القربان (الجزء الثاني)

البارت السابع

خير ان شاء الله شنو شرطهم ..

ضحك عمي ..كال شرطهم بيوم واحد

تكطع مهر وتزوج ..
طبعا اني بينهم كاعد ..
ماعرف اضحك مدري اسكت خليت ايدي ع خدي
وساكت وهمه ناصبين عليه ..
عمي ياسر يكوله لصاحبه شفته شلون ازرك .
ويكول لا عادي ...
ههههه ياعادي هاي ..
اني محجيت ..شي ..
معقوله كلها نفرجت بوجهي معقوله ..
هذا هو راح ارتاح ..
راح اذب تعب سنين ..اووف تعب من تعب ..صدك ..

كمت طلعت ..اسمع صوت امير عالي ..
مريت من يم غرفتهم ..صوته يحجي وهي ترادد
بي .
عفتهم ورحت للمطبخ

روايه كاعدة
كتلها ام نجمه حضري عشا للولد
وهذا شبي امير ..
كالت ..عادي هو دائما هيج ...
تقريت يمها ..
روايه
نعم ..
جرت من السله بتيته ..وكامت تكشر بيها ..

كتلها صح اني عمو ؟؟
شنو عمو
مو هاي مرت امير تصيحلي عمو ..
ضلت تباع عليه ..
كالت يجوز اني كبرتك .
وخليتك عمو ..
بلكي ..زواجك من ريحانه يرجعك لعمرك ..

روايه ..مو هذا سؤالي ..
لا قصي ..مابيك شي ..
اكولك هاي همبركر اكلي وبتيته وكبه كافي ..

كل شي من ايدج بي بركه ..
روايه ..
اقسم بالله اذا سبب تغيرج عليه علمود
ريحانه اعوفها افهمي هالشي ..ترة كاريد اخسر بعد
كافي الي خسرته وراح من حياتي ..
كالت لا .ربي يسعدك ..هذا هو الي اريدة ..

بهالاثناء كبت العيطه اكثر ..
وكمزت ..ع الغرفه ادك بالباب ..
ولك امير افتح ..
امير ..مرته تصرررخ ..

ع صوتها طلع عمي يمنا وامي جانت يمهم ..
فتح الباب امير ..
وسدها وطلع برة ...
ماكدر اطب جوة ..
بس هي فتحت الباب بوجهنا ..
مكفشه ..ومرعبله وسدتها حيل بوجهي وبوجهه امي ..

امي طبت عليها ..
اني جريت امير ..وطببته ..للهول عيب من الولد ..
كاعد ع اعصابه ..
كوة هديته عيب من الولد
وكل شويه يكوم ..يروح ويرجع
وهي مرته صوتها عالي يعني
دنرني الوكت ..
لا عمي الي يطلع ولا هي تسكت ولا امير كاعد ..
بقوا يسولفون
الى ان اتعشوا وشربوا الجاي وراحوا ..
بس عمي كلي ..
كلمتين بالباب
هلا هلا بامك واليتامه ومرتك
ليش هيج من ورة مرة تعابي اهلك
اني بقيت صافن علية ..
المن اعابي ..
كال امك كالت ..مزعلها ومزعل مرتك ..

ترة الله مايقبلها قصي الي بي انت ..

معرفت اجاوبه ..شنو بالي يم امير ..
والي راح يصير ..

كتله بعدين امر الك واني افهمك ..

راح عمي ..
طبيت جوة ..
وشفت امير بالمطبخ يهد ..
ومناك مرته بالغرفه ..تغلط عليه ..
تخبلت اني شكد شايف مزوجين هيج شي مشايف

هو يحجي هي ترد بعشر كلمات ..

وكل شويه يهم عليها ونلزمه اني وامي
وروايه يمها ..بالغرفه ..
ساعه اهدي بي
كبر ..
مو برزاله يكعد ولا بحجايه يخاف مني
كبر امير جسمه ..بس عقله نفس ماهو