حاولت احبك زود عن باقي الناس وأثري نسيت الناس من زود حبك♥️.

part11

١٢:٣٠ ظهراً
قصر قاضي
كان الكل مستنفر ومشغول والكل يجهز بذات مدار كانت تدور معهم وتأمر الخدم كيف يرتبون وكانت تبي كل شي حلو وناعم

قاضي نفس الشي واقف لهم يرتبون التمر والفواكه والفناجيل والعددها الهائل جداً

___________________
جناح محمد بن قاضي
صحى محمد يعطي نظره للجناح ينتظر ملاك تطلع له
ينطق : ملاك ملاك
ملاك طلع من الغرفه الخاصه للملابس : لبيه وش فيك
محمد : يامرحبا موجوده مانزلتي تساعدين مدار
ملاك : تو صحيت البس بس وطلع لها تبغي شي ؟
محمد : سلامتك اهم شي ثوبي وشماغي جاهزين
ملاك : كل شي جاهز ينتظرك تاخذ شور وتلبس وتتجهز
محمد بخمول : اي زينن شوي واقوم
ضحكت مدار ترجع تتجهز
___________________
عذيه تحديداً صالة قصرها
تنطق : خلوني اساعدكم شوي ياقاضي
نطق قاضي : انتي بذات ابيك ترتاحين
عذيه : الله يهديك بجلس انتظر فيكم بس
قاضي : وهاذا الي ابيه روحي ارتاحي قبل العصر
عذيه : ابشر ماودك ترتاح انت بعد
قاضي : عندي شغل كثير يـ ام مساعد
عذيه تنهدت : الله يكون بعونكم صعدت تتجه لجناحها وتريح نفسها قبل العصر
___________________
صالة العزيمه
دخل تركي : السلام عليكم
مساعد : وعليكم السلام وين العيال
تركي يحاوط شماغه كتفه : مادري ياعم تو صحيت ونزلت اساعدكم
مساعد بعصبيه : لا يكون نايمين للحين فز يطلع من المجلس يفتل شاربه يهمس : طيب ياعيال ناضا نايمين اجل
تركي : عم عم انا اصحيهم خلهم عنك
مساعد : مالك فيهم كمل الشغل شوي واجي
تركي يهمس :الله يعينهم عليك ياعم
تقدم تركي يوجه الخدم على الترتيب وكيف يضيفون الضيوف
______________________
عند مساعد بن قاضي تقدم لجناح اكبر عياله ينطق : ياووع قم قامت قيامتك للحين نايم قمم خلصني
فزسند على صوت ابوه فاتح عيون ومسكرعين تقدم يفتح الباب وكان شبه عاري لابس شورت وناسي من نفسه انه عار فتح باب الجناح ينطق بصوت ثقيل : سم يابوي الحين نازل
عصب مساعد : وطالع لي بشور ياكلب نزل عقاله وكان ناويه
صحصح سند من استوعب الي صار يرد يد ابوه ينطق : المعذر يابوي توي صاحي والحين نازل ماني مطول تقدم وباس راسه
تنهد مساعد يبعد عنه ويخرج : انتظرك فاهم
سند : ابشر
سكر سند الباب يتسحب ياخذ له شاور سريع ويتجهز للعزيمه
_____________________
تسحب مساعد لجناح اسامه يهمس : ماكنكم رياجيل خاطه اشنابهم اصحيكم كنكم صغار سن تنهد يستغفر ربه
التفت مساعد على صوت يغليه جداً : الله الله يابابا وش ذا الكشخه والهيبه
ابتسم مساعد من شاف بنته وحيدته ريوف يفتح لها يدينه ويحتضنها : الرين منبعك يابوي انتي
ريوف بضحك : ياحبيبي يابابا وين رايح
مساعد : اصحي اخوانك
ريوف : اصحيهم بدالك
مساعد : لا يابوي ابصخي اسامه وبنزل روحي كملي كشختك يابوي
ابتسمت ريوف ترفع نفسها وتبوس راسه : من عيوني
رجعت ريوف لجناحها تكمل تجهزاتها
تقدم مساعد وهو مبتسم ونساء من عصبيته على عياله
دق الباب بهدوء : اسامه
اسامه تقدم وهو يعدل ثوبه : ارحب ارحب حيالله الوالد
امرني يابوي
مساعد : متى بتنزل
اسامه : الحين ياطويل العمر ليه بغيت شي
مساعد : بغيت انك تنزل يابوك طولتو علي
اسامه : ابشر ابشر الحين احظر لك تحت عشر دقايق بس
مساعد تقدم يخرج : زين انتظرك
طلع مساعد متوجه لتركي تحت
____________________
تقدمت مدار تتوسط احد جلسات القصر ترتاح للحظات
اتصل هاتفها : يامرحبا يانوران
"الولايات المتحده تحديداً نيويورك"
نوران تنهدت : يامرحبابك يامداري اخبارك والله مشتاقه لكم
مدار : وحنا اكثر ياروحي وبشرك الكل بخير وينتظرك تتخرجين وتنورين قصرك
نوران : بإذن الله قريب اخخ يامدار تمنيت ان انا معكم اليوم
مدار : اي والله يانوران كان تساعديني شويي تعبت
نوران : ياعمريي انا وين ملاك وناضا
مدار : ملاك يطلع منها شوي ولاكن ناضا ذي زين تجهز شوي معنا وجودها وعدمها واحد
نوران : اخ بس لو انا موجودهه
مدار : اقول ماعليك منهم ماحد معطها وجه انتبهي لنفسك ولمستقبلك
نوران : ان شاءالله الا اخبار عيالك
