الشوق لِك مَخلوق في قَلب وعيون ‏والحِب لِك مَزروع بين الحَنَايَا

2

نجي لبيت ابو سامي
كان الكل مجتمع على السفر والصمت هو سيد الموقف قام الكل عن السفره وبدت اريام تلمها وحنان تسوي شاهي قطع الصمت ابو سامي:وسيم كلمت ابو نواف مثل ماقلت لك كان وسيم يهوجس باللي شافه اليوم كان يتذكر شامتها اللي تحت شفايفها وشعرها اللي مغطي خصرها وروجها الاحمر هو اللي جاب راسه كان يفكر مو مع اللي ينادونه عصب أبو سامي رمى عليه الكاسه فز وسيم يناظر وش فيهم ناظره ابو سامي بحد:انت ماتسمع لي ساعه اناديك ولا تسفهني
ارتبك وسيم وقال:محشوم يبه بس كنت افكر ماني يمكم رد عليه أبو سامي بعصبيه:ليه وين كان تفكيرك يامدير الأعمال انت وشنهو التفكير اللي يخليك ماترد عليه هاااااه
كان بيرد وسيم بس قاطعه صوت سامي: خلاص يبه الولد ماكان يمك لف على وسيم وكمل: وانت كلمت ابو نواف ولا لا
تذكر وسيم انه ماراح وماحب يكبر المشكلة وراح يبوس راس ابوه وقال: خلاص يبه هد اعصابك انا والله إني اسف بس برضيك الحين وروح اكلمه لك هاه وش تبي انت أمرني أمر
رد أبو سامي بعد ماهدا: خلاص روح كلمه بسرعه اخلص عليه وانت سامي يبوك روح قول للبنات يجهزون القهوه وحطها بالمجلس وانا الحقك الحين قامو كلهم وكل واحد راح مثل ماقال له أبوه راح وسيم عند بيت ابو نواف وهو باقي يفكر فيها يبي يعرف هذي مين اللي استحلت تفكيره يبه يشوفها يبي يعرف هي بنت مين دق الباب وفتح له هاني
حضنه هاني وهو يقول:وينك يارجال لي اسبوع ماشفتك ضحك له وسيم وقال:احح كل ذا عشان اشتقت لي ياولد والله ماني هين لاعب فيك لعب ربت على كتفه هاني وقال:هذا الشوق وانا اخوك بس اقول اليوم تعال مكانا المعتاد لاتنسى ارتبك وسيم لان مستحيل ابوه يخليه يطلع فالليل وهو دايم يهرب ويغطون عليه اريام وحنان مع ذلك قال:تم إن شاء الله ماتاخر إلا اقول ابوك وينه؟ رد هاني:ابوي فالمجلس اقلط اقلط خلنا نتقهوا وبعدين نطلع سوا رد وسيم:لا والله انت تعال معي عشان ابوي يبي ابوك ضروري لايتاخر استغرب هاني وقال:خير عسى سلامات وسيم:ابد والله علمي علمك لكن الشايب ارسلني اكلم ابوك تعرف امور شياب ويلا ورني عرض اكتافك كلمه وانا استناك هنا راح هاني يكلم ابوه ووسيم كان واقف على الباب نزلت عبير تدور هاني عشان هو وعدها يوديها السوق اليوم تلفتت تدور هاني ودخلت المطبخ ومانتبهت للي كان يراقبها أنصدم وسيم انها هي نفسها اللي الصبح شافها كيف جات هنا ومين هي جاء هاني وقال ابوي يقول دقايق وجايكم ويلا امش قطع صوته لما نادته عبير لف ودخل وقال:خير تناديني والرجال عندي انصدمت عبير وقالت: والله ماكنت ادري خلاص والله ماعاد اعيدها مادريت ان فيه رجال تنفس هاني بعصبيه:هاه وش تبين ضحكت عبير تحاول تلطف الجو مسكت ذراعه وحطت راسها على كتفه:لاتنسى حبيبي هنو انك وعدتني توديني السوق ولا ناسي ابتسم هاني لانه يعرفها تحاول تلطف الجو كانت تضحك ماتدري انها تكوي قلب غيرها بضحكتها عند وسيم تصنم لما سمع ضحكتها ولما تنادي هاني حبيبي ابتسم لاشعور وقال في نفسه:اخخ بس ياحظك ياهاني والله انها تكويني بضحكتها وتمايل خصرها والله إني احلف انها ماهي بشر صدق محمد بن غرمان لما قال:كاملاً زينه ولله الكمالِ المحيا به وصوفاً يوسفيه انشهد انها جمرً يكوي
لف على جيه هاني وقال: والله اعذرني ياخوي لازم اودي أختي السوق اليوم عاد انا وعدتها وهي نشبه قال في نفسه والله انها احسن نشبه
