الشوق لِك مَخلوق في قَلب وعيون ‏والحِب لِك مَزروع بين الحَنَايَا

8

نجي لمكان اول مره نجيه
بيت في وسط مدينه الرياض بيت تجتمع
فيه انواع المشاعر بيت كله حنيه بيت مافيه لاحسد ولا كره ولا حقد بيت كل الناس تتمنى
الأشخاص الموجودين فيه
بيت«الكاسر»
نرجع فالماضي شويه
قبل خمس سنوات تحديداً في الديره
كان البيت كله حزن ودموع كان كله اشخاص لايعرف اصلهم من فصلهم كلهم متجمعين يواسونهم على الفقد اللي صار موجود داخلهم
على اليتم اللي صار يلاحقهم طول حياتهم
اخسرو أغلى شخصين في حياتهم امهم الحنان والدلع والفخر بالنسبه لهم وابوهم الامان والستر والقدوه كل شي في حياتهم اخسروه
لكن ماخسرو الصبر والإيمان بالله.
من بعد وفاتهم قرروا يرحون ل الرياض ويعيشون حياتهم هناك منهم اللي يكمل دراسته ومنهم اللي يتوظف كانت عائله بمعنى الكلمه لكن الفقد فرق بينهم كان الكاسر بالمسبه لهم الام والاب ماكان يقصر معهم وهم بالمثل
لكن كانو كل فتره يروحون الديره لان فيها أشخاص غالين على قلوبهم
تعريف بسيط عن العايله الجميله:
الكاسر يبلغ من العمر 26 حنون على كل شخص يمر في حياته وهذي الصفه اللي الكل ورثها من أبوه كان اقرب واحد له وسيم عسكري من أفضل العساكره
عهد: تبلغ من العمر 24 حنونه بمعنى الكلمه خلصت الجامعه
وجلست تهتم في اخوانها وكانت ولازالت امهم بكل تفاصيلهم
مياسه: تبلغ من العمر 18 تدرس آخر سنه فالثانوي
غنين:تبلغ من العمر 9 تدرس في الصف الثالث
دلوعه البيت وكلمتها تمشي على الكل*
كان الكل توه صاحي من بعد سهرتهم البارح
نزلت مياسه راسه من النعاس اللي فيها
ناظر فيها الكاسر وبضحكه:هيي يابنت الحلال قومي لاتطحين فالسفره بنمشي حنا بعد شويه
تنامين فالسيارة
رفعت راسها وناظرت فيه نظرات كلها نوم ونسدحت واردفت:كوكو تكفى خلني انام
مقدر افتح عيوني من النوم خلها بكره نمشي لديره
ضحكت عهد لما غنين حطت راسها على رجل عهد ونامت اردفت:انتو وش فيكم قومو
مياسه: والله فيني خمول بنام
عهد:احد قال لك اسهري للفجر وانا اقول لك ياميمي نامي لكن لاحياه لمن تنادي غير فوق الجوال أربعة وعشرين ساعة
فزت مياسه بينهم واردفت:جوالي ماشحنته
تكفى ياكوكو بس ساعتين بعدين نمشي
وقف الكاسر على حيله ومسك اذنها:اصغر عيالك انا تقولين لي كوكو
مسكت مياسه يده تخفف عن الم شويه واردفت:عاد اسمك خايس وش اسوي لك
احمد ربك إني ادلعك
بقق عيونه ولف يناظر عهد وهي منصرعه ضحك على شكله واردف:اجل اسمي خايس هاه فكت يده وهربت على غرفتهم تشحن جوالها لف على عهد وابتسم على ضحكتها
واردف:انا بروح اودع خوياني ساعه بالكثير واكون عندكم جهزي كل الاغراض اللي تحتاجونها طلع وطلعت عهد ترتب الاغراض الباقيه
نروح عند بسام
كان يراقب بيت ابو سامي عشان وسيم يطلع
لكن استغرب أنه ماطلع لف بيروح لبيت عمه
وقف عند الباب ينتظرهم