ضحكت مدار : اووه كاسر كبر وصار يهدي بعد وياعمري عنده مهمه وسجى كل عاده يا مع البنات ولا في الجامعه
نوران : ياعمري اشتقت لهم جايه قريب لسعوديه وبزوج كاسر
مدار بضحكت : انا موافقه شوي عنه
نوران : لا ماعليك يالله ياحبيبتي ماطول عليك عندك شغل الله يحفظكم يارب وانتبهي لا امي وابوي ولك
مدار : حياتي من عيوني يالله ياروحي انتبهي لنفسك
ونقطع الاتصال
___________________
عند نوران
دخلت تطلب لها اكل وتكمل يومها بين اوراقها ومذاكرتها
تهمس لنفسها : هانت يانوراني هانت باقي القليل
___________________
جناح كاسر تحديداً "قصر قاضي "
فتحت عيونها تعطي للمكان نظره تهمس : وش جابني هنا ؟؟
فزت من السرير تتفحص الجناح لحد ماوصلت غرفة التغير
شافت بدله عسكريه ومتوسطها اسم تحبه وجداً
" كاسر بن متعب بن فيصل " تنهدت تنطق : كيف جيت هنا؟؟  رجعت بذاكرتها وكان اخر شي كانت تحت المطر شهقت فجر : لا يكون .. حاوطت اياديها وجها تهمس : لا لا ماتوقع وكانت تتخيل سناريو وتنفيه تنهدت تطلع من غرفة التغير تدور جوالها تثبت لثواني تحاوط اناملها راسها : لا عند سجى كيف اطلع الحين توجهة لباب الجناح ولا انتبهت للمفتاح تحت
حاولت تفتح الباب وكان مُقفل : اووووووف اوووف مو وقتك أبعدت عن الباب تتوجه لسرير وتجلس
جلست على طرف السرير تشمت نفسها لمحت شي تحت الباب فزت تركض بضحك : المفتاح كيف ماشفته
فتحت الباب بهدوء تام تعطي نظره للمكان وكان خالي تماماً طلعت تسكر الباب وترجع المفتاح فيه تسحبت بهدوء لجناح سجى وعيونها تراقب المكان بهدوء
______________________
جناح مساعد بن قاضي
وكانت تتكشخ ولا عبالها شي ابد اهم ماعليها تكون طلتها حلوه واخر همها ايش اخر الترتيبات
___________________
جناح محمد بن قاضي
طلعت ملاك بكل اناقتها ولاكن ماكانت جاهره تماماً طلعت تشوف مدار : مدار
رفعت عيونها : هلا
ملاك : تعالي ارقي تجهزي انا اكمل الباقي
مدار : لالا مارتاح
ملاك : متى بيخلصون طيب الوقت راح وانتي ماجهزتي يلا قومي بس
مدار : مادري مطولين اكيد يمكن العصر
ملاك : من جدك ادخلي تجهزي وانا اكمل عنك انتي تعرفين عمي قاضي لازم ضيوفه يكونون العصر عنده
مدار تنهدت : اجل انتبهي وخليك معهم تكفين
ملاك : ماعليك ازهلي
توجهت مدار تتقدم لجناحها
ملاك : نزلت تشيك وتأمرهم وكانت عارفه وش تبي مدار بضبط
___________________
طلع سند مستعجل يعطل نسفت شماغه بعد ماتبخر وتجهز بكامل وجه دخل على اسامه التفت اسامه له : حلوو ماتترك حركاتك ؟
سند : لا ماني تاركها اقول عندك سبحه كشخه بس
اسامه : عندي ذولي جدد انا باخذ وحده وانت وحده
سند تقدم يعطي السبحات نظره : واخذ احدهم
ابتسم اسامه : تتهنا فيها يابو مساعد
ابتسم سند : يعيك العافيه ياحبيب اخوك تنزل معي لبوي
اسامه يتعطر : اي يلا
نزلو عيال مساعد ومتوجهين لصالة العزيمه
______________________
جناح سجى متعب
دخلت فجر بسرعه وسكرت الباب تدور سجى لقتها مثل ماهي امس نايمه وغارقه في نومها تهمس : ماش جاني امس ولاكن ماشفته .. تنهدت تجلس مقابل سجى تقدمت تمسح على شعر سجى بهدوء : جوجو ماودك تصحين راح الوقت وحنا ماكسوينا شي
فتحت عيونها بهدوء تبتسم لفجر وتجلس : صدق راح الوقت كم الساعه
فجر : الساعه ٢:٣٥
شهقت سجى تفز من مكانها : لااا راح الوقت تكفين
اسمعي انتي روحي لجناح كاسر اخر يمين الممر الي جنبي وماعنده احد وما احد يجيه تجهز وخوذي راحتك وخذي الي تبين من عندي تمام
سكتت فجر تفكركيف ترجع للجناح نفسهه
سجى بصوت عالي فجر : تسمعيني
فجر : ها ها اي  اسمعك رايحه لهه الحين تنهدت فجر تاخذ فستانها تنطق بصوت عالي : انا طالعه وراجعه لك
سجى : تمام انتظرك
دخلت سجى تاخذ شور سريع
وطلعت فجر بعباتها تتسحب لجناح كاسر
____________________
جناح ريوف
انتهت من شعرها والميك اب سحبت القهوه حقتها تترشف منها وتعطي نظرات اخيره لشكلها فزت من مكانها تبخر فستانها نظرت لساعه : تنطق حلو ساعه كذا وتكتمل الكشخه
نزلت المبخره تطلع من جناحها تاركه كل شي خلفها ومتوجها لجناح سجى دق الباب ماحد رد عليها تهمس داخلها : لا يكون نايمه .. رجعت تطق الباب للمره الثانيه ومافيه اي رد لسجى