لف ورفع عينه له: ابد والله خذ راحتك انا بروح البيت الحين وأن شاء الله نتقابل الليله بمكانا يلا تبي شي؟
هاني:ابد سلامتك خذ راحتك
راح للبيت وهو فكره معها هي اخذت جزاء من تفكيره واخذت قلبه يلحف بالله أن قلبه الحين نساه عندها نساه عند شامتها نساه عند خصرها
وصل البيت ودخل المجلس لف على ابوه:يبه كلمت الرجال شويه ويجي
دخل عند خواته وقال: أمي وينها ماشوفها
ردت حنان وهي تصب له شاهي: والله يطويل العمر أمي راحت عند جارتنا ام سعد تعرف ماعندها بنت واليوم مسويه حفله على تخرج ولدها وأمي حبت تساعدها وحنا نلحقها بعد المغرب قالت اريام وهي تناظر حنان ونست وجود وسيم:عاد اليوم متفقين انا وعبير نولع الحفله والله إنها رقاصه وانا من جنبها هههههههههههه
دقتها حنان وهمست:خير ماباقي غير توصفينها قدام اخوك
ردت اريام: والله انا ماقلت غير الصدق ماحد يجيب زي رقصها ماشاءالله اللهم لاحسد
قال وسيم وهو حب يعرف مين اللي شافها وبنت مين: إلا اقول اليوم مين جاء
ردت حنان قبل تتكلم اريام وتجيب العيد:هذي عبير اخت خويك هاني
انبسط وسيم لانه عرفها مين هي وقالت اريام:عاد ازيدك من الشعر ماشاءالله هي تقول شعر انا ماقول غير ياحظ اللي يأخذها امه داعيه له في ليله القدر
اقرصتها حنان:بنت حرام تقولين له وانتي وعدتيها مايصير
قال وسيم:ماني قايل لاحد بس صبي لي شاهي صيت حنان له شاهي وهو باقي يفكر فيها وش البنت ذي اللي استحلت تفكيره ليش أصلاً باقي يفكر فيها هو صار يهوجس فيها وهو اليوم شافها
عند ابو سامي فالمجلس
دخل عليهم ابو نواف معه ولد اخوه بسام
رحب فيهم ابو سامي وصب لهم قهوه وبعد السوال عن الحال قال أبو سامي: والله يابو نواف اني حاولت احطه بسمك بس رفضو هو كان مسجل باسم اخوك الله يرحمه وصار لولده اللي قدامك الحين مير انت تفاهم مع ولد اخوك وأن شاء الله بسام ماهو مقصر رجال ينشد الظهر فيه
انقهر ابو نواف وقال:هو بيتي انا ماهو لاخوي بس انا سجلته باسمه فتره لين اخلص اموري لكن الله أخذ روحه وبسام ماهو قايل شي لعمه إن شاء الله بعد فتره يرجعه بسمي ولا لا يابسام
رد بسام بخبث:ابد والله يا عمي لو تبيه الحين ارجعه بسمك قال أبو نواف: والله إني واثق فيك مير انا تعبان ماحد حاس فيني بس انا امنتكم بالله البيت لبنتي عبير واخوانها من بعدي رد الكل:الله يطول في عمرك
تعشى الكل وجلسو جلسه مافيها نفس ثقيله وبعد العشاء طلع الكل من المجلس وتوجه ابو نواف لبيته الخالي ودخل غرفه عبير وبد يصلي التراويح
وراح ابو سامي ينام بعد مارجعت ام سامي والبنات عند جارتهم ام سعد يساعدونها على التنظيف
عند بيت ام سعد
كانو البنت مع عبير وام نواف يساعدون ام سعد راحت ام نواف الحمام ودق الباب قالت عبير: انا بفتح اكيد ذا هاني اخوي طلعت معها الاغراض فتحت الباب بدون ماتنظر مين هو مدت يدها وقالت:هنوو حبيبي امسك أغراض امي بلبس عبايتي انصدم وسيم وهو اللي كان جاي يأخذ خواته مد يده يأخذ منها الاغراض وهي عطته ظهرها وقالت: هنوو اربط شعري يدي فيها مويه وانا مستشورته مارد وأخذ الربطه من يدها وربط شعرها وقرب يشم ريحه عطرها قرب يشم شعرها اللي يلعب على قلبه استغربت عبير ولفت وشافته هو نفسه اللي شافته فالحمام كيف جاء هنا
كانت بتصرخ بس سبقها وحط يده على فمها وحط يده الثانية تحت خصرها وقال:اشش ماني اكلك انا جيت بأخذ خواتي اششش لاتفضحينا
