القربان (الجزء الثاني)

البارت السادس

القربان
الفصل الثاني
ج 6
#سوزان المندلاوي
اندار صالح عليه ..
بقيت واكف
كال ..هلا بابو شيبة شلونك ..
هلا هلا بصوت ضعيف حمدلله ع سلامتك شلونك ..
ولا كانما اكو بيناتنه شي
سلمت عليه وضليت وكاف وي الولد
فكري هناك جوة ..
هم راح ابتعد وانشمر بعيد مثل الشاطي
والبلم هيج عشكي يوديني ويردني ..
وين يردني ماعرف ..
بقينا انسولف
الي عرفته طالع .ومحد يعرف بي يعني رياحنه مكذبت عليه بشي ولا ضمت شي ..
ترخصت منه وكتله ..اروح وامرلك العصر ..
ودعته ومشيت مثل المضروب ع راسة ..وضعي ..
وصلت بيتنا ..
فتحت الباب البرة وطبيت جوة امي كاعدة
بابمطبخ من الصبح ونونه يمها
شافتني نونه ركضت حضنت رجلي
وامي دا ت وجهها عني .
طبيت جوة وشلت نونه .
كتلها ام سالم ..
دنجت ..
يمه ..
حجايتين احجيها ورايح اني
اني راح اجر واطلع منا
رفعت راسه كالت ييييمه ..
اي طالع اخذ روايه والجهال ..
تعبت هنا ..
قصي ..
كافي ام سالم ..
انتي مو امي بس ام سالم وامير
اما اني امي الظيم والقهر
هناك اهلي بالجول ...هناك مو هنا ..
دامسي ..
رجعت كتلها خلي ابالج راح اخطب بنت ياسين
تجين هلا بيج ماتجين هم كل الهلا
مشيت ..رديت رجعت ..
كتلها والراتب كله يمج مثل قبل ..
بس ..ردتج يوم واحد وياي مو عليه ..
ردت احس اني ابنج مو كتال ابنج سالم ..
ردت وردت بس ماحضيت بشي ..
كامت تبجي ..
قصي يمه قلبي محروك ع اخوك وانت ..
رايح يمه .
صعدت فوك كلبي يبجي مو عيوني ..
طبيت للغرفه بعدها روايه نايمه ..
تقربت منها ..
وكعدت ع الجربايه ..
فزت ..
قصي ..
اي ..
كتلها حضري غراضج راح نشيل منا ..
ليش ..قصي ..
كامت من يمي وشربت مي ..
وين نروح ..
نشيل نكعد وحدنا ابيت ..
وراح اخطب ريحانه ..
هااا واني وياها نكعد بيت واحد ..
اي ..
يعجبج لو لا ..مو هذا الي ردتي ..
ي ردته عمودكم بس مو هيجي تعوفنا بيت واحد ..

روايه الي تريدي شنو ؟؟؟

ها تزوج ..ربحانه ..
واي راح ازوجها ..
بس ابقى هنا اني ..
مددت ع الجربايه ..
صحت اخ نضربت ع جرح راسي ..
كالت شبيك ..
كتلها ليش متدرين اني مصوب ..
سكتت ..
تدرين لو لا ..
زين سؤال تعرفين اني من نزلت لليوم وين وليت وبن رحت وين جيت ..
اسالج سؤال بالله عليج ..
الي ردتي راح اسوي .هاي وحدة ..

فديوم حسستيني اني رجلج ..
فديوم اهتميتي بيه مثل باقي المزوجين ..

لو بس اني الي اهتم وانكل واسوي واجيب واودي

لو بس اني عليه العتب ..والحجي ..
هااا
اسالي نفسج قصرتي ويايه لا ..
صح ماكول لا بعيد عنكم ..لان اني مجاهد..

وهذا شغلي ..ماكدر اعوفه مو شغله فلوس
لا بدمي هالشي ..

بس بالله عليج ..من نزلت لليوم وصلتي يمي

عرفتي اكو صواب براسي ..

سكتت كالت اني تعبانه منك ..

ضحكت كتلها واني تعبان منكم كلكم ..