عند اريام وعبير
بعد السوال عن الحال
قالت اريام بنبره زعل:سمعت أن ولد عمك خطبك وش هو ردك عليه أن شاء الله خير
تجمعت الدموع بعيون عبير لما جابت طاريه وهي تحاول انها تتجنبه لاحظت اريام دموعها
وحلفت انها ماتروح من هنا إلا وهي عارفه السبب قربت منها وحضنتها واردفت بكل حنيه:عبور قلبي وش ذا الحزن كله افتحي لي قلبك انتي مو مجبوره تكتمين وتتحملين كل ذا
قولي لي وش صاير معك والله بقف معك عون مو فرعون نزلت عبير راسها واخيراً نطقت:وسيم استغربت اريام منها ولكن حبت تطلع اللي في قلبها واردفت:وش فيه وسيم
بعد العديد من الشهقات طلع صوتها:وسيم دراى انه خطبتي نزلت راسها اريام بحزن:لا مادرى ابوي اليوم ارسله للعزبه على اساس انتي توافقين على هالبسام وتتزوجينه بدون وسيم مايدري
انصدمت عبير ان وسيم مايدري وهي اللي كانت تعاتبه لانه م جاء يخطبها مثل م وعدها
تذكرت اريام الورقه وقالت:اليوم على اساس أنه يجي يخطبك لكن ابوي منعه قال إذ جيت من العزبه نخطبها وهو ماكان عنده علم باللي صاير وعطاني ورقه قال اوصلها لك طلعت اريام الورقه وعطتها عبير وقالت بروح الحمام (الله يكرمكم) فتحت عبير الورقه بيد ترجف
حست بالفرحه لما قرتها وكان مكتوب فيها(يابنت الاجواد كان موعدنا اليوم لكن م الله كتب نلتقي وانا ابيك تنتظريني مثل م انا انتظرك كل يوم كلها اسبوعين وأن شاء الله راد واوفي بوعدي أن قالها الله) ضمت الورقه من فرحتها حست انها تمشي فوق الغيوم
لكن فجأة تذكرت اخوانها وين بيعيشون ماعندهم بيت ضمت رجولها وتبكي وتدعي على بسام اللي حطها بموقف لا يحسد عليه
طلعت اريام وسمعتها تبكي راحت لها ومسكتها واردفت بكل عصبيه:الحين تقولين وش صاير معك ولا أقسم بالله ياعبير لاتعرفيني ولا اعرفك اخلصي علي وقولي وش صاير معك
اردفت عبير والدموع مافارفت خدها:انا مابيه بس مجبوره اوافق عليه انا ابي وسيم ومابي غيره
انصدمت اريام: وليه مجبوره وش قايل لك هالبسام الشيطان مهددك صح
هزت راسها عبير بالإجابة
رفعت اريام صوتها من اللي قاعد يصير: وأنتي غبيه على طول صدقتيه
رفعت عبير صوتها:انا ماني غبيه هو هددني انه يطردنا من البيت إذ م وافقت
بققت اريام عيونها:كيف مافهمت
جلست عبير على الأرض وشهقاتها تنسمع من بعيد:البيت ذا باسمه وإذ م وافقت عليه بيطردنا
جلست اريام عندها وتحاول تفكر بحل ماتبي حياه اخوها تنهدم رفعت عبير رأسها لما سمعت صوته يكلم واحد من ورعان الحاره
ولفت على اريام واردفت: هذا صوته اكيد هذا هو
لفت اريام تأخذ غطوتها ولفت تركض للباب حاولت عبير تمسكها لكن ماقدرت
طلعت اريام بعصبيه وهي ماتشوف قدامها قربت منه ولما لف عليها طبعت كف يدها بخده
واردفت:يالخسيس ياللي م تستحي تهدد حريم
ي عديم الكرامه البنت م تبيك وانت راكض وراها تخسي انت تكون رجال
انصدم بسام من اللي جاه لكن حمرت عيونه من العصبيه كيف بنت تتجرأ تمد يدها عليه وشلون تقدر رفع يده بكل قوته بيعطيها كف لكن فيه يد مسكته ودفته على ظهره واردف:م عندنا رياجيل يرفعون يديهم على حريم
اما اريام انصدمت من اللي واقف قدامها
لف عليها واردف:وانتي بسرعه قدامي على البيت تماديتي واجد
دفته بعصبيه ورفعت اصبعها بوجه بسام واردفت: إذ انت رجال هددها مره ثانيه والله بتشوف شي مايعجبك ي عديم الكرامه
