البنات
توقفو قدام اسطبل مشهور ومعروف
فجر بحماس: اخيراً اخيراً
ضحكت سجى : يلا ننزل
البنات : اكيد
نزلو البنات يتوسطون الاسطبل
تقدمة ويهام تعطي للمكان نظره تشوف جمال المكان والاشياء الي موجوده فيه
وهج : الله بنات كورة تنس وكوفي ومتاجر وش الاسطبل الي جامع كل خير
ريوف : اي والله صدقتي
" كندا " احد المدربات
كندا : اهلن اهلن
فجر : اهلين كندا صح
كندا : صحيح تقدمت تحتضن فجر وباقي البنات
سجى : كندا تجهزي بتدخلين من ضمن شلتنا
كندا : الشرف لي والله انا جاهزه متى بس
البنات : من الان
ضحكو وضحكت كندا معهم : ابد انا معكم .. حياكم معي تنزلون عبياتكم وتجهزون نفسكم لتدريب اليوم
تحركو البنات معها
____________________
القاعده
تقدم كاسر لمكتب ذيب
ذيب : حي الله ابو متعب
ضحك سند : اطرده بس امس طاردنا
ذيب : كاسر اقلب وجهك
كاسر بضحك : ابن ابوي صدق
طلع كاسر ضحك ذيب : كاسر نمزح لا تصدق امش نبي علومك
كاسر طلع ولا كنه يسمع
ذيب : سند لا عاد تشور علي تكفى
ضحك سند : شدخلني
ذيب : انت اساس الي صار قم قم بس نروح له
فزو يتوجهون لمكتب كاسر نطق ذيب : ياولد اخاف يمسكنا الباب
سند : تجي عليه ترا
ذيب : اجل انت دق الباب وادخل
سند : وليه ان شاءالله
ذيب : انا في وجهك يابو مساعد
سند : اعقب خلاص ، تقدم يطق الباب
كاسر ابتسم وعرف انه العيال: لا تشوفك عيني ياضابط
ذيب فتح الباب : تعقب خلاص عاد
كاسر : اظاهر اكلم جدار
ذيب دخل ودخل معه سند ينطق : عطنا علومك ياكاسر ليش انسحبت اليوم
كاسر : السالفه للحين ماعرفها خلوني اعرف السالفه وعلمكم
ذيب : اقول بس ياكثر الشوق للعائله
كاسر : توك يارجال
سند : يحلها ربكم سمعنا ياكاسر من مواويلك
ابتسم كاسر ينطق :
أضحكي لي يا ليالي العمر دام العمر مره
وأسقي جفافٍ تفرع وأحتضن زهرة شبابي
قولي إن الليل مهما طول الشمس بتمره
ونشوة الأحلام مهما طولت بتدق بابي .
ابتسم ذيب ينطق وعينه على سند وكاسر :
يـ رفيق العمر والدرب دام العلم ينصاك
وش تشوف وترى مادام سِنك حول سني
لا تجزّع من الدنيا وتشكي كبر بلواك
الليالي مثل ما صوّبنـك صوبني
بالعنا منت بـ الحالك وجاني مثل ماجاك
والليالي كفاح ولاحدٍ عـاش متهنيّ
_______________
البنات
طلعو من غرفة التبديل وكل وحده تشوف الباقي
سجى : والله يابنات خيالات من يومنا
كندا : بسم الله عليكم تهبلون
فجر : بنات قلبي فرشاااااااااات
ضحك الكل
ريوف : احس خايفهه
وهج : نهرب بس
ويهام : بهرب معكم
سجى : ترا نسمع بتركبون يعني بتركبون
ضحكت ريوف : انا ما ابي بس بشوفكم
ويهام : حتى انا
ضحكت سجى : ويهاام ياويلك من جدي فيصل
ويهام : انا من صغري مو قادرهه اتعلم
كندا : تطمنيي بتقدرين قوي قلبك
فجر : وهج وريوف شفيكم يعني انتم بس لسان والقلب يخاف
وهج : تخسين وانا اخت ذيب
ابتسمت فجر لسجى
ريوف : من قال وانا بنت مساعد ؟؟
سجى بضحك : نشوف
طلعو البنات يتجهون للخيول
ركضت فجر وهي ميتهه ضحك تمد يدها وتنطق : سجى
تقدمت سجى تركض تمسك بيدها تنطق : خلينا نسبقهم
فجر بصوت عالي : ايي هذا الي بيصير
توقفو فجر وسجى يختارون من الخيول
فزت سجى تتوسط احد الخيول تمسح على ناصيته : يلا ياحلو نبهرهم
فجر فزت تتوسط احد الخيول هادي جداً جداً مثل شخصيتها
ومن طبع فجر تحب الخيول الهاديه ابتسمت تفلت يدينها بالهواء تسمح للخيل يتمشى فيها : اخخخ من زمانن عن ذا الشعور
سجى تتأملها وهي تضحك ترفع هاتفها تصور اللحظات
الحلوه
ريوف : لالا هونت
ضحكت كندا : يابنتي بسرعهه بتركبي وتجربي
تقدمت ريوف تتوسط احد الخيول
كندا : امسحيي عليه طمنيهه
ريوف : انا احتاج احد يطمني
ضحكت وهج : اي والله
ويهام : ركبوني اي واحد خلونا نخلص
كندا : لا تستعجلي جايك الدور يلا وهج
وهج تقدمت تركب احد الخيول وتقوي قلبها : مامخوفني غير اني اطيح
كندا : خليك هاديه مابيصير شي ويهام تعالي ياروحي
ويهام : لا ما ابي
كندا : اخخخ من تناقض الي فيكم بتذبحوني
ضحك الكل تقدمت كندا لويهام : يلا على مسؤليتي مابيصير شي
ويهام اخذت نفس تعطي الخيل نظره: افف يلا ياويلك تطرحني
ضحكت كندا : من بعد ذا التهديد بيموتك
صرخت ويهام : يممممممممه لالا ما ابييييي
كندا : ويهاممم واللله امزح امزح معكك تعاليي
وهج : ويهامم شوفي حنا ماصار شي يلا
رجعت ويهام تركب وكانت مغلقه عيونه وترتجف كانت تسمع دقات قلبها تهمس داخلها : انتي قويه ياويهاميي قويهه
كندا : ويهام فتحي عيونك وشوفيني
بدت ويهام تفتح عيونها بشويش : همم
