حاولت احبك زود عن باقي الناس وأثري نسيت الناس من زود حبك♥️.

part6

طلعت البنات :
سجى : عندي لكم شي حلو
البنات : ايش
ويهام : اكيد شي عند سجى شي فوق خيالنا
ضحكت سجى : خذيت تذاكر لحفل  وعبد المجيد عبدالله
صرخو البنات وجلسو يصفقون بضحك
فجر : يمه متى حجزتيه وحنا كل اليوم مع بعض
سجى بضحك : ماعلمتك عشان اسوي سبرايز مايخرب وننبسط .. والحين وين تبون نتمشى فيه
ويهام :ابي الماليه
ريوف : لا كم مره نروح
فجر : نبي مكان ننبسط فيه
وهج : الي تبون بنات
ويهام : طيب الدرعيه من افتحوها مارحنا لها وفيها كوفيهات واشياء حلوهه
البنات : تم
سجى : تم بنروح لدرعيه وبعدها الماليه عشان خاطر ويهامي وبعدها بنطلع للحفل ونشوف بعدها وش نسوي
________________
"جناح كاسر "
بعد الشاور لبس ثوب وشماغه وتعطر وتبخر اخذ جواله يتصل على سند
كاسر : الو
سند : هلا والله يابو متعب
كاسر : هلا اخبارك
سند : تمام ابشرك
كاسر: ولد ذيب متى اخر مره دق عليك ؟
سند : يوم طلعنا
كاسر : من الصباح ادق عليه مايرد
سند : شكله نايم
كاسر : ماهي عوايده وبعدين عندنا تحظير بكره وش ذا النوم
سند : خلاص بجيك نروح نشوف وش سالفته
كاسر : زين زين
________________
" مسلط وسلمان"
دخل اسوار القصر وبحضانه سلمان نزل سلمان ونزل بعده وكان سلوم يسولف عليه ويسأل مسلط
دخل مسلط وسلوم بين يدينه
كاسر وهو نازل شافهم ضحك نطق:
مسلط لازم اشوف عيالك استعجل ياولد احسك حنون
ضحك مسلط : قريب ان شاءالله
رفع حاجبه كاسر وهو ياخذ سلمان : شكلك ناوي على شي
مسلط : قلنا ان شاءالله لازم تحقق
كاسر يبوس خد سلمان ويضحك :
الله يعين بنت الناس عليك
مسلط : ابن ابوي كل تبن بس
ضحك كاسر : وش فيك زعلت
مسلط : مادري عنك
كاسر قرب لمسلط يضرب كتفه بخفه : لا والله يابو نايف ونعم الرجل وانشهد انها محظوظه فيك ياحنون ويغمز له
مسلط وهو يضحك : احذف اخر شي بالله
ضحك كاسربقوهه من مسلط ونزل سلمان : سلمان تبي نروح للسطبل
سلوم : اي
كاسر : انتبهلك يابو نايف
مسلط : انتبه لسلوم بس ياويلك يصيرفيه شي
كاسر : وش عندك اخذ وضعيت الاب معه
مسلط : اغليه ياولد اغليهه
كاسر : على خشميي مابنطول اصلاً
_______________
"سعد وخالد "
سعد : خالد دقيت على مشاري
خالد : اي ويقول لا تمروني مشغول اليوم
سعد : اجل الله يحفظه .. ها وش صار على جدولك
خالد : اي جدول يابن الحلال
ضحك سعد : اجل بنروح انقطع صوت سعد من اتصل جواله
ماجد : مرحبا
سعد : هلا والله
ماجد : عندي لك جدول
سعد : وش عندك
ماجد : العيال مسوين ساحة تفحيط تعال وربي فله
سعد : صادق انت اجل ارسلي الموقع
ماجد : تم
انقطع الاتصال
خالد : وش عنده ذا
سعد : جدول من زمان انتظرهه ساحة تفحيط
خالد : ولد صاحي انت لا يكون بتدخل معهم
سعد : وش رايك اكيد
خالد : ياولد صحصح وان جاك شي ولا عمي عرف