مسك بسام يدها ولفها ورا ظهرها واردف من بين أسنانه:مين انتي عشان تمدين يدك علي
مسكه هاني مع ياقه ثوبه ودفه على السياره واردف:انت شكلك م تفهم انقلع من هنا لانعرفك ولا تعرفنا م نعرف رياجيل يرفعون يديهم على حريم
مسك يد اريام ومشى بها لكن فلتت يدها من ورجعت لبسام وعطته كف واردفت: وعبير من اليوم ورايح حرم وسيم تفهم ي شبيه الرجال
كانت بتكمل عليه لكن وقفتها يد هاني :قلت لك أمشي قدامي م تفهمين انتي دجاجه
ولف على بسام:وانت وش تنظر هنا توكل على الله لايشيلونك من هنا جثه ركب بسام سيارته وحرك وهو حالف م يخليهم
مشى هاني وبيده اريام فلتت يدها منه واردفت:خير يالاخ باقي شويه وتشيلني
لف عليها بعصبيه:انتي شفتي اللي سويتيه
تمدين يدك على رجال وبنص الشارع بعد
تخصرت بيدها واردفت:لاتكفى خذا نعالك وضربني هذا اللي ناقص وبعدين الدجاجه م غيرك يالنتفه بقق عيونه واردف:انا الحين نتفه ياللي ماتستحين اطلقت ضحكه من بين شفتيها:انت الحين لو اجيب المتر اللي في بيتنا يطلع اطول منك
تخصر مثلها واردف:مسويه طالعه منها وانتي كبر رجلي
ناظرت فيه من فوق لين تحت واردفت:اقول توكل على الله لا اكمل عليك الحين
لفت ودخلت البيت وهو وراها لفت عليه واردفت:خير وش تبي بعد في كل مكان وراي انت
ضحك يبي يقهرها:لا والله انتي اللي وش تبين
ترا هذا بيتي إذ انتي ناسيه
قالت بتصريفه:طيب خلاص انقلع يالنتفه
طلعت راحت لبيتهم وهو دخل يدور عبير
دخل غرفتها ولقاها ضامه نفسها وتبكي
جلس جنبها وحطها بحضنه وبدا يطبطب على ظهرها واردف:ليه ياعبير وانتي تعرفين أن وراك اخوان يصيرون سندك ليه تخبين عنا انا لو مادريت الحين كان انتي رحتي فيها بس على شأنا ليه تبين تضحين بحياتك وتتزوجين الرخيص بسام اللي والله إني احلف أنه مو ولد عمنا ماخبرناه بشين ذا كان قلتي لنا وخليتينا نحلها ليه تكتمين كل ذا ليه خليتيني ادري من الغريب ليه خليتي الغريب يأخذ حقك وحنا اخوانك مادرينا
نطقت عبير من بين شهقاتها:انا ماكان ودي
تشيلون هم فوق همكم انا ادري انكم اخواني وسندي ومالي غنى عنكم لكن انا كنت خايفه عليكم وين نروح لو طردنا انا كنت بالحظه ذيك جاهله مدري وش اسوي كنت خايفه من كل شي
ردف بحنيه: خلاص حصل خير اهم شي لاتعدينها وإذ اسالوك قولي ماني موافقه
مسحت دموعها وهزت رأسها بالإجابة
قال هاني وهو حب يلطف الجو:ايي وش قصه
وسيمو طلع وراك بلاوي
ضحكت عبير واردفت:اقول تعرف الباب ولا ادلك يالنتفه
هاني:ياخي انتو وش فيكم اليوم كلكم غير يالنتفه يالنتفه انا احصلها من ام لسان ولا منك
عبير:لحظه ام لسان مين لاتقول اريام تكفى
هاني:ومين غيرها لسانها اطول منها احلف بالله أن لسانها متبري منها
حطت عبير يدها على بطنها من الضحك: عاد حدك إلا اريامي ماحد يجي زيها ياحبي لها بس
هاني:عاد والله يانها بردت قلبي يوم عطته كف
شويه وروح ابوس راسها
عبير حطت يدها على قلبها:يمه وش مسويه ذي ضربت مين اخلص علي
هاني:يوووه انتي مادريتي والله يانها مسكت بسامو وعطته ضرب لين قال أمين طلعت ماهي هينه اخت وسيم
قامت عبير بتروح تجيب شاهي واردفت:هاني
نواف وين
فتح عيونه للحظه واردفت وهو مستعجل:عبور
نسيت انا ونواف بنطلع الليله بنروح عند وسيم
انا بروح اتروش وانتي طلعي ملابس لي ول نواف طلعت وراحت لغرفتهم

انتهى 🤍

لا تنسون النجمه(⭐)
ولا تنسون اكتبوا رايكم وافكاركم ترا تساعدني*