ابتسمت كندا : الحين اسمعوني نمسك الجام بهدو مانشده كثير خليك لطيفه معه ماراح يوجعك تمام عطيه تبييه الخيل يتحرك خففي الجام وطبطبي عليه بيسمعك ويتحرك معك تبين تتوقفين اسحبي الجام بقوه شوي وبس هاذي البدايه تمام
بدو البنات يطبقون الكلام وصار مثل ماقالت كندا كل شي سهل
سجى : فجر شوفيهم
فجر : اخيراً
سجى : ياعمري واضح عليهم الخوف
فجر : ايي ياقلبي هم
__________________
قصر فيصل
نزل سعد بكل رزانه يعدل شماغه
ظبيه : سعد بسم الله عليك من زمان ماشفت بدون عكاز
ركضت هياء تتوجه لولدها : سعد يابويي
ضحك سعد : بدون دموع تكفون
ضحكت مدار : الحمدالله على سلامتك واخيراً فكيته
ابتسم سعد وهياء بحضانه : الله يسلمك ياعمه
ظبيه تضرب سعد بعصاتها : لو ترجع لدرب المخنز ذاك لا تلوم الا نفسك
سعد بضحك : اخخخ ياجده ابشري ابشري والله ما ارجع له
ضحكت هياء تمسح دموعها: وجدتك صادقه
سعد يمسح دموع هياء : على خشميي الحين اقدر اطلع ؟
ابتعدت هياء : الله يحفظك
طلع سعد يدخل مجالس جده
فز فيصل من شاف حفيده رجع لصحته : يامرحبا يامرحبا مبطين عن فزتك ياسعد
ضحك سعد يتقدم يسلم عليهم واحد واحد
طلال همس لسعد : واحشنتي مشيتك
سعد : وخر لا ارفسك
مسلط : ايي انشهد مايتغير ابو نايف
سعد رفع اكتافه ورز نفسه يفتل شاربه : كيف بس
ضحك مسلط : راح راح كمل سلامك بس
سعد كمل سلامه : اعذروني على التأخير
فيصل : اي والله ياولدي تأخرت تغدو العرب ومشو وانت مانزلت
سعد : اعذرني ياجد وكثر الله خيرك كنت انتظر الفرقه يجون يفكونه قبل انزل
فيصل : معذور ياولدي افا عليك تستاهل كل خير وماتشوف شر وأخر المواجع
فز فيصل واحفاده من سمع بوابات القصر تفتح
قاضي استرح يافصيل احفادك ارجال
طلعو العيال يرحبون
سعد يهمس لخالد : ذي مو سيارت عمي سلطان ؟
خالد : الا بس الي معه من ؟
سعد : الله وعلم نعرف الحين
نزل سلطان يرحب ويهلي بـ اهل محبوبته : هلا ومرحبا تو مانور القصر حياكم
ابتسم الفهد : النور نورك ياسلطان
ابتسم مهاب من شاف صفت الشباب يرحبون : سلطان من ذولي
سلطان : لا تستعجل بعرفك عليهم ويوجعك راسك منهم
ضحك مهاب : على خشمي
دخل الفهد : السلام عليكم
فيصل وقاضي : وعليكم السلام والرحمة
فيصل : هلا ومرحبا ابو ....
الفهد ابتسم : ابو مهاب اكيد انك ابو سلطان
فيصل : هلا هلا والله يابو مهاب اي نعم
الفهد : ونعم الولد انشهد انك جبت الرجال الي ينسند عليهم الظهر الله يحفظهم لك
فيصل نظر لولده : اي الحمدالله اللهم امين من فضل ربي
قاضي : انشهد يابو مهاب صدقت الرجال من ظهر ذيب
تقدم الفهد يسلم على قاضي : عرفني عليك
ابتسم قاضي : معك قاضي ابومساعد
الفهد : تشرفنا فيكم
الفهد : مهاب سلم يابوك
ضحك فيصل : خله خله يسلم على عيالنا ثم حنا
الفهد : ومن متى نترك كبار المجلس ونسلم على اصغرهم ؟
ابتسم مهاب يتقدم لفيصل وهو يهمس : مشاءالله والهيب
فيصل : عرفني عنك ياولدي
مهاب : مهاب ياعمي اشتغل محمامي وانا تحت امرك
ابتسم فيصل : اسم على مسمى ينشد فيك الظهر ياولدي الله يحفظك
ابتسم مهاب يكمل سلامه على قاضي ويرجع يجلس مع احفاد فيصل
بدت اصوات الفناجيل مثل ماهي معروفه في مجالس فيصل
الفهد : ولا نطول عليك يابوسلطان
ضحك سلطان : يابو مهاب انا اخر العنقود
ضحك الفهد : بالله غششنا البكر منهم من
ضحك فيصل : نايف نايف يابو مهاب
الفهد : ابو نايف جاي اقولك ان ولدك شجاع وقلبه قلب رجال مايخاف الموت وسلطان طلب يد بنتي وانا والله ما ارده والشرف لي اناسبكم واكون منكم وفيكم
فيصل ابتسم من عرف ان ولده سو الي يبيه وخذها من بين الكل غصب عنهم : سلطان يبشر بالخير وحظ من ناسبكم يابو مهاب وابد بنتك في الحفظ والصون وصارت وحده من بناتي
الفهد : ابد حنا في انتظاركم يابو نايف خل سلطان براحته يختار متى مايبي
سلطان : بكره بكره ياعمي
ابتسم الفهد : على خشمي
فيصل : الولد واضح عليه ماهو مطول على الملكه ابد لاكن يصير خير ان شاءالله تقهو تقهو يابو مهاب
____________________
قصر مريم
مريم تتقهوا فجاء قررت تشغل اغنيه كلها حب وتذكرها بأول ايام زواجها ترفع الصوت وتغني معها وتتمايل وتغني من اعماقها
طل عليها منصور يخلخل اصابعه بشعره المبلول : جايك جايك تغنينها بدوني افا
ضحكت مريم : تعال يلا انتظرك من اول
ناصر : البس واجيك ياروحي
ابتسمت مريم ترسل بوسات منصور
______________________
البنات طلعو عند سيارة سجى يودعون كندا
