مشيت ..الكراج
اسمع صوت الباب وراي انركتعت
فزيت منها ..
وصلت للباب الرئيسية ..
اريد اطلع ..
يمكن اني مظلوم ويمكن اني ظالم
ويمكن لا هاي ولا هاي
الدنيا ظلمتنا
مرات الدنيا اذا تريد تظلم احد ..
توصله مرحله ..تخلي ميحس بشي بعد ..
جانت حياتي حلوة ..
غلطه صغيرة ..كلبت حياتي كلها حتى دربي ماعاد اعرفه ..
فتحت الباب ...وطلعت برة
صح حارة
بس بيها هوى عالي وعذيبي ..
سديت الباب ..
وضليت اعاين ع بيت ابوي ..
والي ربيت بي ..هنا سنين عمري المضن ..
هنا لعبت هنا ركضت هنا وكعت ..
وع هاي الدحه اول جكارة دخنت ..
سديته ..
وعرفت مالي رجعه بعد ..لهنا ..
بس ..ابو شيبة وين تروح ..
اروح للدوام ..
لا
اريد ارتاح تعبان ..اخابر عباس،
لا هو بيا حال ..
وين اروح ..حتى جنطتي ماخذيتها وياي ..
مشيت ..ع الرصيف ..
اسمع بابنه انفتحت ..
احس روحي جاهل وكلبي يخفك حييل
مثل ماجنت ازعل امي وارجع اصالحها وتكلي روح
ورة شوي تجي تصالحني ..
هيج اظن امي وراي ..
نزلت دمعه من عيوني ..
انفتحت الباب وانه داير ظهري ..
اريد اسمع يمه قصي ..
والله زيل عني صواب دهر ..
اريد اندار
سمعت امير يكول
قصي ..وين رايح اوكف يمعود ..
انداريت عليه ..
عوفني امير بحالي ..
خلي اويلي اهج ..
دوكف ياخويه اصبر شبيك ..وكفت ..
تعال كولي شنو ابالك انت ..
والله ماكو شي ابالي ..
وين راح تروح ..
اصعد للدوام ..
شنو هو يوميه دوام ..دتعال ..طب ..
لا لا ماطب..
اكعد خلي افهم شنو الي صار ..
مصار شي والله ..سوء تفاهم بيني وبين روايه ..
قصي ..شبيك ترة العمر يوم وراح تكضي عمرك كله هم وقهر ..كافي بعد ..
لا والله شبيك ياهم وياقهر اصلا عادي ..
اي مبين عادي ..هم ريحانه مو ..
ترة عمي انت حارك الدنيا عليها ..ازوجها وفضنة ..
مو طلعت ارواحنه ..عاد ..
لا انت الي عايش ويانا ولا انت الي الي عايش وي روايه ولا انت ..الي مرتاح سوي الي يريحك وبس
تريد الصدك يابن ابوي ..
شنو ..
ماعرف شريد ..
روايه زوجه مثاليه واودها حييل ..
والحشد دمي ماكدر اعوفه ..
وانتو اهلي ..
وريحانه ..؟؟؟؟؟
ماعرف ثق بالله ماعرف شنو الي اريدة
قصي ..بعدك تحبها ..
مادري ساعه اكول اي وساعه اكول لا ..
بس ؟؟؟
شنو ..
صليت اتلفت دنيا لليل وظلمه ..
كتله ..ماكو شي ..
الي بخاطري انساه ..
شنو بخاطرك غير اعرف ..
هسة امشي طب جوة ..
لا .مارجع امك متريدني ترة مليت وتعبت ..من البيت
راح اخذ روايه واطلع اجر وحدي
يمعود شجاي تحجي
ييي ..احسن حل هذا ..
اعوف كل شي واطلع .
امير ترة والله ماكتلت اخوي اقسم بالله ..
كمت من يمه وكفت كباله ..
واشرر ع الدرب ..
ولك بجبهه ادوس روس الدواعش وعيوني ع اخوي والشهداء
اخذ بثارهم ولك والله لو ادري خطر يمسى
ماخلي يلتحق ..
هو هواها هم مو بس انه كتله صح ..اتفق وياك جببته بيها بس ماكتلته..
ماردته يموت ولك هو احنا شكد..
ثلاثه ..
قصي عوفها يمعود تروح انت منا تكعد تون عليك هي هيج
ماتدري بيها
لا لا امير تحرك روحي بكلامها
وكمت اضرب ع صدري
ولك روايه تكولي رووح مو احسن من الي راح ومارجع ..