سكت عبير وهي تشوف قريب منها لدرجه انفاسه على رقبتها قرب من اذنها وهمس لها:وش سويت بقلبي انا والله إني اعترف انك هزمتيني انا اللي مايهزني شي هزنتي اليوم شامتك حط يده عليها وقرب من شفايفها انا اللي قاطع صوته صوت خطوات رجلين عرفت عبير انها امها دفته وقالت بدموع: تكفى روح امي لاتشوفك تكفى طلبتك مسكت يده وهي تقوله تكفى طلع بسرعه وقفل الباب ويسمع امها تكلمها
عند عبير كانت مرعوبه أن امها تكون شافتهم
ام نواف: وينك انتي لي ساعه اناديك
ارتبكت عبير:يمه الله يهديك انا هنا استناك انتي تاخرتي
وقف شويه وهو يشوف نواف جاء رفع نواف يده لوسيم
وبعد السوال عن الحال قال وسيم:انت وش تسوي هنا ليش جاي
رد نواف وهو يحك شعره: والله لنا ساعه نستناك تجي وماجيت وانا جيت أخذ امي واختي
رد وسيم: والله حتى انا بأخذ خواتي الساعه 9 وهم ماطلعو
عند البنات اتفقوا ان عبير تجي عندهم وامها وافقت بعد اصرار طلعت ام نواف وقالت:يلا يمه نواف خلنا نرجع أستغرب نواف ان عبير مو معهم قال:يمه عبير وينها ماهي معك
ام نواف: اتفقت هي والبنات بتجلس عندهم بيسهرون سوا ووافقت والله ماكان ودي بس قلت تسلي نفسها تعرف اختك الوحده قاتلتها وتبي تقعد مع البنات مارد نواف وكملو طريقهم
عند وسيم دق الباب وطلعو هم الثلاثه انبسط انها جت معهم وماخذت بخاطرها عليهم ورجعهم البيت وقال:اريام راحت له قال:انا بسهر مع الشباب وانتي غطي عليه لين اجي تكفين
ابتسمت اريام: أبشر وانا اخت وسيم والله لغطي عليك واخذ راحتك متى تبي تجي تعال
ابتسم وسيم: والله ونعم
راح لمكانهم المعتاد وجلس مع هاني لين يجي نواف
عند نواف وصل امه البيت ماحب يروح علطول جلس معها وتقهوا ام نواف:ياوليدي انا بروح انام وانت لاتسهر واجد ارقد بدري
نواف:ابد يمه ماني سهران واجد مير انتي روحي ريحي ونامي وانا بوضي وصلي لي ركعتين وبروح يم العيال بجلس معهم واجي
راح وضى وصلى سمع امه تناديه فز وراح لها انصدم من اللي قاعد يشوف امه جالسه بغرفه عبير تبكي وابوه في حضنها تجمد محله ماقدر يسوي شي هو قاعد يشوف ابوه اللي ربه ابوه اللي كبره وعلمه كل شي قرب وهو يهز ابوه دمعت عيونه وهو يبكي ويصرخ:يييببهه يبههه تكفى لاتخخخخليني يبههه مااااااللللي غيرررك
يبهه لاتتتتتخيلنااااا يبههه اصحى قول انااااا مافيييني شييي لف لامه وكمل بصوت مبحوح:يمممه تكفففين شوووووفي ابوووي يمممه خليييييه يصحى يمممممهه قرب من أبوه ويهزه يببببه تكففففى لا تخليييييناااا
صرخ صرخه قويه لدرجه سمعها هاني وفز لف هاني على وسيم: وسيم ذااا نواف فزو كلهم يعادون له وصلو البيت ودخلو وصلو غرفه عبير ونصدمو انصدم هاني وهو يشوف اخوه يحاول في ابوه يصحى وامه اللي متلثمه وتصيح فالزاويه قرب من نواف وقال:نواف تكفى لاتقول اللي في بالي تكفى ياخوك
لف نواف عليه وهو كله دموع بكى هاني وهو يصرخ:يببببببه يبببه لاتسووووويها يببببه لااااتتركنيييي يبببببه لاتكسررررني يببببه لاااااا قرب وسيم منه وهو يبكي ومسك هاني وقال:استهدي بالله لايخيب ظنك بالله خلاص هذا قدر مكتوب الليله يموت
لف هاني وهو يطيح بحضن وسيم ويصيح
خلال ساعه تجمعت الحاره على بيت ابو نواف من الصراخ اللي فيه كل واحد يبكي بقهر على
