طلعت وابالي النصر والعروس بس عروس ام
الربيعين الموصل ...نحررها ونخلص من الجرذان
نسيت اهلي وناسي ووهبت نفسي للوطن ماكو اغلى منه
الوحيد الي يستاهل انضحي اله
صح كلام ريحانه يرن بدماغي
ارجع الي قصي احتاجك
وكلام رواية نحتاجك ودير بالك ع نفسك
بس اني مثل السمجة اذا تطلع من المي تموت
هذا حالي من اعوف ساحة القتال
...........
يمكن صح اريد اطلع اريد ارتاح من ضغط البيت وكل شي .
طلعت وتركت كل شي وراية من هموم ومن حب ومن قهر
وصلت للكراح...بقيت ادور ع سيارة قررت اروح عبرية
سمعت واحد يصيح بموقعنا وكفت عرفت السعر
صعدت بسيارة .........
السلام عليكم ....
جاوبو الي بسيارة ياهلا وعليكم ..السلام شفت شباب باول المقاعد.....واحد كال تعال
اكعد يمنا همة كاعدين محاشك شفتها .واكفه كتله لا خوية اشكرك شفت الي بلصدر هم اكو عوائل وهم اكو عسكر
عفتهم وووخرت المقاعد وكعدت اخر شي بجهه الشباك
ثواني وبدة فكري يودي ويجيب واصوات اليبيعون باذاني الي بي بين جكاير ...جرك .جاي حار هذا البار بارد كلبك واباوع ع الناس الي صاعدة والي نازله مو شباك هذا هذا عالم كامل واني كاعد اباوع علية كل بشر عندة قصة من اطفال الى اكبار
وانت قصي قصتك شنو ؟؟؟؟؟؟؟؟؟؟؟؟؟؟؟؟؟؟؟؟؟
قصتي حبيت من الصغر وضاع مني كل شي بلمح البصر ورجعت ضيعت اخوي واحزامي
وتكفلت مرته وجهاله وصرت الهم اب وصارت ام لابنتي ودافعت عن وطن وخسرت ربع واخوان ودم وروح مني
سألت نفسي اني منو بينهم انني منو من الدنيا كلها
منو انت ابو شيبه ؟؟؟؟؟؟؟؟؟؟؟
منو اني
مجاهد
مقاتل
عاشك
عاشك دكه العشك الشيب بعشك محبوبته
ولليوم يشم عطرها بالحياطين
سؤال مأسأل روحي بيوم منو اني وشنو حياتي بين هاي الجموع وشنو الي حققت
غير القتال بسواح الحرب
هي حرب لو حب
جنت اقاتل اطلب بثار اخوي
واكتل كل ذكرى مرت بيه
لاااااااااااااا كول تكتل ريحانه صالح كل شي يوجع تكتله
اووووف شجاني
الافكار طيرت راسي
اباوع الكيا بعدها نزلت ادخن جكارة جان الجو حار وكفت كبال السيارة وعيوني ادور ع نفسي بين الناس عبالك اول مرة التحق
شبيك قصي شجاك
ضليت اتلفت وادخن واحد صاح باذني تريد مي ياولد
جفلت منه كتله لااااشبيك ..فززتني ياخوي
عفته وكعدت ع صبه
واعاين ع الوادم رايحه جايه
واسمع حلة نجف البصرة كووت
ماعرف ليش جان كل شي غريب بيومها
كل شوية فكري يروح بصوب
ساعه اكول خايف من حرب وساعه اكول لا قهرتني امي وروايه يبجون ورايه والجهال هم
وارد اجاوب بروحي
لا شخاف مايوم خفت حتى هسة اخاف
اي اكيد اهلي اثرو علية اي ابو شيبه
سمعت صاح السكن يلا صعدو
طفيت الجكارة برجلي
وعدلت شلت شفقتي من راسي باوعت عليها كتلها
خواتج نترسن طلقات خل نشوف انتي تاليتج شنو
ولبستها وصعدت كعدت
اخر شي كعدو يمي عائلة ام واب واطفال 3الطريق كله احس نفسي تعبان ريحانه تعبك قصي الى متى تبقى ريحانه بحياتك ولشوكت ذكرها يحيها ويموتك
ماحس بطريق اريدة يخلص واطلع من كل شي والتهي بلحرب
وقتل وموت بلكي اموت وارتاح عاد
لا احس هموم
طلايب الدنيا كلها تكابلت علية
دك جوالي وكطع كل الافكار عني
الووووو
هلا ياخوي
هلا اعبيس شلونك
بخير انت وين ؟
شوية واوصل للمقر ليش اكو شي
لا حبوب ماكو شي
الربع شلونهم
بخير
سديته منه
جانت
العائلة الي يمي ابنهم نام وكل شوية دافرني بخاصرتي فلفني ووتر اعصابي اااكثر ماصدك وصلت قبل لا انزل رن جوالي
اباوع
هاي روايه
االو
نزلت وشلت جنطتي
ها ام نجمه حبيبة
وصلت ؟
توني نزلت
اسمع صوتها كامت تبجي مشيت كملت وصلت للولد
شبيج الجهال بيهم شي امي اخوي
جاوبت لاااا قصي بس تعبت من غيابك وكل شي بلبيت فارغ
بالله عليج خرعتيني يامرة
بجت اكثر
شكو لعد
ماكو وعيونك بس شتافينا الك
بااعي روايه بس انزل وارتاح اخابرج
جاوبت مخنوكه ...............