فجر :باي ياروحي انتبهي لنفسك راجعين لك بإذن الله
كندا : ياروحي وانا انتظركم بالهفه وبذات الثلاثي
ريوف ووهج وويهام
ويهام : لالا انا انسحب
وهج وريوف : حتى حنا
ضحكت كندا : سجى لا اوصيك
سجى : مابيدي شي اذا ماودهم
ركبو البنات طالعين
سجى : ها تبون المول ولا مالكم خلق
فجر : الا الا تكفين نبي وبعدها عندي لكم فعاليه بس ببيت سجى
البنات : تم
سجى : اخخ اخخخ ياربيي منكم
متوجهين لاكبر مول فيك يالخبر
______________________
فلة مساعد
دخل اسامه في جوفه كميه من الشوق والتعب تنهد يتقدم لداخل الفله
الخادمه : اهلين احط لك الغدا
اسامه : مرحبا.. رفع يده يشوف ساعته٥:٢٥ يرجع يرفع راسه والله مادري اهو غذا ولا عشاء بس حطي لي جوعان والجوع مايمزح
ابتسمت الخادمه : ابشر خمس دقايق ويكون كل شي جاهز
فز اسامه يتوجه لغرفته يتمتم : اخ يابو مساعد انهد حيلك من نظرت عيونها اعقل يارجال نزل بدلته يلبس شور وتشيرت استلقى على السرير ياخذ انفاسه
____________________
مكتب كاسر ال فيصل
ذيب :استذنكم عندي كم شغله
كاسر : ابد خذ راحتك
سند : يلا اجل يابو متعب نخليك ترتاح
ابتسم كاسر : لبى قلبك انتبه لعمرك
سند : على خشمي
كاسر : عليه الشحم
طلع سند لمكتبه يشوف ذيب يبتعد عنه
كاسر رفع هاتفه يشوف رساله من صغيرته ابتسم ينطق : سويتي فيني خير يابنت متعب .. اخبارك عساك بخير ياعين اخوك طمنيني عنك اذا فاضيه دقي علي
ابتسم كاسر يطلع من الشات يسجل رقم محبوبته يهمس : اخاف اتصل ويكون اتصال في وقت غلط .. اغلق هاتفه يبتعد عنه يتنهد وتاخذه افكاره
___________________
مواقف المول
فجر : يلا ننزل
سجى تفتح جوالها وتتبسم من شاف كلام كاسر
ترد عليه " هلا والله ياروحي بخير ابشرك والله مشغوله مرره لاكن لا فضيت بدق عليك انتبه لنفسك وماسوينا الا الواجب"
البنات : يلا
فجر : سجى خلصيني
رفعت راسها لفجر ميته ضحك : طيب يلا
فجر : وش الي خلاك تضحكيني وريني
سجى : لا وخري مناك
فجر تصغر نظراتها : طيب ماردك قايله لي
سجى : تعالي بس نلحق على البنات
فجر :طيب اصبري خليني ازعل شوي
سجى : قالت ايش خليني ازعل .. ركضت سجى تبتعد عن فجر تنطق بصوت عالي : اجلسي لحالك هنا اذا بتزعلين
فجر لفت وراها تشوف الظلام وسيارات والهدوء يخوف حست بخوف : لالا والله ماعاد افكر ازعل بس لا تخليني
وقفت سجى تضحك تمد يدها : يلا تعالي
فجر تحاوط يد سجى وتدخل معها المول
وهج : مافيني حيل للجامعه طيب
ريوف : بدون نكد تكفين
ويهام : خليها ماترتاح لين تنكد علينا
وهج : خير وش قصدكم
ضحكت ريوف تحتضن وهج وتنطق: ولا تزعلين نكدي انا اسمعك
وهج : لا تحاولين ترقعينها زعلت
ريوف : يلا عاد شوفي شوفي هناك اشياء حلوه
وهج نست الزعل : وين وين
لفت ريوف تبتسم لويهام
ضحكت ويهام تتمشى وراهم تنتظر فجر وسجى لفت وراها تشوفهم يتقدمون لها
ويهام : وين رحتو
سجى : اسألي الزعوله
فجر : يلا عاد
ابتسمت سجى : بنات معنا ساعتين بس مانبي الوقت يروح على المول والملابس
ويهام : تم
فجر : ابد اوعدك بعد اخلص قبل الساعتين
سجى تعطي ريوف ووهج نظره : والاخوات
وهج : افا عليك ماراح نطول
ريوف : اكيد
رفعت يدينها سجى تنطق : يارب تسمع منهم مانطول
توزعو البنات معهم ساعتين يجهزون للجامعه
___________________
فلة مساعد
طلع اسامه يشوف الغداء جاهز : يعطيك العافيه
الخادمه : الله يعافيك شي ثاني
اسامه : لا ابد سلامتك
ابتعدت الخادمه تعطي اسامه راحته
بدا اسامه بالغداء
__________________
مجالس فيصل
مابين سواليف الكبار تسحب سعد ولحقه خالد
ابتعد سعد يتوجه لسيارته ويحوم حولها
خالد : لالا الشوق فاضح
سعد : اخخ انشهد .. طلع البكت يوسطها مبسمه يتأمل سيارته
خالد : يلا بتروح معك للخبر لا تخاف
سعد : تروح معي ولو ماخذيتها من اخذ بس لاكن والله يا انا بفقد لي شي في الرياض
عقد خالد حاجبه : وش هو
سعد يزفر دخانه : اخخ بس ليت الهوى كله وصال وتلاقيي
خالد : هيهه انت ياورع لايكون قلبك مسروق برياض
سعد : اي والي سارقه عاجبني وفداه قلبي وسعد بكبره
خالد : من بقى من احفاد فيصل ماحب مابقى الا انا يلا عقبالي
سعد ضحك : ياولد باقي باقي معك للحين ماطاحو
خالد : اشوا يعني ماني لحالي
سعد : تركب
خالد : وجدي ؟
سعد : اجل يلا رجعنا
خالد يتأمل سعد وهو راجع ابتسم يركض : تسابق
سعد رفع ثوبه يلحق على خالد : ابن ابوي والله ماتروح
وقف خالد بعد ماوصل : اخ واخيراً رجع ولد العم متعافي مثل مكان