فراق ابوهم كل واحد يستنجد بالثاني ابوهم اللي علمهم المشي علمهم الصلاه علمهم اشياء واجد مات اليوم! ابوهم فارقهم وهو اللي كان يجمعهم على سفره وحده وشلون بيتحملون فراقه وشلون يقدرون ينسونه شلون بيقوون فراقه
في بيت ابو سامي
كلهم صحو من الصراخ وراح ابو سامي وسامي يشوفون وش فيهم ومارجعو للان لفت عبير للبنات وقالت بدموع:بنات انا خايفه اكيد ذولا اهلي بروح لهم مقدر اجلس هنا بنات تكفون
احظنتها حنان وقاعده تهدي فيها قامت عبير وقالت:مقدر اجلس كذا لازم اروح لبست عبايتها وطلعت وفي نص الطريق شافت وسيم خافت انه يسوي فيها نفس اليوم
حاولت تعجل شويه تجمدت مكانها لما قرب منها وقالت بدموع وقهر وهي تهدده:اقسم بمن حل القسم لو تقرب شويه لجمع الحاره عليك وترا ماسكت اليوم عليك عشاني راضيه وأن شاء الله الخبر بكره يكون عند ابوي
بكي بدون صوت لما قالت ابوي وقرب منها لين وضح وجهه لها انصدمت وهي تشوفه يبكي للحظه حست إن اهلها فيهم شي قربت منه ومسكت يده تترجاه :تكفى وسيم قول اهلي مافيهم شي تكفى لاتكسرني فيهم انا مالي غيرهم تكفى سكت وسيم وهو يبكي بدون صوت وعرفت عبير ان أهلها فيهم شي وقعدت تصرخ جلس جنبها ومسكها مع كتوفها: قولي أن لله وإن إليه راجعون استهدي بالله مايصير تسوين كذا هذا قدر مكتوب ابوك راح للي احسن مني ومنك
صرخت لما قالها عرفت أن ابوها مات وقعدت تصرخ:لا يببببه لااااتتركنيييي انا بنتتتتك يببببه تكففففى انااااا عبيييير اناااا وحيددددددتك لاتتتتتخليني يبببببههههه لاااااا تكسررررروني ببببههه لاااا تقققتلني وانااااا حييييههه وشلووووون بقووووى فرررررراقك يبببببه انااااا مقددددررر بددددووونك لااااتتركنيييي يبببببه انتتتت وعععددتنننننييي ماااااتخلييييني لييييش يييببببه تخخخخلينييي الحححييين انااااا مقددددررر بددددووونك يبببببببببببببههههه
تكففففى وسييييم قوووول كذذذبببب والله ماااااعلممممه بببببس قووووول كذذذذب اناااااا مممممقددددر بددددووونههه تكككفى
لفت على وسيم وطاحت بحضنه تصيح ماقدر يقوم ما قدر يقاومه بدا يمسح على ظهرها وحس انها هدت وأخذها لبيت اهلها ماحد ساله ليش جبته أو كيف بالعكس الكل اشكره
ومر اول ايام العزاء وكان بسام ولد عمهم يجي ماكان احد مرتاح له بس ماهتمو لان ماهو الوقت المناسب كان بسام واقف معهم في كل شي وكان ينام عندهم فالمجلس وبعد العزاء بيومين كان بسام راجع من الدكان ودخل بدون يتنحنح تجمد مكانه وهو يشوف عبير جالسه على عتبت الباب وضامه رجولها تبكي ماتكلم ولا تحرك عشان ماتنتبه له وضل يناظر شعرها من وهو يلفحه الهوا ماكان متوقع انها جميله كذا كان يشم ريحه عطرها قرب منها بهدوء وجلس جنبه لما جلس توقعته نواف وحضنته وتبكي تتلكم بس هو ماهو يمها كان منصدم انها ضمته لكن كسرت ظنونه لما قالت: نواف انا كيف اعيش بدونه تكفى عطني حل بدأ يمسح على ظهرها وهي تذكرت وسيم كيف كان يمسح عليها برقه اما هذا كان بخشونه رفعت عينها له وانصدمت دفته عنها ورفعت صوتها بعصبيه:انت ماتستحي على وجهك وش جابك هذا اخرت العشم تسوي كذا تخون اخواني ياللي ماتستحي ضل يراقبها كيف هي جميله حتى وهي معصبه قرب منها وقال بحده: انا ماشوف شي استحي منه لانك قريب بتكونين بحضني وحلال لي انا وبس ويخسي من يلمسك غيري تفهمين بصقت في وجهه وقالت بحده أكثر:تخسي ياشبيه الرجال انا مستحيل اكون في يوم لك والحين تلم عفشك قبل لا انادي اخواني تفهم ياشبيه الرجال

انتهى🤍.

اتمنى تنال اعجابكم

عطوني رايكم 👍