سعد : ماحد داري بتخاويني بس
خالد وهو ماهو متطمن ابد : يلا معك الله يستر يارب
____________
"سلطان بن فيصل "
نوف دخلت مكتب سلطان : سلطان انا طالعه متى طالع انت
سلطان يتأمل فيها : الحين طالع ليه بخاطرك شي
نوف : لا بس اسألك
سلطان: تمام لا وصلتي عطيني خبر
نوف مو قادره توصف حبها له : ان شاءالله
سلطان : نوف عندك دوام بكره ؟
نوف : لا
سلطان : تمام
طلع سلطان متجهه لسيارتهه وقلبه معها ركب سيارته
يهمس لداخله متى اعلن لهم اخذتك وصرتي حلالي
___________
نوف طلعت مع صاحبتها للبيت ولاكن كل تفكيرها سلطان بن فيصل تسأل نفسها يحبني مثل مااحبه ولا ؟
انقطع تفكيرها من سمعت اسمها :
نوف نوف
نوف : نعم
ليال: وش فيك
نوف : مافيني شي بس تعبانه شوي
ليال : اها اوكيه تبين ناخذ شي قبل اوصلك
نوف : خلينا نروح لكوفي
ليال : من عيوني كم نوف عندي
نوف ابتسمت
____________
طلعت البنات
ريوف : سجى افتحي القزازه الي فوق نبي نطلع
ويهام : اي اي تكفينن ابي اجرب الشعور
سجى وهي ميته ضحك منهم : طيب دقيقه لا تطلعون على طول
ريوف وويهام : تم
فتحتها سجى وخففت من سرعتها شوي
طلعت ريوفف وفتحت يدينها وتغني مع الاغنيه وطلعت معها ويهام والهوا يداعب شعرهم
فجر سحبت ويهام: بطلع معكم
ويهام نزلت تمسك يدها عشان تطلع نطقت فجر :
اوفف ياحلو الشعور
نزلو البنات من سمعو سجى تقول وصلنا خلاص انزلو
وهج : لا غش ماطلعت
سجى : تم لا طلعنا انتي بتطلعين
وهج : وعد
سجى: اي وعد
نزلو البنات لدرعيه يتأملون جمال المناظر
وهج : الله بنات خلونا نجلس نتقهوا
البنات تم بس نتمشى شوي
____________
عند سعد وخالد
وصلو على الموقع
سلم سعد على ماجد
نطق ماجد : متى ناوي تدخل تبهرنا
سعد : خلهم يخلصون وندخل بعدهم
ماجد : تم
___________
عن البنات
تمشو وتقهوو واهم شي وهج طلعت وحست بشعور البنات ومثل ماوعدتها سجى وطلعو متجهين للحفل
دخلو الحفل
فجر : تصور اللحظات الحلوه وتغنيي
سجى : تصور البنات وتوثق الطلعه بكل حب
ريوف : تصور مع ويهام ووهج وهم يغننون
__________________
عند سلطان
متجه لسوار القصر انفتحت البوابات مُعلنه دخول سلطان بن فيصل
دخل سلطان شاف مسلط وطلال جالسين مع جدتهم يسولفون عليها
دخلو وسلم على امه
وجلس يتقهو معهم ويقولهم عن يومه بالخص ظبيه يهمها سواليف عيالها
مسلط همس لطلال : تعرف وين طلعو سعد وخالد
طلال : لا بس اولا جاني سعد قبل يطلع ليه ؟
مسلط : مايردون علي
طلال : يمكن في مكان مافيه تغطيه
مسلط : ما ظن
دق مسلط على مشاري
طلع مسلط برا القصر
مسلط : الو
مشاري : مرحبا
مسلط : اسفين على الازعاج بس ابسألك
العيال وينهم
مشاري : مادري والله قالو اطلع معنا وكان عندي شغل ورفضت ليه عسى ماشر
مسلط : مايجيك الشر لا ابد بس اسأل عنهم
مشاري : اي تمام
قطع الاتصال مسلط وهو متخوف لو صاير لهم شي
مدار وهي طالعه لقصر قاضي : مسلط
