إذن أذان الفجر والكل بدأ يطلع للمسجد
يصلي ويذكر ربه
بيت ابو سامي
صحى ابو سامي وراح يصحي عياله قامت حنان بعصبيه:بنت اريام قومي صلي
قبل تجي أمي انا خلصت صلاه وانتي ماشاءالله عليك راقده للحين
قامت اريام رفعت شعرها وناظرت اختها واردفت: الحين انتي من وين تفهمين عندك عقل ولا لا ناظرتها حنان باستغراب وكملت اريام:من أمس وانا اقولك ماعليه صلاه تجين تصحيني ليه الواحد مايعرف ينام منكم
رجعت انسدحت وكملت: يارب صبرني بس
متى يجي فارس احلامي وافتك من خشتك انتي واخوك
شهقت اريام لما شافت وسيم شال عنها البطانيه ونطقت: هلا وسيم حبيبي وش بغيت أمرني
رفع وسيم حاجبه:لايشيخه تبين تنفكين من خشتي أجل هاه لف على حنان:اقول حنووو هاتي المخده لاهنتي ضحكت حنان بشر وعطته المخده شهقت اريام:وسيييم تكفى مالي قدره فيكككم. بدو وسيم وحنان يضربونها بالمخدات وهي تحاول تنفك منهم صرخت اريام ودخل عليهم ابوهم بعصبيه:خيررر انت ويااااها صراخكم واصل اخر الحاره مربي لي بزران اناااا
رد وسيم:لا يبه حنا بس كنا نلعب لعب خفيف
رد أبو سامي بحد:انت اسكت ولا كلمه وحسابي معك بعدين هين بس
ناظرو بعض بخوف وطلع وسيم بالحوش عند
ابوه واريام وحنان راحو يساعدون امهم على الفطور عند وسيم وابو سامي
أبو سامي بعصبيه:تطلع بعد شويه للعزبه وتنثبر هناك اسبوعين تفهم
استغرب وسيم ليش هو بذات وذكر أن سامي في بيته عند زوجته ونطق:ليش يبه اسبوعين
وانا كل يوم عندها ارتبك ابو سامي بس نطق:البعارين بتولد وأبيك تكون عندها انا تعبان مالي قدره اروح لها واخوك مثل ماتشوفه حرمته توها والد
هز راسه وسيم وهو مو مرتاح: أبشر يبه مثل ماتبي افطر وروح لها
بدو اريام وحنان يجيبون الفطور وتجمع الكل على السفره اخذت اريام صحن فيه فطور سامي وزوجته وراحت حطته عند الباب ودقته وراحت
في بيت ابو نواف
صحت عبير على صوت امها:يمه عبير قومي تعالي افطري معي مابي افطر لحالي قومي حبيبتي
استغربت عبير:ليه يمه وينهم هاني ونواف
اردفت امها:هاني ونواف جاهم بسام ولد عمك مبارك وعطيتهم فطورهم تعالي يمه عندي
فزت عبير لما سمعت أن بسام هنا ردت بارتباك:ليه يمه بسام جاء هالحزه فيه شي؟
امها: والله يامك مدري عنه لكن يقول يبيهم في موضوع ضروري عاد الله اعلم
قامت عبير راحت للحمام وامها نزلت تحت
دخلت عبير الحمام وبكت:ياربي اكيد جاء عشاني ياربي انا مابيه وبدت تبكي وهي تفكر لو رفضته هم وين بيعيشون ماعندهم بيت وهي تعرف بسام قلبه قاسي من هو صغير وراح يسوي اللي في راسه بكت بكل حرقه وهي تدعي الله ينزل عليها معجزه وما تتزوجه غسلت وجهها
وطلعت لامها تفطر معها
عند نواف وهاني
سمو بالله وافطرو قام بسام راح الحمام وغسل ورجع وبدو هاني ونواف يجمعون السفره دخلو وبعد وقت قصير رجعو
معهم قهوه صب هاني لهم وقرب المركاء وتكى دام الصمت لوقت قصير
تكلم بسام: انا اليوم جايكم ابيكم في موضوع
انا ادري انه ماهو وقته لكن انا ماعندي وقت لازم ارجع لشغلي وعشان كذا جيتكم اليوم
استغربو هاني ونواف لكن نطق نواف:تفضل وشهو موضوعك أن شاء الله خير
اخذ نفس بسام ونطق:انا اليوم جايكم اطلب يد اختكم عبير منكم رحت اول شي لعمي ابو سامي وقال لي روح شوف قرار اخوانها
واهم شي هي وانا جايكم اليوم اطلب القرب
منكم وانا احلف لكم إني اصونها وحطها في عيوني
أنصدمو العيال منه كيف بسام اللي مايطيق الديره من بعد وفاه أهله بحادث لما كانو راجعين الديره وهو ماكان يجي لديره إلا لما يطلب منه ابوهم هز راسه هاني ونطق: والله ونعم فيك لكن انت تعرف هذي اختنا الوحيده ومالنا غناه عنها وانت ولد عمنا ونعم فيك لكن حنا لازم نسال عنك حنا مانعرف عنك شي واجد ووالله انه مو خوفاً منك حنا بس حابين نتطمن على اختنا معك قاطعه بسام: ابد والله انه من حقكم وانا الحين اعلمكم مكان بيتي ومكان شغلي روح وانا والله ماني زعلان منكم بالعكس ذا حقكم انتم واختكم
نطق نواف بعد تفكير:بس انت تعرف أن القرار الاول والاخير عند اختي أن كانها رفضتك والله ماتنجبر عليك وانا راسي يشم الهواء وان كانها تبيك ادعي أن الله يوفقكم جميعا
هز راسه بسام:ابد والله هذا المطلوب
راح بسام لبيته هو وافكاره الخبيثه
ودخلو العيال جوه عند امهم كانت عبير بغرفتها تنتظر لحظه دخول اخوانها ويخبرونها موعد وفاتها بنسبه لها كانت خايفه بمعني الكلمة تتمنى الموت ولا تصير على ذمته تمنت لو ابوها عايش ماكان صار معها كل ذا كل لحظه بفراقه تعتبر سنين بالنسبه لها بكت بكل حرقه بكل يوم كانت مشتاقه لابوها أخذت نفس وقالت:
أنت تقرأ
الشوق لِك مَخلوق في قَلب وعيون والحِب لِك مَزروع بين الحَنَايَا
Poetryالقصه تعتبر من الجيل القديم عن وسيم اللي في يوم وليله يحبها ويعشق الارض اللي تمشي عليها وعن عبير اللي في يوم وليله تفقد ابوها واعز انسان ويبدا ولد عمها يهددها لا أسمح بنقل الروايه بدون ذكر اسمي (اريام )
