مرت 4 شهر على الكل بخير وسعاده
وبدا البرد يدخل عليهم بدت ليالي
الشتاء تجمعهم فوق نار وحده
في بيت ابو سامي:
كان الكل يتحرك على وصل سامي ونوره بالمولود الجديد ويتم تحضير الاستقبال
أبو سامي ماخلا احد ماعزمه عزم الكل
بجيه حفيده الثاني وام سامي مو اقل منه
والبنات واقفين على رجولهم من صباح الله خير مابقى شي على وصول سامي ونوره
راحت عبير للبنات من بدري عشان تساعدهم
على الاستقبال ومعها صنيه حلا
استقبلوها البنات وبدت تساعدهم
خلصو كل شي بعد صلاه المغرب جلسو
البنات فالصاله راحت اريام تجيب الراديو
شغلت اغنيه محمد بن غرمان وتمشي وترقص
شافتها عبير وقامت تتمايل بخصرها وترقص
لهم والبنات كانو يعززون لها وهي كانت
في قمه الفرحه جاهله اللي كان يناظر فيها
بكل حب هو من زمان ماشافها كانت اريام
تقول عنها تعرف ترقص لكن ماصدقها
بس اليوم صدقها لما شافها تتمايل بخصرها
تنهد: والله انك تلعبين على قلبي
بدو البنات يصفقون لها وهي ترقص
وشعرها يرقص معها على خصرها تكى وسيم على باب وهو يتاملها وده لو يختفون كل البشر ويبقى معها وده اليوم قبل بكره
تكون حلاله تكون حرم وسيم وده تكون اقرب له من جفن عينه لكن
الظروف لفت اريام وهي تشوف وسيم
واقف يناظر في عبير والإبتسامة شاقه وجهه ابتسمت لما شافت اخوها يحب
شافته كيف يطالع فيها بكل حب عرفت
انه يحبها من كل قلبه ماهو حب التسلي
تنحنحت اريام عشان تنبه وسيم قطع تامله ولف لاريام عرف أن احد جاء لف وطلع
وقلبه تركه معها بين يديها دخلت
ام سامي ترحب بنوره وبدو المعازيم
يجون وبدت سهرتهم لين الساعه 9 قامت عبير وراحت لامها:يمه انا برجع البيت مره تعبانه لفت ام نواف بخوف:ليه يمه وش
فيك ماحبت عبير تخوف امها:لا يمه مافيني
شي بس برجع البيت بطني يعورني بأخذ
علاج وبنام لا تخافين عليه تطمنت ام نواف عليها ورجعت عبير البيت وفي نص طريقها للبيت لفت شافت بسام دب الخوف في قلبها
بس مثلت الشجاعه لفت له :نعم وش تبي لاحقني ناظر فيها من فوق لين تحت واردف:
ماهو انا اللي اخلي حرمي يمشون لحالهم
وبنص الليل اردفت بعصبيه:انت وش تحاول
توصل له هاه فهمني وش تبي مني
رفع اصبعه لها:صوتك مايطلع عليه تفهمين
ولا اتصرف بطريقتي لفت بتمشي عنه لكن اسبقتها يده وهو يلفها عليه واردف بكل خبث:بكره انا جاي اتقدم لك وأن ماوافقتي ياعبير ورب من حط الروح فيني لخليك
بشوارع انتي واخوانك
ضحكت بسخريه:ليه أن شاء الله قالو لك
الديره كلها ملك لك ولا شلون
ضحكت وقرب منها: لايحلوه ماهي لي
لكن ابوك حط البيت باسمي واقدر اطلعكم منه اليوم قبل بكره
تجمدت مكانها وبققت عيونها شلون أبوها يسوي كذا حست انه يكذب واردفت: مستحيل
البيت باسم ابوي الله يرحمه والحين صار
ملك لي انا واخواني
دخل يده بجيبه وطلع ورقه ومدها لها
أخذتها بيد راجفه وفتحتها نزلت دموعها
على خدها من اللي شافته الحين البيت
باسمه انا واخواني بنطلع منه شلون وين نروح
وحنا يادوب نسدد ديون ابويه حنا بالقوه
نطلع لنا لقمه ناكلها كيف نطلع منه
قرب منها وكان بيسحب الورقه لكنها منعته
اردف بكل ثقه وخبث:بكره أن شاء الله اسمع
موافقتك عليه بعدها ارجع البيت لاخوانك
عطها ظهره ورجع كملت طريقها للبيت
دخلت غرفتها انهارت من اللي قاعده تعيشه
شلون البيت صار له بكت بكل حرقه:لييييييهه يبببببه تسووووي كذا لييييه اناااا كييفف اعيييش مععععه انااا ماااقدر اعييييش
ممممع واحددد مثله ليييه
بكت لين نشفت دموعها للحظه خطر على بالها
وسيم هي تحبه كيف تتركه كيف تكسر ثقته
فيها شلون تنزف لغيره وهي اللي بنت أحلامها
معه كانت تحلم بعرس كبير بالرياض مو فالديره وهي تعرف أن وسيم بيسويه لها
كيف الحين تقبل بغيرها وهي اللي تعشقه