ضحك سعد يفلت ثوبه : انت شوفتك لحالها تجيب العافيه يابو سعود
ابتسم خالد : ندخل
سعد : يلا
فيصل : سعد
فز سعد : لبيه
فيصل ابتسم : تعال يابوي
تقدم سعد لجده : سم ياطويل العمر
فيصل : رح يابوك انت وخالد وطلعو الخيول مشوها من راح كاسر ما احد يطلعها
سعد : افا عليك ازهلني
فيصل : كفو
فز سعد لخالد : قم بنروح للسطبل
الفهد : الله يبارك لك في احفادك وعيالك يابو نايف
هذا ولد من في عيالك
فيصل : سعد ومسلط وطلال عيال نايف خالد ولد سعود
الفهد : بس احفاد الفيصل ذولي
ضحك فيصل : لا في غيرهم وفيهم الخير والبركه
الفهد : انشهد فيهم الخير والبركه يشهد الله اني حبيتهم
قاضي : من كان من فيصل فيه كل خير
الفهد : ابتسم اي بالله .. يشوف مسلط كيف يلاعب ولد صغير
ينطق :الله يخليلك ولدك يامسلط
ضحك مسلط من اعماقه وسلمان بحضانه : اللهم امين
الفهد : مشاءالله شكلك اكبر من عمك سلطان
مسلط : لا ياعم ويني ووين سلطان
الفهد : مشاءالله اصغر منه ومتزوج وعندك ولد
مسلط ينظر لجده بضحك : الله الله
الفهد : خله يجي بسلم عليه
مسلط : سلوم روح يابوك لعمك ابو مهاب
ركض سلمان وهو يضحك ملبي كلام مسلط متجه للفهد
ابتسم الفهد يحتضن سلمان وينطق : بسم الله عليك ربي يحفظك انشهد ان الاطفال نعمه
ضحك فيصل : اي والله الله يخليهم لنا لاكن ترا مسلط يمزح عليك ولا هذا ولد سعود ولدي
الفهد بصدمه : بالله عليك
مسلط مات ضحك وهو يشوف صدمته : وجدي صادق
الفهد : مانك بسيط ياولد نايف حسبتك متزوج من حنيتك عليه
مسلط : اغليه وابشرك اخذ الغلا عن عيالي
الفهد : لا لا ذا الصغير سوا فيك عمايل
مسلط : تفديه روحي وان بغيت بعد اعتبره ولدي
الفهد : الله يرزقك البنت الصالحه الي تملي لك البيت
مسلط بحماس رفع يدينه : اللهم امينن ياكريم
فيصل ابتسم : امين امين ذا واضح عليه ماهو مطول وقريب بنفرح فيه
مسلط هجد وحس ان جده كشفه : لالا وين ياجد لاكن الدعوه ماتتفوت
فيصل وعيونه بعيون مسلط : اي اي
قاضي بضحك : خلاص اترك الولد يافيصل قالك توه
____________________
مربط الخيول " قصر فيصل "
سعد : يالبييه من زمانن مادخلت هنا
خالد : خلصني بس وطلعهم انا بنتظرك عند الجلسات
سعد لف يشوف خالد : بالله عليك بتخليني اطلعهم لحالي نجم يبي له اثنين يقوي قوته
خالد : البنات مطلعينه مو عاد انت راح وانت ساكت
سعد : وانت وش دراك ؟
خالد: مالك شغل وطلعهم
سعد : ابن ابوي ذي لي انا ؟
خالد : عجل يابن الحلال
ضحك سعد يدخل يفتح للخيول منهم نجم وقمرا وغيرهم كثير
طلع سعد يشوف الخيول وهي تلعب بالمربط : مشتاق لقمراء
خالد : ابي اعرف سر حبكم لنجم وقمراء
سعد : نحبها من حب راعيها
خالد : اقول تبي نتجول شوي بالخيول
سعد : من الحين اعلمك قمراء لي
خالد : انا باخذ ظبيه
سعد : ياحبك لها بس
خالد : افا عليك مسميه على جدتنا مانحبها وش فيك هي هاديه
سعد رفع يده : يارب ترفسك
خالد : وانت قبلي قل امين
سعد : حرام عليك تو تجبر كسوري
خالد : وليه تدعي طيب
سعد : عشان تتعلم كيف تختار
خالد يتوسط ظهر ظبيه الهاديه جداً : اذا فيك خير اسبقني
سعد فز يرفع ثوبه يركض لقمراء يتوسطها : يالله جاهز
______________________
اسامه بن مساعد
انتهى من الاكل
فزت الخادمه من شافته يقوم عن الطاوله
اسامه : تسلم يدك انا رايح ارتاح كم ساعه لا احد يزعجيني
الخادمه : ابشر
_____________________
البنات
فجر انتهت تماماً من اشياء الجامعه شافت كوفي قريب عندها تهمس: اف باقي نص ساعه يمدي اتقهوا وارتاح شوي
تقدمة فجر تطلب لها قهوه وحلا تجلس على احد الجلسات تتصفح هاتفها
______________________
القاعده تحديداً مكتب كاسر بن متعب
رفع راسه بعد تفكير طويل يهمس داخله : انشهد الشوق مايمزح بدق اذا ماردت عوافي واذا ردت ابركها من ساعه
_________________________
الكوفي
ابتمست فجر من شافت طلبها جاهز فزت تاخذه وترجع لجلستها لثواني معدوده اتصل هاتفها : لالا تكفون مو وقته ابي اتقهوا .. دققت برقم تنطق : غريبه وش ذا الرقم الغريب
رفعت هاتفها ترد : الو
كاسر تنهد وهو ملتزم صمته
فجر : مين معي
كاسر :صوتك مدى العمر .. والعمر ترحال
ووجهك ملذات العمر .. وامنياته
فجر ترد له الحركه : مين انت ياخوي مو فاضيه لك ابد
كاسر : اف ماعرفتك من ياخوي تردينها يابنت ناصر
فجر : تحمل اغلاطك
كاسر : خلينا من ذا كله
فجر : لا دقيقه رقمي كيف جبته وانا رافضه ؟
كاسر : جابه الشوق
فجر بخجل : لا تغير الموضوع جاوبني
كاسر : بعدين اعلمك وينك انتي
