حاولت احبك زود عن باقي الناس وأثري نسيت الناس من زود حبك♥️.

part12

سجى ووهج فزو لفجر من شافو يدها
سجى : وش فيك ليش ملفوفه يدك
فجر : جرح خفيف لا يهمكم تعالو نجلس نكمل سوالف
ريوف : سلامتك حبيبي
ويهام : جعلها بلعدو ولا فيك
فجر ابتسم : حياتي والله
ابتسام : ماتشوفين شر ياحلوه
فجر وعيونها على نجلاء : الشر مايجيك
_________________
الساعه ١٠:٢٧
الجد قاضي ينطق بصوته هجوري : انطحو فالكم وحياكم على العشاء
الجد فيصل : ماتقصر ياقاضي ومعروف كرمك ياخوك وشهد له من سنين جعل خيرك ياكثر ياخوي
ابتسم قاضي : انشهد الخير خوتك على مر السنين يابو نايف
قلط كبارالمجلس الين اصغرهم
سند : حياكم ياعيال
ضحك كاسر : شف شف اقول ودع القصر بكبره زين وراك مهمه
تنهد سند : يارجال اسكت لاتنكد يرحم امك
ذيب وزقارته متوسطه مبسمهه :اسبقوني بالعشاء شوي واجي
سياف : ياولد خل عنك الدخان للحين ماتركته امش تعش معنا
ابتسم ذيب يومي بيده لسياف ينطق سياف : الله يهديك بس
كاسر تنهد : ياعزتيلك ياذيب شايل هم اهله معه
مسلط : ليه ؟
كاسر : مادري عنه اقوله ابوك عندهم ويقول ابوي زين يجي يوم يومين
تنهد مسلط : انا معهم كلنا ماحنا تاركينهم ابد وخالتي مريم معروفه عن عشرين رجال
سعد يضرب مسلط بعكازه : اعقب وانا ولد ابوي
مسلط : وجع علامك
سعد : من متى ياكلب نجيب طاري محارمنا ؟
ضحك كاسر يغمز : كبر الرجال اقول اعقب انت كل الي يسولفون محارمها
سعد : ابن ابوي والمجلس كله ارجال سد فمك انت وهو
سكتو العيال يكملون عشاهم
_______________
عند الذيب بن ناصر
تنهد يزفر الدخان وينطق : والله ياملاكي خوفي تاخذني الدنيا وانا ماودعتك شوفت عيونك تجبر جروح الزمان وظروفها
التزم صمته واخذه تفكيرهه لبعيد
_________________
قسم النساء
جده عذيه : حياكم يابناتي على عشاكم وعذروني على القصور
جده ظبيه : لاوالله ماقصرتي وبيض الله وجهك ياحرم قاضي
ابتسم عذيه : ووجهك ابيض ياحرم فيصل
ابتسمت مدار تهمس لمريم : اقلطي ياحرم ناصر
مريم ماتت ضحك وعرفت من مدار من هي تقلد وتنطق : والله مايقلط الا انتي ياحرم اخوي متعب
عذيه انتبهت لهم : تنطق اقول تعشي انتي وهي
ضحكو والكل تقدم للعشاء من بنات وحفيدات وزواج اعيالهم ولحد المعازيم
سجى : ابتسمت ابتسام ياروحي تقدمي تشوفي الي يعجبك وخوذيه لا تستحين .
من غير نجلاء ماهتمت لحد تقدمت تاخذ من البوفيه وتختار من انواعه
تقدمت عجوز لنجلاء تنطق : ياحليلك من انتي بنته ماعمري شفتك عند ال قاضي
ابتسمت نجلاء بكل ثقه تنطق : وابشرك خاطبني ولد بنتهم
العجوز : من هو يابنتي
نجلاء: كاسر ياخالتي
العجوز : الله يوفقكم يارب
ريوف بصدمه تضرب سجى : سمعتي الي سمعته ؟
سجى : اي والله سمعته سبحان من خلق وفرق بس
ريوف : الثقه الثقهه ياربي
سجى : ياعزتلي لكاسر دام ذي زوجته
ريوف : حبيبي وش زوجته لاا طبعاً تخسي ذي تدخل العائله ناقصين حنا ؟
ضحكت سجى : تصدقينن عندي احساس انه يحب
ريوف : من هو
سجى وهي تاخذ من البوفيه وريوف وراها : كاسر
ريوف : ليه
سجى : مادري احساس كذا واتنما حاب وحده تليق له
ريوف : ههههههههههه تكفينن مابقاء الا تختارين له
سجى عطتها نظره :طبعاً ليه ناقصه اناا وحده حالها حال نفسها مالي نفس لوحده تبتليني
ريوف : لالا إن شاءالله
كملو طريقهم للبنات يجلسون معهم
وعيون ريوف على نجلاء طول الوقت
فجاء جات وهج تنزل صحن قدام فجر : بنت حطيت لك كل شي تحبينه لازم تكلين
ابعدت فجر الصحن من امامها : ما ابي
سجى رفعت حاجبها : نعم ؟
وهج :شكلها تبي تنجلد اليوم اقول كلي خلصيني ابي اشوفه نظيف نفس ماخذيته
اضحكت فجر : شف شف من الي يبي يجلدني
سجى : صدقيني بجلدك معها اذا ماكليتيه
ابتسمت فجر تسمي وتبدا تاكل وكل تفكيرها كاسر متى بيفتح الموضوع ؟
ابتسام : اوف اوف تهديد سجى ينفع معك شكل بتعمد سجى لخوي سياف يمكن تقدر عليه
كحت سجى بصدمهه الكل : بسم الله عليك
فتحت المويه ابتسام تقدمها لسجى
تنهدت سجى تاخذ نفس تنطق فجر بهمس وتغمز لها : عاد تراه مزيون وش فيك خفتي
تنحنحت سجى تنطق بهمس : سدي حلقكك ماني ناقصتك
ضحكت فجر بقوه ونطقت ابتسام : لا صدق والله حبيت شخصيتك مره من شفتك عاد سياف اكثر واحد عنيد بشكل ومعك جاني احساس بيلين مادري ليه ؟
ابتسمت سجى : الله يخليه لكم شوي وراجعه .. فزت سجى تتجه خارج القصر تاخذ هوا تحس قلبها ينبض بسرعه جنونيه من شافت ساعته بيدها تنطق : يارب لا يكون اكبر همي احب شخص ماني ناقصه بحياتي ..