خوش قصي...براحتك بسلامه توصل
سديته منها
طبيت والتهيت بربعي وسوالف وشفت الولد
وارتاحيت شوية
التهيت بلتحضير للطلعه
جان موعدنا نطلع ب3 يليل نتوجهه لاخر وجهه الموصل
صار الليل نمت تعبان كعدوني الولد كمت متاخر ممن نومي بسرعة بدلت وطلعت واخذنا من درب الى درب
من تعب لتعب
من كاع لكاع
كل شي بيها يختلف
حتى ريحة البارود تختلف هنا بيها شهكه الم
وحرارة وحركه
وريحه الموت والبارد وبس
بيها مدينه الاشباح مابيها حياه
طبينه للموصل جاننت عيوني تقرا لبشوارع وكل مكان ....
كل شي بيها يوحيي هاي مدينه الاموات ماكو حياه هنا وبين بناية وبناية مكتوب
.......الدوله الاسلامية باقية وتتمدد.......
اوتابع للدوله
منو الي بقى احناااا
بقينا
بس وين بقينا
جوة التراب
صفت شبابنه بحضن التربان
وعاشك عكب عاشك
يودع
اهل
وترن كلمه امي براسي
يمه انت تحرر اراضي
واني
اجابل صوررر كم
لا تحرك افادي يووم
بس ماكو شي ابالي
غير القتال وتحرير هالكاع من شمالة لجنوبها
وصلنا ونزلنا هنا ماكو تخطيط مباشرة وزعونة
اني وربعي نزلنا ع حدود السورية العراقية ربيعه
بعد ماستقرينا
طلعت اسوي كشف ع مكانه وحدي
دكيت ع روايه
دك دك
محد رد عفتها نايمه اكيد
رديت اكلب بسجل
صار رقم ريحانه
كبالي
ادك
لا قصي
هيج احاجي روحي
بس اسمع صوتها
خاف اموت
لا شبيك قصي..
سديته وضويت لان ظلام يعمي العيون
ضليت افتر واعاين
هنا اشجار
ومنا
تله
ومنا الحدود وجوووووله
ومنا صحراء
بقيت افتربيها مثل الطفل
وكفت رفعت لراسي للسما
كتله ربي
ردت منك عروسي
وصفت للغير وضاعت مني
ردت منك الشهادة
وماحصلتها
اني مامرتاااح
اييييييييييييييييييييييييي
عمر اكول تهووووووووون هنت اني وعمر الحزن ماهان علي
ارييييييييد زفه وانه عريسهااااااااا
وصوت هلي يرددون
هاااااااااااااااااااي الرادها وهاااااااااااااي التمناها
الشهادة
يارب اريد ارتاححححححح
تعبت فتحت ايدي
وصحت بعلو حسييييي
حلوووووووووووووو
هناااااااااااااا الموت المعدل
اذكرت امي من ادك الكاع وتوصيها بيه
نزلت ودكيتها
كتلها امانه الله .
رجعيني لهلي بتابوت
دكيتها ثلث مرات
رجعيني جنازة وجفني دمييييييييي
وللحكايه بقيه