فجر : وليه اقولك وين انا ؟
كاسر : لاني زوجك
فجر : اي قصدك خطيبي ؟
كاسر : لا ياطيبه زوجك
فجر : طيب يازوجي العزيز
كاسر : وينك يازوجتي العزيزه ؟
فجر : بالخبر
كاسر : وين
فجر : مع البنات
كاسر : وين
فجر : بالمول
كاسر : وين
فجر : باكوفي
كاسر : وين
فجر بعصبيه: خلاص عاد مابقى شي
كاسر ميت ضحك : ها كيف العناد حلو ؟
فجر : اذا منك لا
كاسر : خلينا من ذا كله مشتاق لك
فجر ابتسمت : ماهو قد شوقي
كاسر : هويتك مثل ماتهوى البدو شوفة البراق
مشافيقٍ على شوف الحيا والقاع مرتدمه
فجر : كاسر متى تجي متى ترجع ويقلون مبروك كاسررجع ؟
كاسر : لاتخليني اجيك الحين للخبر
فجر تنهدت : ياليت والله الا بسألك
كاسر : عيوني امريني
فجر بتردد : امم الحين يعني انتم معكم بنات صدق ؟
كاسر ابتسم حس بغيرتها : ليه من قالك ؟
فجر : سجى
كاسر يهمس داخله سجى والله ما اخليك : اي معنا عسكريات
فجر : عندكم بنفس القاعده ؟؟
كاسر : غيرانه يابنت ناصر ؟
فجر : ها من قال بس مستغربه
كاسر : ماتترقع الغيره شوي وتحرق فيني
فجر ضحكت وبعدها انفجرت عليه : ياوويلك تقرب منهم ولا تتكلم معهم لا تلوم الا نفسك ياولد متعب
كاسر : ابشري بعلق ورا ظهري متزوج ممنوع الاقتراب
فجر ماتحملت وماتت ضحك : كذا تسوي خير
كاسر : افا عليك من الحين بجهزها انشهد
سمح المحيّا لا ضحك ينزاح هممي.
فجر : بسم الله عليك من كل هم وين ذيب عندك ؟
كاسر : لحول وش جاب طاري الذيب الحين ؟
فجر : اسأل عنه
كاسر : طيب طيب ابشرك
فجرتترشف قهوتها : بدون نفس
كاسر بحده: انتبهي لنفسك وخليك مع البنات وهذا رقمي ان بغيتي شي او نقصك شي دقي علي
فجر : ان شاءالله
كاسر : ودعناك الله ياحرم كاسر
فجر تسكرالخط تهمس : شفيه لا يكون زعل علي حتى انا الحين وش جاب طاري ذيب صدق ؟ اخخ اخخخ غبيه
تشوف البنات يتوجهون لها
سجى : وينك ياحلوه ندورك
فجر : اي نسيت اقولكم اني هنا كنت منشغله
سجى شافت فجر وحست ان فيها شي : خلصتي ولا باقي
فجر : لا خلاص
وهج : حتى انا تعبت بعد
ويهام : خلونا نرجع يلا
ريوف نتقهوا ونطلع شرايكم ؟
وهج وويهام : لا
ويوف : لحول طيب بخاطري
سجى : خلاص حنا بنسوي فعاليات اكيد بنطلب قهوه
فجر : اي ماعليكم بس نبي نرتاح شوي
_________________________
القاعده مكتب كاسر
يهمس داخله : كنك قسيت عليها يابو متعب
طلع كاسر من مكتبه يتوجه لساحات القاعده
_________________________
الرياض تحديداً قصر مريم الفيصل
نزل منصور : وين المدام حقتني
ضحكت مريم ترفع يدها : موجوده
منصور : شرايك نطلع نغير جو قبل نرجع للخبر
مريم : بس ماجهزت لا شنتطي ولا شناط البنات
منصور : في الخدم بيساعدونك لا تخافين وبين بالخبر جاهز مثل ماتبين ينتظرك تنورينه
ابتسم مريم : تمام عطني دقايق البس وانزل لك
منصور : انتظرك
فزت مريم تتجه لدور الثاني تحديداً الغرفه الخاصه فيها
_____________________
قصر فصيل تحديداً جناح متعب
تنهدت مدار من حست انها انتهت من اشغالها على الابتوب
تنهي اشغالها ومواعيدها بشركه تهمس : ماعندي وقت لازم ارجع للخبر قريب
رفعت هاتفها تتصل على (تركي)
تركي : لبيه يامدار القلب
مدار : انقذ عمتك تكفى
تركي : شفيك
مدار : لازم ارجع للخبر الليله
تركي : ايي قصدك الجتمعات الي منهله عليك
مدار : ايي ذا قصدي
تركي : افا ياعميمه انا معك احتزمي فيني ابد انتظرك بالخبر لا وصلتي عطيني خبر
مدار : يالبى قلبك ياتروك تم
انقطع الاتصال
فزت مدار تطلع من جناحها
تتوجه للخدم : مين الحلوه الي تساعدني
احد الخدم : انا
مدار : كفو ابي ترتبين كل شي يحصني ويخص سجى بشناط السفر
الخادمه : مدار بتروحين للخبر ؟
مدار : اي لو بيدي جلست
الخادمه : لا تطولين علينا
مدار : ابشري
الخادمه : خلاص ووحي ارتاحي مع امي ظبيه وخلي الباقي علي
مدار : لولاك مادري ايش اسوي
طلعت مدار تتوجه لجلسة جده ظبيه
مدار : مساء الخير على احلا جده ظبيه
ظبيه : ياهلا بـ ام كاسر مساء النور
مدار : لا تكفين الا ام كاسر احسني كبرت
ظبيه : اص اص لايسمعك ولدك
مدار : خلاص موافقه انتي تناديني كذا
ظبيه : والله ياللبنات فقده بعد عمري مسوين جو
هياء : اي والله بسم الله عليهم هم والعيال بعد لهم فقده
ظبيه : ماتصلتو عليهم
مدار : الا البنات بخير ابشرك
ظبيه : واحفادي الضباط
هياء : والله مادري
مدار : خالتي شرايك اجيب جوالي نتصل عليهم ؟
ظبيه : ابد دام بسمع صوتهم موافقه
مدار : ابشري من عيوني الان اجيبه
فزت مدار بسرعه تصدم في مها
