خدك الغيم و عيونك سما رحبه

١

فوت و كومنت جميلاً يشبهانك 💗🍯

"ماما قلت ماابغى ماابييه خلاص"
عصبت الأم وهي تسأل للمره الالف: عطيني سبب واحد يخليني اقتنع عطيني!!
غطت عيونها بكفيها وهي تتنهد بنفاذ صبر وحاولت تنهي النقاش مع أمها بهدوئ: ماما حبيبتي مافيه سبب هو كذا استخرت وربي ماكتب نصيب فيه مافيه سبب ولا شيء والله
اشرت الأم عليها وقالت: ماقلت شيء بس انا ماني مقتنعه يعني لييش وش فيه رجال يصلي ويصوم ترفضينه ليه؟
انفجرت بشرى بقهرر: لوالله رجال هاا؟؟ أهله أجواد وأصيلين هاا؟؟ والله والله اني اجلس عانس لنهاية عمري احسن من اني اخذ واحد نظره زايغ واهله ماصخين اجل انا يسوون فيني حركات مسلسلات وااه طلعت قدامه بالغلط وحبها و حبته و يلا نزوجهم لييه وين حنا عايشن؟؟ حتى هو لما طلعت قدامه ماصد جلس يناظر وين المرجله؟؟؟ واخواته الي مسووين جلسات وسوالف طلعت كلها مصلحه عشان يختبرن تفكيري و عقليتي ماكفتهن السنين الي عاشنها معي ويسون كذا ع اساس يتعرفن علي!!! وامه امه الي طول وعرض مااستحت ترسلني افتح الباب ع اساس ماتعرف مين يطق و انا على نياتي اسأل مين عشان يسمع صووتي.. اسمعيني زين ياامي يام جمال لاعاد تفاتحيني بموضوعهم امسحيهم من راسك للابد وشيء مهم انا قبل لااتزوج وقبل افكر بنفسي انا افكر بااطفالي بعدين افكر هل يكون الشخص ذا صالح و بيرعى اطفالنا وهل اهله ناس جيدين عشان يتربون ويعيشون عيالي بينهم؟؟ كل هذا افكر فيه وانا رفضتهم لانهم مايستاهلوني و لا يصلحون لي والا تدرين؟.. يحرم علي عيال الحاره ذي كلها صغيرهم و كبيرهم ولاعاد تجيبين لهم طاري اخذتي السبب الي تبين الحين فكوني

قالت هذا كله بنفس واحد ووجهاا محمر من عصبيتها و سرعة تنفسها قامت من الجلسه معها جوالها و راحت داخل.. بينما بقت أمها تناظر مكانها بتفاجاء وهي تحاول تستوعب كلام بشرى وترتبه وتتذكر كل شيء

دخلت بشرى غرفتها وهي تبكي بكتمه ماهي طايقه الي حولها ولاطايقه شيء تبي بس تبتعد لفتره عن كل شيء مافيه رجل في ذا الديره يستحقها تحس انها تستحق شخص افضل رجل صادق في موده في خوف من رب العالمين رجل يحترمها واهم شيء اهله يكونون ناس كويسين ناس محترمين تبي تتزوج اشخاص علاقتها هي واهلها معهم رسميه ماتبي الميانه ماتحبها خاصه اذا كانت فيها علاقه عميقه مثل العلاقه الزوجيه هي تبي تتزوج ماتبي تحارب الناس في علاقاتها تبي تخفف منها شوي!

تنهدت تمسح خدها وهي تاخذ نفس تعبت مرره ذي الفتره، توجهت للدرج واخذت لابتوبها وكتبها وهي تفتح طاولت الدراسه حقتها وتبدأ تذاكر لمنهجها هي عندها آمل انها بتصير ناجحه بتصير شيء كبير في المستقبل وراح يكون الزواج آخر القائمه..

في مجلس البيت كان أم جمال و أبو جمال يتكلمون والام ماهي على بعضها ناظر ابو جمال بتعجب ونطق: وش بك يافرح؟
نطقت فرح (ام جمال): والله مدري ندمانه مرره احسني متضايقه ودي اروح لبشرى اراضيها ماكان قصدي كذا كنت خايفه اذا رفضت ذا بعد تجلس من دون خطيب انت تعرف الحين مافيه من الديره احد الاغلب اصغر منها
ضحك ابو جمال (فواز): يابنت الحلال شفيك انتي؟ البنت بيجيها نصيبها انشاءالله خلي بنيتي الحين بدراستها ابي اشوفها متخرجه و نفرح فيها و رجلها المصون بيجي تفائلي بالخير
ام جمال: الله يجيب الخير و يكتب الافراح..

