أبتسام : تمام
دخلو القصر فزو هياء وظبيه
ظبيه : شفيكم
مسلط : هلا جده لا بس عند سعد موعد وجايين له
هياء : بسم الله ولدي وش فيه
مسلط : امي الله يهديك مافيه الا العافيه بيفك الجبس بس
هياء :اوف اشوا تمام
ظبيه وعيونه على أبتسام تهمس داخلها : من ذي ماهي غريبه
مسلط : يلا يادكتوره
أبتسام تقدمت مع مسلط لجناح سعد دق الباب مسلط ينطق : سعد
سعد مستلقي بشورت فقط: أدخل
مسلط : الدكتوره جات
سعد بدون مايرفع نظرته : خلها تدخل
مسلط : ادخلي
دخلت أبتسام تشوفه شبه عاري ارتبكت تهمس : لا تنظر لي تكفى
مسلط : تمام ياسعد اذا انتهو انزل الكل ينتظرك
سعد رفع نظره : تمام .. لف يشوف الدكتوره ينطق : خلصيني ماعندي وقت .. لثواني يستوعب من هي تكون
إلتزم الصمت من شافها تتقدم له وتنطق : ممكن تسترخي شوي وتمد لي رجلك ؟
سعد كان يطبق كلامها وعيونه عليها
ابتسمت أبتسام وبدت تفك عنه الجبس بهدوء
______________________
فلة متعب
صحت سجى تطلع من الغرفه تتوجه لغرفتها تاخذ لها لبس لليوم وا رجعت للغرفه تاخذ شاور
البنات انتهو من الأكل
وهج : بخاطري ننزل نسبح
ويهام : اخاف نطلع الحين وانتي نزلتي
ريوف : خلوها لا رجعنا
فجر كانت ساكته جداً
وهج تضربها وتنطق: فجر
فجر : اح ياحيوانه شوي شوي
وهج : شفيك
فجر : الواحد مايفكر يعني
ضحكو البنات
وضحكت فجر تطلع لسجى
ويهام : وين
فجر شوي وجايه
البنات رجعو يسولفون
تقدمت فجر من سمعت هاتف سجى يرن دخلت الغرفه ماشافت سجى سحبت الجوال تشوف المتصل "كاسر "
توتر فجر ورجعته مكانه وهو يرن خذته بسرعه تفتحه
كاسر : سجى وينك ماتردين
إلتزمت الصمت ويدها تتوسط السلسال الي يتوسط عنقها تسمعه ينطق كاسر : سجى فيك شي ؟
فجر استوعبت : هلا سجى مو موجوده
ابتسم كاسر من عرف صوتها لاكن حب يستغبي : ومن انتي ؟ ووين سجى
فجر بزعل : هااا؟ ماني معلمتك ولا عاد تدق
ضحكت كاسر بصوت عالي : يامرحبا بصوت وراعيته يازينها من ساعه خلتك تتلقفين
ابتسم فجر : يعني تستغبي انك ماعرفتني صح
كاسر بصوت مبحوح : تقدرين تقولين
فجر : طيب طيب
ابتسم كاسر : اخبارك ياقلب كاسر
فجر بزعل : بخير
كاسر ثبت هاتفه يطلع زقارته يشعلها يزفر دخانه : بخير كذا بس زعلتي ؟
فجر : اي اي زعلت
كاسر : افا تزعلين من كاسر يافجر ؟
ابتسمت فجر : اشتقت لي ؟
كاسر : اي بالله والشوق طاغي
ابتسمت فجر : متى راجع ؟
كاسر : علمي علمك
تنهدت فجر : استودعتك الله
كاسر : فجر
فجر : هلا
كاسر : ابي رقمك
فجر بصدمه: باي انتبه لنفسك
كاسر ضحك : باي
اقطعت الاتصال ترجع هاتف سجى
سجى طلعت من خلف فجر تنطق : اشتقت لي . وتضحك
فجر صرخت : وجع من وين طلعتي انتي
سجى : من قالك طلعت من الغرفه اصلاً كنت اخذ شاور
فجر نزلت راسها : لا يكون سمعتي شي
سجى : اي وبذات اشتقت لي
فجر : اص ياحيوانه
ضحكت سجى : اقول كيفه ان شاءالله صار طيب من بعد صوتك ؟
فجر ماتحملت واحمر وجها من الخجل سجى : لالا واضح كلكم كويسين
