Closer to You

Chapter 14 - Bambi

"Teka, saan ba tayo pupunta? Kanina pa tayo naglalakad." 

"Just wait, Catelyn."

Napapairap na lang siya habang naglalakad sila, iniwan niya ang dalawa sa labas ng room nila kanina. Mamaya na lang siya mag-e-explain. At saka, anong husband? Baliw talaga 'to, tsk! Baka kung ano na naman ang isipin nung dalawa.

Napatingin pa siya sa kamay nilang magkahawak. Naalala niya ang sinabi ni Larkin kanina pagkaalis nila. 

"I don't like seeing you with that guy."

"Sino?"

"That Lawrence," nagseselos ba siya?

"It's Clarence," pagtatama ni Belle sa sinabi niya. 

"Whatever," lihim na lang na ngumiti si Belle. Nagseselos nga siya..

Napakunot ang noo ni Belle nang lumiko sila ng daan, patungo iyon sa gymnasium ng university. Malayo palang sila pero naririnig na niya tunog ng pagtalbog ng bola mula sa loob. 

Pagkapasok nila ay napalingon kaagad siya kay Larkin. 

"Belle!" Nilingon niya ang tumawag sa kaniya. Kumaway si Louis sa kaniya na siyang may hawak ng bola. Namumukhaan niya ang ibang kasama ni Louis pero nakalimutan na niya ang mga pangalan nila.

Nagtataka siyang muling tumingin kay Larkin. "Anong meron?"

"It's just that they need to clarify something."

"Huh? Anong i-cla-clarify?" Takang tanong ni Belle kay Larkin.

Lumapit ang lima sa kanila.

"Hi, Belle!" Si Killian.

Nagtataka pa rin si Belle. Patuloy ang pagtataka niya kahit ng itanong ni Killian ang nangyari  isang taon na ang nakakalipas. Nang hindi pa rin siya nalilinawan ay inilabas na ni Killian ang cellphone niya at may ipinanood sa kaniya. Pagkatapos niyang mapanood iyon ay hindi kaagad siya nakapagsalita. 

"We're sorry because of that, Belle. Kakasabi lang ni Larkin at nagulat kami. Hindi namin alam na narinig mo pala." Napakamot sa batok si Yianni. "But, here's the truth. It was just a vlog."

Akalain mong napasagot niya siya..

Belle didn't know what to say kaya nagpaalam muna siya sa kanila. Sinundan na lang siya ng tingin ni Larkin. Tinapik naman ni Louis ang likod niya bago nagpaalam. 

Malalim ang iniisip ni Belle ngayon, hindi niya namalayang nakarating na siya sa likod ng building nila kung saan maraming bench. Umupo siya doon at napabuntong hininga.