-بشرى بنت الـ٢٠ سنه ذكيه حيويه أنوثيه بطريقتها الخاصه تهووى المررح بشكل كبيرر تدرس جامعه عن بعد و مجتهده فيها تعيش بديره صغيره

صباح اليوم التالي..

جالسه بشرى على سفرة الفطور الي مجتمعه عليها عائلتها من اخوها الكبير جمال و الثاني متعب و اختها شروق و اخوها الصغير مجد و امها و ابوها

نطقت أمها بهدوئ: بشرى
ناظرتها بشرى وردت: سمي ماما
تنحنحت الام وهي تتكلم بنبره يحوفها الندم : بشورتي بنتي الغاليه وأنا أمك اعذريني علـ..
فزت بشرى من مكانها وهي تجلس جنب أمها تبوس راس أمها وتردد: محشومه من الاعذار ماعاش من تتعذرين له وأنا لاني متضايقه منك و لاشيء ماما
احتضنتها أمها بحب وهي تكلمها: اهتمي بدراستك وركزي عليها ابي اشوفك بااعلى المراتب ياروحي
صفق مجد الصغير وهو يقول: ماما الله
ضحك جمال وقال: اييه وانا اخرك شفت اختك حتى امها انهدت قدامها اختك تطيح الجبال لجلها
لمار بغرور: هذي بشوررتيي مو اي احد
متعب وهو يشرب شاهي: يازينكم بس الا ابوي ترا انا باخذ بشرى لأختبارها
رد ابو جمال: لا
متعب: ليه؟؟
ابو جمال: بنتي ذي مايوديها و يجيبها الا انا!!
لمار بضحك: ياغليلي يامتعب معوض خيرر
متعب بهمس: الله يسامحك ياابو جمال كاني ماني اخوها
ضحك مجد وقال: لانك متهور وهو يخاف عليها
متعب: بالله اسكت
قعدو يضحكون و يسولفون لين انتهو وكل واحد راح شغله..

عند بشرى الي جالسه على محاضراتها ومركزه معها فجأه تشتت فكرها و ظهر في بالها شخص غريب هو نفسه الشخص الي حلمت فيه البارحه عقدت حاجبينها بفهاوه وقالت: مين ذا؟؟
ناظرت حولها وشافت اختها شروق داخله وهي تكلم: اي اي الورد الابيض عروس هذي.. زين يلا
ناظرتها بشرى وقالت: ياكثر معارفك ياشروق مين هاذي؟
شروق بإبتسامه: هذي حصوص صاحبتي تهبلل عروس جديده تذكرينها الي درست معي جامعه
بشرى: اهاا ايوو اذكرها متى زواجها؟
شروق: بعد اسبوع
بشرى: الله يوفقها
وقفت بشرى رايحه عنها تتفرج على فساتينها بينما بقت بشرى تناظرها بهدوئ

في مكان ثاني في ديره ثاني..
كان في جلسته المعتاده والنار قدامه تلتهم الحطب و تحوله لرماد ونظراته مرتكزه عليها بينما أخوه جالس بجنبه ينتظره يتكلم او يقول شيء بس ماله اي صوت تنهد يردف: ادهم!
مارد كمل: يارجل كتمت نفسك و كتمتنا معك تكلم قل شيء لاتقعد كذا!!!!
تأفف ادهم ونطق بحده: ياليل الليل ياياسر خلني في حالي مالكم دخل فكونييي
رد ياسر بعصبيه: ماهو على كيفك أجل تقعد كذا مقفي عن الكل لين بكره ندخلك عند دكتور نفسي!!
ضرب ادهم الارض بعصاه ولف على ياسر بعيونه حارقه ينطق له: والله ثم والله لو امووت مكتوم و منهد الحيل ارحم لي من اني اهرج لقبيلتك المنافقين مير ابعد عني يارجل
قلب ياسر عيونه بتململ من كلام ادهم الي مايتغير ثم وقف وهو يعدل فروته: اقول بس لطاح الحطب الي براسك تعال للدكه عند الشباب
واتجه لسيارته يركب وحرك لطريقه، بينما بقى ادهم في جلسته بصحراء ديرته يناظر الأفق ' كيف؟ كيف يهان ادهم بن عبدالرحمن؟؟؟ وحرامن علي حرم الدم ياذاك الشايب ليذوق اضعاف ماذقت
كيف يتبلى علي اني انتهك حرمه واقول كلام ماينقال حتى مع النفس!! اخسس حرامن عليك شنباتك و شيب راسك'
تفل نهاية كلامه ازدراء من افعال الشايب ابو سالم الي تبلى عليه وقال انه يتقرب من محارمه وقام يهينه بكلام ماهو فيه!

تنهد يمسح على وجهه وقام يلف فروته ويطفي ناره عشان يرجع لأهل وأمه الي تتصل عليه..

يتبع..