تقدمت تسكر الباب وتنطق : وش قال لك علميني
فجر بضحك : انشهد اني بخير وااا قال
سجى بحماس : وشو
فجر : يبي رقمي وماعطيته مجال وسكرت
سجى فزت تضرب فجر : حيوانه انتي حيوانه كان عطيته ؟؟
فجر : لا خليها بعد الملكه
سجى : مارده زوجك خليك معه لين يرجع ليش تحسبين مامعه غير عيال حتى البنات معهم بالقاعده
فجر : ها!!!! من جدكككك
سجى تتقدم للمرايه ترتب شعرها : اي والله جد
فجر : اخ اخخ والله اني غبيهه
ضحكت سجى : خلاص اهجدي يابنت
سجى قبل تطلع اخذت الساعه تلبسها وتسحب جوالها
فجر : الساعه ذي لازم اعرف من مين
سجى لفت عليها : اقول اص لا احد يسمعك
فجر تغمز : مثل ماتبين
سجى : اخخخ لا تنكبيني عند ريوف تكفين
فجر : لا ماعليك
سجى : اخاف تتهورين لاكن الله يستر
فتحت سجى الشات بينها وبين كاسر ترسل رقم فجر
لا تتعودها انت والحب حقتك تسولف معها من جوالي
سكرت جوالها تنزل للبنات مع فجر
تنطق سجى : ها نطلع ؟
ريوف : ايي تكفين
سجى : يلا الكل يقوم يلبس
الكل قام يلبس ويجهز
___________________
سلطان بن فيصل
رسم بثوب وشماغ تعطر وطلع من القصر كله
ارسل لنوف : جاء ياسر ولا لا ؟ وارسلي موقعك
لثواني وهو بسياره استلم رسالة من نوف : اي الكل موجود وهو منهم ولثواني ارسلت الموقع
اتصل على سعود ينطق : هلا
سلطان : سعود
سعود : لبيه ياسلطان
سلطان : ابي ابلغ عن ياسر بن فارس
سعود : وش جابه لك ذا مطلوب من الدوله
سلطان : ادري ادري ياسعود عشان كذا ابيك الحين تجي برسل لك الموقع وترا يمكن يكون مسلح
سعود : زين عشرين دقيقه ونكون متواجدين انتبه تسوي شي قبل نجي فاهم ؟
سلطان : تم .. انقطع الاتصال وارسل الموقع لسعود
تحرك سلطان متجه لنوف
___________________
اسامه بن مساعد
نزل اسامه من الطياره بأسم F15 التفت اسامه يشوف الوليد ينزل وينطق : حي عينك يابو مساعد
ابتسم اسامه : ودعناك الله يالوليد
الوليد: في حفظ ربي
اتجه اسامه لمكتبه يبدل ويلبس بدلته دخل يشوف بوكيه ورد عقد حاجبه ينطق : وش ذا ؟
فقل باب مكتبه يتقدم للبوكيه ويقراء الكرت :
دامك زرعت الحب في داخلي ورد
أنا ما ابي غيرك من الناس يسقيه
من S
ابتسم اسامه يهمس: سجى كيف عرفت مكان عملي ؟
بدل اخذ الكرت يوسطه بمخابي البدله وترك الورد على المكتب طلع مبتسم وكل تفكيره في بنت متعب متعجب منها
طلع يبصم تسليمه لدوام اليوم
تقدمت تنطق : ان شاءالله عجبك الورد
التفت اسامه : انتي الي مدخلته ؟ ومين معطيك الورد
ابتسمت ساره تنزل راسها: انا الي جبته لك اتمنا اعجبك
انصدم اسامه وعصب ينطق بحديه: يعطيك العافيه واتمنا تستوعبين الي بقوله لك انا متزوج
ساره بصدمه : كيف الكل يقول انك ماتزوجت
اسامه : الله يسترعليك وشكراً على الورد
طلع اسامه معصب يشغل سيارته يطلع زقارته يدخن وطلع الكرت يولع فيه لحد ما احترق تماماً يهمس : وانا احسبه بنت متعب احمار انت بنت متعب كيف تعرف وين انا فيه ركب سيارته يتحرك للفله