_____________________
سلمان بن سعود اتجهه لوالده
ينطق : بابا
لفه له سعود : هلا
سلوم يشر لفمه : همي همي
ضحك سعود ياخذه ويوسطه حضنه : ابشر والله بالهمي وانا ابوك
ابتسم الجد فيصل : من شاف الموقف وتذكر طفولة عياله معه
سلوم يرفع راسه ينظر لعيون والده : بابه
سعود ينزل نظراته له : ابوي
سلوم ابتسم : ابي لحمه صغيررره
ضحك سعود وبدا يلبي مطالب سلمان اصغر عياله
ابتسم مسلط من شاف سلمان بين احضان ابوه : الله يحفظك ياذا الصغير
___________________
ابتعد كاسر عن الكل وعيونه على ذيب يرفع جواله يتصل
"الصغيره "
سجى : هلا
كاسر : ارحبي اسمعي ياحبيبتي ابيك تحطين عشاء لي من كل نوع
سجى : تستعبط صح وليه ما تتعشاء مع خوالي وعماني
كاسر : انا متعشي
سجى : طيب وذا كله ليه ؟
كاسر تنهد : الصدق ذيب رافض يتعشى وانتي تعرفين بنمشي للمهمه بعد العزيمه واكيد بيجوع
ضحكت سجى : طيب قول كذا من اول طيب بقول لفجر تحط له
كاسر : لالالااا
سجى : وش فيك
كاسر : انتي حطي له
سجى تنهدت : شعندك انت طيب طيب
كاسر : يالبى صغيرتيي ياعرب
سجى : لا تروح بدون ماتودعني بس
كاسر : افا اروح ولا اخذك بحضاني عيب عليكك
اضحكت سجى : يلا بروح الحق احط له
انقطع الاتصال
تقدم كاسر لذيب ينطق : ذيب
ذيب : لبيه
كاسر : لبى قلبك قم ياولد الناس تعشت الا انت
ذيب : ياولد والله ماني مشتهي
كاسر عرف ان بخاطره شي ولا هو بسيط : علمني وش ودك فيه اجيبه لك
رفع نظره ذيب : ياولد انا ماقدرت اسويه بتسويه انت ؟
كاسر : ابن ابوي احزامك لدهر ياذيب انطق وش فيك
تنهد ذيب : تكفى ياولد بيني وبينك حتى عيال مساعد لا يدرون
كاسر : ازهلنيي
ذيب : بنت خالك مساعد انا حبيتها وناوي اخذها قريب وابيها
واخاف اروح ولا ارجع ولا انا الي ودعتها ولا الي ارتحت
ضحك كاسر : لعنبوك احسب فيك شي اجل دام ذي سالفتك اسمع .. لثواني استوعب كاسر وتذكر فجر اخت ذيب وخاف من ردت فعله
ذيب : اسلم
كاسر : لا خلاص انسى الموضوع وبعدين شل ذي من بالك ان ماجات صدفه ماهي حاصله ابد قم ادخل معي لرجال
تنهد ذيب من عماق قلبه يفز بطوله يسحب كاسر : انس الي قلته لك فاهم
كاسر : ابد ماسمعت شي
ذيب : كفو .. تقدم يدخل مع كاسر
تنهد كاسر ينطق داخله : ابومتعب لابد تطلب يدها اليوم وتبين لها حبك قبل رحيلك
__________________
بعد انتهاء العشاء عند الرجال وبدا توزيع البيالات الشاهي
والسوالف الخفيفه بين الكل
___________________
قسم النساء
الكل انتهاء من العشاء تقدمت سجى تكلم احد الخدم : باقي شي من البوفيه
الخادمه : اي باقي وباقي من الرز كثير
سجى : اشوا تمام جهزي لي شي ابحط فيه عشاء لذيب
الخادمه : ذيب ؟
سجى : السالفه طويله تكفين
الخادمه ضحكت : تمام ننتظرك داخل
ريوف تقدمت لسجى : بنت وش فيك اولا
سجى : وش فيني بس سمعتي كلامها
ريوف : طيب وذا بطقاق
سجى : حيوانه يارب تعيشين الي عشانه بغيت اموت وانا معكم
ضحكت ريوف : انا طالعه للبلكون اشم هوا شوي تطلعين معي
سجى : لالا مشغوله
ريوف : تمام
__________________
تقدمت ريوفف للجناح تتوسط البلكونه بيدها كوب عصير
وعيونها على الداخل والطالع نزلت كوبها وعيونها على شخص يعرفه قلبها بدون ماتنتبه نزلت الكوب بمكان غلط طاح الكوب وانكسر شهقت ريوف تبعد عنه رجعت عيونها عليههه ولاكنن ...