مها : خير ماتشوفين ؟
مدار : مانتبهت لك
مها تبعد مدار بقوه : اقول وخري بس
مدار تهدي من نفسها تستغفر
مها : مساء الخير
هياء وظبيه : مساء النور
مها : ما احد شاف سلمان ؟
ظبيه : اكيد عند جده
لدقايق رجعت مدار تضحك : جاهز ندق
مها بنظرات غيره : شعندك مشتطه
مدار ولا كنها تسمعها ابد
ظبيه : يلا يلا دقيلي على احفادي
مدار اتصلت على كاسر تشغل السبيكر
كاسر بين اصوات الرمي بساحات : هلا والله بالغاليه
مدار قلبي
مدار : يابعد روحي ياكاسر حبيبي ابتعد عن المكان الي انت فيه جدتك تبي تكلمك
كاسر بسرعه ابتعد عن ازعاج الرمي ينطق : لبيه
ظبيه : اخبارك ياعين ابوي
كاسر : ياهلا بزين ابشرك بخير طمنيني عنك
ظبيه : بخير ياروحي انت دامك بخير طمني عن ذيب وسند
كاسر : ابشرك طيبين ومستانسين رغم التعب
ظبيه : هم قريب عندك ياكاسر خلهم يكلموني
كاسر : لا والله لاكن بخليهم يحظرون لك الان عطيني دقايق
ناد العيال كاسر بجهاز لاسلكي : الضابط سند بن مساعد والضابط ذيب بن منصور حظر في مكتب الضابط كاسر .. تسمعني
ذيب : سم
سند : الان جاي
كاسر : دقايق ويجون ياجده
ظبيه : متى ترجعون اشتقت لحسكم
كاسر : قريب بإذن الله بالكثير شهر
ظبيه : كثيره لاكن الله يعينكم
كاسر : اللهم امين مانبي منك الا الدعاء والباقي ازهلينا
ظبيه : مانسيت عيالي كيف انسى احفادي ربي يحفظكم يارب ويرزقكم ماتتمنون
ابتسم كاسر : اللهم امين ،، فز على دخول العيال
ذيب بتعب : وش العلم ؟
سند : العلم وش يابو متعب ؟
كاسر : العلم سلامتكم جدتي ظبيه تبي تسلم عليكم .. فتح السبيكر ينزل جواله
ذيب : يالبيه ياصوت الحنون اخبارك ياقلبي
ظحكو البنات من اسلوب العيال مع جدتهم
ظبيه : بخير ياذيب ابخبارك طمني عليك
ذيب : ابد طيب مثل ماتحبين
ظيبه : الله يجعله دوم يارب سند سند وينه
سند انحرج : سمي ياعمه
ظبيه : اخبارك ياحبيبي عساك بخير ومرتاح
سند : بخير ابشرك والراحه شي نسمعه ولا نعرفه
ضحكت ظبيه : بسم الله عليكم الله انتم اعيالي ينشد فيكم الظهر شجعان وكل واحد عن عشرين رجال
ذيب بحماس : انشهد
كاسر : يابعد راسي ابد حنا تحت امرك
سند : انتي قولي ياعمه وحنا نفعل
ظبيه : ابيكم تستعينون بالله وتتوكلون على الله وتتصبرون لين يبشروني برجعتكم
العيال : ابشري
ظبيه : يلا ماطول عليكم
ذيب : دقيقه ياجده ماتخطيت حبيبي يوم تنقال لسند وانا ولد البطه السودا
ضحكت ظبيه : ياحبيبي ياذيب وليه الزعل
ذيب حط يده على قلبه : كثير على قلبي ياجده
ظبيه : ودعناكم الله
كاسر : جده خلي امي مدار تكلمني
مدار : لبيه
كاسر يعطي نظره للعيال: شعندك انت وياه يلا كل واحد على شغله
ذيب : اخصك اقو ارجع افتح السبكر
كاسر : لا ذي الغاليه راح عن وجهي بكلمها
مدار : خلهم ياماما ياكاسر
كاسر : ترضين تحرقين قلبي من الغيره
مدار : بسم الله عليك
ضحكو العيال يطلعون يتركون كاسر براحته
كاسر : اخبارك يابعد الدنيا كلها
مدار : بخير ياروح امك انت
كاسر : متى ترجعون للخبر ؟
مدار : الليله الكل بيمشي للخبر
كاسر : الله ياحفظكم طيب امي انتبهي على الصغيره وخليها تنتبه للجامعه
مدار : إن شاءالله شي ثاني
كاسر : اخبارك الشركه
مدار : عندي شغل كثيرر انتظر منى اروح للخبر بس
كاسر : وين خالي محمد ليه مايساعدك ؟
مدار : مايقصر خالك اهو عندك اشغال اكثر مني
كاسر : تهون يامداري تهون
مدار : هانت ابشرك من بعد صوت حبيبي وفرحتي الاولى
كاسر : يابعد راسي يلا ماطول عليك استودعتكم الله
مدار : اللهم امين وياك ياقلبي
انقطع الاتصال
_________________________
مجالس الفيصل
الفهد : يلا استذنك يافيصل ماودي نطول عليك
فيصل : افا يابو مهاب بتتعشاء معنا ان شاءالله
الفهد : لا والله الله يكثر خيرك الجايات ان شاءالله
فيصل : مايخالف لاكن انت قلتها الجايات لاتزعلني عليك
الفهد : ابشر
الفهد : يلا يامهاب ياولدي
فز مهاب يودع الجميع : ودعناكم الله يـ ال فيصل
سلطان : في امان الله
طلع الفهد وولده من قصر فيصل متجه لبيته
سعد : جدي استذنك طالع ساعه ساعه ونص وراجع
فيصل : الله يحفظك
طلع سعد مستعجل يشغل سيارته
خالد فز يلحق سعد : وين وين
سعد : عندي شغله لازم اليوم اسويها
خالد : زين لا تطول انتظرك
سعد : ابشر
حرك سعد يطلع من اسوار القصر : يلا يـ سعد وين نلقى محل ورد مرتب ؟
______________________
البنات
توجهو لفلة متعب يدخلون اسوارها
وهج : واخيراً
ريوف : اي والله
سجى : مو لذي الدرجه حسستوني طولنا
فجر : تشوفينن !!