_____________________
سلطان وقف من شاف الفله متزاحمه بسيارت حواليها والناس تدخل وتطلع
لثواني اتصل سعود : سلطان اسمعني
سلطان : سم
سعود : لا تدخل بس خلك عند اقرب باب
سلطان : بس
سعود : اسمعني وبس بيدخل احد العكسر لابس ثوب ولاكن مسلح بيجيك لسيارتك تدخل معه وجلسو كنكم ماعزيم العسكري الي بيكون معك بيراقب الوضع اذا معه احد مسلح شي قبل ندخل بعد ما يتأكد يعطينا امر لدخول فاهم ؟
سلطان : اي تمام بس اذا انتبهو اني ماني من العائله ؟
سعود : وش عرفك في البيت ذا
سلطان: سالفته طويل عطني ثلاث دقايق ودق علي
سعود : زين
اتصل سلطان على نوف : نوف عندك احد من اخوانك
نوف : اي
سلطان : قولي له صاحبتي تبي تجي وقلت لها تقول لا اخوانها ينزلون لرجال وابيك تروح تستقبلهم الحين
نوف : تمام تمام الحين ينزل لكم
سكر سلطان لثواني يتصل سعود : شصار ؟
سلطان : دبرت الامر خل خويك يجيني بسرعه
سعود : يلا وترا اسمه فهد
سلطان : يلا
انقطع الاتصال ونزل سلطان ينتظر فهد
فهد : جاهز ياسلطان
سلطان : اي بالله جاهز
فهد : كفو
دخلو مع بعض استقبلهم مهاب
_______________
تعريف سريع لعائلة نوف الفهد
الاب اسمه الفهد رجل اعمال معروف بشركاته المرموقه توفت زوجته الاولى ام عياله بسبب مرض
الزوجه الثانيه : عهود
"نعرف شخصيتها واطباعها مع الوقت "
الابناء
نوف الفهد العمر ٢٥
الهنوف الفهد العمر ٢٦
متزوجه لها بنت عمرها سنتين
مهاب الفهد محمامي معروف جداً العمر ٢٧
______________________
نرجع للواقع
مهاب : ياهلا ومرحبا
فهد : هلا والله
سلطان : هلا فيك
سلمو سلام رجال
نطق سلطان : معك سلطان واخوي فهد
مهاب : ونعم فيكم معكم مهاب الفهد
فهد عرفه من أسمه لانه معروف جداً
دخلهم مهاب وبدا الكل يسلم عليهم
فهد يهمس لسلطان : هذا هو ياسر
سلطان ينظر له بحده وقهر : اي عرفته
فهد شاف سلطان كيف محترق ومبين عليهه : ولد شفيك هد هد
سلطان : مافيني شي
فهد بدا يعطي المكان نظره ويشوفهم
تكلم ياسر لـ للفهد : عم انا طالع اشوف الشيخ تأخر
الفهد : زين
طلع ياسر وسبقه فهد يطلع قبله
اتصل هاتف ياسر رفع جواله وعيونه على فهد ينطق : الو
الوضاع كويسه الحمدالله ارجعو لمقرات العمل خلاص
حمد : متأكد يـ ياسر ؟
ياسر : اي نعم ماعليك يلا سكر بدق على الزفت ذا ماجاء
حمد : طيب الي ودك
لف ياسر لفهد يعطيه نظر يتصل بشيخ : الو ياشيخ وينك
الشيخ : تعرف الرياض وزحمه ياولدي عطني عشرين دقيقه واجي
ياسر : عجل عجل .. سكر جواله يدخل لرجال
فهد تكلم بسماعه بعد دخول ياسر : سعود
سعود : هلا
فهد : فيه سياره بتتحرك الحين بتجهون للمقرات العمل عندهم
سعود : اي نعم شفتها
سعود : رفع الجهازلاسلكي يتكلم دوريه ثمانيه
دورية ثانيه : اي نعم
سعود : شفتو السياره الي تحركت الان تتبعونه لحد موقعها
دوريه ثمانيه : الان
فهد : سعود وزعمه الحين الحينن بسرعه
نزل سعود ونزل العسكر معه بدا توزيع وتجهيز الاسلحه
والاستعداد
فهد وهو معهم بالمجلس : فرقه اربعه وسبعه وتسعه جاهزين
