يعني شنو ؟؟؟
قصدج كل هاي تضحية ..علمودي ..
لا لا ..مضحيت بشي هذا واقع اني عشت ..وي سالم ..
وعشت وياك ..كافي عليه ..الي بي اني ..
عفتها وكعدت بالهول ..
جتي ورايه قصي ماله داعي ادوخ هذا قصي ..
بس اني اودج ..
كالت اني اريد اعيش ..وانت معايش ويايه
اتمنى ننفصل ..
درت وجهي عليها ..روايه ..عندي طفل منج ..
واذا قصي لا اول وحدة ولا اخر وحدة تنفصل
واقسم الك بالله مشايله عليك تعرف ليش ..
كافي سكتي ..
لا اسمعني الاول ..
لان المشاعر مو جبر وانت ويايه احس بجبر
كل شي ..
حتى كلامك غزلك ..تقربك الي ماحسة الي..
غلطانه والله ..
وكفت ع الحايط لا مغلطانه ..
انت تحس باخوك بقربي ..
.اني ادور بيك سالم
اثنينه نريد نعيش بس منعرف شلون
لههذا اريدك تكرهني ..
وياريت ترجعني يم عمتي وازوج هنا انت
بس مر علينا بين فترة وفترة ..
الله نعم عليه ب3اطفال هذا واجبي وحياتي وياهم
لا ضل مكابل الموت ومنتظر سراك ..
عيش حياتك قصي ..
روايه ..اني طلعت من يم امي لان تعبت حييل
منها ومن لومها الي ..
تعبت من كل شي
جنت اتعمد مانزل ماريد انت وانت السبب ..
مو منج والله ابد لا تفكرين هيج ..
انتي ماذيتيني بشي ..
تعاي اكعدي يمي ..
جتي كعدت ..
تربعت وكعدت كبالعا ..
كتلها روايه ..يمكن اني الغلط ..
ويمكن اثنينه الفلط ..
بس اوعدج ووعد الحر دين ..اني ماهملج ولا اعوفج بعد
خلت اديهاع حلكي كالت اسكت ...
ماريد وعد منك ..وحياتك مو الك ..
حياتك هناك ناذرها ..للحشد ..
جريت اديها بستها ..
كتله عيونج والحشد واحد
كد ماحبهن احب الحشد ..
هذا شي بدمي ..
ماكدر اعوفه ..
كالت يعني اذا ..تزوج ريحانه متعوف الحشد ..
لا طبعا ماعوف
لا بربك ..
اي والله ماعوف شي ..
لا انتي ولا الحشد اعوفكم ..
وريحانه ..؟؟؟
ريحانه غايه بنفس يعقوب ..
احجيها الج ..وماخاف ..غايه بروحي روايه ..بس ..
اكولج شي ..
اني ما عندي الحياه الوان ..
عندي ابيض واسود ياما ..
اوفي وامشي عدل
ياما اترك ..
ريحانه صادقت صح ..وغلطت وكبالي وشفت كل شي
بس ..ماكدر ماسامحها ..لان الجهاد مو بس حجي روايه
الكل لامني وحجة عليه ..
يوسف وخوانه ذبو ابير ..
هسة انه هيج ..
وانه متاكد الله ينصرني ..ويعرف الي يغض البصر عن الحرام
ويعرف الي يستر .ويستر ..ع حريمات العالم ..
ويعرف الي بروحي شنو ..
وشنو الي اريدة ..
وشنو الي تريدة ..
اريدج الج واريد الكون كله ..روايه عمري 27
بس كل التعب ضكت
تعبان مهموم مخنوك ..
مثلج اريد ارتاح ..كل شي بحياتي عكس يمشي ..