ويهام : الصدق مالومهم
نزلو البنات للفله يغيرون
فجر : يلا بروح اجهز لنا الفعاليه واطلب لنا كم شغله
البنات : تمام
سجى : انا جايه اساعدك
فجر : تم
_______________________
سعد بن نايف
فتح جواله يكتب اقرب محل ورد حدد على اقرب واحد يمشي على موقعه
لدقايق وصل وجهته نزل بسرعته : السلام عليكم
صاحب المحل : اهلين وعليكم السلام امرني
سعد : مايامر عليك عدو ابي باقت ورد كبيره
صاحب المحل : وش الون الي تبيه
لف سعد على الورد : احمر
صاحب المحل : ربع ساعه وتكون جاهزه
سعد : زين شوي وراجع
طلع سعد يتجول بالمحلات يهمس : محل ذهب والله جيت بوقتك دخل سعد ينطق : سلام عليكم
صاحب المحل : مرحبا وعليكم السلام سم طال عمرك
سعد : سم الله عدوك ابد ابي لي اسواره تليق في راعيتها
صاحب المحل : فيه هاذي الاشياء الجديده شوف وش يعجبك
اقترب سعد يدقق بذهب يهمس داخله : عسى يعجبك اختياري
.. هاذي طلعها اشوف
صاحب المحل طلع القطعه يمدها لسعد
سعد : خلاص ابيها حطها لي في شي مرتب لاهنت
صاحب المحل ترا معها طقمها خاتم
سعد : اشوفه وين
صاحب المحل : سم هذا هو
ابتسم سعد : هذا المطلوب خلاص توكلنا على الله
صاحب المحل : الله يبارك لها ويزودك
حاسب سعد يطلع متجه لمحل الورد : بشر خلصت
صاحب المحل : افا عليك جاهزه
سعد : كفو في كرت عندك
صاحب المحل : اي عندك ذي الاشكال
سعد اخذ واحد ابيض تماماً حساب ياخذ الورد ويتوجه لسيارته يهمس : تستاهلين الورد والذهب ولا هو حقك حقك زود
شغلت سيارته يتوجه للمستشفى
_______________________
فلة متعب
نزلو البنات
وهج : رايحه اسبح مين بتنزل معي
ريوف : انا
وهج : يلا
ويهام تشوف ريوف ووهج متوجهين للمسبح : شصار
فجر : كل شي بطريق
ويهام : وش طلبتو
سجى : كل شي ماتتوقعينه
ويهام بحماس : ايش
فجر : بعلمك بس لا تقولي للبنات
ويهام : تم
فجر : طلبنا ستيشن قهوه بيوصل بعد نص ساعه وستيشن عشاء بيجي الساعه عشر
ويهام : الله لالا واضح بيكون ختامها مسك
سجى : افا عليك كل شي لعيونكم يهون
طلعو البنات للجلسات الخارجيه
سجى تتوجه للخادمه : تعالي ياحلوه طلعي لي الشاشه المتحركه وينها ؟
الخادمه : اوكيه
طلعت سجى للبنات : وش فيه فلم جديد نازل ؟
ويهام : خليها علي انا بحط
سجى : تمام
فجر : بنات نبي سماعه
سجى : ماعندي حقتي برياض
فجر : لا مو من جدك
ريوف : سجى مفتح الفله بشنطتي روحي جيبيها تراها بغرفتي اذا ما خذها اسامه
سجى : يمه اروح لحالي
فجر تغمز لسجى : اقول يلا استعجلي
سجى : بس لبسي ؟
ويهام : ترا كلها باب بينا وبين الفله روحي
تنهدت سجى : اف منكم
ريوف : حتى اكيد اسامه نايم ماله الا كم ساعه راجع
سجى : طيب طيب بروح
دخلت سجى للفله تاخذ المفتاح تلبس عباتها وتطلع لفلة مساعد
وقفت تشوف سيارته موقفه تعطي الباب نظره تتقدم له
تفتح باب الفله بهدوء وتدخل بشويش
سجى تهمس : يارب مايشوفني احد
تركب لدور الثاني تدخل غرفة ريوف : وينها ذي بعد
اففف وينها ..