لف لها مسلط : هلا
مدار : فيك شي
مسلط : لا ابد سلامتك
مدار تهمس بداخلها مبين عليك فيك شي الله يستر
نطق : تمام انتبه لنفسك
طلعت مدار متجهه لقصر قاضي
_______________
قصر قاضي
دخلت مدار ساحات القصر نزلت متجهه لباب القصر الرئيسي
مدار : ياحلوها من جمعه
ضحكت عذيه : هلا والله بمدار الكون كله
تقدمت مدار تحتضن امها وتبوس راسها
تقدمت تسلم على قاضي :اخبارك يابوي
قاضي :بخير بخير.. لاكن علميني اخبار الشركه معك
ضحكت مدار : اووه ابد كل شي على ماتحب
قاضي : اي ذي بنتي الي اعرفها
دخل محمد وسلم على اخته
تركي : هلا والله بالخويه
مدار : تمون تمون ماعليهه
ضحك تركي يحتضن عمته ويسلم عليها لانه متعود على عمته كثيررر
تقدر اسامه برزانه  ولا هو نفس تركي ابد
مدار : يامرحبا ياطيار
ابتسم اسامه وهو يبوس راسها : ياهلا بعمتي
مدار : اجلس جنبي لا تروح من زمان عنك
ضحك اسامه : ابشري
مرتهم ناضا بكامل زينتها خارجه خارج القصر
همست مدار لوسامه : امك وين رايحه
اسامه : والله مادري عنها
تنحنح قاضي : ناضا
التفتت ناضا تهمس بداخلها اففف الواحد مايطلعع براحته : نعم
قاضي: ماتعرفين تسلمين ؟ ولا حنا غرب ماحنا اهلك
ناضا تنظر لولدها تبيه يتكلم عنها ولاكن اسامه مو يمها يسولف مع مدار
ناضا : ماعليش ياعم مستعجله
غذيه : خلاص روحيي يا ام سند روحي الله يستر عليك
طلعت ناضا ولا همها احد
مدار : الا امي عذيه وين ملاك
غذيه : طلعت مع مشاري تبي لها كم شغله
مدار : الله يحفظهم .. اخبارك يامحمد عساك بخير
محمد : الحمدالله بخير
مدار : وش صار على الاوراق الي قلتها لك
محمد : ابد كل شي مثل ماتبين
ابتسمت مدار له
نزل سند يتصل على ابوه
التفت من سمع اصوات اهله تقدم لهم يسلم عليهمم
لف لمدار : عمه وين كاسر
مدار : بالقصر
سند : تمام وطلع لخارج القصر
_________________
عند البنوتات
طلعو من الحفل كمية السعاده ماتوصف عندهم ابد
فجر نبي السوبر ماركت نبي اشياء نكمل السهره عليها
ويهامم : اللله اي تكفون
سجى : تم احس حماس يكون القصر مافيه الا حنا
ضحكت ريوف : حماس حماسس يابنات
وهج: افتحو القزازه الي فوق بس
ضحكت ويهام : ادمان اهو ولا وش
وهج : اي والله شعور حلو
سجى وهي تفتحها وترفع على الاغانيي : هجوم على السوبر ماركت يابنات لا اوصيكم ههههههه
فجر : ازهليني بس من بيدفع
البنات : انتي
فجر : يمهه بنات خلاص بس لا تتهورون تكفون
سجى : لالا نمزح اكيد بنقط
البنات : تم
تحركو البنات متجهينن لسوبر ماركت
نزلت فجر : يالله حبوباتي
نزلو البنات ركضت وهج تسحب عربيه : من بتجلسس بفحط فيها
سجى : انا انا
فجر : وانا بعد
ضحك ويهام : هذا الي مسوين عاقلين قبل شوي
سجى : لان انا اكبركم
ويهام :واهبلنا
ضحكو البنات وسجى معهم
وجلسو يحوسون بسوبر ماركت وياخذون كل شي يحبونه ويبونه خلصو البنات وحاسبو