هاي منو ..كمت اتلفت ..
اشش اسكتي ..
ريحانه تصيح قصي هذا ياسين ..
وصربت ع وجهها ..
امشي اختلك جوة ..
دفعتها طبي جوة ..انتي ..
ولك قصي ..شراح تسوي ..
طبي جوة ..
ثواني نحجي بهمس ..وضوة الطرمه ..طافي
شلون طبيت وشلون صار هيج
ماعرف
مافكرت بشي بس ...بس انحبس كل نفس بيه
ربي ادافع ع حريمات العالم ومايوم زليت .بشي
لا اطاطي راسي ياربي ...
بين اهلي ..
مرت الثواني
ريحانه طبت وسدت الباب ..
اباوع بجهه الحديقه اكو ..سكراب
عيني ع الباب شوكت تنفتح واني بالنص
واحس كلبي طلع من مكانه ..
وكفت ..بنص الطرمه ..
وغمضت عيوني ..
وابتسمت ..
مو قصي الي ينهزم من شي سواه ..
مو اني الي اختل ..
هو داعش جنت اطلع واواجهه ..
سمعت ..
فتحه الباب مال سيارة ..
والضوة عكس خيال رجلين ..
نزلت ..
اكو شي بداخلي ..موقف لحظات تعدة سنين وياي
ابالي ..
ردت شهادة ..
واهلي يفتخرون بيه
تاليها ادوس عتبه بيت .واحتمال انكتل بعار ..
هيج افكار ادك براسي..
مرت الثواني ..
وشفت ضوة السيارة ..
اشتغل من جديد ...
وصوت الباب ..نسد ..
وعيت وحسيت ..ع نفسي ...
تقربت من الباب ..سمعت بس سيارة شحطت ..
انتظرت ثانيتين ..
وطلعت من البيت ..شارع فارغ وظلمه ..
مشيت مدنج راسي ..
وصلت لبيتنا ..
احس الدنيا تفر بيه ..
كعدت ع الدجه ..
اريد اجر نفسي عدل ماكدر ..
كمت اضحك وي روحي شجاك ولك ..
لو ملزوم صدك ...
شلون كدرت اسوي هيج بروحي ..
بين ..مداريد اعيد ..وعيي ..
حتى اطب للبيت ..
وكفت سيارة يمي ..
رفعت راسي ..
سيارة ياسين هاي ..
كمت كلت هاي نهايتك قصي لا تححي شي ..
وكفت تقربت ..منها ..
اسمعه ..
يكول ولك انت هنا وامير كالب الدنيا عليك
يكول قصي ..اندعم ..
ونزل من السيارة ..
كتلة هاااا؟؟؟
وكف بصفي سلم عليه
شبيك ابو شيبه وجهك اصفر ومخطوف
كمت اتلفت ..
كتله واحد ضربني ونهزم ..
وينه معرفت منو
امشي اخذك للمستشفى
طتله لا لا ..تسلم ..بس شويه ارتاح
امير وين ؟؟:
كال ذبيته يدور عليك ..
وكلت ارجع اكول لاهلك ..
توني طبكت ..باب البيت و اجاني اخوك يكولي الحك
قصي نضرب
فترينا ماكو انت
تاليها ..
عفته ورجعت
اني صافن بوجهه وضل يحجي ..
حتى ماعرف شنو اجاوبة ولا اكوله
بقى يمي ..
يسولف اجه امير ..
وكف يمنا ..
واني صافن ع قابليه التمثيل الي عندة ..
ويحجي بحركه امير ..
اريد اعرف منو الطفل والاصغر اني لو هو ..
طب امير جاب صينيه جاي وبقى ياسين يمنا
يسولف ويحجي عن صالح واهله
ويفكر يطلع لتركيا ..
ياخذ ريحانه ويطلع يقدم ع هجرة ..
اني يمكن حجيت كلمتين ويمكن لا ..
الوكت كله افكر اني شجاي اسوي ..لو طاب عليه ..
اخخخ قصي وتالي وياك ..
لا لا مابيها نقاش بعد انتهى كل شي ...كاعد ادخن وهمه يسولفون ..اريدة يروح حتى اطب جوة
بعد الهبطه الي اكتلها ..
ولا بعد افكر بشي ..
دك فوني ...
طلعته
ريحانه يتصل بك ..
ضميته ..وسويته صامت ماريدة ينتبهه ..
دزت مسج طمني عليك راح اموت من الخوف ..
قريتها ورجعته ..رد الفون شغل ضوة ..