وتعشق حروف اسمه نامت وهي تتمنى
يكون حلم كل اللي عاشته نامت وهي على أمل أن وسيم يجي وياخذها عن كل هذا
_
_
عند وسيم كان فوق الغيوم كان فرحان لانه
شافها واروا عطش قلبه كان يفكر فيها
ويبتسم لا شعور كان يهوجس فيها
وهو بين الناس جاء نواف وربت على كتفه:اللي أخذ قلبك وعقلك يتهنى فيه
ابتسم وسيم:ابد والله إني معكم بس افكر شويه بدا يسولف مع نواف وهو يناظر فيه
ويبتسم يشوفه يشبه لها مثل غمازتها ضحك نواف:ابك انت وشبك من اليوم تناظر فيني وتضحك لهادرجه انا حلووو
ضحك وسيم لما قال حلوو:اي والله انك حلوووو على قولتك
بدو المعازيم يرحون راح نواف يأخذ امه واستغرب عبير مو معها:يمه لاتقول بتسهر عندهم ضحكت ام نواف:لا يامك عبير راحت البيت اليوم تقول انها بتنام مارد عليها وكملو طريقهم وصلو البيت وراحت ام نواف تنام دخل نواف الغرفه عند هاني استغرب لما دق الباب راحو كلهم فتحو الباب ناظرو بعض باستغراب اردف هاني:بسام وش فيك
اردف بسام:لا مافيه شي بس جيت اسلم عليكم نواف:اقلط اقلط المجلس اجلس عندنا الليله وبكره توكل لرياض
فزت عبير لما سمعت صوت راحت لشباك وهي تشوفه عند اخوانه وكيف اخوانها يستقبلونه
وهو يهددها يطلعهم منه لو ماوافقت
بسام:لا والله بروح لبيت ابوي اللي هنا
بس انا ابيكم بكره بعد العصر ضروري
هاني:ابد حياك الله في كل وقت
رجع بسام بيت ابوه ودخلو العيال غرفتهم
ينامون عند عبير اردفت بدموع:يعني هو صادق خلاص انا ماني لوسيم بدت تبكي لين غفت بدون ماتحس
عند بيت أبو سامي
راحو كل الضيوف تجمعو كلهم بعد ماتاكدو أن نوره نايمه عند ولدها نطق وسيم وهو اللي من اليوم يفكر بذا الموضوع:اقول يبه عندي موضوع وحبيت أبلغكم فيه
نزل فنجاله ابو سامي:خير إن شاء الله قول يا ولدي اسمعك
ارتبك وسيم وأخذ نفس:يبه انا فكرت فالموضوع وقررت ابي اتزوج
انصدمو كلهم شلون بذي السرعه لكن فزت ام سامي: والله الساعه المباركه ياوليدي وابشر اني ادور لك احسن بنت فالديره واخطبها لك
عاد انت وسيم مين يرفضك
أبتسم وسيم لكلام امه وقال:الله يعطيك العافيه يمه لكن انا ابي لي اخت هاني ونواف
ومابي غيرها احد
نطق ابو سامي وهو يشوف الحب في عيون ولده هو عرف انه يحبها من فتره: إن شاء الله ياوليدي وابشر بس بيتك جاهز
رد وسيم:اي يبه البيت حقي جاهز والمهر جاهز بس باقي احجز القصر
عقد حواجبه أبو سامي:قصر ايش انت بتعرس وين
رد وسيم:انا بسويه بالرياض يبه
قالها وسيم وهو اللي قالت له اريام انها تحلم تسوي عرسها بالرياض
ابتسمت اريام وهي تشوف كل شي خطتت له يصير قدام عيونها
راحو ام سامي وأبو سامي ينامون وسامي طلع لنوره
باقي وسيم واريام وحنان
غمزت له اريام: أجل هاه بتعرس وتنسانا
اففاا بس هذي اخره العشم
ضحك وسيم: ابد والله مانساكم وانا اخوكم
لكن العمر راح وانا ابي اتزوج
اردفت اريام بضحكه:العمر راح ولا بتموت عليها
حنان:بنت انتي انهبلتي وش فيك على الولد خليه ينبسط ويستانس لفت عليه وكملت:انبسط وانا اختك وافرح ترا عبير كلً يتمناها عاد لاوصيك الله الله عليها
كلهم راحوا ينامون
عند وسيم حط راسه على المخده وهو يفكر
فيها يفكر كيف سرقت قلبه متى يجي الوقت
اللي يجمعها معه تحت سقف واحد ينام بحضنها ويصحى على عيونها نام وهو يفكر
فيها وهي نامت بعد بكى دام لوقت طويل عليه
انتهى🤍
عطوني توقعاتكم وش يصير معهم👍👍
أنت تقرأ
الشوق لِك مَخلوق في قَلب وعيون والحِب لِك مَزروع بين الحَنَايَا
Poetryالقصه تعتبر من الجيل القديم عن وسيم اللي في يوم وليله يحبها ويعشق الارض اللي تمشي عليها وعن عبير اللي في يوم وليله تفقد ابوها واعز انسان ويبدا ولد عمها يهددها لا أسمح بنقل الروايه بدون ذكر اسمي (اريام )