سعود : اي نعم
فهد : بعد ثلاث دقايق ادخلو
سعود اشر للفرقه كامله بعد ثلاث دقايق يبدا للهجوم
فهد وعينه على ياسر وعلى ساعته : الان
دخلت القوات للقبض على ياسر فهد بسرعه سحب ياسر برا المجالس كان ياسر مستسلم جداً
الفهد انصدم من الهيبه في العسكر واسلحتهم : وش العلم وش فيكم
تقدم سلطان : عم الفهد ياسر مطلوب من الدوله
فارس : كيف ولدي ماسوا شي لا تبتلي ولدي
تقدم سعود لفهد يفتش ياسر
فهد : فيه سلاح بساقه اليمنى وعطني جواله خله يفتحه ويدق على الشيخ
سحب السلاح سعود ينظر في ياسر وياخذ جواله ويبتسم: جابك الله كم رقمه
فارس وهو يبكي من صدمته ولا هو مصدق : خلو ولدي ماسوا شي اعرفه زين
سعود فتح الجوال ودق على الشيخ وسلمه فهد : الو الخطبه انتهت لاعاد تجي وسكر الجوال يحطه في جيبه
يسحب ياسر يركبه وبدت القوات تركب سيارتها وتتحه للمركز
الفهد : وش بيقلون عنا الحين كان بيزوج بنته واحد مطلوب
سلطان : ياعم الفهد
الفهد : نعم ياولدي
سلطان : انا جايك اليوم اطلب بنتك على سنة الله ورسوله
الفهد : ومن انت ياولدي والواضح انك مانك عسكري
سلطان : انا سلطان بن فيصل مسعف
الفهد : انت من عيال فيصل
سلطان ابتسم : اي نعم
الفهد : ونعم فيك ياولدي وابشر بالي تبي لولاك اليوم كان بنتي تزوجت واحد مطلوب
مهاب بعد ماغادر الكل من فلة الفهد تماماً : يعطيك العافيه وانا ماتوقعتها من ولد عمي يطلع منه كذا
سلطان : الله يهديه ويصلحه
الفهد : مهاب
مهاب : لبيه
الفهد : وين راح عمك
مهاب : مادري ركب سيارته وطلع
سلطان : ابي رقمك ياعم
مهاب تقدم وعطى سلطان الرقم : تعال وانعم فيك وفي اهلك
ماحد برادك
الفهد : اي نعم ياولدي ومتى ماقررت تجي تخطب الباب مفتوح والبنت لك
كان كل شي تحت نظر نوف والهنوف
الهنوف: من ذا يانوف ؟
نوف : سلطان بن فيصل صديق عمل وهو الي ساعدني
الهنوف : وكيف عرف انك مغصوبه عليه
نوف : انا قلت له عيال فيصل كلهم راعين نخوه ووعدني نتزوج
الهنوف بفرح : من جدك
نوف : اي والله من جدي
الهنوف : عشان كذا عيونك تلمع من الحب
نوف ضحكت : الله يتمم على خير
الهنوف : اخخخ يانوف حتى بحلامي مايصير كذا شوفي كيف واضح يحبك وماسمح بزواجك
نوف : ادري انه يحبني وانا والله اني اعشقه
سلطان : الحقوني ياعم ابوي مسوي عزيمه بقصره ولي الشرف تحظرون
الفهد : بس
مهاب : والله ماردك ياسلطان
الفهد : اجل توكلنا على الله
طلع سلطان بسيارته ووراه مهاب وابوه
_______________________
جناح سعد بن نايف
أبتسام : خلصنا
وخلصت المساعده وطلعت قبل ابتسام
فزت ابتسام بتطلع
سعد فز يمسك يدها ينطق بصوت مبحوح: لا وين رايحه
ابتسام تجمدت مكانها : هلا
سعد : عادي تجلسين شوي
جلست ابتسام وعيونها على سعد جلس سعد جنبها تماماً يوسد راسه على رجولها ينطق : ليش ماني قادر انساك
ابتسمت ابتسام تسمح لنفسها تخلخل اصابعها بشعره : يمكن عشان مشتاق
ابتسم سعد : اي بالله اشتقت ولا ابتعد طيفك عني ابدد