طلعت بعد ماعصبت انها مالقتها دخلت اغلب الغرف تدورها مالقتها تهمس : لا لا مابقى الا غرفة اسامه
اخذت نفس عميق تتقدم وتفتح الباب بهدوء تام كانت الغرفه بارده جداً وظلام حاد تهمس : الحين كيف بشوفف
ابتسمت من شافت نور خفيف من تحت الستره تتقدم تفتح منها شوي
...
فتح عيونه يشوفها تتجول عنده كان وجها واضح جداً من بعد مافتحت الستره ابتسم من عرفها يهمس داخله : جابك الله يابنت متعب
تقدمت سجى تدقق حولينه تشوف وين السماعه كانت قريبه جداً من اسامه سحبها له بكل قوته
سجى : يمههه
اسامه بهدوء : اصص
سجى : اتركنيي
اسامه : تحلمين جيتي لين عندي وتبين اتركك بارد مبرده لا
سجى تتنفس بقوه من حست بنفاسه تضرب بصدرها
اسامه مستمتع بريحة عطرها الفاتنه قدرت بريحة عطرها تنهيه تماماً
سجى بهمس : اسامه ابعد عني
اسامه كان ملتزم صمته وكل ماله يقرب منها اكثر واكثر
سجى نشف دمها من خوفها تحاول تبعده منها : خلاص وخر
اسامه : خليك هاديه ماراح يجيك شي
سجى هدت شوي : طيب ابعد مني
اقترب اسامه يُقبل عنقها بهدوء كان قادر يوقف انفاسها بحركاته ينطق : خليك معي لا تتركيني
سجى : همم !!
اسامه سحبها تحته بقوه يوسد راسه على صدرها ينطق :
لبيه يا وجهٍ بشوفه تروح الهموم
ملاذي من الحياه ومن غرابيلها
تنهدت سجى : تأخرت على البنات
اسامه تركها فزت سجى تنزل عن السرير : وين السماعه
شغلي النور شوفيها بدرج الي تحت الملابس
فزت سجى بسرعه تشغل النور مانتبهت لعباتها المفتوحه فتحت الدرج تاخذ السماعه
كان اسامه هيمان بتفاصيلها : بجي معك انتظريني
سجى واقفه بصدمه من شكله شبه عاري تنزل نظرها : تمام
تقدم لها اسامه ياخذ يدها يطلع معها من غرفته يتوجه لباب الفله تقدم لها يُقبل خذها : انتبهي لنفسك
سجى انخجلت من حركاته ابتعدت عنه تطلع للبنات وقلبها ابد مو معها
ابتسم اسامه من شافها متوتره : انشهد ياحلوها من صدفه
رجع لغرفته مبسوط يكمل نومته
______________________
البنات
فجر : وينك تأخرتي
سجى : اسكتو بس يالله لقيتها
ريوف بضحك : وين لقيتيها
سجى صغرت عيونها تنظر في ريوف : مالك دخل
دخلت سجى ترجع المفتاح وتنزل عباتها تهمس : افف مجنون احس قلبي بيطلع
نزلت سجى للبنات تحاول تنسى
________________________
سعد بن نايف
نزل للمتشفى يسأل الاستقبال : لو سمحتي الدكتوره ابتسام منصور موجوده
الاستقبال : اي نعم اخوي اوصف لك مكتبها ؟ لانها مشغوله شوي وتجي
سعد : لا مايحتاج ،، رجع سعد لسيارته ياخذ الكرت يكتب : و أنا مَعاك أحبّ الأيام و أحبّ الدنيا و أحبّك
ثبت الكرت بوسط الورد ياخذ الورد والذهب يتوجه لمكتبها
ينزل كل شي على المكتب يجلس على كرسي مكتبها ينتظرها
..
موظفة الاستقبال : دكتوره ابتسام
ابتسام بعجله : هلا
الموظفه : فيه احد ينتظرك بمكتبك
ابتسام : مين
الموظفه : مادري
ابتسام : تمام تمام
توجهة لمكتبها تشوف بوكيه ورد وهديه معه كان الورد قادر يغطي سعد يمنعها تشوفه تقدمت للورد : الله من وين جاي ياورد
سعد فز بطوله : ياهلا ومرحبا بالقلب
ارتاعت ابتسام بضحك : من وين طلعت بسم الله
سعد : اطلع اجل ؟
ابتسام : لالا اجلس خلك مرتاح
سعد : هذا كله لك وتستاهلين وماهو حقك حقك اكثر من كذا
ابتسام : ياروحي ليش الكلافه
سعد : ادفع دم قلبي لعيونك كيف اعجبك ؟
ابتسام : الورد ؟
سعد : اي افتحي الهديه بتعجبك اكثر من الورد
خذت الكيس ابتسام فز سعد يحاوطها : اجلسي بمكانك يادكتوره
ابتسمت ابتسام تفتح الهديه وكان سعد يتأمل فرحتها
فتحت البوكس الاول سعد : دقيقه انا البسك
تقدم سعد ياخذ الاسواره يوسطها بيدها
ابتسام : الله تجننن
ابتسم سعد : يلا الثاني طيب حرام نتركه افتحه عنك ؟
ابتسام وهي تتأمل يدها: اي
فتح سعد البوكس الصغير يقدمه لها
ابتسام : الله الخاتم نفس الاسواره !!
سعد بضحك : شرايك بذوقي ؟
ابتسام : ماعرفتك ياذويق
خذته ابتسام تلبس الخاتم
نطق سعد : عقبال مالبسك خاتم الملكه بيديني
ابتسمت ابتسام بخجل : يعطيك العافيه ماقصرت ياروحي
سعد : تستاهلين ياروح سعد حبيت اخليها ذكره لك لاني راجع للخبر
ابتسام : من جد ؟
سعد : اي والله بشتاق لرياض وبذات انتي
_________________________
انتهاء ❤️❤️.
أنت تقرأ
حاولت احبك زود عن باقي الناس وأثري نسيت الناس من زود حبك♥️.
Randomالكاتبه : سجى العبيد حاولت احبك زود عن باقي الناس وأثري نسيت الناس من زود حبك♥️.