كانت ابتسام مبسوطه على كلامه وكان يلامس قلبها جداً وصوته كان يسعد مسامعها : قوم امش بشوفك
ضحك سعد يرفع عيونه لها : وش تشوفين شبه عاري خليني اكشخ ثوبي واجيك
ضحكت ابتسام : المهم قوم بشوف مشيتك
فز سعد بطوله واول مره أبتسام تشوفه يمشي بدون عكاز تتأمل تفاصيل ظهره وضخامته فزت تبي تطلع رجع سعد يصبرها : وين لا بتشوفين الكشخه اصبري
ضحكت ابتسام تجلس على سرير سعد تنتظره
طلع سعد وكان بنسبه لها طوله وعرض اكتافه شي مهاب
سعد وهو يرتب شماغه : ها كيف تمام ؟
ابتسام تتأمل: كل شي عليك حلو
سعد : شفيك مركزه فيني ؟ استوعب سعد .. اها صح اول مره تشوفيني بدون عكاز
ابتسمت ابتسام تاخذ جوالها بتطلع: اي اول مره انتبه لنفسك
سعد ضحك : وانتي بعد ودعتك الله
طلعت أبتسام بسرعه للاسعاف وقلبها مو معها ابد
_______________________
فلة متعب
طلعو البنات والكل كاشخ
وهج : انا اليوم قدام
فجر : اقول اص انا اليوم
سجى : لحولل رجعنا
ضحكت ريوف: بنحط قرعه بيننا
رجعت سجى تجيب ورقه وقلم بسرعه وتجي
كتبت الاسماء ريوف وسكرت الاوراق لخبطتهم ومدتهم لسجى : سجى اختاري
ضحكت سجى : يونس سحبت ورقه تشوف الاسم
فجر : ها مينن
ويهام : سجىى يلااااااا
سجى : امممم الي بتركب قدااااام هي ريوف
ضحكت ريوف : بالله عليك
سجى تلف لهم الورقه : اي والله
وهج : افف يالقهرر
ضحكت ريوف : يلا خليك ورا
وهج : اص اص
سجى : يلا عاد روقو
تحركو البنات طالعين من البوابه تشوف سجى محمود
وقف تنزل قزازتها : اهلين محمود
محمود : اهلين يابنتي وين رايحين
سجى : نتمشى شوي ونرجع
محمود : وين بضبط
ويهام : تحقيق اهو الله يهديك طالعين وبس
ابتسمت سجى : يعني مول وقهوه ومن ذا الكلام
محمود : لا يابنتي مو تحقيق بس عشان اتطمن الله يحفظكم
اسامه دخل فلة مساعد ينزل من سيارته متجه لهم
ابتعد محمود ينطق اسامه : على وين
ريوف : لا تدخل نفسك بشي مايخصك
سجى ضحكت ودوت ضحكتها في مسامعه : جاك الرد
اسامه ابتسم : ياسلام زين ياريوف لي تفاهم معك
سجى : شرايك تروح تنام بس
اسامه يهمس بداخله وعيونه بعيونها : بس تكونين معي وحولي والله لا انام وانا مرتاح ؟
رفعت يدها توميها قدام وجه اسامه : وين وصلت
انتبه اسامه لساعتها ضحك : مشاءالله ساعتك حلوه مين مهديك
وكان اسامه يرتدي الطقم الرجالي بيده شافتها سجى سحبت يدها عشان ريوف ماتنتبه
ريوف شافت التطابق بين ساعته وساعتها مشتها بمزاجها تهمس لي جلسه معك يا اسامه ومن الواضح انت جايبها وتنطق: اسامه يلا تأخرنا
اسامه : يلا انتبهو واذا تبون شي دقو علي
سجى بعناد : انشاءالله مانحتاجك وخر بس
ضحك اسامه يبتعد عنهم
__________________
انتهاء البارت ان ماشفت تفاعل بختفي مره ثانيه
لا تنسون تدعون لي بتوفيق 😚💗💗
أنت تقرأ
حاولت احبك زود عن باقي الناس وأثري نسيت الناس من زود حبك♥️.
Randomالكاتبه : سجى العبيد حاولت احبك زود عن باقي الناس وأثري نسيت الناس من زود حبك♥️.
